Midassy

قالك كاين 3 شخصيات : مستهلك، مقتصد، مفكر.. بين 3 عندهم نفس المدخول الشهري..

✔️المستهلك يصرف كامل دراهمو في شراء أمور استهلاكية مثلا يشري ماكلة حوايج كتب.. و ما يدخر ولا دينار

✔️المقتصد يفضل هو يعمل كلش فالدار و ما يشريش من برا..و الدراهم لي يوفرهم في آخر الشهر يستثمرهم فالذهب ولا سلعة تطلع قيمتها مع الوقت

✔️المفكر يشري مواد خام، جزء منها يخدم بيه مواد استهلاكية ليه، و الباقي يخدم بيهم مواد استهلاكية و يبيعها للناس (مثلا ما يشريش ملابس من برا، يشري قماش و خيط و يخيط ملابس ليه و يزيد يخيط قطع يبيعها للناس) و الأرباح لي يدخلها يزيد يستثمرها و يوسع راس مالو

معناه : المستهلك عندو مصدر دخل واحد فقط (الراتب)، المقتصد عندو زوج مصادر دخل (الراتب + عائد الاستثمار) و المفكر عندو 3 مصادر دخل (الراتب + أرباح المبيعات + عوائد الاستثمار)

نفس المدخول، لكن طريقة التصرف في المدخول من تصنع الفرق

✅ الفايدة لي تخرجي منها هي :كي تسمعي كلمة "مشروع" ماشي معنتها راس مال كبير و حانوت و ماتريال غالي...
مهما كان دخلك يالوكان 1000 دج تقدري تكبريه و تنوعي المداخيل تاعك و تكبري راس مالك... بدلي برك العقلية تاعك من عقلية المستهلك وين تعرفي تصرفي دراهك برك، لعقلية المفكر وين تخممي كيفاش هدو الدراهم يجيبولك دراهم جدد..."الأهم من المـال هو إدارة المـــال" 👌