MISRA

ہر کوئی اپنوں سے ملتا ہے گلے عید کے دن
میں کہاں ڈھونڈوں تجھے سینے لگاؤں کیسے

دلاور حسین دلاور 🥀

دل کی اک نادانی لکھ
غم کی رات سہانی لکھ

پہلے اپنا نام مٹا۔۔!!
پھر دنیا کو فانی لکھ

دنیا سے سمجھوتہ کر
اپنے خون کو پانی لکھ

سانسوں کا انداز پرکھ
ہر شے آنی جانی لکھ

میرے زخم کو تازہ کر
کوئی بات پرانی لکھ

اک دن تو بھی روئے گا
یہ غم بھی امکانی لکھ

میں بھی بکنے آیا ھوں
مجھ کو یوسف ثانی لکھ

اس چہرے پہ آج شکیل
آنکھوں کی حیرانی لکھ

ڈاکٹر شکیل پتافی