Explorers

වැඩියෙන් ප්‍රජනනය කරලා දිනන්න බෑ.

මුලින්ම කියන්න ඕනා මම මේ ගැන මේකේ කතා කරන්න කැමතිම නෑ...

ඒත් එකම වැරදි “විසඳුම්” නැවත නැවතත් සමාජයේ මතුවෙන නිසා වගේම මේ දවස් වල සමාජ මාධ්‍ය වල වැඩිපුරම දකින්න ලැබෙන්නෙ මේ දේවල් ගැනම නිසා මේ ගැන කෙළින් කතා කරන්න ඕන.

ආගමක් හෝ ආගමික මතවාදයක් සම්බන්ධ සමාජ ගැටලුවක් ඇති වුණාම, අපි නිතර දකින්නේ ගැටලුවේ මූලයට නොගොස් එහි පෙනෙන ලක්ෂණවලට ප්‍රතිචාර දක්වන එක.

ඇඳුමක් තහනම් කිරීම,
ආගමික ගොඩනැගිල්ලකට විරෝධය දැක්වීම,
සරණාගතයන්ට එරෙහිව ප්‍ර$චණ්$ඩත්වය කිරීම,
හෝ යම් ආගමික පුරුද්දක් පාලනය කරන්න නීති දැමීම

මේවා කළාම සමහරු හිතනවා,

“දැන් ප්‍රශ්නය විසඳුණා.”

ඒක එහෙම නෙවෙයි.

පෙනෙන සංකේතයකට ප&හ@ර දීමෙන්, ඒ පිටුපස තියෙන අදහස හෝ සමාජ ක්‍රියාවලිය අතුරුදහන් වෙන්නේ නැහැ.

ඒ වගේම තවත් වැරදි අදහසක් තියෙනවා.

යම් කණ්ඩායමක ජනගහනය වැඩි වෙනවා නම්,

“අපිත් වැඩිපුර ළමයි හදලා ජනගහන තරගයෙන් ඉදිරියට යමු”

කියන අදහස.

ඒක විසඳුමක් නෙවෙයි.

ඒක ජනගහන තරගයක් විතරයි.

ජනගහනය කියන්නේ ලකුණු පුවරුවක් නෙවෙයි.

රටක් දියුණු වෙද්දී අධ්‍යාපනය, නාගරීකරණය, ජීවන වියදම, කාන්තාවන්ගේ අධ්‍යාපනය සහ රැකියා අවස්ථා, දරුවන් වෙනුවෙන් කරන ආයෝජනය වගේ කරුණු වෙනස් වෙනවා.

ඒ සමඟ පවුල් ප්‍රමාණයත් වෙනස් වෙනවා.

ඒ නිසා,

“අපි තව ළමයි හදමු, එතකොට අපි පරදින්නේ නෑ”

කියන සරල සූත්‍රයෙන් සංකීර්ණ සමාජ ගැටලුවක් විසඳන්න බැහැ.

අවසානයේ වැදගත් වෙන්නේ ඔළුගෙඩි ගණන විතරක් නෙවෙයි.

අධ්‍යාපනයේ ගුණාත්මකභාවය.
ආර්ථික ශක්තිය.
සමාජයේ අවස්ථා.
නීතියේ සාධාරණත්වය.
විවේචනාත්මකව සිතන මිනිසුන්.
තමන්ගේ අදහස් ගැන සාකච්ඡා කරන්න පුළුවන් සංස්කෘතියක්.
වගේම නිවැරදි ශක්තිමත් දේශපාලන නායකත්වයක්

ඒ නිසා අපි අහන්න ඕන ප්‍රශ්නය,

“කවුද වැඩියෙන්?”

කියන එක නෙවෙයි.

“අපි හදන්නේ මොන වගේ සමාජයක්ද?”

කියන එක.

ඕනෑම ආගමක්, මතවාදයක් හෝ සංස්කෘතික අදහසක් විවේචනය කරන්න පුළුවන්.

ඒත් ඒ විවේචනය මිනිසුන්ගේ ආගමික අනන්‍යතාවයට ප$හ$ර දීමක් නොවී, අදහස් සහ ක්‍රියා පිළිබඳ විවේචනයක් විය යුතුයි.

අවශ්‍ය වන්නේ කණ්ඩායම් අතර ජනගහන යු@ද්ධ@යක් නෙවෙයි.

හොඳින් සිතන, හොඳින් ඉගෙනගත්, තමන්ගේ අයිතිවාසිකම් දන්න සහ අනිත් මිනිසුන්ගේ අයිතිවාසිකම්ත් පිළිගන්න සමාජයක්.

වැඩියෙන් ප්‍රජනනය කරලා දිනන්න බෑ.

ශක්තිමත් මිනිසුන් සහ ශක්තිමත් සමාජයක් හදලා විතරයි දිගුකාලීනව ඉදිරියට යන්න පුළුවන්.

මෙය කිසිම පැත්තක් ගැනීමක් නොව...රටේ අනාගතය පිළිබඳව මට දැනෙන දේ...ඔබේ අදහස පහලින් කමෙන්ට් එකක් දාන්න...

ලොව වෙනස්ම රූපලාවන්‍ය තරඟය: තරබාරුම මිනිසා තෝරන ඉතියෝපියාවේ අද්විතීය ගෝත්‍රය! 🇪🇹✨

අපේ ලෝකයේ ගොඩක් සංස්කෘතීන්වල ‘ලස්සන’ කියලා කියන්නේ සිහින් සිරුරකට වුණාට, ඉතියෝපියාවේ ඕමෝ (Omo Valley) නිම්නයේ ජීවත් වෙන ‘බොඩී’ (Bodi) ගෝත්‍රිකයන් අතර පවතින්නේ ඊට සම්පූර්ණයෙන්ම වෙනස් කතාවක්!

ඔවුන්ගේ ‘කාඑල්’ (Ka’el) නම් නව වසර සැමරුම් උත්සවයේදී පැවැත්වෙන්නේ ලෝකයේ වෙන කොහෙවත් නැති විදියේ අපූරු තරඟයක්. ඒ තමයි “ගෝත්‍රයේ තරබාරුම මිනිසා” තේරීමේ තරඟය! 😮👇

🥣 මාස 6ක දැඩි සූදානම!

තේරී පත්වීම: උත්සවයට මාස 6කට පෙර පවුල්වලින් අවිවාහක තරුණයන් මේ සඳහා තෝරා ගැනෙනවා.
විශේෂ පෝෂණය: මොවුන් සියලු බර වැඩ නවත්වා, ගෝත්‍රික සම්ප්‍රදායික විශේෂ අධි-පෝෂණීය දියර ආහාර පමණක් ලබා ගනිමින් සිරුරේ බර වැඩි කරගන්නවා.
ගෞරවනීය සතුන්: උත්සවය සඳහා සතුන්ට කිසිදු හානියක් නොකර, සාම්ප්‍රදායික ක්‍රමවේදයන්ට අනුව පමණක් අවශ්‍ය පෝෂණය සපයා ගන්නවා.

👑 ජයග්‍රාහකයාට හිමිවෙන සම්පත!

මාස 6ක කැපවීමෙන් පස්සේ උත්සව දිනයේදී මොවුන් සංස්කෘතික රටා ඇඳගනිමින් උත්සව භූමියට පැමිණෙනවා. බොඩී සංස්කෘතියේ විශාල සිරුරක් හිමි පිරිමියා කියන්නේ උපරිම ආකර්ෂණයේ සහ සමෘද්ධියේ සංකේතයක්!

ජයග්‍රාහකයාට හිමිවන්නේ මුළු ගෝත්‍රයේම අසීමිත ගෞරවය, ආදරය සහ ජීවිත කාලය පුරාම රජෙකුට වගේ ලැබෙන පිදුම්! 👑✨

ලෝකයේ මෙවැනි සංස්කෘතික වෙනස්කම් ගැන ඔයාට හිතෙන්නේ මොකක්ද? පහතින් Comment එකක් දාගෙන යන්න! 👇

𝑼𝑨𝑬 රජයෙන් ශ්‍රී ලංකාවට ලැබෙන උදව් 🇦🇪🙏

අබුඩාබි සිවිල් ආරක්ෂක අංශයේ විශේෂ කණ්ඩායම්, UAE ආධාර ආයතනය සහ Emirates Red Crescent (ERC) එකේ අය, වැඩිම හානි වෙච්ච අපේ ගම්වලට ඇවිත්. ඔවුන් අපේ බලධාරීන් සමඟ එකතු වෙලා බේරාගැනීමේ වැඩ කරගෙන යනවා. හැම මිනිත්තුවක්ම වටින මේ වෙලාවේ, මේක අපිට ලොකු දෙයක් .

✈️ සහන ගුවන් මගින් උපකාර

UAE ගුවන් හමුදාවේ ලොකුම යානා දෙකක් (C-17) ගොඩ බැස්සා. මේවායේ මානුෂීය කණ්ඩායමේ 76 දෙනෙක් ඉන්නවා. ඒ වගේම ජීවිත බේරගන්න අවශ්‍ය වාහන සහ හදිසි බඩු තොගත් ඔවුන් ගෙනාවා.

📦 ආධාර බඩු තොගය: ටොන් 20 කට වැඩි ආධාර

ටොන් 20කට වඩා වැඩි හදිසි ආධාර ගුවනින්ම එව්වා. මේවා නිකම්ම බඩු නෙවෙයි; ගෙවල් අහිමි වුණ අපේ පවුල්වලට අවශ්‍යම දේවල්—කෑම, බෙහෙත්, කූඩාරම්, බ්ලැන්කට්, සහ පිරිසිදු බොන වතුර පවා. ඉදිරියට තවත් ආධාර ලැබෙනවා කියලා ඔවුන් පොරොන්දු වුණා.

ලක්ෂ දහයකට වඩා මිනිසුන් පීඩාවට පත් වෙලා. ඒත් මේ ලොකු දුක මැද, UAE දේශයේ ත්‍යාගශීලීකම සහ මනුස්සකම අපිට කවදාවත් අමතක වෙන්නේ නැහැ.

ඒ අස්සෙ තැන් දෙක තුනකම දැක්කා කට්ටිය බැනලා තියෙනවා..වාහන වලින් යනවා එහෙ මෙහෙ...පාරවල් හරස් කරනවා...කරන දෙයක් නෑ කියල...

කියන්න ඕනා...ඔය ඇවිත් ඉන්නෙ අය ලෝකේ රටවල් වල පොලිස් කණ්ඩායම් ගත්තම හොදම 10ට අයිති පොලිසියක අය...ඒ වගේම Addc / usar කියන්නෙ අබුඩාබි වල ගොඩක් කාර්‍යක්ශමව වැඩ කරන කණ්ඩායම්...ඕනම ප්‍රශ්නයකදි විනාඩි කිහිපයකින් ඔවුන් ඒක විසඳනවා දැකලා තියෙනවා...

අවුරුදු 6ක් අබුඩාබි වල ඉන්න මම පුද්ගලිලවම දන්නවා ඒ ගැන...

UAE සහා ගල්ප් කන්ට්‍රි හැම රටක්ම දියුනු වෙන්න ප්‍රදානම හේතුවම තමා නීතිය... එ කියන්නෙ මෙ මිනිස්සු සමාන්‍යන් අනිත් රටවල් වලත් මේ වගෙ ආපදාවක් සිදු උනොත් මෙයාල අපිට වගේම උදව් කරනවා..

නමුත් මෙම ලංකාව වගේ රටක මේ වගෙ ලොකු මිශන් එක්කට බැහලා වැඩ කරනවා මම දැක්ක පලවෙනි පාර මේ එ මිනිස්සු අරන් ආපු බඩු එයාලම ගිහින් ගෙවල් ගානෙ බෙදනවා ඉතින් උපතින්ම ගේනාපු මනුස්සකම සහා ආගන්තුක සත්කාර මෙ මිනිස්සු මේ රටින් යනකම්ම එයාලට ආපහු ලබාදෙන්න... 🙏🤍

එයාලට විතරක් නෙමේ මේ වෙලාවෙ මොනම විදිහකින් හරි අපිට උදවු කරන ඕනම රටකට...

ඉතින් මේ වෙලාවේ අපිට උදවු කරන කවුරුම උනත් කොයි රට උනත් අපිට වටිනවා...ගොඩක් රටවල් එයාලට පුලුවන් විදිහට උදවු කරා

අපේ රටේ ජනතාව වෙනුවෙන්, Explorers අපි හදවතින්ම කියනවා:

Thank you UAE ! 🇦🇪❤️🇱🇰
Thank you world

"Photo credit goes to the respective owner.”

මාළදිවයින අපි වෙනුවෙන් 🇲🇻🙏

සමහරවිට මම හිතන්නේ මේක වෙන්න ඇති මාලදිවයිනේ ඉතිහාසෙටම කරපු ලොකුම කැම්පේන් එක. තවම පැය 30කට ආසන්න වගේ වෙන්නේ.. දැනටමත් ඩොලර් මිලියනයකට (රුපියල් මිලියන 300) ආසන්න ගානක් ලක්ශ 5ක වගේ මුලු ජනගහනයක් ඉන්න මේ පුංචි රටේ මිනිස්සු අපි වෙනුවෙන් එකතු කරලා..

ලොකු ලොකු රටවල් ඇබරෙද්දි මේ පුංචි දූපත් සමූහයේ ඉන්න මිනිස්සු සුපිරිම ගේමක් ගහනවා. රජයේ ආයතන, පෞද්ගලික ආයතන, මාධ්‍යය, පාසල්, ලොකු / පොඩි ව්‍යාපාර, බැංකු, රාජ්‍ය නොවන සංවිධාන, විදෙස් ශ්‍රමිකයන් මේ ඔක්කොම එකතු වෙලා මේ ගහන ගේම ගැන කියන්න වචන නෑ..

මාලදිවයින් පොලීසියෙන් විතරක් රුපියල් මිලියන 48කට අධික මුදලක් දුන්නා. ටීවී චැනල් මුල ඉදල එක දිගටම ලයිව් යනවා.. මොබයිල් නෙට්වර්ක්ස් නොමිලේ ලංකාවට දුරකථන ඇමතුම් පහසුකම් දීලා.. අතේ තියන කීය කීය හරි ගෙනල්ලා දාන්න පුලුවන් විදියට තැන් තැන් වල කලෙක්ෂන් බොක්ස් තියලා.. ඊට අමතරව මෙහෙ වැඩ කරන ලාංකීය ජනතාවට වෙන වෙනම උදව් කරලා හොයලා බලලා හැම දෙයක්ම කරනවා..නිකමට මේ හෑශ් ටැග් එක ටච් කරලා බලන්න..මාලදිවයිනේ මිනිස්සු අපට, රටට කොච්චර ආදරේද කියල පෙනෙයි...

🇱🇰❤️🇲🇻

මේ කැම්පේන් එක තවම ඉවර නෑ... තවමත් අධාර එකතු කරමින් තියෙන්නේ..

රටම වැ/න/සූ පනස්හතේ ගංවතුරේ මතක

මහ වැසි වැටෙමින් නැවතත් ගං වතුර ඇවිත්. කැලණි, කළු, ගිං, නිල්වලා ගංගා පිටාර ගලා බොහෝ පෙදෙස් යටවෙලා. බස්නාහිරට නම් තවමත් වැසි ඇද වැටෙනවා. ඒ වගේ අවස්ථාවක අපේ රට වැ/න/සූ අතීත ගංවතුර කිහිපයක් ගැන මතක් කර බැලීමට යි මේ උත්සාහය. ඒ අතරින් 1913, 1940, 1947, 1957, 1969, 1978, 1989, 1992, සහ 2003 යන අවුරුදුවල විශාල විපත් ඇති කළ ගංවතුර හටගත්තා.

සිංහල කවි සඟරාවේ කලින් පැවති මහා ජල ගැල්මක් ගැන මෙසේ විස්තර කෙරෙනවා:

වැසිනෙක් දහස් සත්සිය තිස් සතරකිනේ

උඳුවප් මස පුර සිතදා අවයො ගිනේ

වැසි පුරලා කඳු හෙල් කැඩෙමින් සොඳිනේ

රට හැම පාලු විය මහ වතුර ගලමිනේ

ඉංග්‍රිසින්ට රට යටත් වු පසුව 1818 සිට 1828 වන තුරුම දළදා පෙරහර හෝ දළදා ප්‍රදර්ශනයක් පැවැත්වුණේ නැහැ. මේ අතර රටේ විශාල නියඟයක් හටගෙන තිබුණා. තෙත් කලාපය වගේම වියළි කලාපයේ පළාත් ඉඩෝරයෙන් වේලී විශාල ලෙස හානිවෙමින් පැවතුණා. මේ නියඟයට හෙතුව දළදා ප්‍රදර්ශන නොපැවැත්වීම බවට බෞද්ධයන් තුළ අදහසක් පැතිර ගියා. මේ නිසා දළදා පෙරහර සහ දළදා ප්‍රදර්ශන පැවැත්වීමට ඉංග්‍රීසි ආණ්ඩුවෙන් අවසර ඉල්ලා උද්ඝෝෂණ පැවැත්වුවා. සිංහල බෞද්ධයන්ගේ උද්ඝෝෂණයේ ප්‍රතිඵලයක් ලෙස දළදා ප්‍රදර්ශනයට ද පෙරහරට ද ඉංග්‍රීසි පාලකයෝ ඉඩදුන්නා.

1928 වෙසක් පෝය දින දළදාවහන්සේ මාලිගාවෙන් පිටත මහමළුවට වැඩමවා ප්‍රදර්ශනයකොට පෙරහරක් පැවැත්වුණා. ටික දිනකින් වට මහා වැස්සකින් මුළු රටම වැසි වතුරෙන් තෙත්වී ගං ඇළ දොල පිරී ගොස් තිබෙනවා. මහනුවර නගරයත් ඒ දිනවල මහ වතුරකින් යටවුණු බව පැවසෙනවා. පසුකාලීනව මෙය “දළදා වතුර” නමින් හැඳින්වුණා. 1947 මහ ගංවතුරටත් නුවර වැව උතුරා ජලය ගලාගොස් නගරය යටවූ බව සඳහන් වෙනවා.

1947 මහ ගංවතුරෙන් ද බස්නාහිර පළාත සහ කඳුරට ඇතුළු විශාල පෙදෙසකට හානි සිදුවුණා. කැලණි, කළු ගංගා උතුරා ගොස් ගම්බිම්, නගර යටවුණා. නමුත් 1957 මහ ගංවතුර මුළු රටටටම බලපෑවා. උතුරේ වගේම දකුණෙත් රජරටත් විශාල විනාශයක් සිදුවුණා. අදත් රජරට වැසියන් මේ ගැන කතා කරනවා. සුනාමි ව්‍යසනය සිදුවන තුරුම පනස් හතේ ගංවතුරේ මතකය ලාංකීය ජනතාව සතු භංකාරම ස්වාභාවික ව්‍යසනයේ මතකය බවට පත්ව තිබුණා.

මෙම ලීල් ගුණසේකරයන්ගේ පෙත්සම නවකතාවෙන් ද රජරටට ගංවතුරෙන් සිදුවූ හානිය මෙසේ විස්තර කෙරෙනවා.

වැව් කණ්ඩිය කැඩිලා වැව සිඳුණා

ගොවිතැන් හරකා බාන ද නැසුණා

අප සතු දේ ජල රකුසට ගිලුණා

මේ ගමනත් අපි බාගෙට මැරුණා

ඒ එක්දාස් නවසිය පනස් හතේ දෙසැම්බර් මාසය යි. වැස්ස දෙසැම්බර් මුල පටන්ම තිබුණා. දෙසැම්බරයට කොහොමත් වහින නිසා කවුරුත් මුල දී ගණන් ගත්තේ නැහැ. මෙම කාලගුණ විපර්යාසයට හේතුව බෙංගාල බොක්කේ නිර්මාණය වුණු වාසුළියක් බව කියැවුණා. එය ලංකාවේ නැගෙනහිර වෙරළින් රට තුළට ඇතුළු වී තිබුණා. අද වගේ ආපදා කළමනාකරණ ඇමැතිවරු එදා හිටියේ නැහැ. සන්නිවේදන මාර්ග දියුණුව තිබුණෙත් නැහැ. නැගෙනහිරත් රජරටත් කල්පාන්ත වරුසාවට ගොදුරු වූවා මෙන් ගම්මාන පිටින් යටවී විශාල ජලාශ ලෙස දිස්වන්නට වුණා. ඒ කාලෙ පුවත්පත්වල සඳහන් වුණේ ගෙවුණු අවුරුදු 500කින් මෙපිට ශ්‍රී ලංකාවේ සිදුවූ විශාලතම ස්වාභාවික විපත එය ලෙස යි.

වාර්තාවලට අනුව කුඹුරු අක්‌කර ලක්‍ෂ 8ක් පමණ ගංවතුරට බිලිවී විනාශ වී තිබුණා. පළමු දින කිහිපයේ පමණක් ම/ර/ණ සංඛ්‍යාව 200කට වඩා වැඩි වූ බව පැවසුණා. උදම් වූ රළ ගෙඩි නැගෙනහිරෙන් මුහුදුබඩ පළාත් ආක්‍රමණය කර තිබුණා. විශාල සුලි සුළං නිසා ගෙවල් පමණක් නොව වසර සිය ගණනක් පැරණි මහා ගස් ද බිමහෙළා රජරට එකම යුද පිටියක් බවට පත්කර තිබුණා. අනුරාධපුර, පොළොන්නරු ප්‍රදේශයේ අලි ඇත්තු පවා ගංවතුරට හසුවූ බව වාර්තාවල කියැවුණා.

අනුරාධපුරය නගරයේ පනස් හතේ ගංවතුර පිළිබඳ මතකය ඉතුරුකර තිබෙන සලකුණු කිහිපයක් අද ද දකින්නට ලැබෙනවා. එදා ඒ ගැලු මහා ගංවතුරේ තරම කියාපාන සලකුණු, අදටත් අනුරාධපුර පොදු වෙළෙඳ සංකීර්ණය (මාර්කට්‌ එක) අසලින් ජය ශ්‍රී මහා බෝධියට පිවිසෙන මාර්ගයේ ගමන් කරන විට, සිංහ කණුව අසල දකුණු අත පැත්තේ පිහිටි දුම්රිය දෙපාර්තමේන්තුවට අයත් දෙමහල් නිල නිවසේ සලකුණු කර ඇති අයුරු දකින්න පුළුවන්.

අනුරාධපුර පූජා නගරය හා නව නගරය ඇතුළු ඒ අවට ප්‍රදේශ ගණනාවක්‌ මහා ජල කඳකින් යට වුණා. නාච්චාදූව වැවේ බැම්ම කෙළවරකින් කැඩී යාමෙන් අනුරාධපුර පුජා භූමිය හා නව නගරය ඇතුළු අවට ප්‍රදේශ ගණනාවක්‌ ජලයෙන් යටවූ බව පැවසෙනවා. මෙම ජලාශය ප්‍රතිසංස්කරණය කර, 1958 දී ඒ වැඩ නිමාවට පත් කළා. ධාරානිපාත වර්ෂාවෙන් කලාවැව, රාජාංගණය, නාච්චාදූව, පදවිය, නුවරවැව, මහකනදරාව, ඒරුවැව, මානන්කට්‌ටිය, තිසාවැව, මහවිලච්චිය හා හුරුළුවැව ඇතුළු මහ වැව් දෙදහසකට අධික වූ සුළු හා මධ්‍ය පරිමාණයේ වැව් මෙන්ම ඉපැරණි යෝධ ඇළ, මල්වතුඔය, කලාඔය හා යාන්ඔය ද උතුරා ගියේ මිනිසුන් මෙන්ම වනසතුන්ට ද මහා විනාශයක් අත්කර දෙමින්.

#හෙළඉතිහාසය

​