Monara

සමාජ මාධ්‍යවල පැතිර යන වීඩියෝවක දැක්වෙන්නේ, ජංගම දුරකථනය දෙස බලමින් රෝද පුටුවක ගමන් කළ කාන්තාවක් පඩිපෙළක් අසලදී අනතුරකට ලක්වන ආකාරයයි.

කාන්තාව දුරකථනයට අවධානය යොමු කරමින් ඉදිරියට ගමන් කරන අතර, පඩිපෙළ ආසන්නයේදී රෝද පුටුවේ සමබරතාව ගිලිහී යනවා.

ඒ සමඟම ඇය රෝද පුටුවත් සමඟම පඩිපෙළ දිගේ පහළට පෙරළී වැටෙන ආකාරය වීඩියෝවේ සටහන් වී තිබෙනවා.

සිද්ධියෙන් ඇයට සිදුවූ තුවාල හෝ අනතුර සිදුවූ ස්ථානය පිළිබඳ නිශ්චිත තොරතුරු මේ වනවිට තහවුරු වී නොමැති අතර, වීඩියෝව සමාජ මාධ්‍ය ඔස්සේ වේගයෙන් සංසරණය වෙමින් පවතිනවා.

මාදම්පේ ප්‍රදේශයේ පොල් ලී ආශ්‍රිත නිෂ්පාදන කර්මාන්ත ශාලාවක අද (06) සවස හදිසි ගින්නක් හටගෙන තිබෙනවා.

ගින්න මැඩපැවැත්වීම සඳහා හලාවත නගර සභාවේ ගිනි නිවන ඒකකය සහ ප්‍රදේශවාසීන් එක්ව දැඩි උත්සාහයක නිරත වනවා.

කෙසේ වෙතත්, ගින්නට හේතුව මෙතෙක් අනාවරණය වී නැහැ.

අපේ රටේ දිගටම තිබුණෙ කළු රාජ්‍යයක් අපි ඒ් කළු රාජ්‍ය බිඳ වට්ටනකොට ප්‍රයෝජන ගත්තු අය කලබල වෙනවා.....
ජනපති අනුර බේරුවල රැලිය අමතමින් කියයි....

ජනතාවගේ ආදරණීය ප්‍රතිචාර මැද බේරුවල ජන රැලියට ජනපති අනුර පැමිණි අයුරු.....

ඉන්දියාවේ සිට මුහුදු මාර්ගයෙන් මෙරටට ගෙන ආ බවට සැක කෙරෙන, සුදු ක්‍රීඩාවට යොදා ගන්නා වටිනා පරවියන් 200ක් පොලිසිය සොයාගෙන තිබෙනවා.

පුත්තලම කොට්ඨාස දූෂණ මර්දන ඒකකය කල්පිටිය – වන්නිමුන්දලම ප්‍රදේශයේ ඊයේ (05) රාත්‍රියේ කළ වැටලීමකදීයි මෙම පරවියන් සොයාගෙන ඇත්තේ.

සිද්ධිය සම්බන්ධයෙන් සැකකරුවන් සිව්දෙනෙකු අත්අඩංගුවට ගෙන ඇති අතර, පරවියන් ප්‍රවාහනය කිරීමට සූදානම් කර තිබූ වෑන් රථයක්ද පොලිස් භාරයට ගෙන තිබෙනවා.

පෙට්ටි 06ක දමා සිටි මෙම පරවියන් ජාතික හා ජාත්‍යන්තර තරග සඳහා යොදා ගන්නා, පාදවල මුදු පැළඳ ඇති වටිනා පරවි විශේෂයක් බව සඳහන්.

පරවි ව්‍යාපාරිකයන් පවසන්නේ එක් පරවියෙකුගේ වටිනාකම රුපියල් 50,000කට වැඩි බවයි.

හෝමුස් සමුද්‍ර සන්ධිය ආශ්‍රිතව අමෙරිකානු සහ ඉරාන හමුදා අතර සෘජු ගැටුමක් තවදුරටත් උත්සන්න වී තිබෙනවා.

සැප්තැම්බර් 5 වැනිදා ඉරාන ඉස්ලාමීය විප්ලවීය ආරක්ෂක බලකාය හෙවත් IRGC, කලාපයේ මුර සංචාරයේ යෙදී සිටි අමෙරිකානු නාවික හමුදාවට අයත් ගුවන් යානා ප්‍රවාහන නෞකාවක් සහ මාර්ගෝපදේශිත මිසයිල විනාශක නෞකාවක් වෙත බැලස්ටික් මිසයිල ප්‍රහාර එල්ල කර ඇති බව අමෙරිකානු මධ්‍යම විධානය හෙවත් CENTCOM පවසනවා. අමෙරිකානු නෞකා ප්‍රහාර මඟහැර ගැනීමට සමත් වී ඇති අතර, කිසිදු අමෙරිකානු හමුදා සාමාජිකයෙකුට තුවාල සිදුවී නැහැ.

ඊට ප්‍රතිචාර ලෙස CENTCOM ඉරාන බොරතෙල් ප්‍රවාහන නෞකා තුනකට ප්‍රහාර එල්ල කර තිබෙනවා.

ඉන් නෞකා දෙකක් සම්පූර්ණයෙන්ම අක්‍රිය කර ඇති අතර, තවත් හිස් නෞකාවක් සම්පූර්ණයෙන් විනාශ කර ඇති බව CENTCOM සඳහන් කරනවා. එක් නෞකාවක් ඉරානයේ ප්‍රධාන තෙල් අපනයන මධ්‍යස්ථානය වන Kharg Island ආසන්නයේදීත්, තවත් නෞකාවක් Jask ආසන්නයේදීත් ප්‍රහාරයට ලක්ව ඇති අතර, තුන්වැනි නෞකාවට Gulf of Oman ප්‍රදේශයේදී ප්‍රහාර එල්ල කර තිබෙනවා.

අමෙරිකානු බලධාරීන් පවසන්නේ මෙම නෞකා ඉරාන විප්ලවීය ආරක්ෂක බලකායට සහ එහි කලාපීය සන්නද්ධ කණ්ඩායම්වලට මුදල් සැපයූ බව කියන ඩොලර් බිලියන ගණනක රහසිගත තෙල් ජාලයකට සම්බන්ධ බවයි.

ඉන්දියාවේ නවදිල්ලි නුවර සත්‍ය නිකේතන් ප්‍රදේශයේ ගොඩනැගිල්ලක් අද (6) දහවල් කඩා වැටීමෙන්, එහි සිටි කිහිපදෙනෙකු සුන්බුන් අතර සිරවී ඇති බවට සැක කෙරෙනවා.

දහවල් 1.30ට පමණ මෙම අනතුර සිදුව ඇති අතර, සිද්ධිය සැලවීමත් සමඟ දිල්ලි ගිනි නිවන හමුදාව, පොලිසිය සහ සහන කණ්ඩායම් එම ස්ථානයට යවා තිබෙනවා.

ගොඩනැගිල්ල සිසුන් සඳහා පවත්වාගෙන ගිය PG නවාතැන් පහසුකමක් බවට වාර්තා වන අතර, එම ප්‍රදේශයේ විශාල පිරිසක් සිසුන් ලෙස නවාතැන් ගෙන සිටින බව සඳහන්.

මේ වනවිට පුද්ගලයන් තිදෙනෙකු බේරාගෙන ඇති බවත්, තවත් පිරිසක් සුන්බුන් අතර සිරවී සිටින බවට සැක පළවන බවත් නවතම වාර්තා සඳහන් කරනවා. ගලවා ගැනීමේ මෙහෙයුම් තවදුරටත් ක්‍රියාත්මකයි.

සුන්බුන් අතරින් පුද්ගලයන්ගේ “අපිව බේරගන්න” යනුවෙන් කෑගැසීම් ඇසුණු බවට ඇසින් දුටු සාක්ෂිකරුවන් ප්‍රකාශ කර ඇති බවත් වාර්තා වී තිබෙනවා.