AG

මේ ජීවිත කාලය පුරා අපි කොයි තරම් ප්‍රශ්න වලට මුණ දෙනවද ?🥺
අපි කොයි තරම් හැලහැප්පීම්,
විවේචන, හිත්රිද්ද ගැනීම්,
මුණ ගැහීම් අත්හැරීම්වලට මුහුණපානවද?🥺
මුල්ම කාලවලදී අපිට මේ දේවල් දරාගන්න හරිම අමාරුයි.
ජීවිතේ නැති කරගන්න,
හැමදේම එපා වෙලා කලකිරෙන්න,
තමන් තමන්ටම ශාප කරගන්න තැන් පවා මුල්ම අත්දැකීම් වලින් අපිට හැඟෙනවා.
ඒත් කාලයක් යනකොට මේ හැමදේම ජීවිතේම කොටසක් වෙලා සමාන දෙයක් බවට පත්වෙනවා.
මම හිතන්නේ ඒක තමයි පරිණත වෙනවා කියන්නේ.🤔
වයසට යන්න යන්න අපි අපේ ජීවිතයේ අත්දැකීම් ලබනවා.
වයස කියන්නේ ඉලක්කමක් වුණාට,
ඒ වයසත් එක්ක අපි දැන හඳුනගන්න දේවල් අපි මුහුණ දෙන දේවල් වලින් පිරිපුන් වෙනවා.💪🌼
අනිත් අය තමන් ගැන කොහොම හිතුවත්, තමන් තමන් ගැන සතුටුයි නම්,
තමන් ජීවත් වෙන විදිය තමන්ට හරි කියලා හිතෙනවා නම්,
තමන්ට තමන් විශ්වාසයි නම්,
තමන් කරන්නේ හරි දේ කියලා හිතනවනම්,
තමන්ගේ සතුට ගැන විතරක් හිතන්න.
අනිත් මිනිස්සු තමන්ගේ ළඟ රැදුනත් නැතත්
ඔයාගේ ජීවිතයෙන් ඒ අය සෑහීමකට පත් නොවුනත්,
ඔයා ඔයාගේ ජීවිතේ විඳිනවා නම් ඔයා පට්ට මනුස්සයෙක්. 🫡😘
මොකද තමන්ව සතුටු කරන්න බැරි කෙනෙක් තමන්ගේ ජීවිතයෙන් සෑහීමකට පත් නොවුන කෙනෙක්,
තව කෙනෙකුගේ සතුටක්, තව කෙනෙකුගේ සැනසීමක් වගේම කවදාවත් වෙන කෙනෙක්ගෙන් සෑහීමකට පත් නොවන නිසා.

ඉන්න අයට ඉන්න කියලා,
යන අයට යන්න කියලා,
මොන ප්‍රශ්නයක් ආවත් හැම තත්පරයකම සතුටින් ඉන්න.💪❤️🌼☺️
හැම තත්පරයක්ම අපේ අතීතයට අයිති වෙන නිසා හැම තත්පරයක්ම සතුටින් අතහරින මතකයක් කරන්න.
හැම මොහොතකම ජීවිතේ විඳින්න.
මොකද ඊළඟ තත්පරයේ අපේ හුස්ම නතර වුණත් මම මගේ ජීවිතය වින්දා කියලා සතුටින් ඇස් දෙක පියා ගන්න.❤️🥳

මම,
Anukey Gunathilaka 🌼🌼

✍️ Full Rights Received
AG මේ මගේ වචන
AG World Travel

කතාවක් අහල තියෙනවද මේ ලෝකේ වැඩිපුරම හිනාවෙන්නේ හදවතින් අඬන මිනිස්සු කියලා.
සමහර මිනිස්සු දැක්කහම අපි හිතනවා අනේ එයා කොච්චර සතුටින් ඉන්නවද,මටත් ඒ වගේ ජීවිතයක් ලැබුන නම් කියලා.
අනේ ඇයි මට විතරක් මෙහෙම වෙන්නේ කියලා. 🤷
ඒත් ඔයා දන්නවද ඒ අය ඇත්තටමද හිනා වෙන්නේ කියලා? 🤔
එහෙමත් නැත්නම් ඒක මවාපාන දෙයක් විතරයිද කියලා? 🤔
ඇත්තටම මම නම් හිතන්නේ හිනාවෙලා සතුටින් ඉන්න මිනිස්සු අපිට වඩා හදවතින් විඳවන බව.
හැබැයි එක දෙයක් එහෙම මිනිස්සු අපිට වඩා වෙනස්.
ඇයි දන්නවද මම එහෙම කියන්නේ ?
හදවතින් වගේම මතුපිටින් අඬන මිනිස්සු, හැම වෙලාවෙම සෘණාත්මකයි.
ඒ අය ප්‍රශ්නෙට විසඳුමක් හොයනවා වෙනුවට හැම වෙලාවෙම අඬ අඬ තමන්ගේ ජීවිතය විනාශ කරගන්නවා.
අපේ අසතුට දැකලා සතුටක් ලබන මිනිස්සුන්ට හොඳ මොරාල් එකක් දෙනවා.

ඒත් හදවතේ මොනතරම් ප්‍රශ්න තිබුණත්, හදවතේ කොච්චර විඳවීම් තිබුණත්, හැම මොහොතකම හිනාවෙලා ඉන්න මිනිස්සු හරිම ධනාත්මකයි, කායිකව වගේම මානසිකවත් හරිම ශක්තිමත්. හෙන ගැහුවත් වට්ටනවනම් බොරු. 💪

අපි මිනිස්සු,
මේ ලෝකෙ ප්‍රශ්න නැති මනුස්සයෙක් නැති තරම්,
හැමෝටම විවිධාකාර ප්‍රශ්න තියෙනවා ඒ මේ ලෝක ස්වභාවය.
ඒක තමයි ජීවත් වෙනවා කියන්නේ.
හැම තත්පරයකම සතුටින් ඉන්න.😊
මොනතරම් ප්‍රශ්න ආවත්, ඊළඟ තත්පරේ මොන දේ සිදුවුණත්,
හිනාවෙලා ඇස් දෙක පියාගන්න පුළුවන් තරමටම ශක්තිමත් කෙනෙක් වෙන්න.
මොකද එතකොට ඔයා ඔයාගේ ජීවිතේ කිසිම තත්පරයක් විඳවන එකක් නෑ.❤️🌼

මම,
Anukey Gunathilaka 🌼🌼

✍️ Full Rights Received
AG මේ මගේ වචන

මම ළඟදි දවසක හරිම ලස්සන කතාවක් ඇහුවා.
'ඒ අපේ හුස්ම හිර කරන්නේ අපේ නාඩි වැටෙන තැන් හරියටම දන්න මිනිස්සු කියන එක"
ඇත්තටම ඒ කතාව හරි.
අපේ ජීවිතේ සමහර කාලවල,
සමහර දේවල් සිදු වෙන්නේ අපි හිතන්නෙවත් නැති විදිහට.
අපි හිතන්නෙවත් නැති මිනිස්සුන්ගෙන්.
සමහර සිදුවීම්, සමහර වේදනාවල් අපිට වචනයෙන් විස්තර කරන්න බැරි තරම්.
හැබැයි මේ හැම සිදුවීමක් අවසානයේ තියෙන්නේ හරිම කම්පන සහගත අපි හිතන්නවත් අකමැති ඇත්තක්.

ඒ තමා මේ සිදුවීම් පිටුපස සිටින්නේ අපිව හොඳටම දන්න,
අපි අපේමයි කියලා හිතාගෙන,
අපිව බෙදා ගත්ත මිනිස්සු.
තවත් අපි අපේ විදිහට කියනවා නම්,
එක බත් එක කාපු, එකලේයින් ඉපදුනා වගේ හිටපු, එක හදවතින් හුස්ම ගත්ත වගේ දැනුණු මිනිස්සු නේද?

හිතලා බලන්න මේ කතාව ඇත්තද කියල.

මම,
Anukey Gunathilaka

✍️ Full Rights Received
AG මේ මගේ වචන

මොහොතකට කලින් සිදුවුන සියලුම දේ අමතක කරන්න.
එක මිනිත්තුවක් හෝ ඉදිරියෙන් සිදුවීමට නියමිත දේ පමණක් කල්පනා කරන්න. මොකද ඒක තමයි ජීවිතේ කියන්නේ.
හැමදේම දරාගෙන ඉදිරියට හරි අඩියක් තියන්න උත්සාහ කරනවා කියන එක තමයි ජීවත්වීම කියන්නේ.
කිසිම දෙයක් වෙනුවෙන් අපිට අපේ ජීවිතය අතහරින්න බැහැ.🥺
මොකද අපිටත් වඩා අපි ජීවත් වෙනවා බලාගෙන හුස්ම ගන්න කැමති මිනිස්සු අපේ වටේ හුඟාක් ඉන්නවා.

අන්න ඒ හින්දා ඒ දේ විතරක් මතක තියාගෙන හැමදේම දරාගෙන නැතිවුන හැම හීනයක්ම ඔයාට ආයෙමත් ලැබෙන,
හැම හීනයක්ම උත්සාහ කරගන්න පුළුවන් වෙන ආදරය සතුට විතරක්ම පිරුණු, තමන්ගේ ජීවිතේ දැන් තියෙනවාට වඩා අඩියක් හරි ඉදිරියට තියන්න පුළුවන්,
මගේ ගෙදර මගේ පවුල වගේම මගේ රටත් ලෝකයත් ආරක්ෂා වෙන සුභම සුබ 2026 නව වසරක් වේවා. 🌎🥰🫣😍

ආදරයෙන් සුබ පැතුම් එකතු කරන මම Anukey Gunathilaka

✍️ Full Rights Received
AG මේ මගේ වචන