Elbasani today

Atentat në Elbasan/ Autori çohet nga kafja dhe tenton të vrasë ‘kundërshtarin’, i ngec arma

Një ngjarje e rëndë u regjistrua sot në 15 gusht rreth orës 14:50 në një lokal në Elbasan, ku një person ka kërcënuar me armë zjarri një tjetër shtetas, brenda ambienteve të një lokali. Ndërhyrja ka shkaktuar panik te qytetarët, që ndodheshin pranë vendit të ngjarjes.

Përpara se të ndërmerrte aktin, autori i dyshuar, i cili mbante një kapelë në kokë, ishte ulur në një tavolinë i shoqëruar nga një femër.

Shembet kanali vaditës në Elbasan, bllokohet prej 3 orësh aksi Elbasan-Cërrik

Spitali Rajonal i Elbasanit vijon të ofrojë çdo ditë shërbimin e kimioterapisë për pacientët që vuajnë nga sëmundjet tumorale, duke garantuar trajtim të specializuar pranë vendbanimit të tyre dhe duke shmangur udhëtimet e vazhdueshme drejt kryeqytetit.

Ky shërbim konsiderohet një mbështetje e rëndësishme për pacientët onkologjikë dhe familjarët e tyre, pasi mundëson marrjen e trajtimit në kushte të sigurta, me staf të specializuar dhe në një mjedis spitalor të pajisur për këtë lloj terapie. Ofrimi i kimioterapisë në nivel rajonal lehtëson ndjeshëm barrën fizike, emocionale dhe ekonomike që shoqëron trajtimin afatgjatë të kësaj kategorie pacientësh.

Spitali Rajonal i Elbasanit është ndër qendrat ku ky shërbim vijon të funksionojë rregullisht, duke u shërbyer jo vetëm banorëve të qarkut, por edhe pacientëve nga zonat përreth që kanë nevojë për trajtim të vazhdueshëm.

Ndërkohë, sistemi shëndetësor pritet të zgjerojë më tej rrjetin e shërbimeve onkologjike në vend. Së shpejti do të vihen në funksion 9 njësi të reja rajonale të kimioterapisë, të cilat do të shtrihen në qytete të ndryshme të Shqipërisë. Ky investim synon të afrojë edhe më shumë shërbimin me qytetarët, duke u mundësuar trajtim cilësor pranë vendbanimit të tyre.

Hapja e këtyre njësive të reja pritet të ketë një ndikim të drejtpërdrejtë në përmirësimin e aksesit në kujdesin onkologjik, duke reduktuar kohën e pritjes për pacientët dhe duke ulur ndjeshëm fluksin në Spitalin Onkologjik në Tiranë, i cili përballon numrin më të madh të rasteve në rang kombëtar.

Ky zgjerim i rrjetit të kimioterapisë konsiderohet një hap i rëndësishëm drejt decentralizimit të shërbimeve shëndetësore dhe forcimit të kujdesit onkologjik në nivel rajonal, me synimin që çdo pacient të ketë mundësi të marrë trajtimin e nevojshëm sa më afër familjes dhe komunitetit ku jeton.

VETEM NJE KM LARG ELBASANIT FSHATI GODOLESH, SHKEPUTJET E ENERGISE ELEKTRIKE JAN KTHYER NE NORMALITET

Elbasan/Policia Rrugore apel për respektimin e rregullave të qarkullimit:

Shpejtësia dhe parakalimet e gabuara mbeten ndër shkaqet kryesore të aksidenteve

Shefi i Sektorit të Policisë Rrugore në DVP Elbasan Kryekomisar Viktor Dulaj ka apeluar për rritjen e përgjegjshmërisë së të gjithë përdoruesve të rrugës, duke theksuar se shumica e aksidenteve rrugore shkaktohen nga mosrespektimi i rregullave të qarkullimit dhe jo nga infrastruktura.

Ai theksoi se shkeljet që evidentohen më shpesh janë tejkalimi i shpejtësisë, parakalimet e gabuara, përdorimi i telefonit gjatë drejtimit, mosvendosja e rripit të sigurimit, mosrespektimi i sinjalistikës, parkimet e gabuara, si dhe qarkullimi i automjeteve me xhama të errësuar jashtë standardeve dhe me skrapamente të modifikuara që krijojnë ndotje akustike.

Policia Rrugore e Elbasanit vijon kontrollet intensive në të gjitha akset e qarkut, me fokus parandalimin e shkeljeve që janë burim aksidentesh, duke përdorur të gjitha mjetet ligjore për rritjen e sigurisë rrugore.

Në përfundim, Policia Rrugore u bën thirrje të gjithë drejtuesve të mjeteve të respektojnë kufijtë e shpejtësisë, të mos përdorin telefonin gjatë drejtimit, të vendosin rripin e sigurimit, të shmangin parakalimet e rrezikshme dhe të respektojnë këmbësorët, duke kontribuar në mbrojtjen e jetës dhe rritjen e sigurisë në rruge

Banoret e Prrenjasit jan ngritur ne proteste kunder bashkimit me Bashkine e Librazhdit

Rreth orës 20:30, në lagjen "Vullnetari", Elbasan, në verandën e një lokali, një shtetas ende i paidentifikuar ka qëlluar me armë zjarri, pistoletë, në drejtim të tre shtetasve: A. T., 32 vjeç, R. M., 31 vjeç, dhe B. H., 19 vjeç, të cilët janë plagosur, jashtë rrezikut për jetën.

Në momentin e ngjarjes, në brendësi të lokalit ndodhej një oficer policie jashtë shërbimit, i cili, sapo ka dëgjuar të shtënat, ka dalë menjëherë dhe është vënë në ndjekje të autorit.

Gjatë ndjekjes, autori ka hedhur armën e zjarrit dhe ka mundur të largohet në thellësi të lagjes. Forca të shumta të Policisë kanë rrethuar zonën në një perimetër të gjerë dhe vijojnë kontrollet intensive për lokalizimin dhe kapjen e tij.

Ndërkohë, grupi hetimor, nën drejtimin e Prokurorisë, po vijon veprimet në vendin e ngjarjes për sqarimin e plotë të rrethanave, si dhe për sekuestrimin e çdo prove që do t'i shërbejë hetimit për identifikimin dhe kapjen e autorit.

Të shtëna me armë zjarri janë raportuar mbrëmjen e kësaj të hëne në Elbasan. Ngjarja ka ndodhur në një lokal në lagjen "Banesa"