AlAhly Statistics

معارين الأهلي :-

* بمشاركة نيتس جراديشار أساسيا.. سيراميكا كليوباترا يفوز على البنك الاهلي 2-0 في الدوري المصري

* بمشاركة إبراهيم عادل بديلا.. المقاولون العرب يفوز على وادي دجلة 2-0 في الدوري المصري

والله انا لو عايز ادعم حسين عموتة هكون محرج من نفسي وانا بقول كدة ، انا بدعم الاستقرار الفني قدر المستطاع وشايف أن تغيير المدربين غلط طبعا بس الغلط الأكبر بيبقى في الاختيار السئ .

أصل لما نلعب 5 ماتشات نتعادل ماتش ونكسب ماتشين +90 وماتشين تبقى فايز بالعافية ده مش منظر يستحق الدعم .

لما تبقى بتلاعب ابو قير وسايب الكورة وتأمن وانت فايز 1 بس دي عمرها ما حصلت قبل كدة .

المكسب حلو ومهم بس هى عمرها ما هتفضل ماشية معاك ، وانت جايب صفقات بمبالغ كبيرة جدا بتتحرق كل لحظة الأداء فيها بالشكل ده .

معارين الأهلي :-

بمشاركة محمد شريف بديلا.. الزوراء يفوز على القوة الجوية 1-0 في الدوري العراقي

معارين الأهلي :-

* بمشاركة نيتس جراديشار أساسيا.. سيراميكا كليوباترا يفوز على سموحة 2-0 في الدوري المصري

* بمشاركة محمد شريف بديلا.. الزوراء يفوز على الكهرباء 1-0 في الدوري العراقي

* بمشاركة إبراهيم عادل بديلا.. الاهلي يتعادل مع المقاولون العرب 1-1 في الدوري المصري

هفضل طول عمري مقتنع ان المدير الفني هو اللي بيختار فشله بنفسه وبيرسم الطريق باختياراته ، اختيارات زي كوكا وطاهر ووجود زيزو كلاعب 10 نفس أخطاء الاتنين مدربين اللي قبلك وفشلوا .

انت مش احسن منهم في حاجة عشان تعمل نفس الأخطاء وتستنى نتيجة مختلفة ، بل بالعكس اكاديميا الاتنين اكيد أعلى لأن التأسيس الأوروبي يكسب المغربي بدون شك .

انا مش بحكم على عموتة بالفشل بس هو مقدمش حاجة تخليني اقدر ادافع عنه أو أقول مع الوقت الفريق هيتحسن .

المشكلة حاليا أن مجلس الإدارة بين نارين ، ياما تختار الاستقرار الفني والصبر وتستحمل بس ساعتها لو اتأخرت وخسرت كل حاجة محدش هيرحمك .

أو إنك تتدارك الأمر بدري ووقتها أنت برضو حاطط ريسك كبير على إنك تجيب مدير فني بدون اعداد وعلى صفقات من اختيار عموتة .

معارين الأهلي :-

* بمشاركة نيتس جراديشار أساسيا.. سيراميكا كليوباترا يفوز على مودرن سبورت 2-0 في الدوري المصري

* بمشاركة إبراهيم عادل بديلا .. المقاولون العرب يفوز على الجونة 1-0 في الدوري المصري

* بدون مشاركة محمد شريف .. الزوراء يتعادل مع الموصل 2-2 في الدوري العراقي

بعد النتايج الايجابية الأكيد أن المكسب الفني الأكبر من الموسم الحالي حتى الآن هو عمرو الجزار .

اللاعب الأفضل في خط دفاع الفريق وقد يكون اللاعب الأفضل في الفريق عامة .

وللمرة الأولى من بعد رحيل منعم يبقى عندك مدافع بيقدر يعمل كل حاجة ، سرعة قوة دفاع مميز ومراقب رخم للمهاجمين فوق كل ده بيعرف يخرج بالكرة بشكل ممتاز .

الجزار حل للأهلي من العدم ، مدافع جه من في يناير وقعد نص موسم دكة وفي فترة الإعداد كان سئ رغم كدة كل ماتش مستواه بيزيد مع الثقة كمان .

معارين الأهلي :-

بمشاركة محمد شريف بديلا.. الزوراء يفوز على زاخو في الدوري العراقي 4-0

معارين الأهلي :-

* بمشاركة نيتس جراديشار أساسيا.. سيراميكا كليوباترا يفوز على الاتحاد السكندري 3-1 في الدوري المصري
" جراديشار سجل الهدف الثالث للفريق "

* بمشاركة محمد شريف أساسيا.. الزوراء يفوز على نفط ميسان 4-0 في الدوري العراقي

.

ومعانا في الجولة الأولى 6 لعيبة كانوا بارزين بشكل واضح مع فرقهم ، 5 منهم محتاجين موسم كامل للتقييم في رأيي ولاعب واحد تقدر تدخل تخلصه من يناير لو كمل بنفس المستوى .

شاركونا رايكم في الفقرة الجديدة وفي اللعيبة في الكومنتات