Bro ALXs WebBlog

Goodmorning! Its me again!!!🌿

Mga Pusong Binabago ng Diyos

Ang pagbabago ay hindi laging biglaan o madali. Ngunit alalahanin natin na kahit sa mga mahihirap—maging sa mga kasalanang nakagagapos o tila nakakaadik—kayang baguhin ng Diyos ang ating mga puso (Jeremias 31:33). Sinabi Niya, “makikilala ninyo Ako”, at sa pagkakilalang iyon, mararanasan din natin ang kapangyarihan Niya na magpabago ng puso.

“Ito ang tipang aking gagawin sa sambahayan ng Israel
pagkatapos ng panahong iyon,” sabi ng Panginoon.
“Ilalagay ko ang aking kautusan sa kanilang isipan
at isusulat ko ito sa kanilang mga puso.
Ako ang magiging Diyos nila,
at sila ang magiging aking bayan.” Jeremiah 31:33

Pagkilala at Pagmamahal sa Kapwa

Naaapektuhan tayong lahat ng kasalanan. Sa likod ng bawat kasalanan ay may isang taong may pinagdaraanan. Kapag tayo’y nasaktan o nagawan ng mali, maaaring mahirap maghangad ng pagpapanumbalik ng relasyon, ngunit ito ang tawag ng Diyos sa atin. Kilalanin muna ang tao. Pagkatapos, sa lakas ni Cristo, mahalin natin sila.

Sapagkat isinulat ko sa inyo iyon mula sa matinding pagdadalamhati at matinding paghihirap ng aking puso, at may kasamang maraming luha—hindi upang kayo’y pighatiin, kundi upang ipaalam sa inyo kung gaano kalalim ang aking pagmamahal sa inyo. 2 Cor 2:4

Itinuturo ni Jesus

Nawa’y lagi tayong handang makakita ng mga pagkakataon upang maging mabait, habang “nagpapasalamat sa Diyos Ama” para sa lahat ng kabutihang natanggap natin kay Jesus.

Kaya bilang mga hinirang ng Diyos, banal at lubos na minamahal, damtan ninyo ang inyong sarili ng habag, kabutihan, pagpapakumbaba, kahinahunan, at pagtitiyaga. Colosians 3:12