AILES

💜 Pa zize. Zot imin avan tou.

Stigmatizasion se kan nou ziz, etiket, rezet ouswa diskrimin enn dimounn akoz li konsome ladrog.

Derrier konsomasion ena enn dimounn, enn lavi, enn zistwar. Zot bizin soutien ek led, pa zizman. 🤝

Enn dimounn ki santi li aksepte pou pli fasil rod led ek gagn akse ar bann servis ki li bizin.

📍 Bizin led ouswa plis informasion? Vinn get nou kot AILES, akote Station Vacoas ouswa Loges, Mangalkhan, ouswa telefonn nou.

💜 Pa stigmatize. Soutenir. Akonpagne.

💜 Si mo konsome, kouma mo kapav diminie risk pou fer enn overdose?

Konsomasion zero risk pa existe, me ena bann fason pou diminie risk:

⚠️ Pa melanz bann sibstans
⚠️ Apre enn poz, pa repran mem kantite kouma avan
⚠️ Fer atansion ar nouvo prodwi ouswa nouvo dealer — to pa kone so lafors
⚠️ Evit konsome tousel
⚠️ Pa repran enn lot doz tro vit
⚠️ Konn bann sign enn overdose ek kone kouma reazir

💜 Ki ete Naloxone, ek kifer li inportan?

Naloxone se enn medikaman ki kapav ranvers enn overdose opioïde, kouma he**in, ek sov enn lavi.

🚨 Dan enn overdose, sak minit konte.

🏥 Dan Moris, Naloxone disponib dan lopital, me malerezman li pa ankor aksesib dan bann ONG ek lezot servis ki travay direkteman avek dimounn ki servi ladrog.

Gagn Naloxone pli aksesib dan bann servis de proximite kapav permet enn intervansion pli rapid ek sov plis lavi.

🎥 Get nou video pou konpran plis.

💜 Ki bizin fer si enn dimounn pe fer enn overdose?

🚨 Reazir vit kapav sov enn lavi!

📞 Apel servis dirzans
👀 Verifye si dimounn-la pe respire
🛌 Si li pe respire me li pa konsian, met li dan Position Latérale de Sécurité (PLS)
❌ Pa les dimounn-la tousel

🎥 Dan sa video-la, nou montre twa kouma met enn dimounn dan PLS an atandan led.

Rekonet. Reazir. Sov enn lavi. 💜

💜 Kouma rekonet enn overdose?

Overdose pa arive zis kan enn dimounn pike 💉❌
Li kapav arive kan to snif brown ou co**in, fim simik, aval enn sibstans, ouswa kan to bwar tro boukou medikaman ou lalkol.

⚠️ Bann sign prinsipal enn overdose:
• Dimounn-la pa reazir / pa reveye
• Li pe gagn difikilte pou respire ouswa so respirasion bien lant
• So lalev ouswa ledwa kapav vinn ble/violet
• Li kapav vomi, gagn konvilsion ouswa perdi konesans

🎥 Rekonet bann sign vit kapav sov enn lavi.

💜 Kouma enn overdose kapav arive?

Medikaman, lalkol, Co***ne, Heroine, ecstasy, ketamin ouswa drog sintetik — risk overdose kapav ogmante kan:

⚠️ To repran apre enn poz
⚠️ To melanz plizier sibstans
⚠️ To pran enn nouvo prodwi ouswa aste kot enn nouvo dealer
⚠️ Doz-la tro for

🎥 Konn bann risk. Diminie bann risk. Sov enn lavi.

💜 International Overdose Awareness Day

Sa semenn-la, AILES pe mobilize pou informe, prevenir ek diminie bann risk lie ar overdose.

🎥 Sak zour, nou pou partaz enn nouvo video avek bann informasion ki kapav ede pou prevenir enn overdose ek sov bann lavi.

📲 Rest konekte avek nou!