Codex solutions
Share
Senior .NET Developer | Building Scalable Web with Clean Architecture تطبيقات ويب
تطبيقات سطح المكتب
تطبيقات موبايل
🚨 من "العدم البرمجي" لقمة الـ Clean Architecture:
إزاي هنبني من الصفر سيستم ERP ميت ومفهوش ريحة الـ OOP؟ 💀📉
وإحنا بنعمل الـ Audit الكامل لسيستم الـ ERP القديم للمرسى، خبطنا في مشكلة الـ Data Model الشهيرة اللي بتدمر داتابيز الشركات الكبيرة..
تكرار بيانات الأشخاص!
📌 السيناريو الواقعي للـ Use Case:
شخص في المرسى بيبدأ معانا كـ مستثمر (Investor) بيمتلك يخوت، وبعد فترة الإدارة بتعينه
كابتن (Driver) يطلع رحلات بعمولة، وفي نفس الوقت او ممكن في نفس الوقت يكون هو اللي بيسوق اليخت او القارب بتاعه وبياخد عموله او ممكن شخص اخر وبرضو هو ياخد عمولته وفي نفس الوقت
بياخد صلاحيات مشرف كموظف (Employee) بمرتب ثابت!
🛑 في السيستم الميت القديم: اسم الشخص، وتليفونه، وهويته مكررين في 3 جداول منفصلة!
عك في العلاقات، وكوابيس في القيود المالية والحسابات .
💡 النهاردة بدأت فعلياً أفرش أول طوبة في الـ Code-First والـ Domain Core النظيف.. وقررت أطبق مفهوم الـ Composition / Profile Mapping بدل الـ Inheritance
لتفكيك العك ده بالمسطرة.
🎬 بكرة الساعة 10:00 الصبح، فيديو عملي دسم جداً من سلسلة على قناة كودكس (Codex)، هنشرح فيه بالملي إزاي بنبني الـ Rich Domain Models مع Onion Architecture + CQRS + MediatR + Unit of Work عشان نخلي السيستم يستوعب الـ 3 Use Cases دول لشخص واحد وبدون سطر داتا واحد متكرر!
جاهزين ومستنيين؟ قولي في الكومنتات لو واجهتك المشكلة دي قبل كده كنت بتحلها إزاي؟ 👇🔥
🚨 أول عملية جراحية لسيستم ميّت.. من العك الحقيقي لـ Clean Architecture! 🧠💉
أول فيديو من سلسلة مسيرتي الواقعية نزل رسمي على قناة كودكس (Codex)!
في الفيديو ده مش هنتكلم عن كود المثاليات اللي بنشوفه في الكورسات، إحنا فتحنا "المطبخ"
ورا لسيستم ERP حقيقي شغال في السوق وبيطلع أرباح،
بس الكود بتاعه عبارة عن جزر منعزلة والـ Connections مفتوحة يدوي
بـ ADO.NET في كل شاشة.. كارثة Concurrency متحركة! 🤦♂️
هتشوفوا معايا الـ Audit الكامل للكوارث اللي لقيناها في الـ Database والـ Codebase القديم، وازاي هنرسم خطة النقل والـ Refactoring لـ .NET Core
وبناء Clean Architecture على مية بيضا.
📺 اتفرجوا على الفيديو، ومستني رأيكم وكومنتاتكم: إيه أغرب كارثة برمجية صدمتكم قبل كده في سيستم قديم؟
مساء الفل يا سنيورز وجونيرز..
جالي قلب أفتح مقبرة الفراعنة التقنية بتاعتي! 😂
وأنا بنبش في ملفات ومشاريع قديمة، عيني وقعت على
سورس كود لأكتر من مشروع لسيستم ERP ضخم كنت شغال عليه زمان
السيستمز دي شغاله في الإنتاج وبتطلع تقارير
وزي الفل ، بس الصدمة لما فتحت المطبخ
ورا (الـ Database والـ Codebase)..
بجد جالي ذهول تقني من كمية العك! 😬
لقيت جداول ضخمة عبارة عن جزر منعزلة مفيش بينها علاقة واحدة صريحة
(الـ Integrity مبنية بدعاء الوالدين جوة الكود)، ناهيك عن الـ Connections المفتوحة يدوي
في كل شاشة، والـ Concurrency اللي موجوده
عشان كده.. قررت أبدأ تحدي من العيار الثقيل! 🔥
الجزء الجديد من مسيرتي الواقعيه
مش هيكون نصايح نظري ولا بوستات عادية..
أنا هاخد السيستم الميت ده عملية جراحية قدامكم!
هيدخل غرفة العمليات متبهدل ومبني بأسلوب قديم، ومش هيطلع غير وهو متقفل
بـ .NET Core وحديث ومبنيله Clean Architecture
على مية بيضا، عشان نشوف مع بعض إزاي بنتعامل مع العك الحقيقي في سوق العمل بعيداً عن كود المثالية بتوع اليوتيوب.
المعركة هتبدأ قريب جداً،
واللقطات الأولى بتتحضر..
جهزوا نفسكم لرحلة ممتعة ومليانة صدمات وحلول حقيقية! 🚀
وقولولي في الكومنتات لتسخين الأجواء: إيه أغرب كارثة برمجية صدمتكم لما فتحتوا سيستم قديم كان شغال وشايل بيزنس؟
شاركوني صدماتكم! 👇
23/02/2026
سمارت كلينك
نظام شامل لإدارة العيادات بسهولة واحترافية، يساعدك على
تنظيم المواعيد وحجوزات المرضى بشكل ذكي
إدارة ملفات المرضى الرقمية مع حفظ التاريخ الطبي والصور والتحاليل
متابعة وصفات المرضى والتقارير الطبية بسهولة
واجهة سهلة الاستخدام لكل من الإدارة والدكاترة والمرضى
توفير الوقت والجهد مع زيادة دقة المعلومات
النظام مصمم ليكون سريع، آمن، ومتوافق مع احتياجات العيادات الخاصة، مع إمكانية توسيعه ليناسب حجم العيادة وعدد المستخدمين.
https://youtu.be/aI5NWxV73YU?si=6OVSG7wrK_c0RN1G
Click here to claim your Sponsored Listing.
Category
Website
Address
Alerts
Be the first to know and let us send you an email when Codex solutions posts news and promotions. Your email address will not be used for any other purpose, and you can unsubscribe at any time.