Nightt

أختي رزقت بطفل من 4 شهور، والكل في العيلة بيقول إنه شبه طليقها.. بس أنا شايفة حاجة تانية خالص ومخلية النوم يطير من عيني.
الطفل ملامحه، لون بشرته، وشكل تفاصيل وشه فيها شبه مطابق بشكل غريب جداً من جوزي، ومش قادرة أشيل الفكرة من راسي.
الموضوع مأثر فيا أكتر لأن بفتكر فترة من سنة تقريباً، لما أختي جت قعدت عندنا في البيت كام أسبوع بحجة إنها بتمر بظروف صعبة ومحتاجة تغير جو. وقتها كان بيني وبين جوزي خلافات كبيرة وكنا شبه منفصلين في نفس البيت وكل واحد بينام في أوضة، وكنت بنزل شغلي بالساعات وارجع ألاقيهم قاعدين بيتكلموا عادي.. ساعتها كنت بقول دي أختي وجوزي ومفيش داعي لأي سوء نية.
دلوقتي، بقيت ألاحظ تفاصيل بتزود حيرتي: نظراتها وتصرفاتها قدامه مش مريحة، وهو في نفس الوقت بقى يتوتر جداً، ويتجنب يشيل الطفل أو حتى يبص له لما بيشوفه.
من يوم ما الشك دخل دماغي وحياتي اتقلبت جحيم، وبعدت عن جوزي وبنام لوحدي ومش قادرة أتعامل طبيعي.
أنا تايهة ومرعوبة: خايفة أواجه أو أفتح الموضوع وأطلع بظلمهم وأخرب بيتي وعلاقتي بأختي، وخايفة أسكت وأدفن راسي في الرمل وأعيش طول عمري بتعذب بالشك ده.
شايفين أتصرف إزاي بعقل وهدوء عشان أوصل لراحة بالي؟ هل دي أوهام من وساوس الشيطان ومبالغة مني، ولا الموقف يقلق فعلاً؟

انا مكتوب كتابي وممكن افسخ واطلق بسبب مشكلة ماليش ذنب فيها
كتب كتابي كان من يومين قبل كتب الكتاب باسبوعين كانت خطوبة أختي عملناها عائلية في البيت وعزمنا قرايبنا واصحابنا ماحدش من اهلي عزم خطيبي ولما قلت لهم قالو لي لا ماحدش هيقول له عشان ممكن يجيب حد من أهله معاه والعدد مايسمحش عشان البيت صغير وكدة مع أن عزمو معظم قرايبنا وجيراننا
خطيبي عرف قبل يوم كتب الكتاب بيومين حد من قرايبنا عايز يوقع بيننا حكي له سألني وقلت له كانت علي الضيق قال لي علي الضيق لدرجة أن الشارع كله كان في بيتكم يعني الناس الي راحت دي اقرب ليكم مني انتو كدة بتعاملوني علي أن انا غريب وقفل معايا
يوم كتب الكتاب كان في قاعة تجاهل اهلي تماما ولا سلم علي اي حد فيهم راح جابني من الكوافير وروحنا علي القاعة ورفض اختي تركب معايا في العربية وقال لها معلش هاخد اختي في الطريق ونزلها وأحرجها ومن ساعة كتب الكتاب ماتصلش بيا ولا بحد من اهلي ولما بنتصل عليه مش بيرد وقال لي كل ده رد فعل طبيعي وبعد الجواز أهلك دول انا مش هدخل لهم بيت ولا هروح لهم أي مناسبة انا مش هقدر امنعك عنهم اي وقت حابة تروحي هوديكي بس هوصلك وارجع
حاسة أن الحياة هتبقي صعبة معاه هوا حلف أنه هيعمل كل الكلام ده وبيخيرني أن لو عايزة افشكل افسخ من دلوقتي
وانا تايهة و مش عارفة اعمل ايه
هل انا ليا ذنب في حاجة هوا اهلي غلطانين بس هوا كبر الموضوع اوي

السلام عليكم
محتاجه نصيحه لو سمحتم
لو متقدملي شاب 35 سنه طبيب جر.احه .تجميليه وانا 30 سنه طبيبه اسره.
والشاب ده عايزني زوجه تانيه بعلم الزوجه الاولي لانها لاتنجب وشا.لت الر..حم. وهيعمل فرح كبير وكل حاجه واشهار وهو من عيله كلها أساتذة في كلية الطب وسألنا عنه والناس كلها تشهد بأخلاقه وفعلا هو كلامه هادئ ورزين وماشاء الله كجمال جميل ومتدين وحافظ لكتاب الله وده اول واحد احس براحه شديده ناحيته لدرجه اني تعلقت بيه تعلق شديد من اول مرة وانا طبعا شغاله حكومه فقط
وفي اول جلسه كان صريح معايا ومع والدي وطلب ان اخد اجازة بدون مرتب وهيديني مصروف بما يعادل راتبي وهو اللي هيجهز كل شيء ومش هيكتب قايمه ويجيب دهب ب ٤٠٠ الف ومهر ٢٠٠ الف والزواج في شقه تمليك
والدي ووالدتي كمان فرحانين بيه جدا ولكن في نقطتين مأرقني
الاولي انه أجمل مني بكتير اللهم بارك
التانيه صحباتي بيقولوا ليه تاخدي واحد متزوج وانه كده بظلم نفسي
وانا صراحه لقيت فيه كل المواصفات اللي كنت بتمناها فياريت نصيحه منكم اعمل ايه

ياريت بدون اسم
- انا تقدمت لخطبه بنت شوفتها واعجبت بيها وسألت عليها ف المنطقه جميع الجيران قالولي والدها متوفي من وهيا صغيره وشهدوا لها بالادب والاحترام والاخلاق ، ولكن لما تقدمت ليها وحصل بينا كلام وكدا لقيتها صارحتني مصارحه صادمه جدا

انها كانت مخطوبه قبل كدا لشخص طلع مش كويس وحصل تجاوزات بينها وبينه والتجاوزات دي خليتها مش بنت وبتحلف انها ملهاش يد ف الموضوع وكانت بترفض دا لكن للاسف كان بيحصل .
- وبسبب الموضوع ده كانت بترفض عرسان يامه اووي لكن بسبب ضغط والدتها حاليا وانها تعبت بأزمات قلبيه بسبب ان بنتها بترفض جميع العرسان قبلت انها تقعد معايا ونفسيتها مدمره وعندها احباط نفسي رهيب .

- وانا وصلتلها الفكره اني معنديش مشكله ف الموضوع وبالنسبه ليا عادي وهنكمل مع بعض وهنتخطب ونتجوز عادي وخلاص وصفحه واتقفلت ومتقلقيش وانتي مفيش حاجه تعيبك وريحتلها نفسيتها وحبيت اكون سبب ف الراحه "ومن ستر مسلما ستره الله في الدنيا والآخرة"

- هل انا اخطأت هنا وهل الموضوع ده هيكون سبب ف مشاكل بعد الجواز علما بأن ملابسات حياه البنت اجبرتني ع التعاطف معاها لان الوالد متوفي من سنين كتير وملهاش حد ف الدنيا غير والدتها فقط ووالدتها طيبه وانا احترمت صراحتها جدا وقبلت بهذا الوضع .

‏"والله؛ نحن لا نريد من الدنيا غير سلامة القلب، وأن نكون في المكان الذي نحبه، مع أشخاصٍ نحبهم.. نريد السلام، وألا نؤذي ولا نؤذى.. اللهم ارزقنا السماحة والذكر الطيب وسلامة الصدر بعيدًا عن الدنيا وما فيها."

ماهي الـسـوره التي ذكر فيها 11نبي وفي آيه واحده

ماهو الشي الذي خلقه الله وانكره؟

ما معنى كلمة "حَرَدٍ" في قـوله تعـالى: (وَغَدَوْا عَلَىٰ حَرَدٍ قَادِرِينَ)؟

"كانت الخطة أن نشيب معاً ، مش نِشّيّب بعض .."🖤

ما هي الدولة العربية الوحيدة التي ذُكرت في القرآن الكريم باسمها الحالي؟؟