WiseThing

لحد امتى اولادنا هتعيش في الرعب دة 😢😢

رئاسة مجلس الوزراء المصري وزارة البيئة المصرية - Ministry of Environment وزارة الصحة والسكان المصرية

امبارح في بركة السبع، وتحديدًا في قرية شنتنا الحجر بالمنوفية، كانت فيه طفلة جميلة عندها 6 سنين اسمها مليكة محمود..

مليكة رجعت من يومها الدراسي، ومامتها غدّتها عشان تروح درسها اللي ميعاده الساعة 4.. جهزت مليكة شنطتها وخرجت من بيتها متجهة لدرسها ومكنتش تعرف إيه اللي مستنيها في الطريق..

كلب مسعـ.ـور.. إلى أول ما شاف مليكة هجـ.ـم عليها بكل شـ.ـراسة وأسقطها على الأرض، وللأسف عضّـ ـها في وشها وصدرها وفخدها اليمين ورجلها..

مليكة المسكينة مكنتش قادرة تدافع عن نفسها، ولا حتى تزقه بعيد عنها.. والأصعب إن الشارع ده عادةً بيعدي فيه ناس وأهالي، لكن من نصيب مليكة إن مكنش فيه حد معدّي في اللحظة دي..

الكلب، وبعد ما انتهى من الاعتـ ـداء الغاشم على مليكة، سابها وهجـ ـم على اتنين تانيين؛ واحدة في سن مليكة تقريبًا وأصابها في زورها، والتانية ست كبيرة في السن وأصابها في دراعها..

وكل ده حصل في حوالي دقيقتين!

مليكة قامت من مكانها من شدة الفزعة والرعب، وجريت على بيتها وهي بتنادي "ماما.. يا ماما!" ورجعت بيتها وهدومها كلها ملطخة بد مـ ـها..

مليكة النهارده عملولها 15 غرزة وخدت تطعيم السعار (Rabies Vaccine)، والبنت من شدة براءتها وعدم استيعابها للي حصل، لما بيسألوها بتقول بكل بساطة "الكلب عمل في وشي.. وأنا معملتلوش حاجة!"

مليكة رافضة تخرج من البيت أو تروح أي مكان، من شدة الألم والخوف والرعب اللي شافته وهي لسه طفلة عندها 6 سنين..

والغريب إن وأنا بقرأ قصة مليكة، بالصدفة البحتة قابلتني قصة لشاب من بورسعيد، كان راجع من شغله بالموتوسيكل بتاعه، فهجموا عليه مجموعة من كلاب وجريت وراه.. الشاب من الخوف والارتباك اختل توازنه ووقع على الأرض على دماغه، وفقد الوعي، وبعد نقله للمستشفى توفاه الله..

ظاهرة اجتياح الكلاب للشوارع المصرية، خاصة القرى والمناطق المنعزلة عن المدينة وصخبها، أصبحت غير منطقي السكوت عنها.. وأتمنى إن القضية دي يتم النظر ليها بعين الرأفة والرحمة من الجهات المختصه والمحليات ، ويتم وضع حد ليها، لأن اللي بيحصل بقى خطر حقيقي على أرواح ناس وأطفال ملهمش ذنب في أي حاجة

أنا لا يهمني حقوق حيوان ولا حقوق إنسان.. أنا كل اللي يهمني حقوق الأرواح، ومش هرضى أشوف أناس أبرياء وأطفال بتعاني وبتتعـZب قدامي، وأفضل أبرر ده عشان أنا مؤمن أو منحاز لقضية معينة..

لأن الرحمة مش انتقائية.. ومينفعش تكون رحيم في موقف، وقاسي أو صامت في موقف تاني لمجرد إن القضية مش على هواك أو لأنك منحاز أو "مستفاد " لطرف دون التاني

اللي عنده ضمير حقيقي، رحمته بتظهر مع كل المخلوقات، لكن بالأخص لما يكون قدامه إنسان ربنا كرّمه وفضّله عن كثير من خلقه..

مش منطقي إن طفل في سن مليكة تتعض في وشها وتعيش لحظات كان ممكن تفقد فيها عينها أو طرف من أطرافها أو حتي ممكن حياتها، وعالصعيد الأخر إنسان فقد حياته بسبب كلاب مطلوقة فالشوارع، ونفضل إحنا مختلفين مين له الحق ومين ملوش الحق..

الرحمة مش إنك تسيب الخطر موجود تحت وطأة الرفق.. والرحمة كمان مش إنك تتجاهل وجع إنسان بريء.. الرحمة الحقيقية إنك تحمي الأرواح، وتمنع الأذى، وفي نفس الوقت يكون التعامل مع الحيوانات من خلال الجهات المختصة بما يلزم

الله يشفي مليكة والمصابين.. ويرحم الشاب المتوفي

المعنى الحرفي لشايلة الهم 😂😂😂😂😂😂

ملعون ابو الفقر