Bitnet

📈 ბიტკოინის ფასის ზრდამ კრიპტობაზარზე დადებითი განწყობა გააძლიერა და მთავარი კრიპტოაქტივი კვლავ ყურადღების ცენტრში მოაქცია.

🪙 ახლა მთავარი კითხვა ისაა, რამდენად მდგრადი აღმოჩნდება ეს აღმავალი ტენდენცია და შეძლებს თუ არა ბიტკოინი მიღწეული ნიშნულის შენარჩუნებას.

⭕ მნიშვნელოვანი ინფორმაცია - როგორ ამოიცნოთ ფინანსური თაღლითობის სქემები.

ბოლო დროს კვლავ გახშირდა ფინანსური პირამიდის შემთხვევები, რომელმაც უკვე არაერთი ადამიანი დააზარალა.

გიზიარებთ ზოგად ინფორმაციას თაღლითობის გავრცელებული ფორმის, ე.წ. ფინანსური პირამიდების შესახებ, რომლის ორგანიზატორებიც ხშირად ბოროტად იყენებენ ლიცენზირებული თუ რეგისტრირებული კომპანიების სახელსა და რეპუტაციას, მათ შორის, ვირტუალური აქტივების სფეროში მოქმედი პლატფორმებისასაც.

❓ როგორ მუშაობს ფინანსური პირამიდა?
პირამიდის სქემაში რეალური საინვესტიციო საქმიანობა არ არსებობს - ორგანიზატორი ძველ მონაწილეებს ე.წ. მოგებას ახალი მონაწილეების შენატანებიდან უხდის.

საწყის ეტაპზე გადახდები შესაძლოა, შესრულდეს რეგულარულად, რაც ქმნის ნდობის ილუზიას და მონაწილეებს ახლობლების მოწვევისაკენაც უბიძგებს. ვინაიდან სქემა მხოლოდ ახალი ფულის მუდმივ შემოდინებაზეა დამოკიდებული, მისი კოლაფსი გარდაუვალია და ამ დროს ორგანიზატორები, როგორც წესი, ქრებიან მონაწილეთა თანხებთან ერთად.

⚠️ საყურადღებო ნიშნები
გირჩევთ, განსაკუთრებული სიფრთხილე გამოიჩინოთ და არ ენდოთ თუ:
• გპირდებიან, რომ მიიღებთ გარანტირებულ მაღალ შემოსავალს მინიმალური, ან ფაქტობრივად რისკის გარეშე.
• არ გაქვთ გარკვეული, გასაგები პასუხი, საიდან მოდის მოგება.
• მოგიწოდებენ, გთხოვენ ან გირჩევენ, რომ მოიწვიოთ ახალი მონაწილეები სარგებლის სანაცვლოდ.
• გრძნობთ ზეწოლას, რომ სწრაფად უნდა მიიღოთ გადაწყვეტილება.

🔵 გთხოვთ, გაითვალისწინოთ:
⚬ Bitnet არის ვირტუალური აქტივების მომსახურების პროვაიდერი და არ გასცემს საინვესტიციო, ფინანსურ ან სხვაგვარ რჩევას. ნებისმიერ გადაწყვეტილებას ვირტუალური აქტივის შეძენის, გასხვისების ან მესამე პირისთვის გადარიცხვის შესახებ იღებთ თქვენ თქვენივე პასუხისმგებლობით.

⚬ Bitnet არ ამოწმებს, არ აფასებს და არ ადასტურებს მესამე პირების მიერ შემოთავაზებულ საინვესტიციო თუ სხვა პროდუქტებს, პლატფორმებს ან შესაძლებლობებს, მათ შორის მაშინაც, როდესაც შესაბამისი ანგარიშსწორება ჩვენი პლატფორმის მეშვეობით სრულდება.

⚬ გაითვალისწინეთ, რომ ვირტუალური აქტივის გადარიცხვა, როგორც წესი, შეუქცევადია.

ამ პოსტის მიზანია თაღლითური სქემების შესახებ ცნობიერების ამაღლება. თქვენსა და Bitnet-ს შორის მოქმედი მომსახურების პირობები იგივე რჩება, არ წარმოიშობა დამატებითი სახელშეკრულებო ვალდებულები და არ ზღუდავს Bitnet-ის მიერ კანონმდებლობით გათვალისწინებულ უფლებებს.

➡ ეჭვის შემთხვევაში, სანამ თანხას გადარიცხავთ, გირჩევთ, გადაამოწმოთ ინფორმაცია. ასევე, გაეცანით საქართველოს ეროვნული ბანკის ვებგვერდს (nbg.gov.ge) და საჭიროების შემთხვევაში, მიმართეთ დამოუკიდებელ და სანდო პროფესიულ კონსულტანტს.

Bitnet-ის პლატფორმასთან დაკავშირებული კითხვების შემთხვევაში, მოგვწერეთ ან დაგვიკავშირდით ტელეფონის ნომერზე:
📞(+995) 322 050 022.

პატივისცემით,
𝗕𝗶𝘁𝗻𝗲𝘁-ის გუნდი

ასოციაციის საგანგებო განცხადება კომპანიების დაჯარიმების საკითხთან დაკავშირებით მედიაში გ მიუხედავად იმისა, რომ ეროვნულმა ბანკმა უკვე მკაფიოდ განმარტა დარღვევის ტექნიკური ბუნების შესახებ, საზოგადოები....

❗️ ბოლო პერიოდში დაფიქსირდა შემთხვევები, როდესაც სახელწოდებების მსგავსების გამო მომხმარებლებისთვის რთულია კრიპტოპლატფორმების ერთმანეთისგან გარჩევა. ერთ-ერთი ასეთი შემთხვევაა პლატფორმა bitnest.finance, რომლის სახელწოდებაც მსგავსია ჩვენი პლატფორმის სახელწოდებისა.

განვმარტავთ, რომ 𝗕𝗶𝘁𝗻𝗲𝘁-ს არანაირი კავშირი არ აქვს bitnest.finance-თან.

შეგახსენებთ, რომ 𝗕𝗶𝘁𝗻𝗲𝘁 არის საქართველოს ეროვნული ბანკის მიერ რეგისტრირებული კრიპტოპლატფორმა, რომლის საქმიანობაც სრულად შეესაბამება საქართველოში მოქმედ რეგულაციებს. საქართველოს ეროვნული ბანკის პრეზიდენტის შესაბამისი განკარგულება განთავსებულია 𝗕𝗶𝘁𝗻𝗲𝘁-ის ვებგვერდზე: https://bit.ly/Gankarguleba-Bitnet

გირჩევთ, ნებისმიერი პლატფორმის გამოყენებამდე გადაამოწმოთ, არის თუ არა ის ეროვნული ბანკის მიერ ლიცენზირებული. საქართველოს ეროვნული ბანკის მიერ რეგისტრირებული პროვაიდერების ჩამონათვალი ხელმისაწვდომია ეროვნული ბანკის ოფიციალურ ვებგვერდზე.

კითხვების შემთხვევაში გთხოვთ, დაგვიკავშირდეთ.