Colombo Media
Share
From Colombo to the World Colombo Media is a News Web, based in Colombo. We go beyond cold facts and bring to light what really matters.
Colombo Media, encompassing local news, Health News, Tech News, Business News, Sports News, World News and Documentary. Connect with us: www.colombo.media
නැගෙනහිර වෙරළ තීරයේ ඉඩම් අවභාවිතය ගැන මාස 2ක් අතුළත වාර්තාවක් ඉල්ලයි
නැගෙනහිර පළාතේ වෙරළ තීරයන්හි සිදුව ඇති අනවසර ඉදිකිරීම්, රජයේ ඉඩම් අවභාවිතය සහ වනජීවී සංරක්ෂණ දෙපාර්තමේන්තුවට අයත් ඉඩම් අනවසරයෙන් අත්පත් කර ගැනීම් සම්බන්ධයෙන් පුළුල් පරීක්ෂණයක් පවත්වා මාස 02ක් ඇතුළත සම්පූර්ණ වාර්තාවක් ලබාදෙන ලෙස අදාළ නිලධාරීන්ට දැඩි උපදෙස් ලබා දී තිබේ.
නැගෙනහිර පළාතේ නීතිවිරෝධී ඉඩම් අත්පත් කර ගැනීම් සහ අනවසර ඉදිකිරීම් වැළැක්වීම සඳහා පත් කරන ලද විශේෂ කමිටුව, ජනාධිපති කාර්ය මණ්ඩල ප්රධානී ප්රභාත් චන්ද්රකීර්ති මහතාගේ ප්රධානත්වයෙන් ඊයේ (16) පස්වරුවේ ජනාධිපති කාර්යාලයේදී දෙවැනි වරටත් රැස්විය.
එම අවස්ථාවේදී මෙම අදාළ නිලධාරීන්ට මෙම නියෝග නිකුත් කර ඇත.
යෝෂිත සහ කරන්නාගොඩට එරෙහි අල්ලස් නඩුව – පූර්ව නඩු විභාග සම්මන්ත්රණය ඔක්තෝබර් 13
හිටපු නාවික හමුදාපති වසන්ත කරන්නාගොඩ සහ යෝෂිත රාජපක්ෂ යන මහත්වරුන්ට එරෙහිව අල්ලස් හෝ දූෂණ චෝදනා විමර්ශන කොමිසම ගොනු කර ඇති නඩුව පූර්ව නඩු විභාග සම්මන්ත්රණය සඳහා ඔක්තෝබර් 13 වැනිදා කැඳවන ලෙස කොළඹ මහාධිකරණය නියම කර තිබේ.
අදාළ නඩුව අද (17) කොළඹ මහාධිකරණ විනිසුරු රවීන්ද්ර ප්රේමරත්න මහතා හමුවේ කැඳවූ අවස්ථාවේදී, ඇප මත සිටින විත්තිකරුවන් දෙදෙනාම අධිකරණය හමුවේ පෙනී සිටියහ.
එහිදී වසන්ත කරන්නාගොඩ මහතා වෙනුවෙන් පෙනී සිටි ජනාධිපති නීතිඥ ශවීන්ද්ර ප්රනාන්දු මහතා සඳහන් කළේ, නඩුවේ සාක්ෂි ලෙස ඉදිරිපත් කර ඇති ඇතැම් ප්රකාශවල සම්පූර්ණ පිටපත් විත්තියට ලබාදී නොමැති බවය.
ඛනිජ තෙල් ගවේෂණයට ආයෝජන යෝජනා කැඳවීමට අනුමැතිය
ශ්රී ලංකාවේ ඛනිජ තෙල් සම්පත් ගවේෂණය සහ සංවර්ධනය සඳහා ආයෝජන යෝජනා කැඳවීමේ ක්රියාවලිය විධිමත් කිරීමට අදාළ නියෝගයට අමාත්යාංශයීය උපදේශක කාරක සභාවේ අනුමැතිය හිමිව තිබේ.
වරාය හා සිවිල් ගුවන් සේවා සහ බලශක්ති අමාත්ය අනුර කරුණාතිලක මහතාගේ සභාපතිත්වයෙන් පසුගිය 11 වැනිදා පාර්ලිමේන්තුවේ පැවති බලශක්ති කටයුතු පිළිබඳ අමාත්යාංශයීය උපදේශක කාරක සභා රැස්වීමේදී මෙම අනුමැතිය ලබාදී ඇත.
2021 අංක 21 දරන ඛනිජ තෙල් සම්පත් පනත යටතේ සකස් කර ඇති අදාළ නියෝගය, අමාත්ය මණ්ඩල අනුමැතියෙන් පසු 2026 ජූලි 16 වැනිදා අති විශේෂ ගැසට් පත්රයේ පළ කර තිබේ.
ආයතනික ආචාරධර්ම සංග්රහය සකස් කිරීම පිළිබඳ වැඩමුළුවක්
ආයතනික ආචාරධර්ම සංග්රහය සකස් කිරීම පිළිබඳ එක්දින වැඩමුළුවක් ජනාධිපති ලේකම් ආචාර්ය නන්දික සනත් කුමානායක මහතාගේ ප්රධානත්වයෙන් පසුගියදා අරලියගහ මන්දිරයේදී පැවැත්විණ.
දෙවන අදියර යටතේ රාජ්ය ආයතනවල පිහිටුවන ලද අභ්යන්තර කටයුතු ඒකක 244ක් වෙනුවෙන් මෙම වැඩමුළුව සංවිධානය කර තිබිණි.
මෙරට නව චීන තානාපති හා අගමැතිනිය අතර හමුවක්
ශ්රී ලංකාවේ නව චීන තනාපති ලෙස පත් වූ වේයි හුවාෂියැං මහතා, අග්රාමාත්ය ආචාර්ය හරිනි අමරසූරිය මෙනවිය අතර හමුවක් අරලියගහ මන්දිරයේ දී සිදුව තිබේ.
පාසල් සිසුන් සඳහා නිල ඇඳුම් ලබාදීමට චීන රජයෙන් ලැබෙන සහාය සෑම පාසල් වසරක් ආරම්භයේදීම නිසි වේලාවට නිල ඇඳුම් ලබාදීමට හැකි වන පරිදි වසර 3 සිට 5 දක්වා වන දීර්ඝකාලීන රාමුවක් ඔස්සේ ක්රියාත්මක කිරීමේ හැකියාව පිළිබඳව එහිදී දෙපාර්ශ්වයේ අවධානය යොමුව තිබේ.
අධ්යාපන ක්ෂේත්රය ඩිජිටල්කරණය කිරීමේ පියවරක් ලෙස, චීන ආධාර යටතේ ක්රියාත්මක ඩිජිටල් අධ්යාපන ව්යාපෘතියේ ප්රගතියද මෙහිදී සමාලෝචනය කෙරුණු අතර මේ යටතේ දිවයින පුරා පිහිටි ඩිජිටල් පන්ති කාමර 500ක් සඳහා ස්මාර්ට් උපාංග 900ක් ලබාදීමට නියමිත බව අග්රාමාත්ය කාර්යාලය සදහන් කළේය.
ජාතික ගමනාගමන කොමිෂන් සභාවේ හිටපු සභාපති රේණුක පෙරේරා අල්ලස් දැලේ
ජාතික ගමනාගමන කොමිෂන් සභාවේ හිටපු සභාපති රේණුක පෙරේරා මහතා අල්ලස් හෝ දූෂණ චෝදනා විමර්ශන කොමිෂන් සභාව මගින් අත්අඩංගුවට ගෙන තිබේ.
නීති විරෝධී ලෙස බස් රථ සඳහා මාර්ග ධාවන බලපත්ර ලබා දීමේ සිද්ධියකට අදාළව ඔහු අත්අඩංගුවට ගත් බව අල්ලස් කොමිසම සදහන් කළේය.
1991 අංක 37 දරන ජාතික ගමනාගමන කොමිෂන් සභා පනතේ විධිවිධානයන්ට සහ 2014.09.19 දිනැති අමාත්ය මණ්ඩල තීරණයේ නිර්දේශවලට පටහැනිව දක්ෂිණ අධිවේගී මාර්ගය සඳහා මගී සේවා අවසරපත් 56ක් නීත්යානුකූල ක්රමවේදයෙන් බැහැරව සහ වාර්ෂික ගාස්තු එකවර අයකර ගැනීමකින් තොරව නිකුත් කිරීම හිටපු සභාපතිවරයාට එරෙහිව එල්ලවී ඇති චෝදනාව වේ.
“22ත් දිට්වා වගේම දරුණු ව්යවසනයක්”- විපක්ෂ නායක
ආණ්ඩුව ගෙනඒමට සූදානම් වන 22 වැනි ආණ්ඩුක්රම ව්යවස්ථා සංශෝධනය ‘දිට්වා’ සුළි කුණාටුව මෙන්ම ප්රජාතන්ත්රවාදයට එල්ල වූ දරුණු ව්යවසනයක් බව විපක්ෂ නායක සජිත් ප්රේමදාස මහතා පවසයි.
වත්තල උත්සව ශාලාවකදී පැවැති උත්සවයක් අමතමින් ඒ මහතා මේ බව කියා සිටියේය.
‘දිට්වා’ සුළි කුණාටුවෙන් විපතට පත් පවුල් 100ක් උදෙසා නිවාස ඉදිකරදීමේ අරමුණින් මෙම වැඩසටහන සංවිධානය කර තිබිණි.
එහිදී වැඩිදුරටත් අදහස් දැක්වූ විපක්ෂ නායකවරයා සඳහන් කළේ, මෙම සංශෝධනය හරහා ව්යවස්ථාදායකය, විධායකය සහ අධිකරණය යන ප්රජාතන්ත්රවාදී ප්රධාන කුළුණු තුන අඩපණ කිරීමට ආණ්ඩුව කුමන්ත්රණය කරන බවයි.
මට්ටක්කුලිය අනතුරේ රියදුරු අත්අඩංගුවට – ගංජා භාවිත කර ඇති බවටත් හෙළිවෙයි
මට්ටක්කුලිය, ෆර්ගියුෂන් හන්දියේදී අනතුරක් සිදු කළ මෝටර් රථයේ රියදුරු අත්අඩංගුවට ගෙන තිබේ.
මෙලෙස අත්අඩංගුවට ගෙන ඇත්තේ, වයස අවුරුදු 52ක් වන මට්ටක්කුලිය ප්රදේශයේ පදිංචිකරුවෙක් වන අතර ඔහු මෝටර් රථය පදවන අවස්ථාවේදී ගංජා භාවිත කර සිට ඇති බවට ද අනාවරණවී ඇත.
මට්ටක්කුලිය පොලිස් වසමේ ෆර්ගියුෂන් හන්දිය ප්රදේශයේදී වත්තල දෙස සිට අධික වේගයෙන් පැමිණි කාර් රථයක් රියදුරුට පාලනය කර ගැනීමට නොහැකිව ත්රීරෝද රථ දෙකක හා යතුරුපැදි දෙකක ගැටී ඊයේ (16) රාත්රියේ අනතුරක් සිදුවිණි.
යෝෂිත සහ කරන්නාගොඩගේ අල්ලස් නඩුව කැඳවයි
දූෂණ චෝදනාවක් සම්බන්ධයෙන් හිටපු නාවික හමුදාපති වසන්ත කරන්නාගොඩ සහ යෝෂිත රාජපක්ෂ යන මහත්වරුන්ට එරෙහිව අල්ලස් කොමිසම විසින් ගොනු කර තිබෙන නඩුව අද කොළඹ මහාධිකරණය හමුවේ කැඳවා තිබේ.
එම අවස්ථාවේදී ඇපමත මුදා හැර සිටින විත්තිකරුවන් වන වසන්ත කරන්නාගොඩ සහ යෝෂිත රාජපක්ෂ අධිකරණය හමුවේ පෙනී සිට ඇත.
ඉතිහාසයේ පළමු වරට ජපානයේ වයස අවුරුදු 100 ඉක්මවූ ජනගහනය ලක්ෂය පනී
ඉතිහාසයේ පළමු වරට ජපානයේ වයස අවුරුදු 100 ඉක්මවූ ජනගහනය ලක්ෂය ඉක්මවා ගොස් තිබේ.
මේ වන විට ජපානයේ වයස අවුරුදු 100 ඉක්මවූ පුද්ගලයින් සංඛ්යාව එක්ලක්ෂ 7,677ක් ලෙස වාර්තා වන බවයි එරට සෞඛ්ය අමාත්යාංශය පවසා තිබුණි.
ඒ අනුව වයස අවුරුදු 100 ඉක්මවූ ලක්ෂයකට අධික වැඩිහිටි ජනගහනයක් ජීවත්වන ලොව එකම රට බවට ජපානය පත්ව ඇති අතර ඉන් සියයට 88ක ප්රතිශතයක් කාන්තාවන් වීම විශේෂත්වයකි.