CODM

اقصح وجه ممكن تشوفو هوما المسؤولين لي عندنا مزال كيخرجو فعينيهوم وكيگولك الملعب الكبير .

بينما المدن الكبرى كتبني ملاعب عالمية بسعة 90 الف و 100 الف متفرج حنى مزال حاصلين مع ملعب تداريب .
وحتى هدا لي غيبنيو راه غي ملعب تداريب فكاس العالم وسعة ديالو مواصلاش حتى الربع ديال الملعب الكبير دبصح لي غيتبنى .
ومزال كيخرجو فعينيهوم كيگولك لا ماشي 20 الف راه 25 زعما راه تغيرات شي حاجة .

فاش كيكون عندك مسؤولين ديال الله يحسن العوان كتبقى تبان ليهوم حتى 25 الف كبييييرة بحال داك الكسووول المجمك لي كيجيب 5 وكتبان ليه جاب شي نقطة كبيييرة بحال ملعب التداريب دهادو .

الله يعفو علينا من الكوسالة.

الملعب الكبير

باش كبير ؟ الله اعلم

اگثر حاجة خارجة على الجمهور هي العاطفة .
واحد الجمهور شحال ولى عندنا حنين ورطب .

رسالة الشيخ لشركة الكرويلات .

للأسف ماعندناش تكوين لاعب قادر يلعب امام الجمهور بتقة.

شفنا فاش دخل الاعب الميلودي دخل مخلوع ومتسرع فاتخاد القرار ومتحمس زيادة، وتقريبا خسر گاع الكواري .

بحال هاد العابة لمكانتش عندو شخصية قوية ممكن تحرقو غيدخل اول مرة مخلوع ويبقى يخسر گاع الكواري فبدالك كيفقد التقة فراسو وهو باغي يبين بأي طريقة فبتالي غيبقى غي يخربق ، وغيتحرق حتى مع الجمهور خصوصا فاول انطباع .

ماشي ضروري تراوغ شي لاعب باش تبان مزايان لعب غي الساهلة وبالعقل راك غتبان مزيان، وداك الحماس الزائد عن حدو ولا لي ماشي فبلاصتو راه مامزيانش .

زيد خدم على راسك وحاول تلعب السهل الممتنع وتفهم ان الكرة اسرع من لاعب .
شحااال ماشفنا شي ابن المدرسة داكشي علاش فاش كنشوفو شي واحد كنمنيو فيه النفس يكون فالمستوى .

رسالة الشيخ

شنو السبب فاستقدام الفريق للاعبين أجانب دون المستوى، وبدون أي إضافة تُذكر؟
واش الإدارة التقنية ضعيفة وساذجة، وما عندهاش خبرة فإفريقيا، وما كتتعاملش مع مختصين؟
ولا قوة السماسرة فبيع الوهم وتضخيم الأرقام على الورق هي السبب؟
واش بهاد السهولة كيتضحك على الفريق؟
ولا السماسرة اللي كيتعامل معاهم الفريق ما عندهمش الكفاءة اللازمة؟ (ميلود ديما جيبها صنطيحة )
أو فلوسنا كتمشي غير فصفقات فاشلة وما كتجيب لينا غير "الشياطة"؟

واش لي كيجيبو لينا هاد العابة نسميوهوم وكلاء لاعبين ؟

يعني ناسيك رجع ؟

رسالة نصية من مكة المكرمة تنهي عقد الدنيبي… وبلاغ يتفادى لاول مرة ذكر عبارة “التراضي”.
----------------------@@@@@@@@@@---------------
قرر رئيس النادي المكناسي، السيد عز الدين اليعقوبي، فسخ عقد المدرب عزيز الدنيبي بعد مرور 21 دورة من بطولة “إنوي برو”، وذلك على خلفية غياب الانتصارات خلال مرحلة الإياب التي بلغت جولتها السادسة، حيث حصد “الكوديم” نقطة واحدة فقط من أصل 18 ممكنة (تعادل واحد وخمس هزائم).
الرئيس، المتواجد بالديار المقدسة لأداء مناسك الحج، أعطى الضوء الأخضر من مقر إقامته بمكة المكرمة للمكتب المديري من أجل مباشرة إجراءات فسخ العقد، مع الإبقاء على مساعد المدرب لقيادة الفريق خلال المباريات التسع المتبقية، وفق ما ورد في البلاغ الرسمي.
اللافت في هذا البلاغ أنه تحاشى، لأول مرة، استعمال عبارة “فسخ العقد بالتراضي”، و استبدالها بعبارة "الاحترام المتبادل" و أعتقد يا ربي تسمحلي أني السبب في حجبها لأنها كانت عنوان لمقالي الأخير حول سيناريو ما بعد الإقالة التي كانت مرتقبة لعزيز الدنيبي ( قبل اقالة الدنيبي بالتراضي علاش و شكون و كيفاش..)
وقد اختار الرئيس توقيت هذا القرار قبل المباراة المرتقبة التي ستجمع النادي المكناسي بأولمبيك الدشيرة على أرضية الملعب الشرفي بمكناس. ويبدو أن المكتب المسير راهن على هذه المواجهة، بالنظر إلى وضعية الخصم الذي يعيش بدوره أزمة نتائج خانقة، حيث فشل في تحقيق أي انتصار خلال آخر عشر مباريات، في أطول سلسلة سلبية هذا الموسم في البطولة الوطنية.
وتعتبر المباراة، نظريا، في متناول “الكوديم”، خاصة مع عاملي الأرض والجمهور، و مع خصم ضعيف يحتل المركز الثالث عشر برصيد 18 نقطة، وحتى هو بدل و غير المدرب و جاب الاطار الوطني بوشعيب المباركي لانقاد ما يمكن انقاده.

كتجي كتكتب ليا هاد الكوديم طلع ضيم وكتتبناها كشعار رسمي دالنادي .
في حين انت مافاهمش غي حافظ ، الا ماكنتيش قادر طلع هاد الكوديم ضيم فراك كتخلينا بيادق .
فالى متى غتبقاو تبيدقو فينا ؟
الا ماكنتيش قاد تطلعها ضيم حيد داك الشعار
ديما خاويين الشباك وعاطيين البراني منين يبيدقنا .