Life Coaching Rouh

الطفل اللي جواتك ما اختفى
هو بس تعلّم يسكت ويظهر صوته كل ما تجاهلتي احتياجك للأمان والحب والتقدير
يمكن اليوم بتزعلي من كلمة صغيرة بتخافي من الرفض أو بتحاولي ترضي الكل وما بتعرفي ليش ردّة فعلك قوية لهالدرجة
أحيانًا مو الموقف الحالي هو اللي عم يوجعك إنما إحساس قديم ما أخد حقه من الاحتواء.
كوني اليوم الشخص اللي كان هالطفل محتاجه
اسمعيه طمّنيه وقدّريه بدل ما تلوميه
شو أكتر احتياج كنتِ تتمني تحصلي عليه وأنتِ صغيرة؟

مو كل يوم متعب يعني إنك قصّرتي
أحيانًا كل اللي كنتِ بحاجة إله هو توقفي جلد ذاتك وتتركي حالك ترتاح
بعد يوم طويل لا تفتحي محكمة داخل راسك
ليش ما أنجزت؟ ليش عصّبت؟ ليش ما كنتِ أقوى؟
خدي نفس اسكتي شوي اشربي قهوتك ابعدي عن الضجيج وخلي جسمك وعقلك يهدوا.
الراحة مو مكافأة لأنك أنجزتي الراحة أحيانًا هي الإسعاف اللي بيساعدك تكمّلي.
شو أول شي بتعمليه لما يكون يومك مرهق جدًا؟

مو كل نقاش لازم تكمّليه للآخر
في نقاشات ما هدفها الوصول لحل هدفها استنزافك وإثبات مين الصح.
لما تحسي إنك عم تشرحي نفس النقطة للمرة العاشرة، وصوتك عم يعلى وطاقتك عم تنزل هون الانسحاب مو ضعف، الانسحاب وعي وحماية لنفسك.
ممكن تقولي بكل هدوء
«خلينا نوقف هون، لما نهدى منرجع نحكي
إنتِ كيف بتحمي حالك من النقاشات اللي بتستنزفك؟
اكتبي طريقتك بالتعليقات يمكن تساعد امرأة تانية. ❤️
#العلاقات

مو كل استنزاف عاطفي بيجي من شخص سيئ أحيانًا بيبدأ من حدود ما حطّيناها من البداية.
لما تسمحي لحدا يدخل بكل تفاصيل حياتك، ياخد من وقتك وطاقتك ومشاعرك، ويصير وجوده قائم على الأخذ أكتر من العطاء رح تلاقي حالك عم تعطي لدرجة ما عاد يبقى منك شي.
الاهتمام بدون حدود بيتحوّل لاستنزاف، والعطاء بدون توازن بيخلّيك تخسري حالك.
اسألي حالك اليوم:
مين الشخص اللي وجوده بحياتك عم ياخد منك أكتر بكتير مما بيعطيك؟

الحدود الصحية مو معناها تسكّري أبوابك بوجه الناس
هي إنك تعرفي مين بتسمحي له يفوت وشقد وأيمت لازم الباب يتسكر
مو كل شخص بيحبك لازم يكون إله حق بكل تفاصيل حياتك ومو كل لا معناها قسوة أو جفاء.
الحدود بتحمي علاقتك بالآخرين من دون ما تضيّعي حالك بينهم.
تذكّري الباب اللي ما إله حدود، بيصير ممرّ للاستنزاف.
هل بتعرفي تحطي حدود بدون شعور بالذنب؟

لما تقولي لا مو معناتها إنك أنانية أو قاسية
معناتها إنك أخيرًا عم تسمعي حالك وتحترمي حدودك.
مو لازم توافقي على كل طلب حتى تحافظي على حب الناس ومو لازم ترضي الجميع على حساب راحتك
أحيانًا كلمة لا صغيرة بس بتكون أول خطوة باتجاه حياة ما عاد فيها استنزاف ولا شعور دائم بالذنب
تعلّمي تقولي لا بدون ما تشرحي حالك ألف مرة
هل بتقدري تقولي لا بدون ما تحسي بالذنب؟
#الحدود
#الامارات

مو كل إحساس داخلي هو حقيقةأحيانًا خوفك بيكمّل القصة من عنده وبيخليكِ تفسّري نظرة صمت أو كلمة بطريقة سلبية قبل ما تعرفي الحقيقة. 🧠
3 علامات إنك عم تقرئي أفكار الآخرين وبتفترضي الأسوأ
1️⃣ بتفسّري الصمت على إنه تجاهل أو رفض.
2️⃣ بتبني نوايا كاملة من موقف صغير.
3️⃣ بتتأذي من شيء الشخص أصلًا ما قاله.
اسألي حالك قبل ما تحكمي هل أنا عم أتعامل مع حقيقة ولا مع تفسير من عقلي؟
#القلق

أحيانًا الصفة اللي منفتخر فيها اليوم ما بتكون مجرد جزء من شخصيتنا ممكن تكون طريقة تعلّمنا فيها نحمي حالنا من وجع قديم
يمكن صرتِ قوية لأنكِ اضطرّيتي تتحمّلي كتير أو مستقلة لأنكِ ما لقيتي مين تسندي عليه أو بتعطي زيادة لأنكِ عشتِ حرمان عاطفي
مو المطلوب نلوم الماضي المطلوب نفهمه حتى ما نظل نعيش حياتنا كلها كردّة فعل عليه
سؤالي إلكِ:
شو الصفة بشخصيتك اليوم اللي بتحسي إنها محاولة لتعويض شيء افتقدتيه بالماضي؟
اكتبيها 👈بالتعليقات يمكن اكتشافك لنفسك يكون بداية تغيير حقيقي🌹