Ali Karrayyuu

� SEDO vs JOHNNY — 50 SECONDS OF PURE ACTION! �

Arroollee Fiichee
**************"" ""

Goota Arroollee Fiichee
Asxaa biyya fantaallee
Abbaa daamaa colle'ee
Abaaburraa ardaallee

kanniisa ilma Fiichee
Leencicha diina jiilche

bitimaan namaa sa'aa
hanguma maqaat ga'aa
seenaa gootummaa teetii
diinnuu ragaa siif ba'aa
goonni fakkaataa keetii
Leenjisoo Diigaa fa'aa

gaaraf gooron Fantaallee
Arroolleef ililchitee
biiflee darbatee hin dhabne
seenaa nuuf itichitee
yoomuu du'a hin oolanii
sanyii nuuf biqilchitee
dhiira akka kankeetii
Fardarraa finqilchitee

boorataa gaafa booree
Arroollee ilma Fiichee
dhaqaa gala boorateet
ilmaan alagaa xiichee
gootummaan sirraa tolti
lummaa Arroollee Fiichee
roorrisaa karra diinaa
ragaan kee mafaaf kiittee
farda fardaan dhaqqabdeet
xoonagee dhiira hiittee

sanyii waraan-nyaatessaa
abaabuu gara muraa
gaachana biyyaaf biyyoo
iyyan Arroolleet furaa

gaaddisa xiqqaaf guddaa
hiciqii mirga mirree
goota harkaan qaburraa
tasumaa garaa'n hirree
bishaan gaafa nagayaa
ibidda gubuu hin hillee

barruu booddaa gamasiin
raasaa gooba irreessaa
siidan gootaf dhaabbate
sona seenaa sirreessaa

hiciqii baallii galmaa
bookkisaa korma bifaa
mukukkulli gootummaa
har'aas dhalootaf ifaa

lubbuu isaa caalchisee
biyya ofii jaalataa
roorrisaan roorroo jibbu
Arroon biyyaaf lalataa

Habalee bareentumaa
Galaanirraa dhalatee
Birkii warra ulfinaa
Seenaa boonsan galatee
Irruma deddeebi'ee
Osoo dachaa dhalatee

Arroollee akka sonsaa
iddee diina laalessu
biyyaa isaa gurguruuf
Alagatti hin dhaadhessu

Gosti booxa sadeenii
fiixaa Galaan galalchaa
Beeki qarriffaan leencaa
Har'allee waa alalchaa

Qeerransa joollee Doobbee
Arroollee damee xisii
Fantaallee faajjii gadaa
teesson goototaa isii

By; Abbaa Nagaa

mararaqa waarii har'aati!