Hugzy Thoughts
Share
I'm writing for you...�
13/09/2026
කාට කතිරය ගැහුවාත්
අවසානේදි ඔහුන් අසරණයි..
අවසානයේදී කර්මය කියා බලා සිටින්න සිදුවේ...🥺
01/09/2026
ජීවිතය කියන පරිච්ඡේදය ඇතුළේ දී අපිට
විවිධාකාරයේ මිනිස්සු මුණගැහෙනවා සාරා.
එහෙම මුනගැහෙන හුඟක් මිනිස්සු
අපේ ජීවිතේට එන්නෙ,
අපිට එකවරම තේරුම් ගන්න බැරි විදියේ
හේතු ගොඩකුත් එක්කයි.
අපිට මුණගැහෙන ඒ සමහරක් මිනිස්සු ළඟ දී
අපි අපිවම අවතක්සේරු කරන්න, අපි ගැනම සැක
කරන්න, වැරදියට හිතන්න පටන් ගන්නවා.
ඒත් තවත් සමහර මිනිස්සු ඉන්නවා ;
අපිට අමතක වෙලා තිබුණු
අපේ හැම ශක්තියක්ම, හැම හැකියාවක්ම ආයෙත්
ඒ මිනිස්සු ළඟ දී අපිට මතක් කරලා දෙනවා.
ඒ නිසා සාරා,
ඔයාට ඔයාවම නැති කරන විදියෙ මිනිස්සු ළඟ
ජීවිතේ නාස්ති වෙන්න ඉඩ දෙන්නෙ නැතුව
ඔයාට පියාපත් තියෙනවා කියලා මතක් කරලා,
ඒවා විහිදගෙන පියාඹන්න ධෛර්යය දෙන මිනිස්සු හැමවෙලාවෙම තෝරගන්න.
මොකද සමහර වෙලාවට ;
අපිට අපිව නැති කරන්නෙත්,
අපිට අපිව හොයාගන්න ඉඩ දෙන්නෙත්,
අපේ ජීවිතේට ඇතුළු වෙන, අපි වටේම ඉන්න
මිනිස්සුමයි ! 🤍🕊️
෴ chérie - ෂෙරී
30/08/2026
❤️🌷 දුවේ… කවුරුත් නැති දවසකත්, ඔයාට ඔයාව රැකගන්න පුළුවන් ගැහැනියක් වෙන්න… 🌷❤️
පුංචිම කාලේ…
පුංචි කොණ්ඩ කරල් දෙකක් බැඳගෙන,
පුංචි ගවුමක් ඇඳගෙන,
අහිංසක හිනාවක් අරගෙන
ගෙදර පුරා දුවපු ඒ පුංචි සුරංගනාවි…
අද ටිකෙන් ටික ලොකු වෙනවා.
ඇය පාසලට යනවා.
හීන දකිනවා.
ආදරය හඳුනාගන්නවා.
කවදාහරි කෙනෙකුට ආදරය කරනවා.
විවාහ වෙනවා.
දරුවන් ලබනවා.
ඒත් දියණියකගේ ජීවිතය විවාහයෙන් අවසන් වන්නේ නැහැ.
ඇත්තටම…
විවාහය කියන්නේ ඇගේ ජීවිතයේ අවසානයක් නොවෙයි.
ඇයගේම නමින් ලියැවෙන තවත් අලුත් පරිච්ඡේදයක ආරම්භයක්.
ඒ නිසා ලෝකයේ සෑම දෙමාපියෙකුම තම දියණියට කියා දිය යුතු වචන කිහිපයක් තියෙනවා.
❤️ දුවේ…
ඔයා ලොකු වෙනකොට
“හොඳ මිනිසෙක් හමුවෙලා විවාහ වෙලා සතුටින් ඉන්න”
කියන එක විතරක් අපේ බලාපොරොත්තුව නොවෙයි.
ඊට වඩා ලොකු බලාපොරොත්තුවක් තියෙනවා.
කවුරුත් නැති දවසකත්,
තමන්ගේ ජීවිතය තමන්ගේම ශක්තියෙන් ගෙනයන්න පුළුවන් ගැහැනියක් වෙන්න.
🌷 දුවේ… හොඳ අධ්යාපනයක් ලබාගන්න.
අධ්යාපනය කියන්නේ රැකියාවක් ලබාගන්න සහතිකයක් විතරක් නෙවෙයි.
ඒක ලෝකය තේරුම් ගන්න දෙන බුද්ධියක්.
තමන් කැමති ක්ෂේත්රයක් තෝරගන්න.
හැකියාවන් වර්ධනය කරගන්න.
කාලයත් එක්ක ඉගෙනීම නවත්වන්න එපා.
දැනුම තියෙන ගැහැනියක් කිසිම තැනක පහසුවෙන් රැවටෙන්නේ නැහැ.
💰 දුවේ… තමන්ගේම ආදායමක් ඇති කරගන්න.
රැකියාවක් වේවා…
ව්යාපාරයක් වේවා…
වෘත්තියක් වේවා…
තමන්ගේ අතට මුදලක් එන මාර්ගයක් ගොඩනගා ගන්න.
මුදල් සියල්ලම නොවෙයි.
ඒත්…
තමන් උපයන මුදල, තමන්ගේ තීරණ ගැනීමේ නිදහසට විශාල ශක්තියක්.
කවුරුහරි ජීවිතය පුරාම තමන්ව බලාගනීවි කියන බලාපොරොත්තුව මත විතරක් ජීවිතය සැලසුම් කරන්න එපා.
🏦 උපයන මුදලින් කොටසක් ඉතිරි කරන්න.
අද තියෙන මුදල හෙටත් තියෙයි කියලා හිතන්න එපා.
හදිසි අවස්ථාවකට ඉතිරියක් තියාගන්න.
කවදාහරි අවශ්ය මොහොතක
කෙනෙකු ඉදිරියේ අතපාන්නේ නැතිව
තමන්ගේම ශක්තියෙන් නැගී සිටින්න පුළුවන් වීම…
ගැහැනියකගේ නිහඬ ශක්තියක්.
🌸 තමන්ගේ රුවත්, සෞඛ්යයත්, මනසත් රැකගන්න.
ලස්සන වෙන්න කියන්නේ ලෝකයට පෙන්වන්න ලස්සන වෙන්න නෙවෙයි.
තමන්ටම තමන් ගැන ආදරයක් සහ සතුටක් ඇතිවන විදිහට ජීවත් වීමයි.
පිරිසිදුව ඉන්න.
හොඳ ආහාර ගන්න.
ව්යායාම කරන්න.
පාසල් කාලයේ ක්රීඩා කරන්න.
ශරීරය රැකගන්න.
ඒ වගේම…
මනසත් රැකගන්න.
රුව වයසත් සමඟ වෙනස් වේවි.
ඒත්…
තමන් ගැන ඇති ගෞරවය වයසත් සමඟ තවත් ලස්සන විය යුතුයි.
👭 මිතුරුකම් අතහරින්න එපා.
විවාහය, රැකියාව, පවුල කියලා
ඔයාගේ මුළු ලෝකයම එක තැනකට සීමා කරගන්න එපා.
හොඳ මිතුරියන් තියාගන්න.
එකට ගමන් යන්න.
හිනාවෙන්න.
මතකයන් හදාගන්න.
මොකද…
සමහර දුක් ලෝකයට කියන්න බැරි වෙලාවක,
හොඳ මිතුරියක් ළඟින් ඉඳගෙන අහගෙන ඉන්න පුළුවන්.
👨👩👧👦 දෙමාපියන්ටත් ශක්තියක් වෙන්න.
ඔබේ සාර්ථකත්වය කියන්නේ වැටුපේ ඉලක්කම විතරක් නෙවෙයි.
ඔබට හැකි දවසක
අම්මාට අවශ්ය දෙයක් අරන් දෙන්න පුළුවන් නම්…
තාත්තාට බරක් නොවී ඔහු ළඟින් ඉන්න පුළුවන් නම්…
අම්මාවත් තාත්තාවත් පුංචි ගමනක් එක්කගෙන යන්න පුළුවන් නම්…
සහෝදරයෙකුට හෝ සහෝදරියකට අවශ්ය වෙලාවක අත දෙන්න පුළුවන් නම්…
ඒකත් ජීවිතයේ විශාල ජයග්රහණයක්.
❤️ ආදරය කරන්න… නමුත් තමන්ව නැති කරගෙන නොවෙයි.
ප්රේමය ජීවිතයේ ලස්සනම අත්දැකීමක් වෙන්න පුළුවන්.
ඒත් ආදරය වෙනුවෙන්…
ඔබේ අධ්යාපනය,
රැකියාව,
මිතුරන්,
පවුල,
හීන…
අතහරින්න එපා.
ඔබට ඇත්තටම ආදරය කරන කෙනෙක් ඔබේ ලෝකය කුඩා කරන්නේ නැහැ.
ඔබව හිර කරන්නේ නැහැ.
ඔබේ හීනවලට බය වෙන්නේ නැහැ.
ඔහු ඔබේ ලෝකයට එකතු වී
ඔබේ ලෝකය තවත් ලස්සන කරයි.
🌷 ප්රේම සබඳතාවකදී තමන්ගේ සීමාවන් දැනගන්න.
ආදරය තිබුණා කියලා
තමන්ගේ ශරීරය, හිත සහ ගෞරවය පිළිබඳ සීමාවන් අමතක කරන්න එපා.
ඔබට සුවපහසු නැති දෙයකට
කිසිම කෙනෙකුගේ බලපෑමෙන් “ඔව්” කියන්න එපා.
“මට බැහැ.”
“මම කැමති නැහැ.”
“මේක මගේ සීමාව.”
කියන්න පුළුවන් ශක්තිය ඇති කරගන්න.
ඔබේ වටිනාකම තීරණය වන්නේ
විවාහයට පෙර සබඳතාවක් තිබුණාද නැද්ද කියන එකෙන් පමණක් නොවෙයි.
වැදගත් වන්නේ…
කැමැත්ත, ආරක්ෂාව, වගකීම, ගෞරවය සහ ඔබේ තීරණයයි.
🚫 “නැහැ” කියන්න ඉගෙන ගන්න.
මිතුරෙකුට වුණත්.
ප්රේමවන්තයෙකුට වුණත්.
සමාජයට වුණත්.
ඔබේ ගෞරවයට, ආරක්ෂාවට හෝ අනාගතයට හානි කරන දෙයක් නම්…
“නැහැ” කියන්න බයවෙන්න එපා.
හොඳ ගැහැනියක් කියන්නේ හැමෝටම “ඔව්” කියන කෙනෙක් නොවෙයි.
තමන්ට වැරදි දෙයකට “නැහැ” කියන්න පුළුවන් කෙනෙක්.
🧠 මිනිසුන් හඳුනාගන්න.
ලස්සනට කතා කරන හැමෝම හොඳ මිනිසුන් නොවෙයි.
“මම ඔයාට ආදරෙයි” කියන වචනවලට වඩා
ඔබ අසරණ වූ දවසේ ඔහු කළ දේ බලන්න.
වචන අහන්න.
ක්රියා බලන්න.
චරිතය හඳුනාගන්න.
💍 විවාහයට කලින් ජීවිතයට සූදානම් වෙන්න.
විවාහය ලස්සන ඇඳුමක් ඇඳගෙන ඡායාරූප ගන්න දවසක් විතරක් නොවෙයි.
ඒක ජීවිත දෙකක් එකට ගෙනයන වගකීමක්.
ඒ නිසා…
අධ්යාපනයක්,
ආදායම් මාර්ගයක්,
යම් ඉතිරියක්,
හොඳ සෞඛ්යයක්,
මානසික පරිණතභාවයක්,
හොඳ සන්නිවේදනයක්,
මුදල් පිළිබඳ අවබෝධයක්,
දරුවන් පිළිබඳ එකඟතාවයක්,
ජීවිත ඉලක්ක පිළිබඳ පැහැදිලි බවක්…
විවාහයට පෙර තිබීම වටිනවා.
🏠 “වයස හරි” කියලා විවාහ වෙන්න එපා.
“දැන් වයස හරි.”
“හැමෝම විවාහ වෙනවා.”
“ගෙදරින් කියනවා.”
“මේ කෙනා නැති වුණොත් වෙන කෙනෙක් ලැබෙන්නේ නැහැ.”
මේ කිසිම දෙයක් හොඳ විවාහයක ප්රමාණවත් හේතුවක් නොවෙයි.
ඔබට ගෞරව කරන කෙනෙක්ද?
විශ්වාස කරන්න පුළුවන්ද?
වගකීම් බෙදාගන්න පුළුවන්ද?
ඔබේ හීනවලට ඉඩ දෙනවාද?
දුකේදීත් ළඟ ඉඳීවිද?
විවාහයට පෙර ඒවා ගැන සිතන්න.
👩🦰 විවාහයෙන් පසුවත් “ඔබ” ඔබම වෙලා ඉන්න.
බිරිඳක් වෙන්න.
මවක් වෙන්න.
පවුල රැකගන්න.
ඒත්…
ඔබ කවුද කියන එක නැති කරගන්න එපා.
ඔබේ මිතුරියන්ට,
ඔබේ හැකියාවන්ට,
ඔබේ හීනවලට,
ඔබේ සතුටට…
ජීවිතයේ ඉඩක් තියෙන්න ඕනේ.
🌿 ජීවිතය ලස්සනට විඳින්න.
රැකියාවටයි ගෙදරටයි විතරක් ජීවිතය සීමා කරගන්න එපා.
ගමන් යන්න.
අලුත් දේවල් ඉගෙනගන්න.
මිතුරියන් සමඟ හිනාවෙන්න.
ස්වභාවධර්මය විඳින්න.
ඔබ කැමති දේවල් කරන්න.
මොකද…
ජීවිතය අවසානයේ ඉතිරි කරන්නේ
අපි එකතු කරගත් මතකයන්.
❤️ ඒත් දුවේ… අන්තිමට මේ එකම දෙය මතක තියාගන්න.
ජීවිතයේ කවදාහරි
කෙනෙක් ඔබව අතහැරිය හැකියි.
කෙනෙක් ඔබව නොතේරුම් ගත හැකියි.
ආදරයක් අවසන් විය හැකියි.
විවාහයක් පවා අසාර්ථක විය හැකියි.
රැකියාවක් නැති විය හැකියි.
මුදල් නැති විය හැකියි.
මිතුරන් දුරස් විය හැකියි.
ඒත්…
ඔබ ඔබව අතහැරියොත් තමයි ඇත්තටම සියල්ල අවසන් වෙන්නේ.
ඒ නිසා…
වැටුණොත් නැගිටින්න.
අඬන්න සිදු වුණොත් අඬන්න.
දුක දැනුණොත් ඒ දුක විඳින්න.
හැබැයි…
නැවත හිනාවෙන්න.
✊❤️ ඔබ ඔබේම ශක්තිය වෙන්න.
⸻
🌷❤️ දියණියකට දෙමාපියන් දිය යුතු ලොකුම දායාදය…
ලොකු ගෙයක් නෙවෙයි.
ලොකු කාර් එකක් නෙවෙයි.
විශාල දෑවැද්දක් නෙවෙයි.
කවුරුහරි පොහොසත් මිනිසෙකුට විවාහ කර දීමත් නෙවෙයි.
ඇයට හොඳ අධ්යාපනයක් දෙන්න.
තමන්ගේ අතට මුදලක් උපයන්න හැකියාව දෙන්න.
තමන්ගේ ශරීරයටත් හිතටත් ගෞරව කරන්න උගන්වන්න.
හොඳ මිනිසුන් හඳුනාගන්න උගන්වන්න.
වැරදි දේවල්වලට “නැහැ” කියන්න උගන්වන්න.
වැටුණාම නැගිටින්න උගන්වන්න.
තමන්ගේ ජීවිතය තමන්ටම ගොඩනගා ගන්න උගන්වන්න.
ඊට පස්සේ…
ඇයට ලෝකයට යන්න දෙන්න.
මොකද දියණියකට දෙමාපියන්ට කළ හැකි ලොකුම ආදරය…
ඇයව තමන් ළඟ සදාකාලිකව තබා ගැනීම නොවෙයි.
කවදාහරි තනිව ලෝකය ඉදිරියේ හිටගෙන…
“මට කවුරුත් නැති වුණත්…
මම මාව බලාගන්නවා.”
කියන්න පුළුවන් ගැහැනියක් කිරීමයි. ❤️
⸻
🌷 දුවේ…
කවුරුහරි ඔයාගේ අත අල්ලගෙන ජීවිතය පුරා යන්න ලැබුණොත්…
ඒක වාසනාවක්.
ඒ අත අල්ලගෙන සතුටින් යන්න.
ඒත්…
එක දවසක ඒ අත අතහැරුණොත්…
ඔයාගේම අත අල්ලගෙන නැගිටින්න පුළුවන් තරමට ශක්තිමත් වෙලා ඉන්න.
මොකද…
❤️ “දියණියකට ආරක්ෂිත අනාගතයක් කියන්නේ ඇයව කවුරුහරි රැකබලා ගන්න කෙනෙකු සොයා දීම නොවෙයි…
කවුරුත් නැති දවසකත් ඇයට ඇයවම රැකගන්න පුළුවන් ගැහැනියක් කිරීමයි.” ❤️🌷
⸻
✍️ වෛද්ය සුදත් ගුණතිලක
නාවින්න මෙඩිකෙයා රෝහල – මහරගම
🌷 මෙය ඔබේ දියණියට පමණක් නොවෙයි…
ඔබ දන්නා සෑම දෙමාපියෙකුටම කියවන්න දෙන්න.
සෑම පුංචි දියණියකටම,
සෑම වැඩිවියට පත්වන ගැහැනියකටම,
සෑම අම්මා කෙනෙකුටම…
මේ වචනවලින් එක වචනයක් හෝ ජීවිතයට වැදගත් වේවි.
❤️ ඔබට දියණියක් සිටිනවා නම් — ඇයට කියවන්න දෙන්න.
❤️ ඔබට පුතෙක් සිටිනවා නම් — ඔහුටත් කියවන්න දෙන්න.
❤️ ඔබ දියණියකගේ දෙමාපියෙක් නම් — මෙය මතක තියාගන්න.
මේ ලිපිය කියවා ඔබට “මේක තවත් එක් දුවෙක් කියවිය යුතුයි” කියලා හිතුණොත්…
🌷 ඇය වෙනුවෙන් මේක Share කරන්න.
සමහර විට…
ඔබ කරන එක Share එකක්,
කෙනෙකුගේ දියණියකට
ජීවිතය පුරා මතක තියෙන වචන කිහිපයක් වෙන්න පුළුවන්. ❤️
🙏 හැකිනම් ඔබේ අදහසත් පහළින් ලියා යන්න.
ඔබේ එක වචනයක්වත් තවත් දෙමාපියෙකුට වටිනා වේවි.
❤️🌷 දියණියන් ශක්තිමත් කරමු.
ඔවුන්ව ආරක්ෂා කරන්නේ ඔවුන්ගේ පියාගේ සෙවනැල්ල පමණක් නොවෙයි…
ඔවුන් තුළ ගොඩනගන ශක්තියයි. 🌷❤️
04/08/2026
නොනිමි පෙම
දෙදෙනෙක් හමුවුණා...
කාලයත් නොදැන,
හදවත් දෙකක්
එකම ආදරයකට නවාතැන් ගත්හ...
හාදුවකින්වත් නොකිලිටි වූ,
වචනයකින්වත් නොරිදවූ,
ගෞරවයෙන් රැකගත්
පිවිතුරු පෙමක්
නිහඬව මල් පිපුණි...
නමුත්...
ජීවිතය හැම ආදරයකටම
එකම අවසානය ලියන්නේ නැහැ.
ඇයට සිදු වුණා
ඔහුගේ අත අතහරින්න...
ආදරය අඩු වූ නිසා නොව,
ඉරණම එසේ ලියා තිබූ නිසා.
අවසන් පරිච්ඡේදය
ඇයම ලියා අවසන් කළා.
නමුත්,
අවසන් වූයේ කතාව විතරයි...
ඔහුගේ නම
තවමත් ඇගේ හදවතේ
නොමැකෙන අකුරක්.
හැම රාත්රියකම
ඇය නිහඬව එකම ප්රාර්ථනාවක් කළා...
"හිමි නම්...
කවදා හෝ,
කොහේ හෝ,
මේ ජීවිතයේ හෝ වෙනත් සංසාරයක,
ඔබ නැවතත් මට හිමි වෙයි..."
ඒ වනතුරු...
ඇය ඔහුව අමතක නොකරයි.
මන්ද,
සැබෑ ආදරය
වෙන්වීමෙන් මියයන්නේ නැහැ...
එය නිහඬව,
ප්රාර්ථනාවක් වී
හදවතක් තුළ සදාකාලයටම ජීවත් වෙනවා...
Hugzy Thoughts💙🧿
18/07/2026
මනුස්සයෙක් ආදරය කරන්න හේතු ඔනිම ද?
කාලයත් සමග ආදරය කියන වචන ඇහෙද්දි...
තිත්තම වුනු දෙන්නෙක්ට..
අහඹු ලෙස සංසාරක බැදිමක් මෙන්..
බැදෙද්දි...
හේතු නොදැන ආදරය කරද්දි...
ජිවත් වෙන්න ආදරය කියන දේ අනිකා
හට බලාපොරොත්තුවක් වෙද්දි..
"ඇයි ඇත්තටම මට ආදරය කරන්නේ?"
කියලා අහද්දි..
අදටත් මං ඒ හේතුව හොයනවා කියද්දි...
ඒ ආත්මීය සහකරු නොවේ ද ඔවුන්...
Hugzy Thoughts🌻💙
07/07/2026
නඩු නිමිත්ත- වයස අවුරුදු 16ට අඩු දියණියකගේ පියෙකු සාක්ෂි දෙයි.
එදා මං අහසටම ඔසවා
කුමරියක කර හැඩ බැලිමි
බදා සිප ආදරේ පෙන්වා
ඇසේ මානෙන් නොම හැරිමි...
පතා ආ බැව් සසර හුරුවට
ලියූ කවි ඉදහිට දුටිමි
කියා මගෙ පණ ඈට හිමි බව
ඉදහිටක අත අතහැරිමි...
සොයා කුමරිය අසෙකු පිට නොව
දඩු මොනර හඩකින් පැමිනි
නිදා ඇති බව සිත සිතා ගෙයි
දොරගුලද තද කර වැසිමි..
පමා බැව් නොමකියා ඩිංගක්
වැඩි පුරත් නිදියනු යෙහෙනි
අනේ මං ගෙපැලේ ඇවිද්දෙත්
තබ තබා බර අඩි සෙමිනි...
කතා නැති පැය ගනන් යද්දී
ගැහෙන පපුවෙන් එහි පැමිණි
අනේ පැටවකු ඉගිල තිබුනා
බතක් ඉන්පසු නොම ඉදුනි.
දාසයට අඩු නිසා පැමිණිලි
පැමිණියෙන් අවසන නොදැනි
හඩා වැලපෙමි තරහ අවසර
හරස් ප්රශ්නයකට රිදුනි...
ස්වාමිනි මං නොදැන හිටියේ
මගේ දුව ලොකු බව පමණි...
#දිනුෂිකා_ජයසුන්දර🌻
03/07/2026
නොලැබුණු මල් පොකුර
ඔහු,
දුර කතරක් ගෙවා,
පරෙස්සමෙන් නෙළාගත් මල් පොකුරක්,
තෝඩු දෙකක්,
අකුරු සුවඳ රැඳුණු ලියුමක්...
බාහල්ලුම්මක තබා
ඇය වෙත රැගෙන ආවේය.
නමුත්...
ඇය ඒ සියල්ලම
නිහඬ සිනහවකින් ද දුකකින් ද ප්රතික්ෂේප කළාය.
ආදරය නොව,
බලාපොරොත්තු උපදින්නට ඉඩක්
තම ජීවිතයට නොදෙන්නට
ඇය තීරණය කර තිබුණි.
"අඩුම තරමේ
මහන්සියෙන් නෙළාගෙන ආපු
ඒ මල් ටිකවත් ගන්න තිබුණා නේද..."
ඔහු,
ඔහුගෙන්ම ඇසුවේය.
නමුත් ඇය දැන සිටියා...
ඒ මල් පොකුර භාරගැනීම,
ආදරයට නොවුණත්
බලාපොරොත්තුවකට දොරක් ඇරීමක් බව.
එහෙයින්,
යළි කිසිදා හමු නොවන්නට
ඇය නිහඬව ප්රාර්ථනා කළාය.
ඒත්...
ඔහුගේ හිතේ
ඇය තවමත් කවියක් විය.
ඒ නිසාම,
නොලැබුණු ආදරයකටත්
ඔහු තව තවත්
පදවැල් බැඳගෙන සිටියේය...
ඉතිංංං....
ඔහුට අහිමි වග දැන දැනම...
ඇය වෙනුවෙන් කවි ලියන්නේය...
Hugzy Thoughts🌻
03/07/2026
දන්නවා ද
මනුස්සයෙක්ට ලේසියෙන් සත්තව කරුණාව උපදින්නේ
නැ …
ඒ ලස්සන චුටි කෙල්ල හරියට ඩිස්නිලන්තයේ සුරංගාවියක් වගේ...
හරි අපුර්වට ඒ දෙමාපියන් ඒ දරුවාට සත්තව කරුණාව කියා දීලා...
Hugzy Thoughts🌻
03/07/2026
ආදරය ගැන මම ඉගෙනගත් බොහෝ දේ මගේ ජීවිතයේ සිටි ගැහැනුන්ගෙන් මට උරුම උන දේවල්!
විශේෂ දිනවල අනෙක් කෙනාගේ කොණ්ඩය සකසන, මුහුණ සරසන, ඇඳුම් හුවමාරු කරගන්නා පුංචි මොහොතකත් ආදරය තිබුණා. මගේ ජීවිතයට එහෙම මොහොතවල් රැගෙන ආ ආදරණීය මිතුරියන් සිටියා. "මේක ඔයාට ලස්සනයි, ඔයාම තියාගන්ට." යැයි කිසිම පැකිලීමකින් තොරව කියූ හදවත් තිබුණා.
රෑ පහන් වනතුරු කතා කරමින්, එකම කතාව නැවත නැවතත් අසාගෙනත් වෙහෙසට පත් නොවුන ඉවසීමක් ඔවුන්ට තිබුණා. කිසිවෙක් නාන කාමරයට තනිව නොයන කිසිවෙක් විසින් නොදැමූ නමුත් නිහඬව පිළිපැදි නීතියක් තිබුණා.
"ඔයා හිතනවද... එයා මට ගැළපෙන කෙනෙක්ද?" බඩේ සමනලුන් පියෑඹූ ආදර කතා ගැන ඇසූවිට, හිත රිදෙයි කියා දැනගෙනත් ඇත්තම කියන්ට තරම් අවංක ආදරයක් තිබුණ මිතුරියන් හිටියා.
මම කෝපි බොන විදිහ, මම කල්පනාවට වැටෙන සින්දුව, මටත් අමතක වන පුංචි දේවල් පවා ඔවුන්ට මතක තිබුණා. ජීවිතය දරාගන්ට බැරි තරම් බර වූ දවසක කිසිම ප්රශ්නයක් නොඅසා මාව වැළඳගන්ට තරම් උරහිසක් ඔවුන් ළඟ තිබුණා.
ඔවුන්ගේ ආදරය ශබ්ද කරමින් පැමිණි එකක් නෙවෙයි. සමහර දාක ඒ ආදරය ගෙදරින් ඔතාගෙන එන බත් මුලට එකතු කරපු වැඩිපුර බත් කටක, තෙම්පරාදු සම්බෝලයක් අස්සෙ හංගාගෙන ගෙනත් තිබුණා.
සමහර දාට හොඳම ක්රීම් ජාති, සුවඳ පුයුර තෝරලා එවන එකේ ඉදන් ලස්සනම ඇදුමක් දැක්කොත් ඔයාව මතක් උනා කියන එකට එනකන් තිබුණා. කටහඬ බර වෙලා ඉන්නකොට ඔතනම ඉන්ට මං එනවා කියන දුරකතන පණිවිඩයක තිබුණා.
වෙන එකක් තියා අතින් අල්ලන් පාර මාරුකරවපු තැනක, එකම ඇඳ බෙදාගත්ත තැන්වල, උණු සමහන් කෝප්පෙක්ත් හැංගිලා තිබුණා.
ඒ නිසා අදත් මම විශ්වාස කරනවා ආදරය කියන්නේ ලොකු වචන නොවෙයි. ඒ ඔබව මතක තියාගන්න හදවතකට කියන නමක්. ඔබ වෙනුවෙන් කාලය වෙන්කරන මිනිසුන්ට කියන නමක්. ඔබ වැටෙන විට අල්ලාගන්නා දෑත් වලට කියන නමක්.
ඒ තමයි මම මුලින්ම ආදරය හඳුනාගත් හැටි. එක ගැහැණියකගෙන් තවත් ගැහැණියකට සම්ප්රේෂණය වූ ආදරය. ඒ ආදරය මට උගන්වපු සියලුම ගැහැනුන්ට ආදරෙයි, ස්තූතියි!!!
රොමානා |🌸💛