ඉතිහාසයට කවුළුවක් - A Window to History
Share
අතීතයෙන් බිදක් ඔබ වෙත.............
ජේ.ආර්. ජයවර්ධන යනු කියවා අවසන් කළ නොහැකි චරිතයකි. සියුම් ලෙස අධ්‍යයනය කළ යුතු සහ පර්යේෂණයට භාජන කළ යුතු චරිතයකි. බොහෝ ඇසූ පිරූ තැන් ඇතිව, අති විශාල දේශපාලන අත්දැකීම් රාශියක් ලද දේශපාලන නායකයකු වූ ජේ.ආර්. ජාතිවාදී, ආගම්වාදී, කුලවාදී, වර්ගවාදී කොටු පවුරු බිඳ දේශපාලනයේ යෙදුණු නායකයෙකි. ඔහුගේ දූරදර්ශී සැලසුම් හා දැක්ම 1977 වසරේ සිට 1988 දක්වා වසර 11ක් මෙරට තුළ ක්‍රියාත්මක කළේ ජනසෙත සුව පිණිසය.
මෙම වීඩියෝවේ දැක්වෙන්නේ හිටපු අගමැති සිරිමාවෝ බණ්ඩාරනායක මැතිණියගේ දියණියක් වන සුනේත්‍රා බණ්ඩාරනායක විසින් හිටපු ජනපති ජේ.ආර්.ජයවර්ධනයන් පිළිබදව සිදුකරන ප්‍රකාශයකි.
වීඩියෝ පිටපත - Sigma Politics
31/05/2026
ශ්‍රී ලංකාවේ පැරණිම වෙසක් තොරණ ලෙස සැලකෙන්නේ තොටළඟ ශ්‍රී වෛශ්‍යාලෝක සමිතිය ඉදිකරන වෙසක් තොරණට යි. එය මුලින්ම ඉදිවූයේ 1955 වසරේ දී යි. එදා තොටළඟ ඉදිවූ තොරණින් මහා භද්‍ර කල්ප කතාවස්තුව නිරූපණය වුණා. එම තොරණ තැනීමට මුල් වුණේ එවකට තොටළඟ ප්‍රසිද්ධ වෙළෙඳ ව්‍යාපාරිකයකු ලෙස කටයුතු කළ හෙට්ටිආරච්චිගේ විල්බට් පෙරේරා යි. මේ තෙරණේ දළ සැලැස්ම නිර්මාණය කළේ කොල්වින් පීරිස්. තොටළඟ තොරණට මුලින්ම බරපැන යෙදවූයේ ද විල්බට් පෙරේරා ඇතුළු වෙළෙඳ ව්‍යාපාරිකයන් කිහිප දෙනෙක්. කැලණි ගංතෙරේ තොටළඟට රටේම අවධානය යොමුවීමට මේ වෙසක් තොරණ හේතුවුණා. එදා විදුලි බලය නොතිබූ කාලයේ එයට විදුලිය ලබාගෙන තිබෙන්නේ ජෙනරේටර් යන්ත්‍රවලින්. මුල්ම තොරණ උස අඩි 85ක් කියල තමයි සඳහන් වෙන්නේ. විදුලි බුබුළු 25000ක් විතර එයට සවිකර තිබෙනවා. මුල් කා‍ලේම මේ තොරණට ලක්ෂ 5-6ක් විතර වැයවී තිබෙනවා. ඒ කා‍ලේ වැඩිපුරම මුදල් අව්‍යශවී තිබෙන්නේ විදුලි බලය ලබා ගැනීමට යි. මුල්ම තොටළඟ තොරණ කතා වස්තුව පටිගත කර තිබුණේ ප්‍රවීණ ගුවන්විදුලි නිවේදක කරුණාරත්න අබේසේකරගේ කටහඩින්.
තොරණ විවෘත කිරීමේ උත්සවයට පැමිණ තිබෙන්නේ අගමැති එස්. ඩබ්. ආර්. ඩී. බණ්ඩාරනායක යි. තොරණ විවෘත කරද්දී හෙළිකොප්ටරයකින් පහළට මල් විසුරුවූ බවත් සදහන් වෙනවා.
තොරතුරු - Roar Media වෙබ් පිටුව
ඉතිහාසයට කවුළුවක් - A Window to History
මින්නේරිය වාරි ව්‍යාපෘතිය - ඩී.එස්. සේනානායක පාලන සමය
ඩී. ඇස්. සේනානායක මහතාගේ දූරදර්ශී වැඩපිළිවෙළ නිසා මින්නේරිය ව්‍යාපාරය අතිශය සාර්ථක විය. මෙහි සාර්ථකත්වය පදනම් කරගෙන පසුව පරාක්‍රම සමුද්‍ර ව්‍යාපාරය, ගිරිතලේ සහ දිගාමඩුල්ලේ ගල්ඔය බහුකාර්ය යෝජනා ක්‍රමය වැනි දැවැන්ත වාරි ව්‍යාපෘති බිහි කිරීමට එතුමාට හැකි විය.
ඉතිහාසයට කවුළුවක් - A Window to History
29/05/2026
ලෝකයක් මවිත කළ හෙළයන්ගේ නැව් තාක්ෂණය 🌏⚓🛥️
🔹️🔹️🔹️ 🔸️🔸️
අටවන සියවසේ අගභාගය වන විට ලංකාව ඇතුළු දකුණු ආසියාව ආසියානු මුහුදේ විශාලතම නැව් තැනූ බවට කියවේ. 9 වන ශතවර්ෂයේ මුල් භාගයේ චීන නිලධාරියෙකු සහ ලේඛකයෙකු වන ලී චාඕට අනුව, චීනයේ An-nan සහ Kuang Chou වරායන් වෙත පැමිණි බොහෝ නැව් වලින් සිංහ රාජධානියේ (ලංකාවේ) නැව් විශාලතම ඒවා වූ බවයි.
" දකුණු මුහුදෙන් එන විදේශ නැව් සෑම වසරකම An-nan හා Kuang වෙත පැමිණේ. මේ අතුරින් සිංහ රාජධානියේ නැව් විශාලතම ඒවා වේ. ඒවායේ පැටවීම හා බෑම සදහා අඩි සිය ගනනක් උස පඩිපෙලවල් පිහිටා ඇත. "
මෙම සටහන විවාදයකට තුඩු දුන් කාරණයකි. විශේෂයෙන් එහි පඩිපෙළවල් පිළිබඳව කරුණ. පර්යේෂකයන් පවසන්නේ ඒවා අඩි 40-50 විය යුතු බවයි. මේ පිළිබඳව ලංකා හා ජපන් විද්වතුන් දෙදෙනෙක් පර්යේෂණයක් පවා කර තිබේ. එම වාර්තාව පිලිබදව ගුණදොස් දක්‌වමින් ලියවුණු වාර්තාව අන්තර්ජාලයෙන් කියවිය හැකිය. Tang kuo shi pu නම් ලේඛකයා තානාපති ගමන් ලෙස මෙහි සිට පැමිණි නෞකා වාර 6 ක් පිළිබඳව වාර්තා කරයි.
🔸️🔸️Lee chao වැඩිදුරටත් සඳහන් කරන්නේ ලංකාවේ නාවිකයින් මෙම නෞකාවල සුදු පරෙවියන් තබාගෙන සිටි බවයි. ප්ලිනිද මෙම කරුණ වාර්තා කර තිබේ. මෙසේ කරණුයේ පණිවිඩයක් යැවීමට හෝ දිශාව සොයා ගැනීම වෙනුවෙනි.
•••••••••••••••••••••••••••••••••
22/05/2026
17 වන සියවසේ දී මරාඨ අධිරාජ්‍යය බිහි කළ "ඡත්‍රපති ශිවාජි මහරාජ්" ගේ නාවුක බලය ගැන ඔබ දැන සිටියා ද? 🤔
ඉන්දියාවේ බටහිර වෙරළ තීරයට විදේශ රාජ්‍යවලින් එල්ලවෙන්න තිබ්බ බලපෑම අවම කරන්න හිතලා වෙරළ තීරයේ ආරක්ෂාවට ශක්තිමත් නාවුක හමුදාවක් ගොඩනැගුව පළවෙනි දේශීය පාලකයා තමයි "ඡත්‍රපති ශිවාජි මහාරාජ්" කියල කියන්නේ... ඔහු ශක්තිමත් නාවුක හමුදාවක් ගොඩනැගුව විතරක් නෙවෙයි, මුහුදු බලය අත්පත් කරගැනීමේ අරමුණින් "සින්ධුදුර්ග්" සහ "විජයදුර්ග්" වගේ ප්‍රබල සාගර බලකොටු රැසක් ඉදිකරලා තියෙනවා.. ඒ වගේ ම "ගුරාබ්" සහ "ගල්බත්" වගේ නොගැඹුරු මුහුදේ වේගයෙන් යාත්‍රා කරන්න පුළුවන් යුද නැව් නිර්මාණය කරන්නත් ඡත්‍රපති ශිවාජි මහාරාජ් කටයුතු කරල තියෙනවා. තාක්ෂණය, ආරක්ෂක උපාය මාර්ග වගේ ම දේශීය නාවුක ශිල්පීන් උපයෝගි කරගනිමින් ශිවාජි මහාරාජ් තිබ්බ මේ අඩිතාලම නිසා අදටත් "ඉන්දීය නාවුක හමුදාවේ පියා" විදිහට ඔහු ව ගෞරවයෙන් සලකනු ලබනවා...
ඉතිහාසයට කවුළුවක් - A Window to History
කෝට්ටේ රාජධානියේ පාලකයා වූ 6 වන පරාක්‍රමබාහු රජුගේ ලංකා රාජ්‍ය එක්සත් කිරීමේ ව්‍යාපාරය
ඉතිහාසයට කවුළුවක් - A Window to History
21/05/2026
විජයානන්ද දහනායක මහතාගේ අග්‍රාමාත්‍ය පාලන සමය (1959–1960)
ධුරයට පත්වීම (1959 සැප්තැම්බර් 26): අග්‍රාමාත්‍ය එස්. ඩබ්ලිව්. ඩී. බණ්ඩාරනායක මහතාගේ ඝාතනයෙන් පසු, සභානායක සී. පී. ද සිල්වා මහතා ගිලන්ව සිටීම හේතුවෙන්, වැඩබලන සභානායක ඩබ්ලිව්. දහනායක මහතා ලංකාවේ 5 වැනි අග්‍රාමාත්‍යවරයා ලෙස දිවුරුම් දුන්නේය.
"සූට්කේස් අගමැති" නම් නාමය පටබැදීම: අරලියගහ මන්දිරයට පැමිණෙන විට සහ ඉන් පිටවන විට ඔහු සතුව තිබුණේ ඇඳුම් පැළඳුම් අඩංගු එකම එක සූට්කේසයක් (Suitcase) පමණි. මන්දිරයේ විශාල කාමරයක් ලෑලි ගසා වෙන්කර කුඩා කුටියක ජීවත් වූ ඔහුගේ සරල බව බ්‍රැඩ්මන් වීරකෝන් මහතා (එවකට අගමැති ලේකම්) තහවුරු කර ඇත.
ඉතිහාසයට කවුළුවක් - A Window to History
20/05/2026
ඔබ දන්නවාද? 🤔💡
ලෝක ඉතිහාසයේ බිහිවූ විශිෂ්ටතම සහ බුද්ධිමත්ම පාලකයෙක් ලෙස සැලකෙන අක්බර් අධිරාජ්‍යයාට මුළු ජීවිත කාලය පුරාම අකුරු කියවීමට හෝ ලිවීමට නොහැකි වූ බව ඔබ දන්නවාද? 📚
ඔහු ඩිස්ලෙක්සියාව (Dyslexia) තත්ත්වයෙන් පෙළුණු බව විශ්වාස කෙරෙනවා. නමුත් ඔහු සතු වූයේ පුදුමාකාර මතක ශක්තියක්! තමන්ගේ රාජකීය පුස්තකාලයේ තිබූ දහස් ගණන් පොත්පත් වෙනත් අය ලවා ශබ්ද නඟා කියවීමට සලස්වා, ඒවාට සවන් දීමෙන් පමණක් ඔහු මහා ප්‍රඥාවන්තයකු සහ බලගතු පාලකයකු බවට පත්වුණා. 👑✨
ඉතිහාසයට කවුළුවක් - A Window to History