She Said

خير يا جماعة انا نمت ساعة وصحيت لاقتني في قاع الهامور
هو في ايه !

اكتشفت ان احسن روتين مثالي للبشرة هو ده :
غسول-صن بلوك-مرطب

اي سيروم او كريمات تانية بتكون حظ بقى

سؤال بجد!؟

ليه لما بنتكلم عن الحيوانات بيبقى التركيز كله تقريبًا على الكلاب، بينما عدد القطط في مناطق كتير بقى أقل بكتير من زمان؟

القطط كانت جزء من البيئة في الشارع، وبتساعد في الحد من أعداد الفئران والقوارض. فهل فيه دراسات أو تفسيرات لاختفاء أعداد كبيرة منها؟
وهل جمعيات الرفق بالحيوان مهتمة بنفس القدر بالقطط والكلاب ولا فيه تركيز أكبر على نوع دون الآخر؟

ليه انسان عاقل يبهدل نفسه بنظام الطيبات ويمنع الادوية وهو عنده امراض مزمنة !!
حقيقي مش لاقية اي مبرر غير انه
انسان ب ي ن ت ح ر.

متتكلمش عن المعاناة وانت متعرفش معاناة واحد ضغطه واطي وفي الصيف وكل شوية يحس باغماء

هو الناس جرالها ايه !؟

دي مبقتش ام الدنيا
بقت ام الكلاب
الكلاب بقت محتلة الشارع
بترعب كبار السن والاطفال واي حد عنده خوف منهم
والكلبجية شايفين ان اي حد بيخاف من الكلاب ومش عايز يعيش معاهم في مناطق سكانية يبقى معندوش رحمة اللي هما اصلاً الكلبجية بياخدو فلوس عشان يتنزع منهم الرحمة ويبقو بني ادم براس كلب ويزودو عدد الكلاب في الشارع ويدخلوهم مناطق سكانية عشان يأذونا
فعلاً واضح مين اللي معندوش رحمة
الواحد بقى مش عارف ينزل يتمشى في الشارع يشم هوا ربنا حتى

الحل
الكلاب تعيش في مكان مخصص ليهم
والبشر يكونو في الاماكن السكانية بتاعتهم في امان
ومصر مليانة صحرا سهل يتعمل شلتر في مكان بعيد عن السكان ويتوفر اكل وشرب والكلبجية يروحو يأكلوهم ويزوروهم ويلعبو معاهم
ونبقى راضينا كل الاطراف .

خير يا جماعة هو كل المسلسلات طلاق طلاق طلاق !!
وكل مسلسل قصة انيل من اللي قبله !!
مفيش مسلسل واحد يهدي الاعصاب شوية ! وسط الظروف اللي الواحد فيها مش كفاية الدنيا هيبقى التلفزيون كمان جايب نكد !
لو عايزين تهدو المجتمع قولو متتكسفوش
اصل المجتمع غبي مبياخدش الحكمة والعبرة وبياخد الاحداث اللي في اول حلقات ويقول يا سلام انا هعمل كده وفي مسلسل فاهمني اهو يبقى انا صح
انتو بتناقشو ناس حافظة مش فاهمة
كفاية بجد الواحد قرفان يتفرج على حاجة
معادا مسلسلين دول اللي لازم الناس تشوفهم السنادي
(المداح - عين سحرية)
غير كده انا اسفة كله وجع اعصاب حتى لو في كوميديا فا مش في مكانها خالص على المواقف دي.

في الاخر كلها اراء.

متابعة مسلسل جديد اسمه نمبر وان😂

وهو اصلاً حمادة هلال نمبر وان من وجهة نظري لانه الوحيد اللي بيقدم اعمال هادفة وحاجات مختلفة عن الكل والراجل بيشتغل في صمت لا عامل قلق ولا مشاكل
شابوه حمادة هلال
Hamada Helal