P R Shivashankar BJP

സർവ്വകലാശാല വൈസ് ചാൻസിലർമാർ മാത്രമല്ല സാമൂഹ്യബോധവും, സാമാന്യബോധവും ഉള്ള . രാജ്യ സ്നേഹവും , ദേശീയ വീക്ഷണവും ഉള്ള ആരും അംഗീകരിക്കുന്ന ഒരു കാര്യം. "സംഘം ഒരു നൂറ്റാണ്ടായി പ്രവർത്തിക്കുന്നത് ഭാരതത്തിന്റെയും , അതുവഴി ലോകത്തിന്റെയും നന്മയും ക്ഷേമവും ലക്ഷ്യമാക്കി മാത്രമാണ്. മതത്തിന്റെയോ , ജാതിയുടെയോ , ദേശത്തിന്റെയോ ഭാഷയുടെയോ പേരിൽ ആരെയും സംഘം അന്യരായി കാണുന്നില്ല. " ഡോക്ടർ മോഹൻ ഭാഗവത്, സംഘത്തിന്റെ സർ സംഘചാലക് തന്നെയാണ് ഈ പ്രഖ്യാപനം നടത്തിയത്. തികച്ചും മാതൃകാപരമാണ് സംഘത്തിന്റെ ഈ ആശയമെന്ന കാര്യത്തിൽ ആർക്കും സംശയമുണ്ടാകില്ല.

പക്ഷേ പല രാഷ്ട്രീയ നേതാക്കൾക്കും ഈ സന്ദേശം അവരെ അലോസരപ്പെടുത്തുന്നതാണ്. സംഘ സ്വയംസേവകർക്കും , ശാഖയിൽ അല്പകാലമെങ്കിലും സ്വയബുദ്ധിയോടെ പോയവർക്കും ഈ സന്ദേശം , പ്ര്യഖ്യാപനം പുതിയ അറിവും ആയിരിക്കില്ല. പക്ഷേ നിർഭാഗ്യവശാൽ കേരളത്തിലെ മാധ്യമങ്ങൾ ഈ വാർത്തകൾ ബഹിഷ്കരിച്ചും , തെറ്റായ വാർത്തകൾക്ക് കൂടുതൽ സ്പേസ് നൽകിയും സംഘത്തെ , സംഘത്തിന്റെ പവിത്രമായ ആശയങ്ങളെ ജനങ്ങളിൽനിന്ന് മറച്ചുവെക്കുവാൻ ശ്രമിക്കുകയാണ്.

മാധ്യമങ്ങളുടെ കള്ളപ്രചരണങ്ങൾ മറികടന്ന് മലയാളികളും സംഘത്തെ മനസ്സിലാക്കി തുടങ്ങിയിരിക്കുന്നു.. സമൂഹത്തിലെ വിദ്യാസമ്പന്നരായാ, സേവന സന്നദ്ധരായ മനുഷ്യസ്നേഹികൾ സംഘത്തിന്റെ ആശയത്തിലേക്ക് പതിന്മടങ്ങ് വേഗത്തിൽ അടുക്കുന്നത് പല രാഷ്ട്രീയലോകത്തെ പരാന്നജീവികൾക്കും , മാടമ്പിരാഷ്ട്രീയ തറവാട്ടിലെ വളർത്തുമൃഗങ്ങൾക്കും ഒട്ടും സഹിക്കുന്നില്ല. അത്തരമാ പ്രതികരണങ്ങളെ ആരും മുഖവിലേക്ക് എടുക്കുകയില്ല. പാണന്മാരായ ചില മലയാള മാധ്യമങ്ങൾ ഒഴികെ..

സലിംകുമാർ എന്ന മലയാളികളുടെ പ്രിയനടൻ ഇന്നലെ ഓർമ്മയായി. പറവൂർ എന്ന കൊച്ചു പ്രദേശം കേരളത്തിന്റെ ശ്രദ്ധാ കേന്ദ്രമായ ദിവസം. പറവൂരിന്റെ അടുത്ത പ്രദേശമായ ചെറായി എന്ന പ്രദേശത്തുള്ള കൂട്ടുങ്കൽ വീട്ടിൽ സലിം എന്ന 69 കാരനും നമ്മെ വിട്ടുപോയി. സലിംച്ചേട്ടൻ വിദ്യാനികേതൻ എന്ന പ്രശസ്തമായ വിദ്യാഭ്യാസ സ്ഥാപനത്തിന്റെ സംസ്ഥാന ഓഫീസിലെ ഉദ്യോഗസ്ഥൻ ആയിരുന്നു.

ഇവിടംകൊണ്ട് അവസാനിക്കേണ്ട ഒരു അനുശോചനസന്ദേശം ആണോ സലിം ജിയുടേത്?

ആരായിരുന്നു സലീമേട്ടൻ? 1970 കളുടെ അവസാന കാലഘട്ടത്തിൽ സംഘ സ്വയംസേവകനായി തന്റെ സേവന ജീവിതം ആരംഭിക്കുന്നു. പഠനശേഷം തനിക്ക് കിട്ടിയ KSEB യിലെ ജോലിയും കുടുംബവും ഉപേക്ഷിച്ച് സംഘത്തിന്റെ ആഹ്വാനം ഹൃദയത്തിൽ വഹിച്ച് അസ്സമിലേക്ക് പ്രചാരകനായി യാത്ര. ആസ്സാമിൽ ആ കാലഘട്ടത്തിൽ ULFA തീവ്രവാദികൾ സംഘത്തിനെതിരെ അതിശക്തമായ ആക്രമണം അഴിച്ചുവിടുന്ന കാലഘട്ടമാണെന്നുകൂടി പുതിയ തലമുറ ഓർക്കണം.

പിറന്ന നാടിനെയും , വളർത്തിയ കുടുമത്തെയും, തനിക്കു കിട്ടിയ സർക്കാർ ജോലിയെപ്പോലും ഉപേക്ഷിച്ച് 3300 കിലോമീറ്റർ അപ്പുറത്തുള്ള രാജ്യത്തിൻറെ തനിക്കറിയാത്ത മറ്റൊരുകോണിലേക്ക് , അവിടെ വളർന്നുവരുന്ന കലാപച്ചൂടിന്റെ നടുവിലേക്ക് താൻ വിശ്വസിച്ച പ്രത്യയശാസ്ത്രത്തിനുവേണ്ടി നിസ്വനായി യാത്രചെയ്ത വിപ്ലവകാരിയായ, ദൃഢപ്രതിഞ്ജാധാരിയായ സലിം എന്ന ഉത്തമ സ്വയംസേവകനെ നമ്മൾ എങ്ങിനെയാണ് നാളെയുടെ ചരിത്രത്തിൽ അടയാളപ്പെടുത്തേണ്ടത്?

അതീവ ഗുരുതര സാഹചര്യത്തിൽ ആയിരുന്ന അസം ഇന്ന് അതിശക്തമായ ദേശീയബോധമുള്ള, വികസന വീക്ഷണമുള്ള സർക്കാരിന്റെ പിൻബലത്തിൽ മൂന്നാം വട്ടവും മുന്നോട്ടുപോവുകയാണ്. സലീമേട്ടനെ പോലുള്ള നിരവധി പ്രചാരകർ കേരളത്തിൽനിന്നുപോയി തങ്ങളുടെ യുവത്വവും , ജീവിതവും സമർപ്പിച്ചിട്ടാണ് രാജ്യത്തിന്റെ ഒരു പ്രധാനസംസ്ഥാനം ഇന്ന് ഭാരതത്തോടൊപ്പം നിലകൊള്ളുന്നത്. ഇതെല്ലം മനസ്സിലാക്കി നമുക്കുമുന്നെ സഞ്ചരിച്ച് സലീമേട്ടൻ വലിയ ദീർഘവീക്ഷണമുള്ള ഒരു സംഘാടകൻ തന്നെയായിരിന്നു. തന്റെ ജീവിതം നൽകികൊണ്ട് താന്കൂടി പടുത്തുയർത്തിയ പ്രസ്ഥാനം സലീമേട്ടൻകൂടി പോരാടിയ മണ്ണിൽ തലയുയർത്തി , ഭരണസാരഥ്യമേറി മൂന്നാം തവണയും നിൽക്കുന്നത്ര്ഹ് കണ്ടു തികഞ്ഞ സംതൃപ്തിയോടെയായിരിക്കണം അദ്ദേഹം നമ്മളെ വിട്ടുപിരിഞ്ഞത്.

കേരളത്തിന്റെ പ്രിയ നടനും , ഞങ്ങളുടെ പ്രിയ നേതാവിനും കണ്ണീരിൽ കുതിർന്ന ആദരാജ്ഞലികൾ….

തിരഞ്ഞെടുപ്പ് പ്രവർത്തനം മാത്രമല്ല
നിസ്വാർത്ഥമായ സാമൂഹൃ സേവനം കുടിയാണ് രാഷ്രീയം…

തൃപ്പൂണിത്തുറയിലെ - നേതാക്കൾക്ക് , പ്രവർത്തകർക്ക് അഭിവാദ്യങ്ങൾ….

മീനാക്ഷിയാണ് താരം...

ശാരീരിക ബുദ്ധിമുട്ടുകളെയെല്ലാം അതിജീവിച്ച് പഠനത്തിലും, കലോത്സവങ്ങളിലും അത്യുജ്ജ്വലമായ കഴിവ് തെളിയിച്ചിരിക്കുകയാണ് തൃപ്പൂണിത്തുറ ഏരൂർ സ്വദേശിയായ മീനാക്ഷി നവീൻ. തൃപ്പൂണിത്തുറ ഗവ ഗേൾസ് ഹൈസ്‌കൂളിലെ ലോക്കോമോട്ടർ ഡിസബിലിറ്റിയുള്ള വിദ്യാർത്ഥിനിയായ മീനാക്ഷി ഇത്തവണ SSLC പരീക്ഷക്ക് നേടിയത് ഫുൾ A + മാർക്കാണ്. കഴിഞ്ഞ കാലങ്ങളിൽ മീനാക്ഷി LSS , USS , NMMS സ്കോളർഷിപ്പുകൾ ഉൾപ്പടെ വിവിധ അക്കാദമിക് നേട്ടങ്ങൾ സ്വന്തമാക്കിയ മിടുക്കിയാണ്. കലോത്സവങ്ങളിലും വിവിധ ഇനങ്ങളിൽ ഒന്നാംസ്ഥാന നേടിയ മീനാക്ഷി ബിജെപിയുടെ ജില്ലാ മീഡിയ സെൽ കൺവീനർ നവീൻ ശിവന്റെയും, തൃപ്പൂണിത്തുറ നഗരസഭയിലെ രണ്ടാം തവണയും കൗൺസിലർ ആയ ശോണിമ നവീന്റെയും മകളാണ്.
മീനാക്ഷിയെ അനുമോദിക്കുവാനും , ആദരവ് പ്രകടിപ്പിക്കുവാനും എനിക്ക് ഇന്നാണ് അവസരം കിട്ടിയത്, നഗര സഭ ചെയർ പേഴ്സൺ അഡ്വ പി എൽ ബാബുവും ഒരുമിച്ച് ആണ് പോയതെങ്കിലും മീനാക്ഷി പുറത്ത് പോയിരുന്നതിനാൽ ചെയർമാൻ ബാബുവിന് കാണുവാൻ സാധിച്ചില്ല. അദ്ദേഹത്തിന്റെ സമ്മാനം കൗൺസിലർ വെള്ളിരവി മീനാക്ഷിക്ക് നൽകി ആദരിച്ചു. കൂടെ നേതാക്കളായ ശ്രീ ദിലിപ് ജി മേനോൻ ,ബിജെപി കൗൺസിലർ ആയ ഷീന ഹരീഷ് , വിബിൻ , അഞ്ജല്യ തുടങ്ങിയവർ പങ്കെടുത്തു.

ഇന്നലെ മാതൃഭൂമി ചാനൽ സൂപ്പർ പ്രൈം ടൈം ഡിബേറ്റിൽ ൻ്റെ പ്രതിനിധിയായി പങ്കെടുത്ത് പറഞ്ഞ ചിലകാര്യങ്ങൾ…

നിങ്ങളുടെ അഭിപ്രായം അറിയിക്കുമല്ലോ

Mathrubhumi Mathrubhumi News

youtu.be

നമസ്ക്കാരം

​ ഇന്ന് വൈകുന്നേരം (19 - 05 - 2026 ) 0630 ന് ചേരാനല്ലൂർ NS hall വച്ച് താഴെപ്പറയുന്ന മഹദ് വ്യക്തിത്വങ്ങളുടെ നേട്ടങ്ങളെ ബഹുമാനിക്കുന്നതിൻ്റെ ഭാഗമായി BJP ചേരാനെല്ലൂർ പഞ്ചായത്ത് ഒരു ആദരിയ്ക്കൽ ചടങ്ങ് ബിജെപിയുടെ പഞ്ചായത്ത് കമ്മിറ്റി സംഘടിപ്പിക്കുന്നു..
ആദരിക്കുന്ന മഹനീയ വ്യക്തിത്വങ്ങൾ
1 ശ്രീ .രഞ്ജിത് ജയറാമൻ - കേരള സംഗീത നാടക അക്കാദമിയുടെ മികച്ച നാടക ഗാന പാട്ടുകാരൻ.
2.ശ്രീമതി മായ. P.R. വേൾഡ് മാസ്റ്റേഴ്സ് ബാസ്ക്കറ്റ്ബോൾ പ്ലേയർ
3 . ശ്രീ. ശ്രീഹരി പ്രശാന്ത്. ചെണ്ടയിൽ CCRT National scholership .
4 ശ്രീ.അദ്വെത് ചന്ദ്ര- റുബിക്സ് ക്യൂബ് 18 സെക്കൻ്റിൽ Solve ചെയ്ത റിക്കാർഡ് കൈവരിച്ചു.
5 ശ്രീ.രാഹുൽ കൃഷ്ണ - LSS , USS, NMMS സ്കോളർഷിപ്പ് ജേതാവ്.
6: കേദാർ M.ബളിക കൈകാൽ കെട്ടി പെരിയാർ കായൽ I KM നീന്തിയതിനുളള ബഹുമതി ലഭിച്ച കുട്ടി.
7 . തരുണി M.ബളിക കൈകാൽ കെട്ടിപെരിയാർ ക്കായൽ I KM നീന്തിയതിനുള്ള ബഹുമതി ലഭിച്ച കുട്ടി.

ഇത് നേരിട്ടുള്ള ഒരു ക്ഷണമായി സ്വീകരിച്ച് സമീപപ്രദേശത്തുള്ള എല്ലാവരും എത്തിച്ചേരണമെന്ന് അഭ്യർത്ഥിക്കുന്നു.

കഴിഞ്ഞ 11 വർഷങ്ങളായി, മാനവസേവക്കായ് പ്രവർത്തിക്കുന്ന,
സതേൺ റെയിൽവേയിലെ ലോക്കോ പൈലറ്റുമാരുടെ കൂട്ടായ്മയായ ലോക്കോ പൈലറ്റ് “സംഘബന്ധു”
സൊസൈറ്റിയുടെ രണ്ടാമത് വാർഷിക സമ്മേളനം ഇന്നലെ (മെയ് 17 ) ന് കൊല്ലം SNDP ഹാളിൽ വെച്ച് നടന്നു .
ഹിന്ദു ഐക്യവേദി സംസ്ഥാന വർക്കിംഗ് പ്രസിഡൻ്റ് ശ്രീ. വത്സൻ തില്ലങ്കേരി ഉദ്ഘാടനം നിർവ്വഹിച്ച പ്രസ്തുത ചടങ്ങിൽ മുഖ്യാതിഥി, നമ്മുടെ അഭിമാനമായ ചാത്തന്നൂർ MLA ശ്രീ ഗോപകുമാർ ജിയും പങ്കെടുത്തു.

യുഡിഎഫിന്റെ 2026 കേരള നിയമസഭാ വിജയത്തിന്റെ ഒരു പ്രധാനകാരണം മാനിഫെസ്റ്റോയിലെ ‘ഇന്ദിരാ ഗ്യാരണ്ടികൾ’ എന്ന ഫ്രീ ബീസുകൾ തന്നെയാണ്. പ്രധാന വാഗ്ദാനങ്ങൾ: സ്ത്രീകൾക്ക് KSRTC ബസുകളിൽ ഫ്രീ യാത്ര, കോളേജ് വിദ്യാർത്ഥിനികൾക്ക് ₹1,000 മാസാശ്വാസം, ക്ഷേമപെൻഷൻ ₹3,000 ആക്കി ഉയർത്തൽ, ഓരോ കുടുംബത്തിനും ₹25 ലക്ഷം ആരോഗ്യ ഇൻഷുറൻസ് (ഉമ്മൻ ചാണ്ടി സ്കീം), യുവാക്കൾക്ക് ₹5 ലക്ഷം വരെ പലിശരഹിത വായ്പ എന്നിവയായിരുന്നല്ലോ
ഇത് ജനങ്ങൾക്ക് ഹ്രസ്വകാല നേട്ടം ഉണ്ടാക്കുകയും ഉടൻ വരുമാന വർദ്ധന, താത്കാലിക ഉപഭോഗം ഉയരൽ,താത്കാലികമായി തന്നെ വിദ്യാഭ്യാസ-ആരോഗ്യ സൗകര്യങ്ങൾ മെച്ചപ്പെടുത്തൽ എന്നിവ ഉണ്ടാവും. കേരളത്തിലെ പെൻഷൻ ഗുണഭോക്താക്കളുടെ എണ്ണം 60 ലക്ഷത്തിലധികമാണ്; ഇത് ലക്ഷക്കണക്കിന് കുടുംബങ്ങളുടെ ദൈനംദിന ജീവിതം സുഗമമാക്കും എണ്ണത്തിലും തർക്കമില്ല.

നിലവിലെ ഫിസ്കൽ യാഥാർത്ഥ്യം: 2024-25ൽ കേരളത്തിന്റെ കടം-GSDP അനുപാതം 34.87% (2020-21ലെ 38.87%-ൽ നിന്ന് കുറഞ്ഞത്), പൊതു കടം ₹5 ലക്ഷം കോടി കവിഞ്ഞു. 2026-27 ബജറ്റ് പ്രകാരം ഫിസ്കൽ ഡെഫിസിറ്റ് 3.4% GSDP (₹55,419 കോടി). പലിശച്ചെലവ് നിലവിൽ 20%+ ആണ്; പുതിയ വായ്പയുടെ ഏകദേശം 94% നിലവിലുള്ള കടബാധ്യതകൾ കൈകാര്യം ചെയ്യുന്നതിനായി മാത്രമാണ് ഉപയോഗിക്കുന്നത്.

കേരളത്തിന്റെ ഫ്രീബീസുകൾ വരുമാനച്ചെലവ് ₹1 ലക്ഷം കോടി+ വർദ്ധിപ്പിക്കുമെന്ന് വിദഗ്ധർ മുന്നറിയിപ്പ് നൽകുന്നു. മൂലധന നിക്ഷേപം (റോഡ്, വ്യവസായം, ക്ഷേമം) കുറഞ്ഞാൽ ജോലി സൃഷ്ടി മന്ദഗതിയിലാകും. കടഭാരം 40%+ GSDP ആയി ഉയരാം; പലിശച്ചെലവ് ബജറ്റിന്റെ 30% കവിയും. സംസ്ഥാനത്തിന്റെ പുതിയ മൂലധന നിക്ഷേപത്തിനും , അടിസ്ഥാന സൗകര്യ വികസനത്തിനും , ജനസംഖ്യാ വാർദ്ധക്യം, കാലാവസ്ഥാ മാറ്റം, പ്രവാസി ആശ്രയം തുടങ്ങിയ പ്രശ്നങ്ങളോട് പൊരുത്തപ്പെടാൻ ഖജനാവിൽ ഫണ്ട് ലഭ്യമാവില്ല. ഇതിന്റെ ഫലമായി സാമ്പത്തിക വളർച്ച 5-6%-ൽ തട്ടി നിൽക്കും; ഭാവി തലമുറകൾക്ക് ഉയർന്ന നികുതി, കുറഞ്ഞ പൊതു സേവനങ്ങൾ, ആശ്രിതത്വ സംസ്കാരം. സുസ്ഥിര വികസനത്തിന് ലക്ഷ്യബന്ധിത, സമയബന്ധിത ക്ഷേമപദ്ധതികളും ടാക്സ് വർദ്ധനവും നേരിടേണ്ടിവന്നേക്കും.

ഉയർന്ന ഉത്പാദനക്ഷമതയിലൂടെ , ഉയർന്ന വരുമാനമുള്ള തൊഴിൽ ലഭ്യതയുടെ വളർച്ചയിലൂടെ മാത്രമേ യഥാർത്ഥ സമൃദ്ധി സാധ്യമാകൂ.