Cook Book
Share
Enjoy making and eating healthy and delicious dishes through the cookbook
���������
23/09/2026
😍👌ഹിറ്റ്ലർ മാധവൻകുട്ടിയും പെങ്ങൾമാരും ഇതാ ഇവിടെയുണ്ട്; വൈറലായി ചിത്രം😍👌
പെങ്ങൾമാരെ ഒരു ഭൂതത്താൻകോട്ടയിലെന്ന പോലെ സംരക്ഷിക്കുന്ന ഹിറ്റ്ലർ മാധവൻകുട്ടി എന്ന കഥാപാത്രത്തെ മലയാളികൾക്ക് അത്രവേഗത്തിൽ മറക്കാനാവില്ല. സിദ്ദിഖ് സംവിധാനം ചെയ്ത ചിത്രത്തിൽ മെഗാസ്റ്റാർ മമ്മൂട്ടിയാണ് ഹിറ്റ്ലർ മാധവൻകുട്ടിയായി തിളങ്ങിയത്.
വർഷങ്ങൾക്കിപ്പുറം, മാധവൻകുട്ടിയും അദ്ദേഹത്തിന്റെ അനിയത്തിമാരും ഇന്ന് എങ്ങനെയിരിക്കുന്നു എന്ന് ആലോചിച്ചിട്ടുണ്ടോ? എങ്കിൽ ഇതാ, സിനിമയിലെ പ്രധാന താരങ്ങൾ ഒന്നിച്ചുള്ള ചിത്രമാണ് സോഷ്യൽ മീഡിയയിൽ തരംഗമാവുന്നത്. താരങ്ങളുടെയെല്ലാം ഇപ്പോഴത്തെ ലുക്ക് വച്ച് എഐയിൽ നിർമിച്ചതാണ് ഈ ചിത്രം.
മാധവൻകുട്ടിയായി മമ്മൂട്ടിയും, അദ്ദേഹത്തിന്റെ അഞ്ചു സഹോദരിമാരായി എത്തിയ ഇളവരശി (സീതാലക്ഷ്മി), വാണി വിശ്വനാഥ് (അമ്മു), സുചിത്ര മുരളി (ഗായത്രി), ചിപ്പി (തുളസി), സീത (അമ്പിളി) എന്നിവരെയാണ് വൈറലായ പുതിയ ചിത്രത്തിൽ കാണാനാകുന്നത്. സിനിമയിലെ കഥാപാത്രങ്ങളെ അതേ സ്നേഹത്തോടെ ഓർമ്മപ്പെടുത്തിക്കൊണ്ടുള്ള ഈ പുത്തൻ ലുക്ക് ആരാധകർ ഏറ്റെടുത്തു കഴിഞ്ഞു.
1996-ൽ സിദ്ദിഖ് രചനയും സംവിധാനവും നിർവ്വഹിച്ച് പുറത്തിറങ്ങിയ 'ഹിറ്റ്ലർ' ബോക്സ് ഓഫീസിൽ വലിയ വിജയം നേടിയിരുന്നു. കർക്കശ സ്വഭാവവും അനിയന്ത്രിതമായ ദേഷ്യവും കാരണം നാട്ടുകാർ 'ഹിറ്റ്ലർ' എന്ന് വിളിക്കുന്ന മാധവൻകുട്ടിയുടെ ജീവിതമാണ് ചിത്രത്തിന്റെ കഥാപശ്ചാത്തലം.
തന്റെ അഞ്ച് അനുജത്തിമാരെ ലോകത്ത് മറ്റെന്തിനെക്കാളും സ്നേഹിക്കുകയും എന്നാൽ അത് പ്രകടിപ്പിക്കാൻ കഴിയാതിരിക്കുകയും ചെയ്യുന്ന വല്യേട്ടനായി മമ്മൂട്ടി തിളങ്ങി. മുകേഷ്, ശോഭന, സായ് കുമാർ, ജഗദീഷ് എന്നിവരാണ് ചിത്രത്തിൽ മറ്റു പ്രധാന കഥാപാത്രങ്ങളെ അവതരിപ്പിച്ചത്. കുടുംബബന്ധങ്ങളുടെ തീവ്രതയും അമിതമായ സംരക്ഷണസ്വഭാവം കുടുംബത്തിൽ ഉണ്ടാക്കുന്ന പ്രശ്നങ്ങളും നർമ്മത്തിൽ ചാലിച്ച് അവതരിപ്പിക്കുകയായിരുന്നു ചിത്രം.
300 ദിവസത്തിലധികം തിയേറ്ററുകളിൽ പ്രദർശിപ്പിച്ച ഈ സിനിമ ആ വർഷത്തെ കളക്ഷൻ റെക്കോർഡുകൾ ഭേദിച്ചു. മമ്മൂട്ടിയുടെ മാധവൻകുട്ടി എന്ന കഥാപാത്രത്തിന്റെ ശരീരഭാഷയും ഡയലോഗുകളും അക്കാലത്തെ പ്രേക്ഷകർ ആവേശത്തോടെ ഏറ്റെടുത്തു. കുടുംബ പ്രേക്ഷകരെയും യുവജനങ്ങളെയും ഒരുപോലെ ആകർഷിച്ച ഈ സിനിമയുടെ വിജയം തെലുങ്ക്, തമിഴ്, ഹിന്ദി, കന്നഡ ഭാഷകളിലേക്ക് റീമേക്ക് ചെയ്യപ്പെടുന്നതിനും കാരണമായി. ഇന്നും മലയാള ടെലിവിഷൻ ചാനലുകളിൽ വലിയ പ്രേക്ഷക പിന്തുണയോടെ പ്രദർശിപ്പിക്കുന്ന 'ഹിറ്റ്ലർ' ഒരു കാലഘട്ടത്തിന്റെ സിനിമാ കാഴ്ചകളെ അടയാളപ്പെടുത്തിയ സിനിമയാണ്.
23/09/2026
😍👌ഒരു മമ്മൂട്ടി, ഒരുപാട് കഥാപാത്രങ്ങൾ''; വേഷ പകർച്ചയുടെ രാജാവിന് കൈയ്യടിച്ച് ആരാധകർ😍👌
മമ്മൂട്ടി എന്ന നടൻ വെള്ളിത്തിരയിൽ അനശ്വരമാക്കിയ കഥാപാത്രങ്ങൾക്കെല്ലാം ഒരു പ്രത്യേക കരുത്തുണ്ട്. കാലമിത്ര കഴിഞ്ഞിട്ടും ആ കഥാപാത്രങ്ങളെല്ലാം ഇന്നും പ്രേക്ഷകമനസ്സിൽ മായാതെ നിൽക്കുന്നു. ഓരോ ചിത്രങ്ങളിലും വ്യത്യസ്ത ലുക്കുകൾ പരീക്ഷിക്കാൻ മടിയില്ലാത്ത മഹാനടന്റെ ഒരു വീഡിയോയാണ് സോഷ്യൽ മീഡിയയിൽ ഇപ്പോൾ വൈറലാകുന്നത്.
മമ്മൂട്ടി തന്റെ പഴയകാലത്തെ ഹിറ്റ് കഥാപാത്രങ്ങൾക്കൊപ്പം ലൊക്കേഷനിൽ വെച്ച് സെൽഫിയെടുക്കുന്ന കാഴ്ചയാണ് സൈബറിടത്ത് ശ്രദ്ധനേടുന്നത്. സേതുരാമയ്യരും, മാണിക്യവും ബിലാലും പഴശ്ശിരാജയുമെല്ലാം ഒരേ ഫ്രെയിമിൽ ഇന്നത്തെ മമ്മൂക്കയ്ക്കൊപ്പം സെൽഫിക്ക് പോസ് ചെയ്യുന്നതാണ് വീഡിയോയിൽ കാണാനാവുക.
മെഗാസ്റ്റാറിന്റെ വിവിധ കഥാപാത്രങ്ങൾ സെക്കന്റുകൾക്കുള്ളിൽ മിന്നിമറയുന്ന വീഡിയോ ആരാധകർ ഏറ്റെടുത്തുകഴിഞ്ഞു. സാങ്കേതികവിദ്യയാൽ അസാധ്യമായ പലതും സാധ്യമാകുന്ന ഈ കാലത്ത്, മമ്മൂട്ടിയുടെ കരിയറിലെ സുവർണ്ണ നിമിഷങ്ങളെ ഓർത്തെടുക്കാനുള്ള ഒരു അവസരമാണ് വീഡിയോ ഒരുക്കുന്നത്.
നിരവധി ആരാധകരാണ് "media_aiva" എന്ന അക്കൗണ്ട് ഇൻസ്റ്റഗ്രാമിൽ പോസ്റ്റു ചെയ്ത വീഡിയോയിൽ കമന്റുമായെത്തുന്നത്. "വേഷ പകർച്ചയുടെ രാജാവ്" എന്നാണ് ഒരാൾ കമന്റ് ബോക്സിൽ കുറിച്ചത്. "മമ്മൂട്ടി മത്സരിക്കുന്നത് മമ്മൂട്ടിയോട് തന്നെ", "മമ്മുക്ക പോയ വഴികൾ", "പഴകും തോറും വീര്യം കൂടി കൊണ്ടേ ഇരിക്കുന്ന മുതൽ" എന്നിങ്ങനെ നിരവധി കമന്റുകളാണ് വീഡിയോയിൽ നിറയുന്നത്..
23/09/2026
🔥✨ഇനി ഇൻഷുറൻസ് തുക ലഭിക്കാൻ 24 മണിക്കൂർ ആശുപത്രിയിൽ കിടക്കണമെന്നില്ല! നിയമം പൊളിച്ചെഴുതി ഐ.ആർ.ഡി.എ.ഐ (IRDAI); സാധാരണക്കാർക്ക് വലിയ ആശ്വാസം! 🏥📜✨
ആരോഗ്യ ഇൻഷുറൻസ് (Health Insurance) ഉള്ളവർ പലപ്പോഴും നേരിടുന്ന വലിയൊരു പ്രതിസന്ധിയായിരുന്നു, ചെറിയൊരു ചികിത്സയ്ക്കോ സർജറിക്കോ വേണ്ടി ആശുപത്രിയിൽ പോയാൽ പോലും ക്ലെയിം ലഭിക്കണമെങ്കിൽ കുറഞ്ഞത് 24 മണിക്കൂറെങ്കിലും അഡ്മിറ്റ് ആകണം എന്ന വ്യവസ്ഥ ഇൻഷൂറൻസ് ക്ലെയിം നിയമത്തിൽ മാറ്റം വരുത്തി IRDA.. എന്നാൽ കാലങ്ങളായി തുടരുന്ന ഈ പഴയ നിയമം ഇപ്പോൾ പൂർണ്ണമായും പൊളിച്ചെഴുതിയിരിക്കുകയാണ് ഇൻഷുറൻസ് റെഗുലേറ്ററി ആൻഡ് ഡെവലപ്മെന്റ് അതോറിറ്റി ഓഫ് ഇന്ത്യ (IRDAI).
💥പുതിയ നിയമത്തിലെ പ്രധാന വിവരങ്ങൾ:💥
✨2 മണിക്കൂർ മതിയാകും:
പുതിയ നിർദ്ദേശപ്രകാരം ആശുപത്രിയിൽ പ്രവേശിപ്പിക്കപ്പെട്ട് വെറും 2 മണിക്കൂർ കഴിഞ്ഞാൽ പോലും രോഗിക്ക് ഇൻഷുറൻസ് ക്ലെയിമിന് അർഹതയുണ്ടാകും.
✨കാരണം:
ആധുനിക മെഡിക്കൽ സാങ്കേതികവിദ്യകളുടെ വളർച്ച കാരണം തിമിര ശസ്ത്രക്രിയ (Cataract surgery), ആൻജിയോഗ്രഫി, ഡയാലിസിസ്, ചെറിയ തരം മൈനർ സർജറികൾ തുടങ്ങിയവയ്ക്ക് 24 മണിക്കൂർ ആശുപത്രിയിൽ കിടക്കേണ്ട ആവശ്യമില്ല.ഇത് മുൻനിർത്തിയാണ് നിയമത്തിൽ ഇളവ് വരുത്തിയത്.
✨ഒബ്സർവേഷനും ബാധകം:
അത്യാഹിത വിഭാഗങ്ങളിൽ (ER) നിരീക്ഷണത്തിനായി (Observation) കിടത്തുന്ന സമയവും ഐവി (IV) ഫ്ലൂയിഡുകൾ നൽകുന്ന സമയവുമെല്ലാം ഇതിൽ ഉൾപ്പെടും.
പല പ്രമുഖ ഇൻഷുറൻസ് കമ്പനികളും ഇതിനകം തന്നെ ഈ പുതിയ മാറ്റം ഉൾക്കൊണ്ടു കഴിഞ്ഞു . ഡിസ്ചാർജ് സമ്മറി ഉൾപ്പെടെയുള്ള ആവശ്യമായ രേഖകൾ കൃത്യമായി സമർപ്പിച്ചാൽ ഇനി മുതൽ ഹ്രസ്വകാല ചികിത്സകൾക്കും തുക തള്ളിക്കളയാൻ ഇൻഷുറൻസ് കമ്പനികൾക്ക് സാധിക്കില്ല.
നിങ്ങളുടെ സുഹൃത്തുക്കൾക്കും കുടുംബാംഗങ്ങൾക്കും ഉപകാരപ്പെടുന്ന ഈ പ്രധാന അറിവ് പരമാവധി ഷെയർ ചെയ്യൂ!
23/09/2026
😔അഭ്യൂഹങ്ങൾക്ക് ഒടുവിൽ സ്ഥിരീകരണം; വിനു മോഹനും വിദ്യയും വേർപിരിയുന്നു! ⚖️✨
മലയാളികൾക്ക് ഏറെ പ്രിയപ്പെട്ട താരദമ്പതികളായ വിനു മോഹനും വിദ്യയും വിവാഹമോചിതരാകുന്നു എന്ന വാർത്തകളാണ് ഇപ്പോൾ പുറത്തുവരുന്നത്. 2013-ൽ വിവാഹിതരായ ഇരുവരും തങ്ങളുടെ 13 വർഷത്തെ ദാമ്പത്യ ജീവിതത്തിനാണ് ഇപ്പോൾ വിരാമമിടുന്നത് .
തന്റെ സോഷ്യൽ മീഡിയ അക്കൗണ്ടുകളിൽ നിന്ന് വിദ്യക്കൊപ്പമുള്ള ചിത്രങ്ങളെല്ലാം വിനു മോഹൻ ഒഴിവാക്കിയതോടെയാണ് ആരാധകർക്കിടയിൽ സംശയങ്ങൾ ഉയർന്നത്. നിലവിൽ ഇരുവരും പരസ്പര സമ്മതത്തോടെ വേർപിരിഞ്ഞ് സ്വതന്ത്രമായി തങ്ങളുടെ കരിയറുമായി മുന്നോട്ട് പോകാൻ തീരുമാനിച്ചതായാണ് റിപ്പോർട്ടുകൾ സൂചിപ്പിക്കുന്നത് .
വേർപിരിയലിലും പ്രിയ താരങ്ങൾക്ക് തങ്ങളുടെ ഭാവി ജീവിതത്തിൽ എല്ലാവിധ നന്മകളും ഉണ്ടാകട്ടെ എന്ന് ആശംസിക്കുന്നു. ഈ വാർത്തയെക്കുറിച്ചുള്ള നിങ്ങളുടെ പ്രതികരണങ്ങൾ താഴെ കമന്റ് ചെയ്യൂ.
22/09/2026
💥✨എണ്പതുകളില് യുവാക്കളുടെ ഹരമായിരുന്ന മലയാളി നടനുമായുളള പ്രണയപരാജയവും തെലുങ്കിലെ ഏറ്റവും ശ്രദ്ധേയനായ താരമായിരുന്നു നാഗാര്ജുനയുടെ ഭാര്യ പദവിയിലേക്കുള്ള അമലയുടെ ജീവിതവഴികൾ 💥✨
ഫാസിലിന്റെ മെഗാഹിറ്റ് ചിത്രമായ ‘എന്റെ സൂര്യപുത്രി’യില് ടൈറ്റില് കഥാപാത്രത്തെ അവതരിപ്പിച്ച അമല അവതരിപ്പിച്ചു മായാ വിനോദിനി തനിക്ക് മാത്രം ചെയ്യാന് കഴിയുന്ന വേഷമെന്ന് തോന്നിപ്പിക്കും വിധം അനശ്വരമാക്കി മലയാള മനസുകളിൽ ചേക്കേറിയ നടിയാണ്.അനാഥത്വത്തിന്റെ വ്യഥകള് ഇത്രമേല് ആഴത്തില് അനുഭവിപ്പിച്ച ഒരു കഥാപാത്രം വേറെയുണ്ടാവില്ല. എന്നാല് ഒരു കഥാപാത്രത്തില് ഒതുങ്ങി നിന്നില്ല അമല. കമല് സംവിധാനം ചെയ്ത ‘ഉളളടക്ക’ത്തില് മാനസിക വിഭ്രാന്തിക്ക് അടിമയായ ഒരു പെണ്കുട്ടിയുടെ ശരീരഭാഷയും മാനസികഭാവങ്ങളും അസാധ്യമായ മികവോടെ അവതരിപ്പിക്കുകയുണ്ടായി. ഗ്ലാമർ ഗേളായി അന്യഭാഷകളില് തിളങ്ങി നിന്ന അമല രണ്ടേ രണ്ട് മലയാള സിനിമകളിലൂടെ തന്നിലെ അഭിനേത്രിയുടെ റേഞ്ച് പ്രകടിപ്പിച്ചത്. ‘ഉളളടക്കം’ മികച്ച നടിക്കുളള ഫിലിം ഫെയര് അവാര്ഡും നേടിക്കൊടുത്തു.
അസാധാരണമായ പ്രതിസന്ധിഘട്ടങ്ങളിലൂടെ കടന്ന് ഒടുവില് തന്റെ ലക്ഷ്യത്തെ എത്തിപ്പിടിച്ച അമലയുടെ ജീവിതകഥ പ്രചോദനാത്മകമാണ്.ഭാഷയ്ക്കും മതത്തിനും ദേശത്തിനുമെല്ലാം അപ്പുറമാണ് അവരുടെ ജീവിതവഴികള്.തമിഴ് ചിത്രങ്ങളിലൂടെയാണ് അമല കുടുതല് ശ്രദ്ധിക്കപ്പെട്ടത്. മണിരത്നത്തിന്റെ ‘അഗ്നിനച്ചത്തിരം’ പോലുളള സിനിമകളില് നായികയായി ചരിത്രം സൃഷ്ടിച്ച അമല ആദ്യം പ്രണയിച്ചതും വിവാഹം കഴിക്കാനാന് ആഗ്രഹിച്ചതും ഒരു മലയാളി നടനെ ആയിരുന്നു. എന്നാല് അവരുടെ പ്രണയം യാഥാര്ത്ഥ്യമായില്ല. സിനിമകള്ക്ക് സമാന്തരമായി ചില വഴിത്തിരിവുകള് കൂടി അവരുടെ വ്യക്തിജീവിതത്തിലും സംഭവിച്ചിരുന്നു. എണ്പതുകളില് യുവാക്കളുടെ ഹരമായിരുന്ന മലയാളി നടനുമായുളള പ്രണയം വിവാഹത്തിന് അടുത്തു വരെ എത്തിയതായും അവസാന നിമിഷം വഴിമാറി പോയെന്നും നടന് തന്നെ പില്ക്കാലത്ത് വെളിപ്പെടുത്തിയിരുന്നു. ആ ബന്ധം വിവാഹത്തിലെത്താതെ പോയതോടെ അമല അഭിനയത്തില് മാത്രം ശ്രദ്ധ കേന്ദ്രീകരിച്ച് മൂന്നോട്ട് പോയി.ഒരേ സമയം രണ്ടും മൂന്നും പടങ്ങളില് അഭിനയിക്കും. പല ഭാഷാ സിനിമകള് ചെയ്യും. ഫ്ളൈറ്റില് പല ഇടങ്ങളിലേക്ക് പറന്നു നടന്ന് അഭിനയം.സിനിമയില് ഒരു നിര്ണ്ണായക സ്ഥാനം നേടണം എന്ന വാശിയായിരുന്നു അമലയുടെ അധ്വാനത്തിന് പിന്നില്. ആ ഘട്ടത്തിൽ പ്രണയവും വിവാഹവുമൊന്നും ആ മനസില് സ്ഥാനം പിടിച്ചിരുന്നില്ല.രഘുവരന് വിവാഹാഭ്യർഥനയുമായി അമലയെ സമീച്ചെന്നും ലഹരിക്ക് അടിമയായ അദ്ദേഹത്തെ ഉള്ക്കൊളളാനാകാതെ അവര് ആ അഭ്യർഥന നിരസിച്ചതായും കഥകള് പരന്നു. എന്നാല് അതിന് സ്ഥിരീകരണമുണ്ടായില്ല. ഒരു ഘട്ടത്തിലും വ്യക്തിജീവിതത്തെ സംബന്ധിച്ച കാര്യങ്ങള് മാധ്യമങ്ങളിലൂടെ ചര്ച്ച ചെയ്യാന് അമല ഇഷ്ടപ്പെട്ടിരുന്നില്ല.
തെലുങ്കിലെ ഏറ്റവും ശ്രദ്ധേയനായ താരമായിരുന്നു നാഗാര്ജുന അമലയും ആയി ചില പടങ്ങളില് ഒരുമിച്ച് അഭിനയിച്ചിരുന്നു.ആ സമയത്ത് നാഗാര്ജുന വിവാഹിതനും 6 വയസ്സുളള നാഗചൈതന്യ എന്ന ആണ്കുട്ടിയുടെ പിതാവുമായിരുന്നു.അമലയും നാഗും തമ്മിലുണ്ടായ മാനസിക അടുപ്പത്തിന് അതൊന്നും തടസമായില്ല. ആദ്യഭാര്യയെ ഉപേക്ഷിച്ച് നാഗാര്ജുന അമലയെ സ്വന്തമാക്കി. വിവാഹം കഴിഞ്ഞ് മൂന്ന് വര്ഷത്തിനുളളില് ഇവര്ക്ക് അഖില് എന്ന മകന് പിറന്നു.1991ല് ഒരു അമേരിക്കന് യാത്രക്കിടെ നാഗാര്ജുന അമലയോട് വിവാഹാഭ്യര്ത്ഥന നടത്തി. അതിന്റെ സാഹചര്യം പോലും ഒരു സിനിമാ സീക്വന്സിനെ അനുസ്മരിപ്പിക്കുന്നതായിരുന്നു.തിരക്കുകള്ക്കിടയില് അല്പ്പസമയം സ്വകാര്യമായി സംസാരിക്കാനായി നാഗ് അമലയെ ഒരു റസ്റ്റോറന്റിലേക്ക് ക്ഷണിച്ചു. അമല ക്ഷണം സ്വീകരിച്ചു. തങ്ങളുടെ സ്വകാര്യത ഹനിക്കപ്പെടാതിരിക്കാനായി നാഗ് റസ്റ്റോറന്റിലെ ഒരു ഫ്ളോര് മുഴുവനായി ബുക്ക് ചെയ്തിരുന്നു. പരസ്പരം കണ്ടുമുട്ടിയപ്പോള് നാഗ് അമലയ്ക്ക് മുന്നില് മുട്ടുകുത്തി നിന്ന് കയ്യില് കരുതിയിരുന്ന പൂച്ചെണ്ടും ഷാംപെയിനും സമ്മാനിച്ചു. ഒരു സൂപ്പര്താരം താരതമ്യേന തുടക്കക്കാരിയായ തന്നോട് കാണിക്കുന്ന ഈ ആദരവും ആരാധനയും അമലയെ മാനസികമായി വല്ലാതെ കീഴ്പെടുത്തി. തുടര്ന്ന് നാഗ് വിവാഹം കഴിച്ചോട്ടെ എന്ന് ചോദിച്ചപ്പോള് അമ്പരപ്പുകൊണ്ട് ഒരു മറുപടി നല്കാന് കഴിയാതെ അമല സ്തബ്ധയായി നിന്നുപോയി. ആ മൗനം എങ്ങനെ വായിക്കണമെന്നറിയാതെ വ്യക്തതയ്ക്കായി നാഗ് എടുത്തു ചോദിച്ചു. അമല ഓക്കെയല്ലേ?' അമല ഏറെ സന്തോഷത്തോടെ സമ്മതം മൂളി.വാസ്തവത്തില് ആ സമയത്ത് സിനിമയുടെ ബഹളമയമായ ലോകത്തു നിന്ന് അകന്ന് സ്വസ്ഥമായ ഒരു കുടുംബജീവിതം അമലയും ഏറെ ആഗ്രഹിച്ചിരുന്നു. പക്ഷേ ഇത്രയും ഉന്നതനായ ഒരാള് തന്നെ തേടി വരുമെന്ന് അവര് തീരെ പ്രതീക്ഷിച്ചില്ല.
നാഗാര്ജുനയുടെ ആദ്യബന്ധത്തിലെ മകന് നാഗചൈതന്യയും അമല-നാഗ് കുടുംബവുമായി അടുത്ത ബന്ധം പുലര്ത്തിയിരുന്നു.നാഗചൈതന്യയുടെ ജീവിതത്തിലെ പ്രധാനപ്പെട്ട ഘട്ടങ്ങളിലെല്ലാം അമലയും കുടുംബവും ഒപ്പം നിന്നു.ഇടക്കാലത്ത് ഒരു ബോളിവുഡ് നടിയും നാഗുമായി ചേര്ത്ത് ചില ഗോസിപ്പുകള് പ്രചരിക്കപ്പെട്ടിരുന്നു. പത്ത് വര്ഷമായി അവര് തമ്മില് ഗാഢ സൗഹൃദമുളളതായും പറയപ്പെട്ടിരുന്നു. എന്തായാലും അവര്ക്ക് വേണ്ടി അമലയെ കയ്യൊഴിയാന് നാഗ് തയ്യാറായില്ല. കാറ്റിലും കോളിലും പെട്ട് ഉലയുമെന്ന് ഭയപ്പെട്ട സന്ദര്ഭങ്ങളെയെല്ലാം മറികടന്ന് നാഗാര്ജുന-അമല ബന്ധം അവരുടെ വിവാഹജീവിതത്തിന്റെ 33-ാം വര്ഷത്തിലെത്തിയിട്ടും ഭദ്രമായി തുടരുന്നു.എന്റെ വീട് ഒരു ക്ഷേത്രം പോലെ പരിശുദ്ധമാണ്. അവിടം ഒരു കാരണവശാലും മലിനപ്പെടില്ല', ഇത്തരം ദുഷ്പ്രചരണങ്ങളെക്കുറിച്ച് പ്രതികരണം ആരാഞ്ഞ മാധ്യമങ്ങളോട് അവര് പ്രതികരിച്ചത് ഇങ്ങനെയായിരുന്നു.സിനിമാ ജീവിതത്തില് 40 വര്ഷം പൂര്ത്തിയാക്കുന്ന ഘട്ടത്തില് സന്തുഷ്ടയായ കുടുംബിനി കൂടിയായിരിക്കാന് കഴിയുന്നതിന്റെ നിര്വൃതി അമലയുടെ സംസാരത്തിലും പെരുമാറ്റത്തിലും പ്രകടമാണ്.
22/09/2026
🔥💥മകൾക്കൊപ്പം ഉന്നം പിടിച്ച് ശോഭന; വൈറൽ ചിത്രം🔥💥
മാധ്യമങ്ങളിലും സോഷ്യൽ മീഡിയയിലുമൊക്കെ സജീവമാവുമ്പോഴും മകൾ നാരായണിയെ അതിൽ നിന്നെല്ലാം അകറ്റി നിർത്താൻ ശോഭന എപ്പോഴും ശ്രദ്ധിക്കാറുണ്ട്
നടിയും നർത്തകിയുമായ ശോഭനയുടെ മകൾ അനന്ത നാരായണിയുടെ വിശേഷങ്ങൾ അറിയാൻ ശോഭനയുടെ ആരാധർക്കെല്ലാം താൽപ്പര്യമാണ്. എന്നാൽ മാധ്യമങ്ങളിലും സോഷ്യൽ മീഡിയയിലുമൊക്കെ ശോഭന സജീവമാവുമ്പോഴും മകൾ നാരായണിയെ അതിൽ നിന്നെല്ലാം അകറ്റി നിർത്താൻ താരം എപ്പോഴും ശ്രദ്ധിച്ചിരുന്നു.
നൃത്തത്തിനോട് നാരായണിയ്ക്കും താൽപ്പര്യമുണ്ടെന്ന് ശോഭനയുടെ അഭിമുഖങ്ങളിൽ നിന്നും ആരാധകർ മനസ്സിലാക്കിയിട്ടുള്ള കാര്യമാണ്. അമ്മയും മകളും ഒന്നിച്ച് നൃത്തം ചെയ്യുന്നൊരു വീഡിയോയും സമീപകാലത്ത് സമൂഹമാധ്യമങ്ങളിൽ വൈറലായിരുന്നു.
ഇപ്പോഴിതാ, ശോഭന ഇൻസ്റ്റഗ്രാമിൽ പങ്കുവച്ചൊരു ചിത്രമാണ് ശ്രദ്ധ നേടുന്നത്. ഒരു പെൺകുട്ടിയ്ക്ക് ഒപ്പം തോക്കിൽ ഉന്നം പിടിക്കുന്ന ശോഭനയെ ആണ് ചിത്രത്തിൽ കാണാനാവുക. കൂടെയുള്ളത് മകൾ നാരായണിയാണെന്നാണ് ആരാധകരുടെ കണ്ടെത്തൽ.
മലയാളികൾക്ക് പകരക്കാരില്ലാത്ത നായികയാണ് ശോഭന. ഗ്രേസ്, അർപ്പണം എന്നീ വാക്കുകളുടെ പര്യായം. മലയാളി എന്നും നെഞ്ചോടു ചേർക്കുന്ന, ശോഭന അനശ്വരമാക്കിയ എത്രയോ കഥാപാത്രങ്ങൾ, അഭിനയമുഹൂർത്തങ്ങൾ... നൃത്തത്തിനു വേണ്ടിയാണ് ശോഭന കൂടുതൽ സമയവും ചെലവഴിക്കുന്നത്. നൃത്തത്തെ ജീവശ്വാസം പോലെ ചേർത്തുനിർത്തുന്ന ശോഭന ഇടയ്ക്ക് തന്റെ ശിഷ്യർക്കൊപ്പമുള്ള പുതിയ നൃത്ത വീഡിയോകൾ സോഷ്യൽ മീഡിയയിൽ പോസ്റ്റു ചെയ്യാനും മറക്കാറില്ല. ചെന്നൈയിൽ കലാർപ്പണ എന്ന പേരിൽ നൃത്തവിദ്യാലയം നടത്തുകയാണ് ശോഭന.
22/09/2026
💥🌟ആരാധിക എഴുതിവെച്ച 150 കോടിയുടെ സ്വത്ത് തിരിച്ചുകൊടുത്തു, പക്ഷെ ഒരു വ്യവസ്ഥയിൽ- സഞ്ജയ് ദത്ത്💥🌟
ഒരു ആരാധിക മരണത്തിന് മുമ്പ് തന്റെ പേരിൽ അവരുടെ 150 കോടിയുടെ സ്വത്തുവകകൾ എഴുതിവെച്ചതുമായി ബന്ധപ്പെട്ട അനുഭവം പങ്കുവെച്ച് ബോളിവുഡ് താരം സഞ്ജയ് ദത്ത്. ദി ഗ്രേറ്റ് ഇന്ത്യൻ കപിൽ ഷോയിലാണ് സഞ്ജയ് അനുഭവം പങ്കുവെച്ചത്. അതേക്കുറിച്ചുള്ള അവതാരകൻ കപിൽ ശർമയുടെ ചോദ്യത്തിന് അത് യഥാർത്ഥത്തിൽ സംഭവിച്ചത് തന്നെയാണെന്ന് സഞ്ജയ് പറഞ്ഞു. എന്നാൽ നിയമപരമായ അവകാശി അല്ലാത്തതിനാൽ ആ സ്വത്തുക്കളൊന്നും താൻ സ്വീകരിച്ചില്ലെന്നും സഞ്ജയ് പറഞ്ഞു.
എനിക്ക് പോലീസ് സ്റ്റേഷനിൽ നിന്ന് ഒരു ഫോൺ കോൾ വന്നു. നേരിട്ട് കാണണം എന്ന് അവർ ആവശ്യപ്പെട്ടു. ഇപ്പോഴെന്ത് കുഴപ്പത്തിലാണ് ചെന്ന് പെട്ടിരിക്കുന്നതെന്നാണ് എന്നായിരുന്നു എന്റെ മനസിൽ. പേടിക്കേണ്ടെന്നും സന്തോഷകരമായ സർപ്രൈസ് ഉണ്ടെന്നും അവർ പറഞ്ഞു. ഒരു സ്ത്രീ മരിച്ചുവെന്നും അവർ അവരുടെ മുഴുവൻ സ്വത്തുക്കളും എന്റെ പേരിൽ എഴുതിവെച്ചുവെന്നും അവർ പറഞ്ഞു. ഞാൻ അത് അന്വേഷിച്ചു, സൗത്ത് ബോംബെയിൽ അവർക്ക് കെട്ടിടങ്ങളുണ്ട്. അവയെല്ലാംകൂടി 150 കോടി രൂപയോളം വരും.'
ഞാൻ പറഞ്ഞൂ, നോക്കൂ, എനിക്ക് ആ സ്ത്രീയെ അറിയില്ല, പക്ഷെ അവർ എന്റെ ആരാധിക തന്നെ ആയിരിക്കും, അപ്പോഴും എനിക്ക് അവരുടെ സ്വത്തിൽ യാതൊരു അവകാശവുമില്ല. ഞാൻ ആ സ്വത്തുക്കളെല്ലാം അവരുടെ കുടുംബത്തിന് തിരിച്ച് നൽകി. പക്ഷെ അത് ശരിയായി ഉപയോഗിക്കണമെന്ന് വ്യവസ്ഥമാത്രം അവരോട് പറഞ്ഞു. അങ്ങനെ പലതരം ആരാധകരുണ്ട്.'
2018 ലാണ് 62 കാരിയായ നിഷ പാട്ടീൽ താൻ ഏറെ ആരാധിക്കുന്ന സഞ്ജയ് ദത്തിന് തന്റെ സ്വത്തുക്കൾ എഴുതിവെച്ചത്. സ്വത്തുക്കൾ ദത്തിന് കൈമാറണം എന്നാവശ്യപ്പെട്ട് അവർ നിരന്തരം ബാങ്കിലേക്ക് കത്തുകൾ എഴുതിയിരുന്നു. ബന്ധുക്കളാണ് മരണ ശേഷം ഈ കത്തുകൾ കണ്ടെടുത്തത്. മലബാർ ഹില്ലിലെ ത്രിവേണി അപ്പാർട്ട് മെന്റിലെ മൂന്ന് മുറി ഫ്ളാറ്റിലാണ് നിഷ 80 വയസുള്ള അമ്മയ്ക്കും മൂന്ന് സഹോദരങ്ങൾക്കുമൊപ്പം താമസിച്ചിരുന്നത്. ഈ ഫ്ളാറ്റടക്കം സഞ്ജയ് ദത്തിന് എഴുതിക്കൊടുത്തു.
എ ഹർഷയുടെ 'ബാഗി 4' ൽ വില്ലനായാണ് സഞ്ജയ് ദത്ത് ഏറ്റവും ഒടുവിലെത്തിയത്. ടൈഗർ ഷ്രോഫ് ആണ് ചിത്രത്തിലെ നായകൻ. കഴിഞ്ഞയാഴ്ച പുറത്തിറങ്ങിയ ചിത്രം ഇതിനകം 40 കോടി രൂപ നേടിയിട്ടുണ്ട്.
22/09/2026
😍65ാം വയസിലും സൗന്ദര്യം കാത്തുസൂക്ഷിച്ച് ഉണ്ണിമേരി😍
തെന്നിന്ത്യൻ സിനിമാ പ്രേക്ഷകര്ക്ക് ഒരിക്കലും മറക്കാനാവാത്ത താരമാണ് ഉണ്ണിമേരി. 1969ല് നവവധുവിലൂടെയാണ് ബാലനടിയായി ഉണ്ണിമേരി സിനിമാലോകത്തേക്ക് എത്തിയത്.
അടുത്തിടെ വിനീത് ശ്രീനിവാസൻ ചിത്രം കാണാൻ തിയേറ്ററിലെത്തിയ മുൻകാല നടി ചില ഓൺലൈൻ മാദ്ധ്യമങ്ങളോടും സംസാരിച്ചു. ഇതിന്റെ വീഡിയോയാണ് സോഷ്യൽ മീഡിയയിൽ വൈറലായത്. ഒരു ജാതി ഒരു ജാതകം എന്ന ചിത്രം കാണാനാണ് അവർ കുടുംബത്തിനൊപ്പം എത്തിയത്. വിനീത് ശ്രീനിവാസനോട് തന്റെ അന്വേഷണം പറയണമെന്നും നടി നിഷ്കളങ്കമായി പറയുന്നുണ്ടായിരുന്നു. ഏറെ കാലത്തിന് ശേഷമാണ് അവർ ഓൺലൈൻ മാദ്ധ്യമങ്ങൾക്ക് മുന്നിലെത്തുന്നത്. നിരവധിപേരാണ് വീഡിയോയ്ക്ക് കമന്റുകളുമായെത്തിയത്.
65ാം വയസിലും താരത്തിന്റെ സൗന്ദര്യത്തിന് യാതൊരു കോട്ടവും തട്ടിയിട്ടില്ല എന്നാണ് ആളുകൾ പറയുന്നത്. വളരെ സിംപിൾ ലുക്കിൽ ഒരു നോർമൽ ചുരിദാറൊക്കെ ധരിച്ച് ഒട്ടും താര ജാഡകളില്ലാതെയാണ് ഉണ്ണിമേരി സിനിമ കാണാൻ എത്തിയത്. ഒരു കാലത്ത് ഏറ്റവും കൂടുതൽ ആരാധിച്ചിരുന്ന നടിയെ വീണ്ടും കാണാൻ കഴിഞ്ഞ സന്തോഷത്തിലാണ് സിനിമാ പ്രേമികളും.
കണ്ണപ്പനുണ്ണി, മഹാബലി, തിങ്കളാഴ്ച നല്ല ദിവസം, ചട്ടമ്പിക്കല്യാണി,ജാണി, മുന്താണൈ മുടിച്ച് ,കാട്ടുറാണി, ലേഡീസ് ടെയ്ലര്, കല്യാണപ്പറവകള് തുടങ്ങി വിവിധ ഭാഷകളിലായി മുന്നൂറിലേറെ സിനിമകളില് അഭിനയിച്ചിട്ടുണ്ട്.1992 പുറത്തിറങ്ങിയ എന്നോട് ഇഷ്ടം കൂടാമോ എന്ന മുകേഷ് ചിത്രത്തിലാണ് അവസാനമായി അഭിനയിച്ചത്.
21/09/2026
🏆🎉 കേരളവിഷൻ ടെലിവിഷൻ പുരസ്കാര തിളക്കത്തിൽ മഴവിൽ മനോരമ; മൂന്ന് അവാർഡുകൾ സ്വന്തമാക്കി 'മറിമായം' ടീം! 🏆🎉
മിനിസ്ക്രീൻ പ്രേക്ഷകർ ആവേശത്തോടെ കാത്തിരുന്ന നാലാമത് കേരള വിഷൻ ടെലിവിഷൻ അവാർഡുകൾ (4th Kerala Vision Television Awards 2026) കൊച്ചിയിൽ വെച്ച് പ്രൗഢഗംഭീരമായി വിതരണം ചെയ്തു. പുരസ്കാര നിശയിൽ മൂന്ന് പ്രധാന വിജയങ്ങളുമായി മഴവിൽ മനോരമ വൻ നേട്ടമാണ് സ്വന്തമാക്കിയത്.
മലയാളികൾ നെഞ്ചിലേറ്റിയ ജനപ്രിയ ഹാസ്യ പരമ്പര 'മറിമായം' ആണ് അവാർഡുകളിൽ പ്രധാന പങ്കും നേടിയത്:
🌟 ജനപ്രിയ സീരിയൽ (Best Popular Serial): മഴവിൽ മനോരമയിലെ 'മറിമായം' മികച്ച ജനപ്രിയ പരമ്പരയ്ക്കുള്ള പുരസ്കാരം നേടി. മറിമായത്തിന്റെ സംവിധായിക ചന്ദ്രകല, പ്രശസ്ത നടി സോന നായരിൽ നിന്നും അവാർഡ് ഏറ്റുവാങ്ങി.
🎭 മികച്ച ഹാസ്യ നടൻ (Best Actor in a Comedy Role): മറിമായത്തിലെ മികച്ച പ്രകടനത്തിലൂടെയും വേറിട്ട ഹാസ്യ ശൈലിയിലൂടെയും പ്രേക്ഷകരെ ചിരിപ്പിക്കുന്ന പ്രിയ താരം നിയാസ് ബക്കർ മികച്ച ഹാസ്യ നടനായി തിരഞ്ഞെടുക്കപ്പെട്ടു. നടൻ ബിജു കുട്ടനിൽ നിന്നാണ് അദ്ദേഹം പുരസ്കാരം സ്വീകരിച്ചത്.
ആയിരത്തോളം എപ്പിസോഡുകളിലേക്ക് എത്തിനിൽക്കുന്ന ഈ വേളയിൽ മറിമായം കുടുംബത്തിന് ലഭിച്ച ഈ ഇരട്ട പുരസ്കാരം അണിയറപ്രവർത്തകർക്കും പ്രേക്ഷകർക്കും ഒരുപോലെ സന്തോഷം നൽകുന്ന ഒന്നാണ്.
വിജയികൾക്കും മഴവിൽ മനോരമ ടീമിനും ഹൃദയം നിറഞ്ഞ അഭിനന്ദനങ്ങൾ! 👏👏
21/09/2026
🚨🥺 പവർകട്ടിനിടെ ജനലിലൂടെ വീട്ടിനുള്ളിലേക്ക് പാമ്പ് കയറി; ഗുരുവായൂർ ഇരിങ്ങപ്പുറത്ത് വീട്ടിൽ പരിഭ്രാന്തി! 🐍⚡
തൃശൂർ ഗുരുവായൂർ ഇരിങ്ങപ്പുറത്ത് കനത്ത പവർകട്ടിനിടെ ജനലിലൂടെ വീട്ടിനുള്ളിലേക്ക് കൂറ്റൻ പാമ്പ് അപ്രതീക്ഷിതമായി കയറിയത് വീട്ടുകാരെയും പ്രദേശവാസികളെയും കടുത്ത ഭീതിയിലാഴ്ത്തി. മനോരമ ന്യൂസ് പുറത്തുവിട്ട ദൃശ്യങ്ങളിൽ വീടിന്റെ ജനൽ തിണ്ണയിൽ വലിയൊരു മലമ്പാമ്പ് (Python) ചുരുണ്ടുകൂടി കിടക്കുന്നത് കാണാം.
💥പ്രധാന വിവരങ്ങൾ:💥
✨ ഇരുട്ടിന്റെ മറവിൽ കടന്നുകൂടി:
പ്രദേശത്ത് വൈദ്യുതി ഇല്ലാതിരുന്ന സമയത്താണ് ജനൽ തുറന്നിട്ടതുവഴി പാമ്പ് അകത്തേക്ക് പ്രവേശിച്ചത്. വെളിച്ചമില്ലാത്തതിനാൽ ആദ്യഘട്ടത്തിൽ വീട്ടുകാർ ഇത് ശ്രദ്ധിച്ചിരുന്നില്ല..
✨ അവസാന നിമിഷത്തെ കണ്ടെത്തൽ:
പവർകട്ടിനിടയിൽ വീട്ടുകാർ ജനലിനടുത്തേക്ക് ചെന്നപ്പോഴാണ് അപ്രതീക്ഷിതമായി ഭയപ്പെടുത്തുന്ന ഈ കാഴ്ച കണ്ടത്. ഭാഗ്യം കൊണ്ട് മാത്രമാണ് ആർക്കും അപകടമൊന്നും സംഭവിക്കാതിരുന്നത്.
✨ വനംവകുപ്പിന്റെ ഇടപെടൽ:
വീട്ടുകാർ ഉടൻ തന്നെ വിവരമറിയിച്ചതിനെ തുടർന്ന് പാമ്പ് പിടുത്ത വിദഗ്ധരും വനംവകുപ്പ് (Forest Department) അധികൃതരും സ്ഥലത്തെത്തി പാമ്പിനെ സുരക്ഷിതമായി പിടികൂടി ജനവാസ മേഖലയിൽ നിന്നും മാറ്റി.
⚠️ അഭ്യർത്ഥന:കനത്ത മഴയും വൈദ്യുതി തടസ്സവുമുള്ള സമയങ്ങളിൽ വീടിന്റെ ജനലുകളും വാതിലുകളും അശ്രദ്ധമായി തുറന്നിടാതിരിക്കാൻ എല്ലാവരും പ്രത്യേകം ശ്രദ്ധിക്കുക. വീട്ടുപറമ്പും പരിസരവും എപ്പോഴും വൃത്തിയായി സൂക്ഷിക്കുക.