Masaar

ماذا قالو عن تدريب اطلق العنان




تجربتي مع lat go♥️

ماعارفها ابدا من وين؟بس حابدا وخلاص❤️‍🩹
تجربه فريده جداااااااا من البدايه كنت سامعه عن البرنامج حلوه وتغير وحتكوني انسانه تانيه انتي محتاجه البرنامج دا جربي.
وانتي عارفها ربنا نزل في محكم *تنزيله وقال الله تعالي : "ما يغير الله من قوما حتى يغيروا ما في* *أنفسهم* ))_~
والتغير عايز خطوه
قلت خير مالو نجرب 😁
بدأت الرحله في سن الخمسه سنين وادرجت حتى عرفت اني رائعه وانا الأفضل اني مسئوله وانا مثابره وانا واثقه وانا عندي ثقافه الاعتذار واني ناجحه انا ما بتقارن مع زول. رجعت من الرحله عندي اسره تانيه عندي ناس بيبتسموا لي وهم ما دايرين مقابل البسمه دي حاجه ناس جواها الف حكايه بس مستمرين رغم اي شي ادوني دافع اني استمر ناس من مختلف الجنسيات بس بروح شخص واحد رجعت وانا واصله لسلامي الداخلي ومتاكده مافي شي يستاهل اني ازعل عشانو واني قووووووويه شديد واني استاهل السمح والسماحه شبهي.
في الختام ♥️
بشكر كل من ساهم في قيام هذا العمل المساتر
ومس امل و مس نسيبه ومس آسيا ماما نجاه كما هو محبب للجميع كل Direct Teacherكل التيم العااااامل
شكرا من القلب♥️للقلب
محباتي التي تعلمون
عاشقه الاربعه حروف
♥️مرام ♥️

ماذا قالو عن تدريب اطلق العنان




صبااااااح الخير ❤❤
بكل صدق التدريب كان واحد من أجمل التجارب اللي مريت بيها. ما كان مجرد ساعات حضور، كان مساحة تعلمنا فيها، واتغيّر فينا كتير، وشُفنا كيف الإنسان ممكن يطوّر نفسه لما يلقى الدعم الصحيح والبيئة الحقيقية اللي تحترمك وتساعدك تكبر

أحب أول شي كل الشكر والتقدير لـ مستر عبد الرحيم على كل كلمة قالها لينا، وعلى صبره وطريقته الحلوة في تبسيط أي موضوع. و كان دايمًا سند وطاقة إيجابية.
ولـ مستر محمد شمس الدين اللي فعلاً كان إضافة كبيرة في التدريب، وكان مثال لي القوه والاصرار وقدوه لي كل الشباب.
وكمان أحب أشكر عائلة مسار كلها،
لأنو وجودهم وتنظيمهم وتعاملهم خلّى التدريب أحلى وأقرب لقلوبنا. وما بنسى الناس اللي كانوا سبب وجودي هناك: ماما نجاة ،مس وعد ❤️… شكراً من القلب
على دعوتكم لي وعلى وقفتكم الحلوة
وما بمرّ بدون ما أشكر ميس أمل – كان عندها بصمة خاصة وطريقة تخلي أي معلومة تثبت في الدماغ. ومس نسيبه 🤍

وشكر كبير لي احلا والطف DT
مس تهاني يعني التفاؤل والطاقه الحلوه حب كبير ليك والله 🫂❤️
وفي النهاية، أحب أقول إنو التدريب ده كان "احلا تجربة" فعلاً… تجربة فتحت لينا باب جديد، عرّفتنا على مزن جديده وان شاء الله تكون اول خطوه في طريق النجاح 🤍

ماذا قالو عن تدريب اطلق العنان



السلام عليكم ورحمه الله

🦋🦋🦋🦋🦋🦋🦋
صباحكم جميل صباحكم مبارك

الي عائلة مسار 🌹🌹

حقيقي أنا سعيدة كل السعاده الممكنه في خوض تجربه فرديه ومميزه من نوعا تشمل نوع من الجنون😂 والإيجابية والسعادة وروح الطفوله المرحه🎉🎉 وترتيب الذكريات الجميلة 😍 وتجديد الطاقه في التأمل ودائما انت ما بتختار شريكك
🎈🎈🎈🎈🎈🎈🎈🎈🎈🎈🎈🎈🎈🎈 بس ربنا بختك في حته معينه عشان رساله او مسج معينه نتعلم منها ونطلع بيها 👌 وكمان حتي المدربين والمشرفين من تيم مسار ربنا اختار الوقت والزمن دا ويكون هم بس في التوقيت دا بالنسبه لي الاضافه الحقيقه في انك تتوهج من الداخل وتعيد ترميم نفسك
🔥🔥🔥🔥🔥🔥🔥
شكر جزيلا جميلا❤️

علي ايام خلتنا فوق السحاب شكرا جزيلا على العلاقات الاجتماعية الرائعه الجميله
👏 👏 👏 👏 👏 👏 👏 👏 👏 👏 👏 👏
اكيد الشكر موصول لي
أسرة شتت
فردا فردا
الي D.T
الجوكر
والي اشراف أسرة مسار فردا فردا وخصوصا المدربه امل الزولة الما سهلة فيها كل الصفات القيادة الحقيقه ونزلت مع كل المدربين وشاركت في فقرات بروسس الثقه حفظا علي المتدربات والاحتواء ليهم زوله جميله من برا وجوا وما عندها تحيز نهائيا وبتدي من قلبها حقيقي ليدر بمعني الكلمة
والشكر موصول لي أخ وصديق ودفعه تدريبات وايفينتات سند وسبورت من القلب
تتجسد فيهو صفات القيادة الحقيقه
كوتش علي عبدالرؤف
وحقيقي كان الدافع والسبب في انو نكون حضور في تدريب مسار
❄️❄️❄️❄️❄️❄️
شكر خاص🙏
كوتش شمس
كوتش عبدالرحيم
كوتش علي
كوتش الفولي

تحياتي ✌️
المتدربه جيهان

ماذا قالو عن تدريب اطلق العنان



"جلّ من لا يسهو.. والشجاعة هي الاعتراف بالحق!"
عايز أقول ليكم على حاجة.. قبل ما أدخل التدريب ده، كنت من الناس اللي أول ما تسمع كلمة "تنمية بشرية" تقول: "يا زول بلا كلام فارغ، هو فيه زول بيتغير بكلمتين؟ الناس دي مجانين ولا شنو؟"
بس الحقيقة.. وعشان أكون صريح معاكم، مع دخلتي في مراحل التدريب والمواقف العملية، الفكرة اتغيرت 180 درجة!
💡 شنو اللي حصل بالضبط؟
اكتشفت إن الموضوع مش كلام وخلاص: طلع فيه أدوات حقيقية بتفرّق في طريقة تفكيرك وشغلك.
غيرت نظرتي لكتير من الأمور: بدلاً من العناد، بدأت أفهم كيف أدير وقتي وطاقتي وأتعامل مع الناس صح.
الورش والجو العام: طلع ممتع جداً ومش ملل وبخليك تثق فى زول ما بتعرفو زي ما كنت متخيل خالص!
الخلاصة: أحياناً بنحكم على حاجات من برة ونطلع إحنا اللي محتاجين نعيد نظر!
كل الشكر لـ [محمد شمس و عبد الرحيم و تيم مسار] على طول بالهم وعلى التجربة الجميلة دي.. وطلعتوا مش مجانين ولا حاجة، طلعت أنا اللي كنت ظالمكم!
اخوكم: بسام على

ماذا قالو عن تدريب اطلق العنان



انا كإنسان طبيعي جدا و بسيط ولكن في نفس الوقت انطوائي و م بحب التجمعات و لا الاختلاط بالبشر كتير نظرا لتجارب فاشله منذ الصغر خلت الواحد يبتعد عن الناس لأنوا م لقى الامان او البيئة النظيفة البتخلي الواحد يعبر عن مشاعروا و من الطفوله الكانت عباره عن تربية عسكرية بحته خلت الواحد قلبوا ميت و م بقدر يعبر عن مشاعروا عشان المواقف البتحصل ليهو من اقرب الناس و اتعلمت انو الواحد عشان يعيش في الدنيا دي لازم يكون قاسي و قلبوا حجر..... كنت واحد من المتدربين في ليت قو ٧ السنة الفاتت و صراحة ماف تدريب اخدتوا خلال اليومين الاوائل لمس فيني حاجة او غير فيني شيء.... وللاسف م كملت التجربة نظرا لظروف خارجة عن الاراده..... و بي اصرار من اشخاص عزيزين علي و صراحة جيت ليت قو ٨ عشان اكمل النقص الحصل من التدريب الاخير ف قلت احاول اعيش التجربة من اول و جديد عسى ولعل في حاجة تتغير.... وللاسف عديت اول يومين و م حصل حاجة و ماف شيء اتحرك فيني لمن بقيت اشك في روحي... هل انا فعلا م بحس؟؟ هل انا فيني عيب للدرجة دي؟؟ ولكن في اليوم الثالث و الاخير و بالذات في تجربة انا لازم انجح في حاجة ولعت فيني تاني.... واتذكرت الاسباب الخلتني ابدأ مشوار حياتي و اتجاوز التحديات الحصلت لي في حياتي قبل كدا و اكتشف انوا انا م عندي خيار غير النجاح و انوا الطريق و الهدف العايز اصل ليهو كبير ف م عندي خيار غير النجاح و اذا م نجحت علي الاقل اموت و انا بحاول....... ف شكرا لاسره مسار الرائعه و شكرا للمساتر كلهم و شكرا لصديقي العزيز ك. علي عبدالرؤوف و شكرا لاسرة لايت علي احلى ثلاثه ايام كانت بسيطه ولكن اثرها جميل و طويل و في الختام اخوكم الصغير
احمد ابراهيم✨✨✌️✌️

ماذا قالو عن تدريب اطلق العنان



الثلاثة أيام الفاتت قضيت أجمل ورشة في حياتي..
ثلاثة أيام خلتني أتعرّف على أسرار وأعرف قوة أسرار، وأكتشف جوانب في نفسي ما كنت عارفاها..
بكيت، تعبت، انهرت، وضحكت… وعشت كل إحساس بكل تفاصيله.. واجهت تحديات كنت فاكرة إني ما بقدر عليها، لكن في النهاية اكتشفت إني أقوى مما كنت متخيلة.
عرفت قيمة الشريك والسند في الحياة، وعرفت معنى إنك تلقى ناس يشاركوك التعب والخوف والفرحة، ويخلّوك تحس إنك ما براااك.
رجعت من الثلاثة أيام وأنا حاسة إني إنسانة مختلفة… أوعى بنفسي، أقوى، وأحب وأقدّر أسرار أكتر.
يمكن ما أقدر أحكي كل الحصل، لأن في حاجات اتعاشت جواي وما بتتشرح بالكلام..
فعلا دي تجربة بتتعاش… وما بتتحكي🤍

كل الشكر لي أسرتي و أسرة مسااار كانت أجمل ثلاث أيام وانا في وسطتكم Let go😍♥️

أختكم أسرار الغالي

في مسار، لا تبدأ الحكاية من تدريبٍ عابر، بل من خطوةٍ واعية نحو فهم أعمق للحياة. هنا، تتحول المعرفة إلى فعل، والكلمات إلى مفاتيح تفتح أبوابًا كانت تبدو مغلقة.

مسار ليس مجرد تيم، بل مساحة حية تلامس قضايا المجتمع، وتقرّبها إليكِ بأسلوب بسيط واضح، حتى ترى ما حولكِ بوعيٍ أهدأ وخطواتٍ أثبت. ما يُقدَّم هنا لا يُثقل، بل ينساب، كأنه حديث داخلي يعرف طريقه إليكِ.

ويقف خلف هذا النبض فريقٌ مميز، ومحاضرون صنعوا لأنفسهم أثرًا واضحًا في مجالاتهم، يشار إليهم بثقة، لأنهم لا ينقلون معرفة فقط، بل يزرعون فهمًا يبقى.

تطل مسار اليوم بثوبٍ جديد، لكن قلبها ما تغيّر، ما زالت الفكرة الأولى تنبض في عمقها كما بدأت. هذا التجدد ليس تبديلًا، بل اتساع رؤية، كأنها تفتح نوافذ أخرى لترى الحياة من زوايا أكثر قربًا ووضوحًا.

في هذه المرحلة، توجه مسار نظرها إلى قضايا جديدة، تقترب منها بهدوء، وتمنحها مساحة من الفهم البسيط الذي يصل دون تعقيد. تؤكد حضورها في أكثر من مجال، لا كتنقل عابر، بل كامتداد طبيعي لروح تعرف كيف تنمو دون أن تفقد أصلها.

هنا، لا تُحصر في إطار واحد، بل تمضي بخطى ثابتة بين مجالات متعددة، تحمل نفس الرسالة، وتقدّمها بروح متجددة تعرف طريقها جيدًا.