Samar Essam

في فترات…
الواحدة مننا بتكون مرهقة نفسيًا بشكل محدش شايفه فعلًا.

تقوم الصبح وهي أصلًا تعبانة،
تحاول تكمّل يومها بالعافية،
تبتسم،
ترد على الناس،
تقوم بمسؤوليات البيت أو الشغل أو الأطفال،
ويمكن حتى تحتوي غيرها وتسمعلهم…

لكن محدش شايف كمية الضغط اللي جواها،
ولا كمية المشاعر اللي مكتومة بقالها شهور أو سنين.

ومع الوقت…
الجسم يبدأ يتكلم بدل المشاعر.

تعب مستمر،
خنقة بدون سبب واضح،
أرق،
توتر،
سرحان،
خوف داخلي،
إحساس بعدم الأمان،
رغبة في الهروب من كل شيء،
وأحيانًا حتى من نفسها.

والمؤلم فعلًا…
إن كثير من الستات اتعودوا يكتموا،
مش يفهموا نفسهم.

اتعودوا يقولوا:
“أنا بخير”
“عادي”
“هعديها”
“لازم أكون قوية”

مع إن جواهم جزء مرهق جدًا ومحتاج يحتويه حد بحنان ورحمة وبدون أحكام.

وده كان من أكبر الأسباب اللي خلتني أعمل:
🎧 كورس التعافي النفسي بعد الصدمات والتخلص من الضغوط اليومية

رحلة صوتية عميقة وهادئة للنساء…
مش هدفها إنك تبقي مثالية،
لكن هدفها يساعدك ترجعي لنفسك بهدوء ووعي وأمان نفسي خطوة بخطوة 🤍

الكورس عبارة عن 6 محاضرات صوتية بنتكلم فيها عن:
🌷 فهم الألم قبل مقاومته
🌷 الاتزان بعد الانهيار
🌷 إعادة تعريف النفس بعد الأذى والخذلان
🌷 مسامحة بدون تبرير
🌷 التعافي العاطفي والجسدي
🌷 والإيمان كقوة شفاء وطمأنينة وسط الضغوط اليومية

الكورس مناسب لكل امرأة:

- مرت بصدمات أو خذلان
- أو تعيش ضغط نفسي مستمر
- أو تشعر إنها فقدت نفسها وسط المسؤوليات
- أو تريد مساحة آمنة تحتوي مشاعرها بدون قسوة على نفسها

الكورس ده كان بداية جميلة جدًا مع ستات كثير شاركوني رحلتهم في التعافي والوعي النفسي 💛

وقتها كنت مقدماه بشكل مجاني كمساحة دعم ومساندة،
والحمد لله وصل لقلوب ناس كثيرة واستفادوا منه بشكل عميق، وكانت الرسائل والتجارب اللي وصلتني مؤثرة جدًا.

ودلوقتي بعد ما تم ترتيبه وتجهيزه بشكل أفضل،
بقى متاح كرحلة صوتية متكاملة تقدري ترجعي لها في أي وقت،
في لحظات الضغط،
أو التعب،
أو الاحتياج للاحتواء والهدوء النفسي 🌷

ولو حابة التفاصيل ورابط الاشتراك اكتبي في التعليقات:
( تشافي ) ✨

كورس التعافي النفسي بعد الصدمات والتخلص من الضغوط اليومية في فترات…الواحدة مننا بتحاول تكون قوية طول الوقتلحد ما تكتشف إنها تعبت فعلًا…تعب نفسيضغط يوميمشاعر متراكمةواستنزاف داخلي محدش شايفه.ممكن تكوني بتحاولي تكملي طبي....

كنت لسه سامعه مصطفى حسني بيتكلم عن معنى مهم اوي قبل دخول العشر الاوائل من ذي الحجه… والمعنى فضل شاغل قلبي بجد

ان ربنا سبحانه وتعالى مش بس أمرنا بالطاعه في الايام دي…
لا ده اخبرنا كمان انه بيحب الايام دي

“ما من ايام العمل الصالح أحب إلى الله فيهن من هذه الأيام”

وفكرت…
قد ايه الانسان نفسيًا لما بيحس انه مرغوب ومقبول ومتحب… بيختلف تمامًا

القلب بيهدى…
الروح بتلين…
والانسان بيبقى عنده رغبه يقرب ويجتهد…
مش خوف بس…
ولا مجرد روتين وتعود…
لكن حب كمان

واحنا كبشر طول الوقت بندور على القبول والحب والتقدير…
مع إن أعظم شعور ممكن يطمن القلب فعلًا…
هو إنك تحس إن ربنا فاتح لك باب قرب…
في أيام هو بيحبها…
وبيحب الناس اللي بتتقرب له فيها

والمشكله إننا من كتر ما بنسمع كل سنه عن فضل العشر…
ممكن ندخلها بحال المتعود

عارفين إنها أيام عظيمة…
لكن القلب مش حاضر بالكامل…
أو يفضل حاضر أول يومين وبعدها ينشغل ويقع…
زي حال ناس كتير في رمضان

عشان كده بقترح عليكم من النهارده حاجتين مهمين جدًا:

أولًا…
استحضار النية

نية الرجوع…
نية التغيير…
نية الحب…
نية:
“يارب أنا جايلك بقلبي التعبان ده…
بضعفي…
بقلقي…
بكل اللخبطة اللي جوايا…
بس نفسي أقرب…
نفسي أتحب…
ونفسي يتكتب عندك إنك بتحبني…
نفسي أحس بالسكينة”

ثانيًا…
حطوا خطة عبادة بسيطة وثابتة للعشر أيام

واربطوها بحاجات ثابتة في يومكم…
زي الصلاة…
أو السحور والفطار لو هتصوموا…
أو حتى بعد كل وجبة…
عشان العقل والنفس بيتعودوا أكتر لما الطاعة ترتبط بروتين ثابت

ومع كل عادة صغيرة هتثبتوا عليها…
قلوبكم هتتغير بشكل لا تتخيلوه

ممكن أيام قليلة بصدق نية…
وأخذ بالأسباب…
وخطة بسيطة…
وعمل حقيقي…
تنقلكم نقلة كبيرة جدًا عند ربنا

وتخليكم أقرب لحال الصالحين وأولياء الله…

“ألا إن أولياء الله لا خوف عليهم ولا هم يحزنون”

تخيلوا المعنى…
معية…
وأمان…
وقبول…
وطمأنينة…
وسند…
ورضا…

أشياء ناس بتقضي عمرها كله تدور عليها…
وممكن القلب يذوقها فعلًا في أيام قليلة…
لما يقرب من ربنا بصدق

صدقوني…
الموضوع يستاهل التعب

دي أيام بسيطة…
هنتعب فيها بحب…
لكن ممكن نكسب بيها عمرنا اللي راح واللي جاي

متضيعوش الفرصة…
دي ممكن تكون فعلًا فرصة عمر

العشر الاوائل مش مجرد موسم طاعات…
دي ممكن تكون فرصة حقيقية للشفاء النفسي والروحي مع بعض

لأن القلب لما يقرب من ربنا بصدق…
بيهدى بطريقة…
الدنيا كلها أوقات ما تعرفش تعملها…
Samar Essam

مش كل حاجة محتاجة تصلحها"

بيحصلك موقف يضايقك…

أول حاجة بتعملها إيه؟...

بتجري تصلّح.
🔧
تصلّح الموقف
تصلّح الشخص
تصلّح نفسك
تصلّح الإحساس

وكأن في صوت جواك بيقول:

"الإحساس ده غلط… لازم يتشال بسرعة"
طب ليه؟

مين قال إن كل حاجة محتاجة تتصلّح؟

خليني أقولك حاجة يمكن تريحك شوية…

مش كل إحساس جاي عشان يتصلّح…

في إحساس جاي عشان يتفهم بس.

ربنا قال:
﴿وَخُلِقَ الإِنسَانُ ضَعِيفًا﴾

مش ضعف عيب.

ده توصيف لطبيعتك.

يعني إيه؟

يعني لما تزعل… ده مش خلل

ده جزء من إنك إنسان.

بدل ما أول ما تزعل تقول:

"أنا لازم أبقى كويس حالًا"

قول:

"أنا زعلان… وربنا خلقني كده… وده مفهوم"

والنبي ﷺ كان بيحزن…

وقال:
"إن العين لتدمع وإن القلب ليحزن"

يعني حتى الحزن له مكان…

ومش ضد الإيمان.

بدل ما تسأل:

"أعمل إيه عشان أبطّل أحس كده؟"

اسأل:

"الإحساس ده ربنا بعته لي ليه؟"

🔹 يمكن بيقولك إنك اتجرحت

🔹 يمكن بيقولك إنك محتاج تهدى

🔹 يمكن بيقولك إنك تعدّل حاجة في حياتك

المشكلة مش في الإحساس…

المشكلة إننا بنعامله كأنه عطل...

وهو في الحقيقة رسالة من جواك

🧩 جرب معايا التمرين ده:

1- وقف لحظة

2- قول: "يا رب أنا حاسس بـ…"

3- سمّي الإحساس من غير حكم

4- اسأل: "الإحساس ده عايز يعلّمني إيه؟"

أوقات كتير…

مجرد ما الإحساس "يتشاف"…

بيهدى لوحده.

خلّيني أشارك معاكم معنى جميل قوي يمكن ناس كتير ماخدتش بالها منه…

كتير مننا بيبقى فاكر إن المتقين والمحسنين دول ناس مثاليين قوي…
ناس ما بتغلطش…
ناس دايمًا بتعمل الصح وبس.

لكن لما نتأمل شوية في كلام ربنا هنكتشف معنى مريح جدًا للقلب.

ربنا قال:

﴿وَسَارِعُوا إِلَىٰ مَغْفِرَةٍ مِنْ رَبِّكُمْ وَجَنَّةٍ عَرْضُهَا السَّمَاوَاتُ وَالْأَرْضُ أُعِدَّتْ لِلْمُتَّقِينَ﴾
﴿الَّذِينَ يُنْفِقُونَ فِي السَّرَّاءِ وَالضَّرَّاءِ وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللَّهُ يُحِبُّ الْمُحْسِنِينَ﴾
﴿وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَنْ يَغْفِرُ الذُّنُوبَ إِلَّا اللَّهُ وَلَمْ يُصِرُّوا عَلَىٰ مَا فَعَلُوا وَهُمْ يَعْلَمُونَ﴾
﴿أُولَٰئِكَ جَزَاؤُهُمْ مَغْفِرَةٌ مِنْ رَبِّهِمْ وَجَنَّاتٌ تَجْرِي مِنْ تَحْتِهَا الْأَنْهَارُ خَالِدِينَ فِيهَا وَنِعْمَ أَجْرُ الْعَامِلِينَ﴾

لو بصّينا للآيات دي بهدوء… هنلاقي فيها جمال ومعاني عميقة قوي.

ربنا الأول قال إن الجنة أُعدت للمتقين…
وبعدين بدأ يوصفهم.

قال إنهم ينفقون في السراء والضراء
يعني سواء حياتهم سهلة أو صعبة… سواء مرتاحين أو متضايقين…
قلبهم لسه متعلق بربنا.

وبعدين قال: الكاظمين الغيظ.

خد بالك…
ربنا ما قالش اللي ما بيغضبوش.

لأن الغضب إحساس بشري طبيعي… كلنا بنغضب.

لكن الجمال إنك تعرف تمسك غضبك.
تعرف توقف نفسك لحظة…
تهدى…
وتختار رد فعلك.

دي في الحقيقة من أجمل صور إدارة المشاعر.

إنك تحس بالغضب… لكن ما تخليش الغضب هو اللي يسوقك.

وبعدين ربنا قال: والعافين عن الناس.

يعني مش بس كتمت غضبك…
ده كمان قدرت تسامح.

إن قلبك يقدر يعدّي…
وما يفضلش شايل الغضب جواه.

وبعدين تيجي الآية اللي فيها رحمة كبيرة قوي لأي حد حاسس إنه غرقان في ذنوبه.

ربنا قال عن المتقين نفسهم:

﴿وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ﴾

يعني حتى المتقين…
ممكن يغلطوا.
ممكن يضعفوا.
ممكن يقعوا في ذنب.

بل حتى ممكن يقعوا في فاحشة.

يعني هم مش ملائكة…
هم بشر.

طب إيه الفرق بينهم وبين غيرهم؟

الفرق مش إنهم ما بيغلطوش…

الفرق إنهم ما بيصروش على الغلط.

تكمل الآية:

﴿ذَكَرُوا اللَّهَ فَاسْتَغْفَرُوا لِذُنُوبِهِمْ وَمَنْ يَغْفِرُ الذُّنُوبَ إِلَّا اللَّهُ وَلَمْ يُصِرُّوا عَلَىٰ مَا فَعَلُوا وَهُمْ يَعْلَمُونَ﴾

لحظة تذكّر واحدة لله…
لحظة خوف صادق…
لحظة استغفار حقيقي…

ممكن تغيّر كل حاجة.

عشان كده ربنا ختم المعنى الجميل ده بالبشارة العظيمة:

﴿أُولَٰئِكَ جَزَاؤُهُمْ مَغْفِرَةٌ مِنْ رَبِّهِمْ وَجَنَّاتٌ تَجْرِي مِنْ تَحْتِهَا الْأَنْهَارُ خَالِدِينَ فِيهَا وَنِعْمَ أَجْرُ الْعَامِلِينَ﴾

تخيّل…

إنسان يمكن كان حاسس إن ذنوبه كتير…
وإنه بعيد قوي…

لكن لحظة صدق واحدة مع ربنا
لحظة رجوع حقيقي…
ونِيّة إنه يسيب الذنب وما يصرّش عليه…

ممكن تنقله عند ربنا من إنسان غرقان في الذنب…
لإنسان يُكتب من المتقين والمحسنين.

عشان كده بلاش تيأس من نفسك.

المتقين مش ملائكة…
والمحسنين مش ناس عمرهم ما غلطوا.

لكنهم ببساطة…
كل ما يغلطوا يعرفوا الطريق ويرجعوا لربنا تاني.




#التوبة