Swat TV

جماعت اسلامی ضلع سوات کے زیرِ اہتمام روڈ کارواں کا کبل میں اختتام پذیر

کبل (حبیب خان)جماعت اسلامی ضلع سوات کے زیرِ اہتمام نکالے گئے روڈ کارواں کا کبل چوک میں اختتامی جلسہ منعقد ہوا۔ اس اختتامی نشست سے جماعت اسلامی کے مرکزی و مقامی قائدین عنایت اللہ خان، محمد حلیم باچا اور حافظ اسرار احمد نے خصوصی شرکت اور خطاب کیا۔
انہوں نے اپنے مطالبات پیش کرتے ہوئے کہا کہ پٹرولیم لیوی اور دیگر تمام ظالمانہ ٹیکسز ختم کر کے پٹرول کی قیمتوں میں فوری کمی کی جائے۔آئی پی پیز (IPPs) کے ساتھ کیے گئے ناجائز معاہدے منسوخ کر کے عوام کو سستی بجلی فراہم کی جائے۔
ملاکنڈ ڈویژن پر عائد تمام ٹیکسز کا مکمل خاتمہ کیا جائے۔آٹا اور چینی مافیا کا قلع قمع کیا جائے اور روٹی کی قیمتوں کو غریب عوام کی پہنچ میں لایا جائے۔افسر شاہی (بیوروکریسی) کو دی جانے والی بے جا مراعات و سہولیات فوراً ختم کی جائیں۔

سوات،ٹریفک وارڈن پولیس کی جانب سے ون ویلنگ، کمسن ڈرائیونگ، تیز رفتاری اور کالے شیشوں والی گاڑیوں کے خلاف مختلف شاہراہوں اور چوکوں پر کارروائیاں کی جا رہی ہیں۔

چکدرہ میں ٹریڈرز یونین آرگنائزنگ کمیٹی کا اہم اجلاس؛ تفصیلات ویڈیو میں دیکھیں ترجمان ڈاکٹر خالد محمود گجر

ٹیپو شہید سکول اینڈ کالج گل جبہ کبل میں اسپورٹس فیسٹیول اختتام پذیر، ونر کھلاڑیوں میں انعامات تقسیم، نمایاں کارکردگی پر اساتذہ اور صحافیوں کو تعریفی اسناد سے نوازا گیا

کبل سوات (حبیب خان) ٹیپو شہید سکول اینڈ کالج گل جبہ کبل سوات میں اسپورٹس فیسٹیول خزاں 2026 اختتام پذیر ہوگیا۔ اختتامی تقریب میں مختلف کھیلوں میں نمایاں کارکردگی کا مظاہرہ کرنے والے ونر کھلاڑیوں میں انعامات تقسیم کیے گئے، جبکہ بہترین کارکردگی پر اساتذہ اور صحافیوں لعل شیرخان، عبدالسلام، عبداللہ خان، حبیب خان اور حبیب احمد کو تعریفی اسناد سے نوازا گیا۔اس موقع پر ادارے کے ڈائریکٹر سید عبداللہ شاہ نے اپنے خطاب میں کہا کہ اسپورٹس فیسٹیول ادارے کی ایک خوبصورت روایت ہے، جس کا مقصد طلبہ کو طویل اور مصروف تعلیمی سرگرمیوں کے بعد جسمانی طور پر صحت مند، تندرست اور ذہنی طور پر تازہ دم رکھنا ہے۔ انہوں نے کہا کہ ہر امتحان کے بعد کھیلوں کے مقابلوں کا انعقاد کیا جاتا ہے تاکہ طلبہ میں کھیلوں کا شوق پیدا ہو اور وہ مثبت سرگرمیوں میں حصہ لیں۔سید عبداللہ شاہ نے کہا کہ اسپورٹس فیسٹیول خزاں 2026 میں طلبہ نے بہترین کھیل، بھرپور جوش و جذبے اور مثالی نظم و ضبط کا مظاہرہ کیا، جو قابلِ تحسین ہے۔ ان کا کہنا تھا کہ ادارے کا مقصد صرف نئی نسل کو تعلیم دینا نہیں بلکہ ان کی ایسی تربیت کرنا بھی ہے کہ وہ مستقبل میں معاشرے کے لیے ایک مثبت قوت بنیں۔ طلبہ میں علم کے ساتھ کردار، اخلاق، برداشت، تعاون، نظم و ضبط اور قیادت کی صلاحیتیں پیدا کرنا بھی تعلیمی ادارے کی بنیادی ذمہ داری ہے۔انہوں نے فیسٹیول کے انعقاد میں کردار ادا کرنے والے اساتذہ اور طلبہ کی محنت کو سراہتے ہوئے کہا کہ تمام منتظمین نے انتہائی لگن اور جانفشانی سے اس پروگرام کو کامیاب بنایا۔ انہوں نے طلبہ پر زور دیا کہ کھیلوں کی سرگرمیوں کے اختتام کے بعد اب اپنی تمام تر توجہ تعلیم پر مرکوز کریں، محنت کو اپنا شعار بنائیں اور علم و کردار کے میدان میں نمایاں کامیابیاں حاصل کرکے ملک و قوم کی قیادت کے لیے خود کو تیار کریں۔ڈائریکٹر سید عبداللہ شاہ نے اپنے خطاب کے اختتام پر دعا کی کہ اللہ تعالیٰ طلبہ کو علم، کردار اور انسانیت کی دولت سے مالا مال فرمائے اور انہیں ملک و قوم کا قیمتی سرمایہ بنائے۔
تقریب کے اختتام پر کامیاب کھلاڑیوں میں انعامات اور نمایاں خدمات انجام دینے والے اساتذہ اور صحافیوں میں تعریفی اسناد تقسیم کی گئیں۔