Shisir

भेटिन्छन कति मोडहरू, मोडिएर जान्छ जिन्दगी।
कहिले खुसी, कहिले आँसुमा घामछायाँ बन्छ जिन्दगी।।

​खोज्दै हिँड्छ मान्छे यहाँ सुखका ती मिठा पलहरू।
काँडैकाँडाको बाटोमा पनि मुस्कुराउन सिक्छ जिन्दगी।।

​कोही आउँछन नजिक यहाँ, कोही टाढा भइदिन्छन।
आउने-जाने चौतारीको एउटा लामो कथा बन्छ जिन्दगी।।

​थकाई लाग्छ हिँड्दाहिँड्दै, विश्राम कतै पाइँदैन।
सफलता र असफलताको चक्रव्यूहमा फस्छ जिन्दगी।।

​न त सोचेको जस्तो हुन्छ, न त चाहेको जस्तो नै।
समयको बहाबसँगै चुपचाप बगिरहन्छ जिन्दगी।।