Reema Cooking

ناگتس بيتي
بطريقه كلش سهله وبسيطه
لب الصمون نقسمه قسمين
قسم نحمره ونخلي على طرف
وقسم نخلطه مع قطع صدر الدجاج
نخلي ملح وفلفل وضرف ماجي ونثرمه بمحضره الطعام بحيث يكون عجينه تقريبا نخلي باكياس ونحدد الاشكال حسب الرغبه ..
نجمده وبعدها نفصل القطع ونغمسه ببيض ولب الصمون اللي حمرنا بالفرن ونرتبهم ونفرزهم نكدر نستخدمهم مباشر ونكدر نخزنهم لوكت ثاني
بزيت حامي نقليها لمده دقيقتين تطلع وياكم تحفه
علينه وعليكم بالف عافيه ..
#كركوك

طريقه الصلصه..
نخلي اللحم المثروم على نار هاديه او متوسطه لحد ماينشف المي تماما ..
نقطع الخضار مكعبات ونخلي البصل والفلفل لحد مايذبلون يلا نخلي مكعبات الطماطه مع رشه زيت زينه ..
البهارات بس ملح وفلفل ونعناع مجفف ..
واذا حبيتو تخلون ماجي لحم حسب رغبتكم وهو الافضل عن كل كوب ونص مي تضيفو خلو مكعب ماجي
بس قبلها خلو معجون طماطه ٣ ملاعق و وقلبوها مع الخليط بعدها ضيفو المي والبهار
وقطع الفيتوشيني استخدموها بدون سلگ هالمره بس لاتخلون الصلصه ثخينه حتى يسهل امتصاصها من المعكرونه اتركوها على نار هاديه وغطوها لحد ماتذبل وتبلش تاخذ النكهات وبالاخير ريحان مثروم رشه عالوجهه ويه جبن اي نوع تحبو ..
وبالف عافيه

شويه ثومات خليهم يتحمرون بالزيت ضيفي عليهم اللحم وقلبي لحد مايتحمر من كل الجهات والبهارات خليها بس ملح وفلفل وكركم بدون اي اضافات ثانيه ..
اذا تحبون نومي بصره ضيفو هم طيب بس اني اليوم حبيته ساده ..
وخلو الحمص يكون منكوع ليله كامله فوك اللحم والثوم واتركوهم يستوون سويه اهم شي النار تكون متوسطه لهاديه حتى تنهرس وياكم حبات الحمص
واذا حبيتي تسوين كميه وزعي باكياس التجميد طبخات مع لحم او بدون كلش طيب وبس يستوي خلو عصره نص ليمونه والف عافيه ..

#حمص
#كركوك

اخر فقره خليها اضافه حلقات الباذنجان
والدهن اللي تحمرين بي الثوم والفلفل هو نفسه اللي استخدمي لتحمير اللحم ..
والبهارات خلي ملح فلفل ورشه دارسين وعصره نص ليمونه واذا متوفرت خلي ليمتدوزي اقل كميه حتى ليطغى طعمه لان هواي مركز ..
ونسبه المرك اقل لازم من المكونات هم هاي شرط من شروط التبسي العراقي المونه مالته تصير اكثر
علينه وعليكم بالف عافيه ..
#كركوك
#تبسي

بالنسبه الي من أساسيات طبخ الدجاج
اول حاجه انو اقطع كل الشحوم الزايده
بعدها لازم انكعه بمي وملح قبل الاستخدام
واذا سالتوني على اطيب وصفه فهي هاي تكون ساده بس تذوق بيها طعم الدجاج لاغير كلشي بيها متوازن بصوره مثاليه ..
اتبلها بملح وفلفل وزيت ورشه ثوم فقط واذا ضفتو بتيته وبصل وحبيتو يكون بيها شويه صوص خلو ماجي دجاج لكل دجاجه ضرف وكوب ونص مي لكل دجاجه ..
واتركوها بالفرن لمدة ساعتين كل نص ساعه اسقي الدجاج من السوب اللي بالصينيه
وبجعب فد كاسه اضغط صدر الدجاج من يستوي حتى يتشرب الصوص والنكهه تصير بداخله بشكل اكبر ..
ورى ساعتين راح تتفتت بسهوله وكللش غنيه بالنكهات ..
علينه وعليكم بالف عافبه ..

#كركوك
#دجاج

ثوم وفلفل حار مثروم ناعم
مع كتشب ودبس رمان وعصير ليمون مع ملح وبس هاي افضل صلصه للسمج بدون اي اضافات ثانيه ..
بس مثل كل مره مانخليها من البدايه بالبدايه بس نخلي ملح ولحد ماتتحمر اطرافه بالفرن يلا نخلي الصلصه ..
ونخليها بالفرن لحد ماتتحمر كلش زين ..
هاليوم سويتها بدون تمن بس مع مقبلات
علينه وعليكم بالف عافيه