DZ Automobile

المدير التنفيذي لـ Audi: شاحنة بيك-أب هي آخر شيء ممكن نصنّعوه
Audi معروفة دايمًا بالتفكير خارج الصندوق، ويمكن A2 الغريبة هي أحسن مثال على استعداد Ingolstadt للتجريب والمغامرة. كان كاين حتى وقت تقدر تشري فيه Q7 بمحرك ديزل V12، وفي نفس الوقت كانت R8 بمحرك خماسي الأسطوانات قريبة بزاف باش تولّي حقيقة. وفي مرحلة معيّنة، كان حتى نموذج وحيد من RS4 Avant لابس هيكل TT.
لكن رغم أن العلامة الفاخرة هذي تفاجئ الناس من وقت لآخر، إلا أنها ما توصلش لدرجة تصنيع شاحنة بيك-أب. في مقابلة مع المجلة الأسترالية Drive، المدير التنفيذي تاع Audi، Gernot Döllner، رفض الفكرة نهائيًا وقال:
"نقدر نقول بلي البيك-أب هو آخر مفهوم نقدر نتخيّل يكون من Audi. ما لازم تقولش لا أبدًا، بصح في الوقت الحالي… هو آخر فئة نقدر نتخيّلها."
سلفه كان يشوف الأمور بطريقة مختلفة. Markus Duesmann صرّح في 2022 وقال: “ما نقدرش نعدكم بلي راح نديروها، بصح راهي ضمن الخيارات اللي ندرسوها.” وبالنظر للأمور اليوم، من المرجّح أن المدير السابق تاع Audi كان يقصد النموذج الغريب Activesphere concept اللي تْكشف عليه في بداية 2023.
هذا النموذج جا على شكل SUV بتصميم غير معتاد، فوق السقف باش يفتح مساحة تحميل خلفية. بصح هاد المركبة المرتفعة، ذات الأربعة أبواب، ما دخلتش أبدًا حيّز الإنتاج، وما كان حتى واحد متوقع بجدية أنها تدخل. رغم هذا، كانت فكرة مثيرة لسيارة فاخرة متعددة الاستعمالات.

عودة Pagani Huayra للاحتفال بالذكرى السبعين لهوراشيو

سابقا شركة Pagani كي وصل مؤسّس الشركة هوراشيو باغاني لسن 60 سنة، العلامة الإيطالية الفاخرة احتفلت بالمناسبة بإطلاق Zonda HP Barchetta . وبعد عشر سنين، جات Huayra 70 Trionfo الجديدة باش تحتفل بمحطة جديدة في حياة صاحب العلامة الذي كان يشغل منصب كبير في المهندسين Lamborghini.
هي نسخة جريئة بزاف من سيارة كانت تقنيًا متقاعدة من سنوات، باش تفسح المجال لـ Utopia. بصح إذا نعرفوا طريقة خدمة Pagani، ماشي مفاجأة كبيرة نشوفوا Huayra راجعة للأضواء من جديد. مقارنة بالنسخة العادية، غير الأبواب وإطارات النوافذ هما اللي بقاو كما هم. باقي الهيكل كامل جديد، بما فيه المصابيح الأمامية ذات النقاط المزدوجة، اللي تذكّرنا بنسخة خاصة أخرى من Huayra، وهي Codalunga.
التخلّي على تصميم المصابيح الرباعية عطى نفس جديد لقسم التصميم، رغم أن ألوان ألياف الكربون بالأخضر والبرتقالي كانت أصلاً لافتة للنظر بزاف. Pagani قالت بلي راح تصنع غير ثلاث نسخ فقط، من دون ما توضّح إذا كانوا سيارات جديدة كليًا ولا تحويلات لسيارات موجودة من قبل. وكدليل على تعلّق العلامة بالأسماء الخالدة، Zonda أثبتت العام اللي فات “خلودها” مع نسخة Unico، بعد حوالي 26 سنة من ظهورها الأول.
الهيكل شديد العدوانية والديناميكية الهوائية المتطرفة يوحي بلي 70 Trionfo مبنية على أساس Huayra Roadster BC. هاد الطراز كان مزوّد بمحرك Mercedes-AMG V12 توين-تيربو سعة 6.0 لتر، بقوة رهيبة توصل لـ 791 حصان و 1050 نيوتن/متر من العزم. ناقل حركة أوتوماتيكي يدوي من 7 سرعات يبعث القوة للعجلات الخلفية، وكل هذا في سوبركار وزنها غير 1.250 كلغ.
لكن هوراشيو باغاني Huayra 70 Trionfo كشف في منشور على إنستغرام بلي Pagani رفعت السقف أكثر، حيث ولى محرك AMG يخرج 834 حصان. والأحسن من هذا كامل، أن القوة تتنقل عبر ناقل حركة يدوي من 7 سرعات، بدل العلبة الأوتوماتيكية اليدوية تاع Huayra Roadster BC. وماشي أول مرة نشوفوا Huayra بناقل يدوي كامل؛ نسخة Epitome 2024 جات بناقل يدوي كلاسيكي ، ونسخة Huayra Codalunga المكشوفة اللي خرجت العام الماضي كانت هي كذلك بناقل يدوي حقيقي.
Pagani ما ورّاتش النسختين الأخريين من Huayra بمواصفات 70، لكن حسب التسريبات و الاخبار المتداولة، هذه هي النسخة الوحيدة اللي تصنّعت باسم Trionfo، واللي معناها بالإيطالية “النصر”.

المعاني اللي ورا شعارات سياراتك المفضلة
هذ الشعارات راهي محفورة بعمق في ذاكرتنا الجماعية، بصح هل
تعرف علاش استعملوها أصلاً وشني معناها الحقيقي؟
افتح الصور لقراءة الشرح تحت كل صورة

مرسيدس-بنز دارت تحديث شامل على افخم سياراتها S-Class، باش تحسّن الأداء، الراحة، والتكنولوجيا في سيارة تعتبر مرجع في فئة السيارات الفاخرة.
الـ S-Class الجديدة جات تزامنًا مع مرور 140 سنة على براءة الاختراع اللي سجلها مؤسس الشركة كارل بنز لأول مركبة بثلاث عجلات تعمل بمحرك بنزين، واللي ولات معروفة باسم Benz Patent-Motorwagen، أو أول سيارة في العالم.
ورغم بلي ما كان حتى شبه كبير بين أول سيارة وS-Class الحالية غير فالاسم، تقول مرسيدس بلي الـ S-Class الجديدة “تكمل إرث التميز” اللي بدا قبل 140 سنة بمحرك قوتو 600 حصان.
كيف العادة، S-Class رايحة تكون سيارة “مرجعية”، يعني تدخل تقنيات جديدة، أفكار تصميم، وحلول تقنية اللي من بعد يهبطو لباقي سيارات مرسيدس، خاصة وأن العلامة ناوية تطلق قرابة 40 موديل جديد حتى نهاية 2027.
من الخارج، التغيير تطوري وماشي جذري، بصح مرسيدس تقول بلي هذا أوسع تحديث دارتو S-Class في نفس الجيل. أكثر من نص القطع – حوالي 2700 قطعة – تبدلات أو تحسنت.
كل هاذ التحديثات في التكنولوجيا، التجهيزات، التصميم، الشاسيه والمحركات جات باش ترسّخ مكانة S-Class في سوق سيارات السيدان الفاخرة اللي ولى تنافسي بزاف. وراح تبقى هكذا حتى نهاية العقد، وين راح تتبدل بجيل ثامن مختلف كليًا، مع خيار محرك كهربائي 100% يعوّض EQS الحالية.
محركات جديدة وقوية أهم جديد في موديل 2026 هو محرك V8 جديد كليًا، دار انتقال من cross-plane crankshaft لنظام flat-plane باش ينقص الانبعاثات ويحسّن السلاسة والقوة.
محرك 4.0 لتر توين-تيربو M177 Evo يجي مع نظام هايبرد خفيف 48V في S580 4Matic، بقوة 530 حصان و553 lb-ft، وتسارع من 0 لـ 100 كم/س في حوالي 4 ثواني.
المحرك زادولو تحسينات في البخاخات، السحب، عمود الكامات والتيربو، وهذا يعطي استجابة أفضل، اقتصاد أحسن، وقوة أنعم.
محرك S500 سداسي الأسطوانات زادتلو قوة العزم حتى 472 نيوتن متر مع تحسينات في الراحة.
أما الديزل، ولى فيه محفز كهربائي يسخن وحدو – أول مرة في سيارة إنتاج – باش يقلل الانبعاثات من أول تشغيل.
كل المحركات هايبرد خفيف. كاين أيضًا S580e pulg-in هايبرد، بمدى كهربائي (حوالي 100 كم)، وقوة إجمالية 577 حصان، أقوى حتى من نسخة V8.
منافسة شرسة قبل، S-Class كانت تنافس غير Audi A8، BMW الفئة 7 وLexus LS. اليوم، السوق تبدل بزاف.
الناس ولات تفضّل SUV فاخرة كيما Range Rover وBentley Bentayga. وحتى MPV فاخرة كي Lexus LM، Denza D9 وZeekr 009 دخلت المنافسة، خاصة في الصين.
باش تواكب الطلب، مرسيدس رايحة تطلق VLS العام الجاي، نسخة فاخرة بزاف من VLE، مبنية على كونسبت Vision V.
وقريبًا راح تطلق GLS محدثة بقوة، بتقنيات قريبة من S-Class، وزادة نسخة Maybach S-Class جديدة، خاصة وأن المايباخ تمثل ثلث مبيعات S-Class عالميًا، ونصها في الصين.
مقصورة خلفية = مكتب متنقل
مرسيدس تقول بلي المقعد الخلفي ولى “قاعة اجتماعات على عجلات”:
شاشات خلفية 13.1 إنش
أجهزة تحكم كي الهاتف
شحن لاسلكي وسريع
ثلاجة
حاملات أكواب مبردة ومسخنة
كاميرات HD للاجتماعات عبر Zoom وTeams
طاولات تطوى مستوحاة من درجة رجال الأعمال
راحة وقيادة داخل المدينة نظام التعليق الجديد يستعمل معلومات من سيارات مرسيدس أخرى عبر السحابة باش يجهز المساعدات قبل المطبات الكبيرة.
العجلات الخلفية تولي تدور حتى 4.5 درجات عادي، و10 درجات اختياري، وتنقص دائرة الدوران بحوالي مترين.
تصميم وهيبة الشبك الأمامي كبر بـ20% وتزين بنجوم مضيئة 3D. شعار مرسيدس فوق الغطاء ولى يضوي لأول مرة.
المصابيح الأمامية فيها microLED، تنور الطريق أكثر بـ40%، مع ضوء عالي يوصل حتى 600 متر.
تكنولوجيا ذكية S-Class أول سيارة تستعمل الجيل الرابع من MBUX، بذكاء اصطناعي من Bing وGoogle Gemini.
المساعد الصوتي “Hey Mercedes” ولى يفهم الحوارات المتعددة ويحفظ السياق.
المقود رجع فيه أزرار حقيقية استجابة لرغبة الزبائن:
السرعة تثبت بزر، والصوت يرجع بعجلات تقليدية.

جينيسيس: سوبر كار أوف رود بقوة 1100 حصان

سكوربيو اكس هي آخر كونسبت في سلسلة تصاميم تخطف الأنظار، وتبيّن مستقبل جينيسيس في الأداء العالي.
جينيسيس كشفت على SUV خارقة مخصصة للأوف رود بمحرك V8 بقوة 1100 حصان، كرسالة واضحة لنية العلامة في إطلاق فئة جديدة من السيارات الفاخرة المتطرفة.
بعد G90 Wingback، وX Gran Equator، وMagma GT، جا سكوربيو X كتصور جينيسيس لسوبر كار “مصممة لقهر أقسى التضاريس”.
هي عمليًا سوبر كوبيه، أقوى حتى من فيراري 849 Testarossa، بعزم دوران ضخم يوصل لـ 850 نيوتن متر ، وقدرات أوف رود تنافس سيارات رالي داكار .
جينيسيس تقول باللي سكوربيو “تحط معايير جديدة في القيادة الاوف رود”، بعجلات 18 إنش beadlock، مركّب فيها إطارات عملاقة 40 إنش، فرامل Brembo مخصصة للسباقات، ونظام تعليق أوف رود قوي يعطيها ارتفاع كبير عن الأرض.
تحت الهيكل القاسي وصفائح الحماية، التصميم مازال وفيّ لهوية جينيسيس الجديدة، بإضاءة LED مزدوجة تلتف حول كامل السيارة، مع الواجهة الأمامية على شكل V المعروفة للعلامة.
مدير التصميم في جينيسيس، لوك دونكرفولكه، قال باللي سكوربيو جزء من سلسلة كونسبتات هدفها تعزيز صورة العلامة كفخمة وموجهة لعشاق السيارات.
قال: “نصنع سيارات كونسبت باش نلهمو ونشعلو الشغف برؤيتنا. هاذ السيارات تزيد الرابط العاطفي مع زبائننا وتبيّن أعلى درجات الرغبة اللي يحلمو بها. في جينيسيس، نصنع سيارات توسّع الإحساس وتبيّن فلسفتنا في التصميم وتكنولوجيا المستقبل اللي تطوّر أسلوب الحياة.”
ما كاش لحد الآن أي كلام رسمي على نسخة إنتاجية، بصح جينيسيس رايحة تطلق قريب GV60 رياضية كأول سيارة من علامة الأداء الجديدة Magma، وتنوي توسّع التشكيلة خلال السنة الجاية لمنافسة BMW M و Mercedes-AMG.

مرسيدس-AMG راهي تجهّز لإطلاق CLE كوبيه متوحشة ، بقوة تفوت 600 حصان، ومزوّدة بمحرك V8.
الـ CLE الجديدة هي ثاني موديل في سلسلة Mythos الحصرية تاع AMG، بعد SL 63 PureSpeed اللي خرجت في 2024.
حالياً راهي تتجرّب في السويد، ومخطط يدخلوا بها إنتاج محدود في آخر هاد العام، قبل ما تبدا المبيعات وتسليم السيارات للزبائن في 2027.
“إكستريم”، تمثّل رجوع قوي وحاسم لمحركات V8 في طرازات كوبيه تاع AMG، بعد الجدل الكبير اللي دار على محرك الأربع أسطوانات الهجين (Plug-in Hybrid) في C63 .
السيارة راح تكون مزوّدة بمحرك جديد V8 سعة 4.0 لتر توين-تيربو، مع flat-plane crank مستوحى من عالم السباقات، وهو نفس المحرك اللي راح يدخل الإنتاج في S-Class الجديدة، واللي من المرتقب الكشف عليها نهار 29 جانفي.
في S-Class، هاد الـ V8 يعطي أكثر من 530 حصان و550 نيوتن متر من عزم الدوران . بصح في CLE Mythos الأخف والأكثر تركيز على الأداء، القوة متوقعة تطلع بزاف، وتتجاوز 650 حصان، والعزم يفوت 590 نيوتن متر.
هذا فرق كبير مقارنة بـ CLE 53 الحالية، اللي فيها محرك 6 أسطوانات خطي 3.0 لتر تيربو، بقوة 443 حصان و413 نيوتن متر من العزم (443 مع خاصية overboost).
الزيادة الكبيرة في قوة الـ V8 تعني تسارع 0-100 كم/س أقل من 4 ثواني براحة، وسرعة قصوى تتجاوز لـ 300 كم/س نظريا.
استعمال flat-plane crankshaft — اللي المستخدم أول مرة في GT Black Series تاع 2020 يسمح بدورات أعلى للمحرك RPM، استجابة أسرع لدواسة البنزين، وكفاءة أحسن.
كذلك يخلي حجم المحرك أصغر، ويسهّل تركيبه في سيارات كيما CLE بلا تغييرات كبيرة في حجرة المحرك.
من ناحية الشكل، السيارة جاية بتصميم هجومي وموجّه لحلبات السباق. من التغييرات الباينة: واجهة أمامية معاد تصميمها، شبك جديد، فتحات وقنوات كثيرة لتبريد المكابح والمحرك. كذلك كاين توسعة في أقواس العجلات الأمامية والخلفية، وسقف من ألياف الكربون.
النموذج الأولي فيه كذلك جناح خلفي كبير، مصمّم يعطي (downforce) معتبر . منطقة الديفيوزر الخلفي تبدّلت أيضاً، مع أربع مخارج عادم بشكل شبه منحرف بدل الدائرية اللي في CLE 53.
بسعر يوصل لـ 900 ألف دولار حوالي 33 مليار في بلادنا الحبيبة ، ومع إنتاج محدود بـ 250 وحدة فقط، SL PureSpeed رايحة تعطينا فكرة واضحة على وش راهي جايبة CLE Mythos كي يتم الكشف الرسمي عليها لاحقاً هاد العام: سعر خيالي وإنتاج نادر بزاف.