MBC Media Network

பண்டாரவளை தோவ விகாரை 03.10.2026, பரட்டாதி சனி நிகழ்வுகள்

10 மாதங்களுக்குப் பிறகு இன்று (02) முதல் மீண்டும் மலையக மார்க்கத்தில் ரயில் சேவைகள் ஆரம்பிக்கப்படுவதாக ரயில்வே திணைக்களம் தெரிவித்துள்ளது.

கொழும்பிலிருந்து பேராதனை மற்றும் கம்பளை வரை மீண்டும் ரயில்களை இயக்கும் நடவடிக்கைகள் இன்று முதல் ஆரம்பிக்கப்படுவதாக அத்திணைக்களத்தின் போக்குவரத்து அதிகாரி அசங்க சமரசிங்க தெரிவித்தார்.

டித்வா சூறாவளிக்குப் பிறகு மலையக மார்க்கத்தில் இவ்வாறு ரயில் சேவைகள் இடம்பெறுவது சுமார் 10 மாதங்களுக்குப் பிறகாகும் என அசங்க சமரசிங்க மேலும் தெரிவித்தார்.

இலங்கையின் தென்மேற்கு கடற்பரப்பில் இருந்து சுமார் 15 மைல் தொலைவில், ஈரானுடன் தொடர்புடைய சுமார் 20 எண்ணெய் தாங்கிக் கப்பல்கள் தற்போது சிக்கியுள்ளதாக தெரிவிக்கப்படுகிறது.

கடுமையான அமெரிக்காவின் கட்டுப்பாடுகள் மற்றும் கடற்போக்குவரத்துத் தடைகள் காரணமாக இக்கப்பல்கள் பெரும் நெருக்கடியை எதிர்கொண்டுள்ளதோடு, சில கப்பல்களில் உணவு, எரிபொருள் மற்றும் குடிநீர் தட்டுப்பாடும் ஏற்பட்டுள்ளதாகக் குறிப்பிடப்படுகிறது.

சீனாவுக்கு கச்சா எண்ணெய் கொண்டு செல்லும் பணியில் ஈடுபட்டிருந்த, ஈரானுடன் தொடர்புடைய சுமார் 20 காலியான எண்ணெய் தாங்கிக் கப்பல்கள் இலங்கை கடலோரப் பகுதிக்கு அருகில் நங்கூரமிட்டுள்ளன.

ஈரானின் எண்ணெய் வர்த்தகத்திற்கு ஆதரவளிக்கும் தரப்பினருக்கு எதிராக அமெரிக்கா கடுமையான அழுத்தங்களைப் பிரயோகித்து வருவதன் காரணமாகவே இந்நிலைமை ஏற்பட்டுள்ளது.

கப்பல்களில் உள்ள மாலுமிகள் உணவு, எரிபொருள் மற்றும் அத்தியாவசியப் பொருட்களைப் பெற முயற்சித்த போதிலும், அமெரிக்கத் தடைகளுக்குச் சிக்க நேரிடும் என்ற பயம் காரணமாகச் சில இலங்கை விநியோகஸ்தர்கள் சேவைகளை வழங்கத் தயங்குவதால் அவர்கள் கடுமையான சிரமங்களை எதிர்கொண்டுள்ளனர்.

இக்கப்பல்கள் இலங்கையின் இறையாண்மைக்கு உட்பட்ட கடற்பரப்பிற்கு வெளியே, அதாவது அதன் பிரத்யேக பொருளாதார மண்டலத்திற்குச் (EEZ) அருகில் நங்கூரமிட்டுள்ளதால், அவை தொடர்பாக இலங்கையின் அதிகாரிகளுக்கு உள்ள சட்டப்பூர்வ அதிகாரங்கள் வரம்பிற்குட்பட்டதாக உள்ளன.

இருப்பினும், அதிகாரிகள் இக்கப்பல்களின் நடமாட்டத்தை தொடர்ந்து கண்காணித்து வருகின்றனர்.

சர்வதேசத் தடைகளுக்கு மத்தியில் பிராந்தியக் கடல்சார் போக்குவரத்து மற்றும் விநியோக வலையமைப்பு எதிர்கொண்டுள்ள பரந்த நெருக்கடியை இந்நிலைமை தெளிவாகக் காட்டுகின்றதுடன், தவிக்கும் கப்பல்களில் உள்ள ஊழியர்களின் மனிதநேயத் தேவைகள் குறித்தும் கவனம் செலுத்தப்பட்டுள்ளது

2027 ஐசிசி ஒருநாள் கிரிக்கெட் உலகக் கிண்ணத் தொடரின் குழுக்கள் மற்றும் போட்டி அட்டவணை வெளியிடப்பட்டுள்ளது.

தென்னாப்பிரிக்கா, ஜிம்பாப்வே மற்றும் நமீபியா ஆகிய நாடுகளின் இணை அனுசரணையுடன் நடைபெறும் எதிர்வரும் ஒருநாள் உலகக் கிண்ணத் தொடர், 2027 ஆம் ஆண்டு ஒக்டோபர் 2 ஆம் திகதி முதல் நவம்பர் 21 ஆம் திகதி வரை நடைபெற உள்ளது.

14 அணிகள் பங்கேற்கும் இப்போட்டித் தொடரின் முதற்கட்டப் போட்டிகள், தலா 7 அணிகளைக் கொண்ட இரண்டு குழுக்களின் கீழ் நடைபெறும்.

இலங்கை B குழுவில் சேர்க்கப்பட்டுள்ளதுடன், அக்குழுவில் பங்களாதேஷ், இங்கிலாந்து, தென்னாப்பிரிக்கா மற்றும் நியூசிலாந்து ஆகிய அணிகளும் இடம்பெற்றுள்ளன.

அக்குழுவின் மற்றுமொரு அணி தகுதிச் சுற்றின் மூலம் தேர்வாகவுள்ளது.

A குழுவில் ஆப்கானிஸ்தான், அவுஸ்திரேலியா, இந்தியா, பாகிஸ்தான் மற்றும் ஜிம்பாப்வே ஆகிய அணிகள் இடம்பெற்றுள்ளதுடன், மற்றுமொரு இடம் தகுதிச் சுற்றில் வெற்றிபெறும் அணிக்கு உரிமையாகும்.

போட்டித் தொடரின் முதலாவது அரையிறுதிப் போட்டி நவம்பர் 17 ஆம் திகதி கேப் டவுனிலும், இரண்டாவது அரையிறுதிப் போட்டி நவம்பர் 18 ஆம் திகதி ஷ்வானேவிலும் (Tshwane) நடைபெறவுள்ளன.

2027 உலகக் கிண்ணத் தொடரின் இறுதிப் போட்டி நவம்பர் 21 ஆம் திகதி ஜோகன்னஸ்பர்க்கில் நடைபெறவுள்ளது.

உலக சுற்றுலா தின விழாவையொட்டி, மன்னார் மாவட்டத்தின் தலைமன்னாரிலிருந்து ராமர் பாலத்துடன் தொடர்புடைய 8 மணல் திட்டுகளையும் பார்வையிடுவதற்கான ஏற்பாடுகளும், அதற்கான சோதனை ஓட்ட (வெள்ளோட்ட) நடவடிக்கைகளும் முன்னெடுக்கப்பட்டுள்ளன.

இதன் தொடர்ச்சியாக, எதிர்வரும் 15ஆம் திகதி முதல் பொதுமக்கள் இக்கடற் திட்டுகளைப் பார்வையிடுவதற்கான விசேட படகு சேவைகள் தொடங்கப்படவுள்ளன.

இது தொடர்பான விசேட கலந்துரையாடல் மன்னார் மாவட்டச் செயலகத்தில் அரசாங்க அதிபர் க. கனகேஸ்வரன் தலைமையில் நேற்று (1)நடைபெற்றது.

இக்கூட்டத்தில் அழைக்கப்பட்ட திணைக்களத் தலைவர்கள், தலைமன்னார் பங்குத்தந்தை மற்றும் கிராம மக்கள் உள்ளிட்ட பலர் கலந்துகொண்டனர்.

எதிர்வரும் 15 ஆம் திகதி முதல் அதிகாரப்பூர்வமாகச் சுற்றுலாப் பயணிகளுக்கான படகுப் போக்குவரத்து சேவைகள் ஆரம்பிக்கப்படும். இதற்கான பூர்வாங்க ஏற்பாடுகள் அனைத்தும் பூர்த்தியடைந்துள்ளன.

பயணிகள் எண்ணிக்கை: ஒரு படகில் 7 சுற்றுலாப் பயணிகள் வரை பயணிக்க அனுமதி வழங்கப்பட்டுள்ளது.

வனஜீவராசிகள் திணைக்களத்தால் ஒரு பயணிக்கு ரூ. 140 வீதம் கட்டணம் அறவிடப்படும்.

படகு உரிமையாளர்களால் ஒரு பயணிக்கு ரூ. 2,500 வீதம், ஒரு படகிற்கு (7 பயணிகள்) மொத்தம் ரூ. 17,500 கட்டணமாக நிர்ணயிக்கப்பட்டுள்ளது.

தற்போது தீர்மானிக்கப்பட்டுள்ள ரூ. 17,500 கட்டணத்தின் மூலம் இலங்கைக்குச் சொந்தமான 5 மணல் தீவுகள் வரை சென்று பார்வையிட முடியும்.

பயணிகள் முதலாவது மணல் தீவுக்குச் சென்று நீச்சல் போன்ற பொழுதுபோக்கு நடவடிக்கைகளில் ஈடுபட வசதிகள் செய்யப்பட்டுள்ளன. இதற்கான கூடுதல் கட்டணங்கள் மேலாண்மைக் குழுவால் விரைவில் அறிவிக்கப்படும்.

மூன்றாவது மணல் தீவில் இறங்கி, குறிப்பிட்ட நேரம் தங்கியிருந்து பார்வையிடவும் சிறப்பு ஏற்பாடுகள் செய்யப்பட்டுள்ளன.

எனவே, 15 ஆம் திகதி முதல் தொடங்கவுள்ள இப் படகு சேவையைப் பயன்படுத்த விரும்பும் சுற்றுலாப் பயணிகள், சுற்றுலா மேலாண்மைக் குழுவைத் தொடர்புகொண்டு தங்களுக்கான பயண ஏற்பாடுகளைச் செய்து கொள்ளலாம் என அறிவிக்கப்பட்டுள்ளது.

“வயது என்பது எண்ணிக்கை மட்டுமே; அனுபவம் என்பது வாழ்வின் செல்வம்.”
முதியோர் நம் குடும்பத்தின் வேர்கள். அவர்கள் கடந்து வந்த பாதை நமக்கு வழிகாட்டும் விளக்கு. வயது அதிகரித்தாலும், அவர்களின் கனவுகளுக்கும், ஆசைகளுக்கும், வாழ்க்கையின் அழகை ரசிப்பதற்கும் எல்லை இல்லை.
💪 உங்கள் அனுபவம் எங்களுக்கு பாடம்.
❤️ உங்கள் அன்பு எங்களுக்கு பலம்.
🌱 உங்கள் வாழ்க்கைப் பயணம் அடுத்த தலைமுறைக்கு வழிகாட்டி.
முதியோர் தின வாழ்த்துகள்!
“நேற்றின் அனுபவத்துடன், இன்றை மகிழ்ச்சியாக வாழ்ந்து, நாளையை நம்பிக்கையுடன் எதிர்கொள்வோம்!” 🌟

‘நான் முடியும்’ என்ற நம்பிக்கையுடன் முன்னேறுங்கள்.
உங்கள் கனவுகளுக்கு எல்லையே இல்லை! 🚀
🎉 இனிய சிறுவர் தின நல்வாழ்த்துகள்! 🎈❤️

இதெல்லாம் இப்பவும் கிடைக்காத .

மத்திய கிழக்கில் நிலவும் போர்ச் சூழல் காரணமாக உலகச் சந்தையில் எரிபொருள் விலைகள் அதிகரித்து வரும் நிலையில், உள்நாட்டு மக்களுக்கு ஏற்படும் தாக்கத்தைக் குறைப்பதற்காக எதிர்வரும் மூன்று மாதங்களுக்கு ஒட்டோ டீசல் மற்றும் கைத்தொழில் டீசலுக்கு நிவாரணம் வழங்க அரசாங்கம் தீர்மானித்துள்ளது.



இதன்படி, ஒக்டோபர், நவம்பர் மற்றும் டிசம்பர் ஆகிய மாதங்களுக்கு இந்த நிவாரணத்தை வழங்குவதற்குத் தேவையான நிதியை ஒதுக்குவதற்காக ஜனாதிபதி சமர்ப்பித்த யோசனைக்கு அமைச்சரவை அங்கீகாரம் வழங்கியுள்ளது.


இதற்காக, ஒக்டோபர் மாதத்துக்கு 15 பில்லியன் ரூபாயும், நவம்பர் மாதத்துக்கு 13.5 பில்லியன் ரூபாயும், டிசம்பர் மாதத்துக்கு 12.15 பில்லியன் ரூபாயும் ஒதுக்குவதற்குத் திட்டமிடப்பட்டுள்ளது.


இதற்கமைய, இந்த மூன்று மாதங்களுக்கான டீசல் மானியத்திற்காக ஒதுக்கப்படும் மொத்தத் தொகை 40.65 பில்லியன் ரூபாயாகும்.

சர்வதேச சந்தையில் எரிபொருள் விலைகள் உயர்வடைவதற்கு ஏற்ப உள்நாட்டில் எரிபொருள் விலைகளை அதிகரிக்காமல், நுகர்வோருக்குப் சுமையற்ற வகையில் கட்டுப்படியாகும் மட்டத்தில் பேணுவதே இந்த நிவாரணத்தின் நோக்கம் என அரசாங்கம் தெரிவித்துள்ளது.

பேஸ்புக் மற்றும் பிற சமூக ஊடக தளங்கள் மூலம் பணம் சம்பாதிக்கக்கூடிய நடைமுறைகள் அறிமுகப்படுத்தப்பட்டதைத் தொடர்ந்து, பெற்றோர்களின் அனுமதியுடனோ அல்லது அனுமதியின்றியோ சிறுவர்களின் புகைப்படங்களையும் காணொளிகளையும் இணையத்தில் பதிவேற்றும் செயற்பாடுகள் வேகமாக அதிகரித்து வருகின்றன.

சிறுவர்களின் திறமைகளை வெளிப்படுத்துவதாகவும் அவர்களின் சுவாரஸ்யமான செயல்களைப் பாராட்டுவதாகவும் கூறிக்கொண்டு, பல்வேறு நபர்களும் அமைப்புகளும் இத்தகைய காணொளிகளை வணிக நோக்கங்களுக்காகப் பயன்படுத்துவது அவதானிக்கப்பட்டுள்ளது.

இத்தகைய காணொளிகள் மற்றும் விலொக்ஸ் மூலம் சிறுவர்களின் அன்றாட வாழ்க்கை அந்நியர்களுக்கு வெளிப்படுத்தப்படுவது அவர்களின் தனிப்பட்ட பாதுகாப்பிற்கு கடுமையான ஆபத்தை ஏற்படுத்தக்கூடும்.

மேலும், செயற்கை நுண்ணறிவு தொழில்நுட்பத்தைப் பயன்படுத்தி, பொருத்தமற்ற அல்லது பாலியல் ரீதியான உள்ளடக்கங்களை உருவாக்க இணையத்தில் பதிவேற்றப்பட்ட புகைப்படங்களும் காணொளிகளும் மூலங்களாகப் பயன்படுத்தப்படக்கூடிய அபாயமும் உள்ளது.

எனவே, இதுபோன்ற ஆபத்தான சூழ்நிலைகளிலிருந்து சிறுவர்களைப் பாதுகாப்பதற்காக, சமூக ஊடகங்களைப் பயன்படுத்தும்போது பெற்றோர்களும் சிறுவர்களின் பராமரிப்பு மற்றும் பாதுகாப்பிற்குப் பொறுப்பான அனைவரும் அதிக விழிப்புணர்வுடனும் பொறுப்புடனும் செயல்படுமாறு இதன் மூலம் அறிவுறுத்தப்படுகிறார்கள்.