Tarauli Community Library

🦚🙏 श्रीकृष्ण जन्माष्टमीको हार्दिक मंगलमय शुभकामना! 🙏🦚
टरौली सामुदायिक पुस्तकालयको तर्फबाट सम्पूर्ण पाठक, सदस्य, शुभेच्छुक तथा समस्त नेपाली दाजुभाइ तथा दिदीबहिनीहरूमा श्रीकृष्ण जन्माष्टमीको हार्दिक शुभकामना व्यक्त गर्दछौँ। भगवान श्रीकृष्णको ज्ञान, प्रेम, सत्य र सद्कर्मको मार्गले हामी सबैलाई सही बाटोमा अघि बढ्ने प्रेरणा प्रदान गरोस्। यस पावन अवसरले सबैको जीवनमा सुख, शान्ति, समृद्धि, सद्भाव र सकारात्मक ऊर्जा ल्याओस्। 🌸
श्रीकृष्ण जन्माष्टमीको हार्दिक शुभकामना!
🦚 राधे–राधे! 💙

जन्मदिनको हार्दिक शुभकामना 🎂🎉
ज्ञान, शिक्षा र पुस्तकालयको विकासमा निरन्तर समर्पित टरौली सामुदायिक पुस्तकालयको व्यवस्थापक तथा ट्याग परियोजना संयोजक श्रीजु नेपाललाई जन्मदिनको हार्दिक मंगलमय शुभकामना।
यहाँको लगनशीलता, नेतृत्व र सकारात्मक सोचले पुस्तकालय तथा समुदायको उज्ज्वल भविष्य निर्माणमा अझ ठूलो योगदान पुगोस्।
सुस्वास्थ्य, दीर्घायु, सुख, शान्ति, सफलता र समृद्धिको हार्दिक शुभेच्छा सहित जन्मदिनको असिम शुभकामना 🎊🎊🎉🎉🎂🎂📚

मिति २०८३ साल भदौ १४ गते (३० अगस्ट, २०२६), टरौली सामुदायिक पुस्तकालयका अध्यक्ष श्री सागर मिश्रज्यूको अध्यक्षतामा, रिड नेपालको सहयोगमा सञ्चालित टेक एज युथ (TAY) परियोजना अन्तर्गत किशोर–किशोरीहरूबीच सिकाइ तथा अनुभव आदानप्रदान कार्यक्रम सम्पन्न भयो।कार्यक्रममा किशोर–किशोरीहरूले अहिलेसम्म आफूले सिकेका कुराहरू तथा आफूमा आएका सकारात्मक परिवर्तनहरूका बारेमा अनुभव साझा गर्नुभयो। त्यसैगरी, Senior TAG तथा मेन्टर शिक्षिकाले किशोर–किशोरीहरूमा विद्यालय तथा पुस्तकालयमा देखिएका सकारात्मक परिवर्तन र उनीहरूको सिकाइका बारेमा पनि आफ्ना अनुभवहरू व्यक्त गर्नुभयो। अन्त्यमा अध्यक्षज्यूले सहभागीहरूलाई आवश्यक सल्लाह तथा सुझाव प्रदान गर्नुभयो।कार्यक्रममा कार्यसमितिका पदाधिकारीहरू, मेन्टर शिक्षिका, Senior TAG तथा उपसमितिका सदस्यहरू लगायतको उपस्थिति रहेको थियो।

१९ औं पुस्तकालय दिवसको अवसरमा टरौली सामुदायिक पुस्तकालयमा सचेतना कार्यक्रम सम्पन्न:
“बाल, युवा र वृद्ध: पुस्तकालय सबैको गन्तव्य” भन्ने मूल नाराका साथ भाद्र ७ गतेदेखि १५ गतेसम्म सञ्चालन हुने १९औँ पुस्तकालय दिवस–२०८३ को अवसरमा टरौली सामुदायिक पुस्तकालयमा विशेष सचेतना कार्यक्रम सम्पन्न भएको छ।
२०८३ भाद्र ७ गते आइतबार पुस्तकालयको “TECH AGE YOUTH” परियोजना तथा समुदायका युवाहरूको सहभागितामा लागूऔषध, मानव बेचबिखन, हिंसा तथा बलात्कारविरुद्ध सचेतना कार्यक्रम सञ्चालन गरिएको हो।
कार्यक्रम टरौली सामुदायिक पुस्तकालयका अध्यक्ष सागर मिश्रको अध्यक्षतामा तथा ईलाका प्रहरी कार्यालय, बछौलीका प्रहरी नायब निरीक्षक (सई) शिवकुमार थापाको विशेष उपस्थिति एवं प्रशिक्षणमा सम्पन्न भएको थियो।
कार्यक्रममा युवाहरूलाई लागूऔषध दुरुपयोगबाट हुने असर, मानव बेचबिखनबाट बच्ने उपाय, हिंसा तथा यौनजन्य अपराधविरुद्ध अपनाउनुपर्ने सावधानी, कानुनी प्रावधान तथा समाजमा युवाहरूको जिम्मेवारीका विषयमा प्रशिक्षण तथा सचेतना प्रदान गरिएको थियो।
कार्यक्रमले युवाहरूमा अपराधविरुद्ध सचेतना अभिवृद्धि गर्दै सुरक्षित, सभ्य र जिम्मेवार समाज निर्माणमा सकारात्मक योगदान पुर्‍याउने विश्वास गरिएको छ।

🌼 गुरु पूर्णिमाको हार्दिक शुभकामना! 🙏

गुरु पूर्णिमाको पावन अवसरमा ज्ञान, शिक्षा, संस्कार, प्रेरणा र जीवनको सही मार्गदर्शन प्रदान गर्नुहुने सम्पूर्ण गुरुजनप्रति टरौली सामुदायिक पुस्तकालय परिवार हार्दिक सम्मान, कृतज्ञता तथा श्रद्धाञ्जली अर्पण गर्दछ।
गुरुको अमूल्य ज्ञान र प्रेरणाले समाजलाई शिक्षित, सभ्य र समृद्ध बनाउन निरन्तर ऊर्जा प्रदान गरोस्। सम्पूर्ण गुरुजनमा उत्तम स्वास्थ्य, सुख, शान्ति, दीर्घायु तथा निरन्तर सृजनशीलताको हार्दिक शुभकामना व्यक्त गर्दछौँ।
ज्ञानको उज्यालो फैलाऔँ, पढ्ने संस्कृति प्रवर्द्धन गरौँ।
सम्पूर्णमा शुभ गुरु पूर्णिमा! 🌺📚

– टरौली सामुदायिक पुस्तकालय परिवार

READ Global को Executive Director तथा रिड नेपालको अध्यक्ष नेपालका सामुदायिक पुस्तकालयकि अभियान्ता साथै डायनामिक लिडर आदरणीय व्यक्तित्व सन्जना श्रेष्ठज्यू लाई जन्मदिनको लाखौंलाख शुभकामना व्यक्त गर्दछौं 🎂🎂🎂🎂🎂

अध्यक्ष एवं टरौली सामुदायिक पुस्तकालय
रत्ननगर न.पा-५, टरौली, चितवन