Syed Mehdi Shah

محرم الحرام کے حوالے سے گورنر گلگت بلتستان کا پیغام ۔!

گورنر گلگت بلتستان سید مہدی شاہ نے محرم الحرام کے موقع پر خصوصی پیغام میں کہا ہے کہ محرم الحرام قربانی اور اتحاد بین المسلمین کا درس دیتا ہے اور دعا کیا کہ اللہ تعالیٰ ہمیں حضرت امام حسین علیہ السلام کی سیرت اور قربانی سے درس لینے کی توفیق عطا فرمائے۔
گلگت بلتستان کی سرزمین ہمیشہ سے مذہبی ہم آہنگی اور اتحاد کی مثال رہی ہے۔ اس میں علماء کرام، مذہبی رہنماؤں، اور تمام سٹیک ہولڈرز کا کردار انتہائی قابل تحسین ہے جنہوں نے اپنی حکمت اور بصیرت سے علاقے میں امن و سلامتی کو یقینی بنایا ہے۔ میں ان تمام علماء کرام کو خراج تحسین پیش کرتا ہوں جنہوں نے ہمیشہ اتحاد بین المسلمین کے فروغ کے لیے کام کیا ہے۔
میرا گلگت بلتستان کے عوام سے یہ پیغام ہے کہ محرم الحرام کے موقع پر امام حسین علیہ السلام کی زندگی اور ان کی عظیم قربانی کو اپنی زندگیوں کا حصہ بنائیں۔ حسینی کردار کو اپناتے ہوئے دنیا بھر میں پیغام حسینی کو پھیلائیں۔ امام حسین علیہ السلام نے حق و صداقت اور عدل و انصاف کی راہ میں جو قربانی دی، وہ ہم سب کے لیے مشعل راہ ہے۔ آئیے، ہم سب مل کر ان کے پیغام کو اپنی زندگیوں میں نافذ کریں اور دنیا کو ایک پرامن اور متحد معاشرہ بنانے میں اپنا کردار ادا کریں۔
اللہ تعالیٰ ہمیں حضرت امام حسین علیہ السلام کی تعلیمات پر عمل کرنے کی توفیق عطا فرمائے اور ہمارے علاقے میں ہمیشہ امن و امان اور بھائی چارہ قائم رکھے۔

گلگت
گورنر گلگت بلتستان سید مہدی شاہ سے چیف سیکریٹری گلگت بلتستان ارشد مجید مہمند ملاقات کررہے ہیں۔

گلگت
گورنر گلگت بلتستان سید مہدی شاہ نے پاکستان پیپلز پارٹی کے سینئر رہنما اور سابق پارلیمانی سیکریٹری گلگت بلتستان اسمبلی مرحوم عبدالحمید کے انتقال پر گہرے دکھ اور افسوس کا اظہار کیا ہے۔
گورنر گلگت بلتستان سید مہدی شاہ نے کہا کہ مرحوم عبدالحمید نے پاکستان پیپلز پارٹی، جمہوریت اور گلگت بلتستان کے عوام کی خدمت کے لیے گراں قدر خدمات سرانجام دیں، جنہیں ہمیشہ یاد رکھا جائے گا۔ انہوں نے گلگت بلتستان کی تعمیر و ترقی، عوامی مسائل کے حل اور خطے کی خوشحالی کے لیے بھرپور کردار ادا کیا۔
گورنر گلگت بلتستان نے کہا کہ مرحوم عبدالحمید کے انتقال سے گلگت بلتستان ایک مخلص، تجربہ کار اور عوام دوست سیاسی رہنما سے محروم ہو گیا ہے۔ ان کی سیاسی، سماجی اور عوامی خدمات ہمیشہ یاد رکھی جائیں گی۔
گورنر گلگت بلتستان سید مہدی شاہ نے مرحوم کی خدمات کو خراجِ تحسین پیش کرتے ہوئے کہا کہ انہوں نے اپنی پوری زندگی عوامی خدمت اور خطے کی ترقی کے لیے وقف کیے رکھی۔
گورنر گلگت بلتستان نے مرحوم کے اہل خانہ اور لواحقین سے دلی تعزیت کا اظہار کرتے ہوئے کہا کہ اس غم کی گھڑی میں وہ اور پوری پاکستان پیپلز پارٹی متاثرہ خاندان کے ساتھ کھڑے ہیں۔ گورنر گلگت بلتستان نے مرحوم کی مغفرت، درجات کی بلندی اور پسماندگان کے لیے صبرِ جمیل کی دعا کی۔

گلگت
گورنر گلگت بلتستان سید مہدی شاہ کے صاحبزادے سید توقیر مہدی کو ممبر گلگت بلتستان اسمبلی منتخب ہونے پر سابق صوبائی وزیر کرنل (ر) عبید اللہ بیگ مبارکباد پیش کررہے ہیں۔

بسم اللہ الرحمٰن الرحِیم
میں اللہ رب العزت اور پنجتن پاک کا شکر گزار ہوں کہ آج میرا بیٹا سید توقیر مہدی شاہ نے عوامی سیاست میں حصہ لیا اور آج فتح نصیب ہوئی۔
مجھے پاکستان پیپلز پارٹی نے ہمیشہ عزت دیا، وزارت اعلی اور گورنر کے عہدے سے نوازا۔
شہید زوالفقار علی بھٹو اور شہید بی بی کے ساتھ کام کیا اور ان کی شہادت کے بعد جناب آصف علی زرداری اور چئیرمین بلاول بھٹو زرداری کے ساتھ کام کیا۔
آج میں جناب صدر آصف علی زرداری، جناب چئیرمین بلاول بھٹو زرداری، ادی فریال اور عکس بینظیر بی بی آصفہ بھٹو کا شکر گزار ہوں کی انہوں نے میرے بیٹے کو ٹکٹ دیا اور کمپئین کیلئے سکردو آئے۔
میں جناب نئیر بخاری ، قمر زمان کائرہ، ندیم افضل چن، اور دیگر قائدین کا شکر گزار ہوں جنہوں نے میرے بیٹے کی سرپرستی کیا، اور پارٹی کے عہدیداران کا شکریہ ادا کرتا ہوں۔
میرے حلقے کے چاہنے والوں کا شکریہ جنہوں نے میرے بیٹے کا ساتھ دیا اور آج الحمد للہ گیارہ سال بعد سیٹ نکالنے میں کامیاب ہوگئے۔

اسکردو
خاتون اول بی بی آصفہ بھٹو کی سکردو آمد پر گورنر گلگت بلتستان سید مہدی شاہ استقبال کررہے ہیں۔