Next In

■ ပထမဆုံး Date ထွက်တဲ့နေ့မှာတင် ဖမ်းမိသွားခဲ့တဲ့ K-Pop Idol စုံတွဲ

- - - အဖွဲ့ဖျက်သိမ်းပြီးသွားပြီဖြစ်တဲ့ Girl Group ARIAZ ရဲ့ အဖွဲ့ဝင်ဟောင်း Hyokey က Idol ဘဝတုန်းက ကြုံခဲ့ရတဲ့ အတွေ့အကြုံတွေကို ဖွင့်ဟခဲ့ပါတယ်။ အရင်တုန်းကလည်း ARIAZ အဖွဲ့ဝင် Hyogyeong ဖြစ်ပြီး လက်ရှိမှာ Hyokey လို့ နာမည်သုံးနေတဲ့သူက K-Pop လောကထဲမှာ ဖြတ်သန်းခဲ့ရတဲ့ အတွေ့အကြုံတွေအကြောင်း ပြောပြခဲ့ဖူးပါတယ်။

အခုတစ်ကြိမ် သူ့ YouTube ချန်နယ်မှာ တင်ထားတဲ့ ဗီဒီယိုတစ်ခုမှာတော့ Idol တစ်ယောက်အဖြစ် ရှိနေချိန်တုန်းက ကိုယ်တိုင်ကြုံခဲ့ရတဲ့ Dating အတွေ့အကြုံတွေကို ပွင့်ပွင့်လင်းလင်း ပြောပြခဲ့ပါတယ်။ Hyokey က သူ့ရဲ့ ပထမဆုံး “Relationship” အတွေ့အကြုံဟာ Trainee ဘဝတုန်းက စခဲ့တာဖြစ်ပြီး အဲဒီလူနဲ့ တကယ်တမ်း တစ်ခါမှ မတွေ့ခဲ့ကြဘူးလို့ ဆိုပါတယ်။

နှစ်ယောက်သားက စာပို့တာနဲ့ ဖုန်းပြောတာတွေကတစ်ဆင့် ဆက်သွယ်ခဲ့ကြပြီး တစ်ယောက်နဲ့တစ်ယောက် အားပေးကူညီပေးတဲ့သူတွေ ဖြစ်လာခဲ့ကြတာပါ။ ဒါပေမဲ့ အဲဒီလူနဲ့ မတွေ့ခဲ့ရပေမယ့် နောက်တစ်ယောက်နဲ့တော့ မိတ်ဆက်ပေးခံရပြီးနောက် တကယ် Date ထွက်ခဲ့ပါတယ်။ အဲဒီအချိန်မှာ Hyokey က Trainee အဖြစ်ရှိနေသေးပေမယ့် သူနဲ့ Date ထွက်တဲ့ Male Idol ကတော့ အဲဒီအချိန်မှာတင် Debut လုပ်ပြီးသား Idol တစ်ယောက်ဖြစ်တယ်လို့ ပြောပါတယ်။

နှစ်ယောက်သား လူချင်းတွေ့ပြီး အပြင်ထွက်ခဲ့ကြပေမယ့် Hyokey က အဲဒီ Idol ဟာ ဖုန်းကို ခဏခဏ စစ်နေတာကို သတိထားမိခဲ့ပါတယ်။ အဲဒီအခါ သူက ဘာကြောင့် ဖုန်းကို အမြဲစစ်နေတာလဲလို့ မေးခဲ့ရာမှာတော့ သူတို့နှစ်ယောက်ကို တစ်ယောက်ယောက်က တွေ့သွားပြီး ဓာတ်ပုံ ဒါမှမဟုတ် သူတို့နှစ်ယောက်အကြောင်း တစ်ခုခုကို အွန်လိုင်းပေါ် တင်ထားမလားဆိုတာ စစ်နေတာဖြစ်ကြောင်း ရှင်းပြခဲ့ပါတယ်။

နောက်ဆုံးမှာတော့ Hyokey ရဲ့ အဖွဲ့ဝင်တစ်ယောက်ရဲ့ သူငယ်ချင်းက သူတို့နှစ်ယောက် အတူရှိနေတာကို တွေ့သွားခဲ့ပါတယ်။ အဲဒီသူငယ်ချင်းကလည်း သူတို့ရဲ့ Staff တွေ မသိခင် အခုကတည်းက ဆက်မတွေ့တော့ဖို့ တားမြစ်ပြောဆိုခဲ့တာကြောင့် နှစ်ယောက်သားရဲ့ ပထမဆုံး Date ကတည်းက လူတွေသိသွားမယ့် အခြေအနေထိ ဖြစ်ခဲ့ရတာပါ။

Source: KB

■ Winter ယာဉ်မောင်းလိုင်စင်ရပြီ

- - - aespa အဖွဲ့ဝင် Winter က သူ့ရဲ့ ယာဉ်မောင်းလိုင်စင်ကို ပရိသတ်တွေရှေ့မှာ ထုတ်ပြခဲ့ပါတယ်။

‘Cosmopolitan Korea’ YouTube Channel က “Which one of the two is the Maltese?” ဆိုတဲ့ ခေါင်းစဉ်နဲ့ Video တစ်ခု တင်ခဲ့ပါတယ်။ အဲဒီ Video ထဲမှာ Winter က အိမ်ကနေ အမြဲတမ်း ယူလာချင်တဲ့ သူ့အကြိုက်ဆုံးပစ္စည်းတွေနဲ့ သူ့ရဲ့အကြိုက်တွေကို ထင်ဟပ်စေတဲ့ ပစ္စည်းတွေကို ပြသခဲ့တာကြောင့် ပရိသတ်တွေရဲ့ အာရုံစိုက်မှုကို ရရှိခဲ့ပါတယ်။

အဲဒီအချိန်မှာ Winter က သူ့အိတ်ထဲက ယာဉ်မောင်းလိုင်စင်ကို ထုတ်ပြပြီး “နောက်ဆုံးတော့ လိုင်စင်ရပြီ” လို့ ဂုဏ်ယူစွာ ပြောခဲ့ပါတယ်။ ဒါ့အပြင် Winter က “ဒါက ကျွန်မဘဝမှာ ပထမဆုံးရတဲ့ ယာဉ်မောင်းလိုင်စင်ပါ။ နိုင်ငံကနေ တရားဝင် အသိအမှတ်ပြုခံလိုက်ရသလို ခံစားရတယ်။ ကျွန်မရဲ့ ကားမောင်းကျွမ်းကျင်မှုကိုလည်း အသိအမှတ်ပြုပေးလိုက်သလိုပဲ။ တကယ်ပဲ အရွယ်ရောက်လာပြီလို့ ခံစားရတယ်” လို့ ဝမ်းသာစွာ ပြောခဲ့ပါတယ်။

အဲဒီနောက် Production Staff က “လိုင်စင်ဖြေတုန်းက စိတ်မလှုပ်ရှားဘူးလား” လို့ မေးခဲ့ပါတယ်။ Winter က “ကားမောင်းတာကို သိပ်မကျွမ်းသေးပေမယ့် ထင်ထားသလောက် ကြောက်စရာလည်း မကောင်းဘူး၊ စိတ်လှုပ်ရှားပြီး တုန်လှုပ်နေရတာမျိုးလည်း မဖြစ်ခဲ့ဘူး။ ကျွန်မက ပုံမှန်လည်း ကားစီးနေကျဆိုတော့ ဖြစ်မယ်ထင်တယ်” လို့ ပြောခဲ့ပြီး “ပထမဆုံးအကြိမ်နဲ့ပဲ အောင်ခဲ့တယ်” လို့ ထပ်ပြောခဲ့ပါတယ်။

နောက်ပိုင်းမှာ Production Staff က Winter ကြိုက်တဲ့ ကားဒီဇိုင်းက ဘယ်လိုမျိုးလဲလို့ မေးခဲ့ပါတယ်။ Winter က “ကျွန်မကတော့ ကားကြီးတွေကို ကြိုက်တယ်ထင်တယ်” လို့ ပြောခဲ့ပြီး “ပုံမှန်ဆို Carnival နဲ့ပဲ သွားလာနေကျမို့ ဖြစ်မယ်။ ကားကြီးကနေ ကားသေးသေးလေးကို ပြောင်းစီးလိုက်ရင် နေရာကျဉ်းကျပ်ပြီး မွန်းကျပ်သလို ခံစားရတယ်” လို့ ရှင်းပြခဲ့ပါတယ်။

ပြီးတော့ Winter က “အခုထိတော့ ကိုယ်ပိုင်ကား မဝယ်ရသေးဘူး။ ဒါပေမယ့် ဝယ်ဖြစ်ရင် ကားကြီးပဲ ဝယ်မယ်ထင်တယ်” လို့ ပြောခဲ့တာကြောင့် သူရွေးချယ်မယ့် ပထမဆုံးကားအပေါ် ပရိသတ်တွေကလည်း စိတ်ဝင်စားနေကြပါတယ်။

Source: Chosun

■ Vintage ဆန်တဲ့ ဓာတ်ပုံတွေထဲမှာ ကျက်သရေရှိနေတဲ့ Go Youn-jung

- - - နာမည်ကျော်မင်းသမီး Go Youn-jung ဟာ နတ်သမီးတစ်ပါးလို ကျက်သရေရှိတဲ့ အလှတရားနဲ့ ပရိသတ်တွေရဲ့ အာရုံစိုက်မှုကို ရရှိနေပါတယ်။

Go Youn-jung ဟာ စက်တင်ဘာလ (၂၀) ရက်နေ့မှာ အထူးတလည်စာသားရေးသားထားခြင်းမရှိဘဲ သူ့ရဲ့အကောင့်မှာ ဓာတ်ပုံအများအပြားကို မျှဝေခဲ့ပါတယ်။ ဓာတ်ပုံတွေထဲမှာ Go Youn-jung က Tweed အကျီနဲ့ စကတ်ကို တွဲဖက်ဝတ်ဆင်ထားပြီး ထိုင်ခုံပေါ်မှာထိုင်ကာ ပို့စ်ပေးထားတာကို တွေ့ရပါတယ်။

ရှေးဟောင်းဆန်တဲ့ အတွင်းခန်းအပြင်အဆင်နဲ့အတူ ရိုက်ကူးထားတဲ့ ဓာတ်ပုံတစ်ပုံချင်းစီမှာ Go Youn-jung ရဲ့ ကျက်သရေရှိပြီး ဆွဲဆောင်မှုရှိတဲ့ အသွင်အပြင်က ပိုပြီး ထင်ရှားနေပါတယ်။ ဒါ့အပြင် Go Youn-jung ဟာ အနုပညာလောကထဲ မဝင်ရောက်ခင်ကတည်းက Jun Ji-hyun၊ Kim Tae-hee နဲ့ Tang Wei တို့နဲ့ ဆင်တူတဲ့ အလှအပကြောင့် အာရုံစိုက်ခံခဲ့ရသူပါ။

အခုဓာတ်ပုံတွေမှာတော့ မှောင်မိုက်တဲ့ နောက်ခံအရောင်နဲ့ ဆန့်ကျင်ပြီး ပေါ်လွင်နေတဲ့ သူ့ရဲ့ နတ်သမီးတစ်ပါးလို အလှနဲ့ ကျက်သရေရှိမှုက ပရိသတ်တွေရဲ့ ချီးကျူးမှုကို ရရှိနေပါတယ်။ ဒါ့အပြင် Go Youn-jung ရဲ့ နောက်ထပ်ပရောဂျက်အဖြစ် Disney+ ရဲ့ ဇာတ်လမ်းတွဲ “Moving 2” မှာ ပါဝင်သရုပ်ဆောင်ထားပြီး လက်ရှိမှာလည်း ရိုက်ကူးရေးတွေ ပြုလုပ်နေတယ်လို့ သိရပါတယ်။

“Moving” Season 2 ကတော့ Jung Won-go ဖြစ်ရပ်နောက်ပိုင်း နေ့စဉ်ဘဝထဲ ပြန်လည်နေထိုင်နေကြတဲ့ အထူးစွမ်းအားပိုင်ရှင်တွေဟာ အသစ်ပေါ်ပေါက်လာတဲ့ အကျပ်အတည်းတစ်ခုကနေ သူတို့ချစ်ခင်ရသူတွေကို ကာကွယ်ဖို့အတွက် တစ်ဖန် ပြင်းထန်တဲ့ တိုက်ပွဲထဲ ပြန်လည်ဝင်ရောက်ရတဲ့ Human Action ဇာတ်လမ်းတွဲ ဖြစ်ပါတယ်။

Sources: OSEN

■ ‘PULSE’ နဲ့ နိုဝင်ဘာ (၃) ရက်မှာ Comeback လုပ်မယ့် RESCENE

- - - RESCENE အဖွဲ့က စတုတ္ထမြောက် Mini Album ‘PULSE’ နဲ့ နိုဝင်ဘာ (၃) ရက်နေ့မှာ Comeback ပြန်လာတော့မယ်လို့ သိရပါတယ်။

အဖွဲ့ရဲ့ အေဂျင်စီ The Muze Entertainment ရဲ့ ပြောကြားချက်အရ RESCENE ဟာ 4th Mini Album ‘PULSE’ ကို နိုဝင်ဘာ (၃) ရက်နေ့မှာ ထုတ်လွှင့်သွားမှာဖြစ်ပြီး Comeback လှုပ်ရှားမှုတွေကို အပြည့်အဝ စတင်သွားမယ်လို့ သိရပါတယ်။

အခု Comeback ဟာ ပြီးခဲ့တဲ့ ဇူလိုင်လမှာ ထွက်ရှိခဲ့တဲ့ Remake Single ‘Pretty Girl’ ပြီးနောက် ၄ လခန့်အကြာမှာ ပြန်လာတာဖြစ်ပါတယ်။ ဒါ့အပြင် ပြီးခဲ့တဲ့နှစ် နိုဝင်ဘာလမှာ ထွက်ရှိခဲ့တဲ့ 3rd Mini Album ‘lip bomb’ ပြီးနောက် တစ်နှစ်ခန့်အတွင်း ပထမဆုံး Physical Album ထွက်ရှိလာတာဖြစ်တဲ့အတွက်လည်း ပရိသတ်တွေရဲ့ အာရုံစိုက်မှုကို ရရှိနေပါတယ်။

‘LOVE ATTACK’ သီချင်းဟာ နောက်ပိုင်းမှာ Chart တွေမှာ ပြန်လည်အောင်မြင်လာခဲ့သလို ‘Pretty Girl’ ကလည်း Chart တွေမှာ ဆက်တိုက်အောင်မြင်မှု ရရှိခဲ့တာကြောင့် RESCENE ဟာ 5th Generation Girl Group တွေထဲက ကိုယ်စားပြုအဖွဲ့တစ်ဖွဲ့အဖြစ် သူတို့ရဲ့နေရာကို ခိုင်ခိုင်မာမာ တည်ဆောက်ထားနိုင်ခဲ့ပါတယ်။ အခုလို သီချင်းအောင်မြင်မှုတွေ ဆက်တိုက်ရရှိပြီး တဖြည်းဖြည်း အရှိန်အဟုန်တက်လာနေတဲ့အတွက် Comeback အသစ်အပေါ် ပရိသတ်တွေရဲ့ မျှော်လင့်ချက်ကလည်း အရင်ကထက် ပိုမိုမြင့်တက်နေပါတယ်။

အခုလို မျှော်လင့်စောင့်စားနေကြတဲ့ Comeback ကို ပြုလုပ်လာတဲ့ RESCENE ဟာ 4th Mini Album ‘PULSE’ ကနေ ဘယ်လိုပုံစံအသစ်တွေနဲ့ ပရိသတ်တွေရှေ့ကို ရောက်လာမလဲဆိုတာလည်း စိတ်ဝင်စားစရာဖြစ်နေပါတယ်။

RESCENE ဟာ Album တစ်ခုချင်းစီမှာ ပန်းရနံ့၊ Berry ရနံ့၊ Incense ရနံ့ စသဖြင့် မတူညီတဲ့ ရနံ့ Concept တွေကို မိတ်ဆက်ခဲ့တာဖြစ်လို့ ဒီတစ်ကြိမ် ‘PULSE’ မှာတော့ ဘယ်လိုရနံ့ Concept နဲ့ ဘယ်လို Music ပုံစံကို အသုံးပြုပြီး ပရိသတ်တွေရဲ့ နှလုံးသားကို ဖမ်းစားသွားမလဲဆိုတာကိုလည်း စောင့်ကြည့်ရတော့မှာ ဖြစ်ပါတယ်။

Source : SBS Star

■ NY Fashion Week တက်ရောက်ခဲ့တဲ့ K-Pop Star ထဲမှာ မီဒီယာလွှမ်းမိုးမှု အမြင့်ဆုံး Jisoo

- - - BLACKPINK အဖွဲ့ဝင် Jisoo ဟာ Fashion Week လောကမှာ သူ့ရဲ့ မီဒီယာလွှမ်းမိုးမှု ဘယ်လောက်အထိ ကြီးမားသလဲဆိုတာကို ထပ်မံပြသနိုင်ခဲ့ပြီး New York Fashion Week SS27 မှာ K-Pop Star တွေအနက် မီဒီယာလွှမ်းမိုးမှု အမြင့်ဆုံး ရရှိခဲ့တယ်လို့ Influencer Marketing Platform ဖြစ်တဲ့ Lefty နဲ့ Karla Otto တို့ ပူးပေါင်းထုတ်ပြန်တဲ့ အစီရင်ခံစာမှာ ဖော်ပြထားပါတယ်။

Jisoo ဟာ အဲဒီ Fashion Week နဲ့ ပတ်သက်ပြီး Instagram မှာ ပို့စ် (၂) ခုသာ တင်ခဲ့ပေမယ့် Earned Media Value (EMV) အနေနဲ့ ဒေါ်လာ (၄) သန်းအထိ ရရှိခဲ့ပါတယ်။ အထူးသဖြင့် Tommy Hilfiger ရဲ့ Fashion Show ကို Jisoo တက်ရောက်ခဲ့တာက အမေရိကန်ဖက်ရှင် Brand ဖြစ်တဲ့ Tommy Hilfiger ကို အလုံးစုံ EMV အမြင့်ဆုံးရရှိတဲ့ Brand ဖြစ်လာအောင် အထောက်အကူပြုခဲ့ပါတယ်။

Tommy Hilfiger ဟာ EMV ဒေါ်လာ (၃၅.၃၇) သန်းအထိ ရရှိခဲ့ပြီး New York Fashion Week SS27 တစ်ခုလုံးကနေ ထုတ်ပေးခဲ့တဲ့ စုစုပေါင်း EMV ဒေါ်လာ (၉၉) သန်းရဲ့ သုံးပုံတစ်ပုံကျော်ကို ရရှိခဲ့တာဖြစ်ပါတယ်။

Jisoo ရဲ့ Instagram ပို့စ်အရေအတွက်က အနည်းငယ်သာရှိခဲ့ပေမယ့် အဲဒီလို မြင့်မားတဲ့ EMV ရရှိခဲ့တာက Fashion Week မှာ Jisoo ရဲ့ မီဒီယာလွှမ်းမိုးမှုနဲ့ ပရိသတ်အပေါ် သက်ရောက်မှု ကြီးမားနေဆဲဖြစ်တာကို ပြသနေပါတယ်။

Source: KP

■ NMIXX ရဲ့ ‘Strange Muse’ Comeback ရက်နဲ့ Track List ထွက်လာ

- - - NMIXX အဖွဲ့က လာမယ့် အောက်တိုဘာလမှာ Comeback ပြုလုပ်တော့မယ့်ရက်နဲ့ Album Track List ကို တရားဝင် ထုတ်ပြန်လိုက်ပါတယ်။

စက်တင်ဘာ (၂၁) ရက်နေ့မှာ NMIXX အဖွဲ့က လာမယ့်လအတွင်း ပြုလုပ်မယ့် Comeback ရဲ့ ရက်စွဲနဲ့ အသေးစိတ်အချက်အလက်တွေကို တရားဝင်ကြေညာခဲ့တာ ဖြစ်ပါတယ်။

NMIXX ဟာ သူတို့ရဲ့ ဆဋ္ဌမမြောက် EP Album “Strange Muse” နဲ့ အောက်တိုဘာ ၁၉ ရက်နေ့ ညနေ ၆ နာရီ (ကိုရီးယားစံတော်ချိန်) မှာ Comeback ပြုလုပ်သွားမှာဖြစ်ပြီး Album ထဲမှာ ပါဝင်မယ့် သီချင်းစာရင်းကိုလည်း ထုတ်ပြန်ပေးခဲ့ပါတယ်။ “Strange Muse” မှာ Track List ကတော့ ...

၁။ Birthday Wish
၂။ Kerosene
၃။ RudE TaLK
၄။ Sing to the Moon (LILY, HAEWON)
၅။ Hot 'n Unbothered (SULLYOON, BAE)
၆။ WHIP (JIWOO, KYUJIN)

NMIXX ရဲ့ “Strange Muse” ဟာ အဖွဲ့ရဲ့ ဆဋ္ဌမမြောက် EP Album အဖြစ် ထွက်ရှိလာမှာဖြစ်ပြီး လာမယ့် အောက်တိုဘာ (၁၉) ရက်နေ့မှာ ပရိသတ်တွေနားဆင်ခွင့်ရတော့မှာ ဖြစ်ပါတယ်။

Source: Soompi

■ အဓိပ္ပာယ်ရှိတဲ့ နေရာ (၂) ခုမှာ ဝမ်သန်း (၂၀၀) လှူဒါန်းခဲ့တဲ့ Bang Chan

- - - Stray Kids အဖွဲ့ခေါင်းဆောင် Bang Chan က အဓိပ္ပာယ်ရှိတဲ့ အကြောင်းအရာ (၂) ခုအတွက် စုစုပေါင်း ဝမ်သန်း (၂၀၀) လှူဒါန်းခဲ့ပါတယ်။

JYP Entertainment က Bang Chan ဟာ မကြာသေးခင်က စုစုပေါင်း ဝမ်သန်း ၂၀၀ (အမေရိကန်ဒေါ်လာ ၁၄၄,၂၉၆ ခန့်) လှူဒါန်းခဲ့ကြောင်း ထုတ်ပြန်ခဲ့ပါတယ်။ အဲဒီထဲက ဝမ်သန်း ၁၀၀ (အမေရိကန်ဒေါ်လာ ၇၂,၁၄၈ ခန့်) ကို Seoul Rehabilitation Hospital အတွက် လှူဒါန်းခဲ့ပြီး ကျန်ဝမ်သန်း ၁၀၀ ကို Korean Committee for UNICEF အတွက် လှူဒါန်းခဲ့တာ ဖြစ်ပါတယ်။

အထူးသဖြင့် Bang Chan က Korean Committee for UNICEF ကို လှူဒါန်းတဲ့ ငွေကြေးကို မကြာသေးခင်က ရေကြီးမှုတွေကြောင့် ထိခိုက်ခဲ့ရတဲ့ နီပေါနိုင်ငံဒေသတွေမှာ အရေးပေါ်ကယ်ဆယ်ရေးနဲ့ ပြန်လည်ထူထောင်ရေးလုပ်ငန်းတွေမှာ အသုံးပြုပေးဖို့ သတ်မှတ်ပေးခဲ့ပါတယ်။

ဒါ့အပြင် Seoul Rehabilitation Hospital ကို လှူဒါန်းတဲ့ ဝမ်သန်း ၁၀၀ ကို လူနာတစ်ဦးချင်းစီရဲ့ အသက်အရွယ်နဲ့ ကျန်းမာရေးအခြေအနေအလိုက် လိုအပ်ချက်နဲ့ကိုက်ညီအောင် ပြန်လည်ထူထောင်ရေးကုသမှုပေးနိုင်မယ့် “အထူးပြု စိတ်ကြိုက်ပြန်လည်ထူထောင်ရေးစင်တာ” တည်ဆောက်ရာမှာ အသုံးပြုသွားမှာ ဖြစ်ပါတယ်။

Bang Chan က “ခက်ခဲပြီး ပင်ပန်းနေတဲ့အချိန်တွေကို ဖြတ်သန်းနေရတဲ့သူတွေအတွက် အနည်းဆုံး နည်းနည်းလေးဖြစ်ဖြစ် စိတ်သက်သာရာရစေချင်ခဲ့ပါတယ်။ လူတွေအများကြီး တတ်နိုင်သမျှ မြန်မြန်ဆန်ဆန် အေးချမ်းတဲ့ နေ့စဉ်ဘဝကို ပြန်လည်ရောက်ရှိနိုင်ကြပါစေလို့ စိတ်ရင်းအမှန်နဲ့ မျှော်လင့်ပါတယ်” လို့ ပြောခဲ့ပါတယ်။

Source: Soompi

■ Bvlgari ရဲ့ Brand Ambassador ဖြစ်လာတဲ့ Ningning

- - - aespa အဖွဲ့ဝင် Ningning က အီတလီနိုင်ငံအခြေစိုက် နာမည်ကျော် Luxury Fashion House ဖြစ်တဲ့ Bvlgari ရဲ့ Brand Ambassador အသစ်အဖြစ် ခန့်အပ်ခံလိုက်ရပါတယ်။

စက်တင်ဘာ (၂၁) ရက်နေ့မှာ Bvlgari က သူတို့ရဲ့ Social Media Account တွေကနေတစ်ဆင့် Ningning ကို Brand Ambassador အသစ်အဖြစ် ကြိုဆိုလိုက်ပြီး အခုလို ပြောထားပါတယ်။

“အဆိုတော် Ningning က Bvlgari Family ထဲကို Brand Ambassador အသစ်အဖြစ် ပါဝင်လာပါပြီ။ သူ့ရဲ့ ထူးခြားပြောင်မြောက်တဲ့ အနုပညာစွမ်းရည်၊ ဆွဲဆောင်မှုရှိတဲ့ ရှိန်တစ်မျိုးနဲ့ ဖြစ်နိုင်ခြေအသစ်တွေကို ရှာဖွေဖို့ အမြဲအသင့်ရှိနေတဲ့ စိတ်ဓာတ်တို့နဲ့အတူ Ningning က Bvlgari ရဲ့ စိတ်လှုပ်ရှားစရာကောင်းတဲ့ ခေတ်သစ်တစ်ခုအတွက် လမ်းကြောင်းသစ်ကို ဖန်တီးပေးသွားမှာ ဖြစ်ပါတယ်”လို့ Bvlgari က ထုတ်ပြန်ခဲ့ပါတယ်။

Brand Ambassador အသစ်အဖြစ် ကြေညာတဲ့အတူ ထုတ်ပြန်ပေးခဲ့တဲ့ ဓာတ်ပုံတွေထဲမှာ Ningning က Bvlgari ရဲ့ DIVAS’ DREAM Jewelry Collection အသစ်က လက်ဝတ်ရတနာတွေကို ဝတ်ဆင်ပြီး သူ့ရဲ့ တက်ကြွပြီး ဘက်စုံသွင်ပြင်ရှိတဲ့ ဆွဲဆောင်မှုကို ဖော်ပြထားပါတယ်။ ဒါ့အပြင် Bvlgari ရဲ့ အထင်ကရ မြွေပုံစံ Design ကို အသုံးပြုထားတဲ့ SERPENTI Jewelry နဲ့ Timepieces တွေကိုလည်း Ningning က ဝတ်ဆင်ပြသထားပါတယ်။

အခုလို Ningning က Bvlgari ရဲ့ Brand Ambassador အသစ်အဖြစ် ပါဝင်လာတာကြောင့် aespa အဖွဲ့ရဲ့ Global Fashion နဲ့ Luxury Brand လောကထဲက လှုပ်ရှားမှုတွေမှာလည်း Ningning ရဲ့ အခန်းကဏ္ဍက ပိုမိုထင်ရှားလာတော့မှာ ဖြစ်ပါတယ်။

Source: Soompi

■ ဂျပန်မှာ ပထမဆုံး Solo Platinum Certification ရရှိခဲ့တဲ့ Jimin

- - - BTS အဖွဲ့ဝင် Jimin ရဲ့ Solo သီချင်း “Who” ဟာ ဂျပန်နိုင်ငံမှာ Streaming အတွက် Platinum Certification ရရှိသွားခဲ့ပါတယ်။

ဂျပန် Recording Industry Association of Japan (RIAJ) ဟာ ၂၀၂၀ ခုနှစ်မှာ သီချင်းတွေရဲ့ Online Streaming အတွက် Certification စနစ်အသစ်ကို စတင်ခဲ့ပါတယ်။ ဒီစနစ်ဟာ အရင်ကတည်းက ရှိထားတဲ့ Physical Album ရောင်းချမှုနဲ့ Digital Download ရောင်းချမှုတွေအတွက် Certification စနစ်တွေအပြင် ထပ်မံထည့်သွင်းခဲ့တာဖြစ်ပါတယ်။

အဲဒီ Streaming Certification စနစ်အရ သီချင်းတစ်ပုဒ်ဟာ ဂျပန်မှာ Stream အကြိမ်ရေ သန်း (၃၀) ပြည့်ရင် Silver Certification၊ သန်း (၅၀) ပြည့်ရင် Gold Certification နဲ့ သန်း (၁၀၀) ပြည့်ရင် Platinum Certification ရရှိမှာ ဖြစ်ပါတယ်။

ဒီလအတွင်းမှာတော့ Jimin ရဲ့ နာမည်ကြီး Solo သီချင်း “Who” ဟာ ဂျပန်နိုင်ငံအတွင်း Stream အကြိမ်ရေ သန်း ၁၀၀ ကျော်သွားခဲ့တာကြောင့် RIAJ ရဲ့ Official Platinum Certification ကို ရရှိခဲ့ပါတယ်။ “Who” ဟာ ဂျပန်မှာ Streaming အတွက် Platinum Certification ရရှိတဲ့ Jimin ရဲ့ ပထမဆုံး Solo သီချင်းလည်း ဖြစ်လာပါတယ်။

ဒါပေမယ့် Jimin ဟာ Solo Artist အဖြစ် အရင်ကလည်း Platinum Certification ရရှိထားပြီးဖြစ်ပါတယ်။ သူ့ရဲ့ Solo Debut Album “FACE” ဟာ အရင်က RIAJ ရဲ့ Platinum Certification ကို ရရှိထားခဲ့တာ ဖြစ်ပါတယ်။

Source: Soompi

■ (၂၁) နှစ်အကြာမှာ အဖွဲ့ဝင် ၄ အစုံအလင်နဲ့ Comeback လုပ်မယ့် Fin.K.L

- - - K-Pop ပထမမျိုးဆက် ဂန္ထဝင်အဖွဲ့တစ်ဖွဲ့ဖြစ်တဲ့ Fin.K.L က အဖွဲ့လိုက်အနေနဲ့ Comeback ပြန်လုပ်တော့မယ်လို့ တရားဝင်ကြေညာလိုက်ပါတယ်။

ဒါဟာ Fin.K.L အနေနဲ့ အဖွဲ့လိုက် ပြန်လည်လှုပ်ရှားမှုကို (၂၁) နှစ်ခန့်အကြာမှာ ပထမဆုံးအကြိမ် ပြန်လည်စတင်တာလည်း ဖြစ်ပါတယ်။ စက်တင်ဘာ (၂၁) ရက်နေ့မှာ Fin.K.L ရဲ့ အဖွဲ့လိုက်လှုပ်ရှားမှုတွေကို စီမံခန့်ခွဲပေးသွားမယ့် GEMSTONE E&M က “အဖွဲ့ဝင် ၄ ယောက်ဖြစ်တဲ့ Lee Hyori၊ Ock Joo Hyun၊ Lee Jin နဲ့ Sung Yuri တို့အားလုံး Fin.K.L အဖွဲ့အနေနဲ့ ပြန်လည်ဆုံစည်းဖို့အတွက် ပြင်ဆင်နေကြပါတယ်”လို့ ကြေညာခဲ့ပါတယ်။

Fin.K.L ရဲ့ အခု Comeback ဟာ ၂၀၀၅ ခုနှစ်မှာ ထွက်ရှိခဲ့တဲ့ Digital Single Album “Forever Fin.K.L” နောက်ပိုင်း (၂၁) နှစ်ခန့်အကြာမှာ ပြန်လည် Comeback ပြုလုပ်တာ ဖြစ်ပါတယ်။ အဖွဲ့ဝင် (၄) ယောက်စလုံးဟာ ၂၀၁၉ ခုနှစ်တုန်းက JTBC ရဲ့ Variety Program “Camping Club” မှာလည်း ပြန်လည်ဆုံစည်းခဲ့ပြီး သီချင်းအသစ်တစ်ပုဒ် ထွက်ရှိခဲ့ဖူးပါတယ်။ ဒါပေမဲ့ အဲဒီတုန်းက ပြန်လည်ဆုံစည်းမှုက အစီအစဉ်ရိုက်ကူးမှုကို အဓိကထားတဲ့ တစ်ကြိမ်တည်းသော Reunion ဖြစ်ခဲ့ပါတယ်။

အခုတစ်ကြိမ်မှာတော့ Fin.K.L ရဲ့ အဖွဲ့လိုက်လှုပ်ရှားမှုတွေကို တာဝန်ယူစီမံပေးသွားမယ့် GEMSTONE E&M က အခုပြန်လည်ဆုံစည်းမှုဟာ “ရေရှည်တည်တံ့တဲ့ လှုပ်ရှားမှုတွေအတွက် အစပြုမှုအသစ်” ဖြစ်လာမယ်လို့ အလေးပေးပြောထားပါတယ်။

အေဂျင်စီဘက်ကလည်း “Fin.K.L ဟာ တောင်ကိုရီးယား Pop Music သမိုင်းမှာ သင်္ကေတဆန်တဲ့ အရေးပါမှုရှိတဲ့ Group တစ်ဖွဲ့ ဖြစ်ပါတယ်။ Fin.K.L ကို အချိန်အကြာကြီး စောင့်မျှော်နေခဲ့ကြတဲ့ ပရိသတ်တွေနဲ့အတူ အမှတ်တရအချိန်အသစ်တွေ ဖန်တီးနိုင်ဖို့အတွက် လှုပ်ရှားမှုအမျိုးမျိုးကို အစီအစဉ်တကျ ဆက်တိုက် ထုတ်ဖော်သွားမှာ ဖြစ်ပါတယ်” လို့ ပြောပါတယ်။

၁၉၉၈ ခုနှစ်မှာ Debut လုပ်ခဲ့တဲ့ Fin.K.L ဟာ First Generation Idol တွေရဲ့ ကိုယ်စားပြု Girl Group တွေထဲက တစ်ဖွဲ့အဖြစ် ပရိသတ်တွေရဲ့ အားပေးချစ်ခင်မှုကို ရရှိခဲ့ပြီး “Blue Rain”၊ “To My Boyfriend”၊ “Forever Love” နဲ့ “Now” တို့လို Hit Song အများအပြားကို ထွက်ရှိခဲ့ပါတယ်။ အဲဒီနောက်မှာတော့ Lee Hyori၊ Ock Joo Hyun၊ Lee Jin နဲ့ Sung Yuri တို့ဟာ အသီးသီး ကိုယ်ပိုင်နယ်ပယ်တွေမှာ အောင်မြင်တဲ့ Career တွေကို တည်ဆောက်နိုင်ခဲ့ကြပါတယ်။

အခုဆိုရင် နှစ်ပေါင်း (၂၀) ကျော်ကြာပြီးနောက် အဖွဲ့ဝင် (၄) ယောက်စလုံးနဲ့ Fin.K.L အနေနဲ့ ပြန်လည်လှုပ်ရှားလာတော့မှာဖြစ်လို့ အရင်ကတည်းက အဖွဲ့ရဲ့ သီချင်းတွေနဲ့အတူ ကြီးပြင်းလာခဲ့ကြတဲ့ ပရိသတ်တွေအတွက်လည်း အမှတ်တရဖြစ်စရာ Reunion တစ်ခု ဖြစ်လာတော့မှာပါ။

Source: Soompi