MA News Hub

ایک اور وعدہ پورا ہو گیا۔ قائد پاکستان مسلم لیگ (ن) محمد نواز شریف کی جانب سے آزاد جموں و کشمیر کے عوام سے کیا گیا وعدہ عملی شکل اختیار کر گیا ہے۔ وزیراعلیٰ پنجاب مریم نواز شریف نے جدید ترین 10 الیکٹرک بسوں کا تحفہ آزاد کشمیر روانہ کر دیا ہے، جو عوام کو جدید، آرام دہ اور ماحول دوست سفری سہولیات فراہم کرنے کی جانب ایک اہم قدم ہے۔ یہ اقدام عوامی خدمت، وعدوں کی تکمیل اور ترقی کے سفر کو آگے بڑھانے کے عزم کی عکاسی کرتا ہے۔

فیسکو:12ارب کی مبینہ کرپشن،بیرون ملک فرار کی کوشش،2سابق چیفس گرفتار

لاہور ایئر پورٹ پر ایف آئی اے نے خورشید عالم اور احمد سعید کو حراست میں لیا ،5 روزہ ریمانڈ ،صنعت کار میاں ادریس کو بھی باہر جانے سے روکدیا 2007 سے 2015 تک ریکارڈ میں بجلی کے نرخ کم ظاہر کر کے خزانے کو نقصان کا الزام، مقدمہ میں شامل دیگر افراد کو شامل تفتیش ہونے کی ہدایت

وفاقی آئینی عدالت نے پیرسوہاہ مونال ریسٹورنٹ گرانے کا فیصلہ کالعدم کردیا

اسلام آباد: وفاقی آئینی عدالت نے پیرسوہاہ مونال ریسٹورنٹ گرانے کا سپریم کورٹ کا فیصلہ کالعدم کردیا۔

وفاقی آئینی عدالت نے سی ڈی اے اور میٹرو پولیٹن سٹی کی اپیلیں منظور کرلیں، عدالت نے حکم امتناعی بھی ختم کردیا، ٹرائل کورٹس کو جلد از جلد مقدمات کے فیصلوں کی ہدایت کر دی۔

وفاقی آئینی عدالت نے قرار دیا کہ ملکیت کا فیصلہ ٹرائل کورٹس عدالتی ابزرویشنز سے متاثر ہوئے بغیر کریں گی، انتظامی معاملات کا فیصلہ ریگولیٹری باڈیز کریں گی۔

جسٹس حسن رضوی نے کہا کہ سپریم کورٹ کے فیصلے میں بہت سے نکات کو مد نظر نہیں رکھا گیا، کیس دائر کرنے یا نظر ثانی دائر کرنے پر بھی عدالت نے غصہ کیا، فیصلہ میں وہ کچھ لکھا گیا جس کا فسانہ میں ذکر نہ تھا، ہم نے جذباتی فیصلہ نہیں کرنا ہے۔

وکیل احسن بھون نے کہا کہ عدالت نے کیس کو بہت اچھا پڑھا ہے، جس پر جسٹس حسن اظہر رضوی نے کہا کہ عدالت میں ہماری تعریفیں نہ کریں، جو سماعت ہوئی وہی حکم دیں گے، الف لیلی کی کہانی فیصلہ میں نہیں لکھیں گے ۔