Lab Barbanza

💻 Hoxe coñecemos a Juan Fuente, programador e coworker do Lab Barbanza.
O seu proxecto está centrado no desenvolvemento de software para concellos, empresas e autónomos, automatizando procesos e integrando solucións con IA para aforrar tempo e simplificar tarefas.
Actualmente atópase en fase de pre-incubación, cunha idea moi clara: crear tecnoloxía útil, próxima e pensada para as persoas. 🚀
Tecnoloxía, territorio e persoas.

🏡 Hoxe coñecemos a Vanesa Fernández Hermo, impulsora de e coworker do Lab Barbanza.
Un proxecto de xestión inmobiliaria cun enfoque máis humano, no que acompaña ás persoas durante todo o proceso de venda da súa vivenda.
Ademais, cada venda contribúe a “Unha Habitación para Crecer”, unha iniciativa destinada a mellorar habitacións de nenos e nenas en situación de vulnerabilidade. 💙
Un proxecto necesario, humano e innovador. 🌱

♻️ Aprender facendo tamén é descubrir novas formas de crear, innovar e aproveitar mellor os recursos.

Hoxe, o alumnado do CEIP Santa María do Castro participou nunha xornada do Pasaporte de Emprendemento Circular, cunha visita a Lab Barbanza e un obradoiro de innovación circular impartido por Alicia, de Alivavá. 🌱💡

Durante a actividade puideron coñecer novas posibilidades de formación e emprego, descubrir recursos do seu entorno e reflexionar sobre como transformar ideas en proxectos máis sostibles.

O Pasaporte de Emprendemento Circular é unha iniciativa impulsada polo Concello de Boiro e a Rede de Espazos de Traballo da Deputación da Coruña, coordinada por Espazo A Maceta.

Porque emprender tamén é pensar diferente e atopar novas maneiras de facer as cousas. 💚♻️

🌱 O Barbanza ten futuro.
O pasado 18 de setembro, Lab Barbanza acolleu a Xornada de Aproveitamento de Terras, un encontro para poñer sobre a mesa ideas, experiencias e novas oportunidades arredor do territorio e do futuro do noso rural.
A apertura contou coa participación do alcalde de Boiro, José Ramón Romero, e do concelleiro de Comercio, Formación e Emprego, Roberto Lojo.
Ao longo da xornada houbo espazo para compartir coñecemento, coñecer diferentes iniciativas e, tamén, para conversar e crear novas conexións entre as persoas participantes.
💡 Ideas, territorio e colaboración para seguir xerando oportunidades no Barbanza.
Grazas a todas as persoas que formastes parte da xornada! 🙌

🌱 Hoxe comeza a Xornada de Aproveitamento de Terras!

Lab Barbanza acolle unha nova actividade do Coworking Fest 2026, unha xornada pensada para compartir ideas, coñecer novas oportunidades e reflexionar sobre o futuro do noso rural.

📍 Lab Barbanza · Boiro
🕘 09:30–15:15 h

Un espazo para conectar, aprender e poñer en común propostas arredor do territorio. 💡

Pechamos a programación de setembro en Lab Barbanza con dúas últimas citas cheas de aprendizaxe e emprendemento 🚀
O martes 22 de setembro recibiremos ao alumnado de Primaria do CEIP Sta María do Castro para desenvolver actividades de emprendemento.
E o venres 25 de setembro volveremos compartir xornada cun grupo do CEIP Sta María do Castro, nesta ocasión cunha visita a Lab Barbanza dentro do programa O Pasaporte da economía circular ♻️
Deste xeito rematamos unha programación na que seguimos abrindo portas a novas ideas, experiencias e oportunidades para a mocidade.
Estas son as últimas actividades desta edición, pero seguiremos traballando para traer novas propostas moi pronto. 💡

O venres 18 seguimos sumando propostas en Lab Barbanza 🚀
Dentro da programación do Coworking Fest 2026, celebraremos a xornada “Aproveitamento de terras: alternativas sostibles no rural”, unha cita para coñecer novas posibilidades arredor do territorio, a sustentabilidade e o emprendemento.
Ademais, durante a mañá recibiremos dous grupos educativos:
👥 Alumnado do IES Espiñeira, cunha visita a Lab Barbanza e unha sesión de emprendemento.
♻️ Alumnado do CEIP Praia Xardín, participante no programa O Pasaporte da economía circular.
Seguimos creando espazos para aprender, compartir ideas e descubrir novas oportunidades. 💡
E aínda quedan máis actividades por contarvos ata o 25 de setembro. 👀

Do 14 ao 25 de setembro, Lab Barbanza énchese de ideas, aprendizaxe e emprendemento 💡

Esta semana arrancamos con diferentes actividades para achegar o espírito emprendedor a distintas idades e seguir creando espazos nos que aprender, compartir e poñer ideas en marcha.

🎙️ Dentro do Coworking Fest 2026, o mércores 16 teremos o obradoiro en liña “Podcasting profesional para emprendedores”.

Ademais, o luns 14 e o martes 15 recibiremos alumnado do CEIP Praia Xardín e do IES Espiñeira para traballar o emprendemento dunha forma práctica e dinámica.

E isto só é unha parte da programación 👀
Nos próximos días ensinarémosvos máis actividades que teremos ata o 25 de setembro. 🚀

Dar unha nova vida ás terras en desuso tamén pode abrir a porta a novas oportunidades. 🌱

No marco do Rede Coworking Fest 2026, Lab Barbanza acolle unha xornada presencial centrada en coñecer alternativas sostibles para aproveitar espazos e terras e transformalos en proxectos con futuro.

👤 Con David García
📅 18 de setembro | 09:30–15:15 h
📍 Lab Barbanza · Boiro

🔗 Información e inscrición:
https://reservas-aproveitamento-de-terras.vercel.app/evento/inscricion

Tes algo que contar? 🎙️ Agora só falta saber como facelo chegar.

No marco do Rede Coworking Fest 2026, en Lab Barbanza organizamos un obradoiro online para descubrir as bases do podcasting e videopodcasting e aprender a utilizalos como ferramentas para dar visibilidade á túa marca.

🎧 Con Seu Bermúdez e Sonia García
📅 16 de setembro | 10:00–12:00 h
💻 Formación online

🔗 Información e inscrición:
https://redecoworking.pel.gal/evento/obradoiro-sobre-podcasting/