INAP

𝗗𝗜𝗥𝗘𝗧𝗢́𝗥 𝗚𝗘𝗥𝗔𝗟 𝗜𝗡𝗔𝗣, 𝗔𝗕𝗘𝗥𝗧𝗨𝗥𝗔 𝗙𝗢𝗥𝗠𝗔𝗦𝗔𝗨𝗡 𝗜𝗧 𝗕𝗔 𝗙𝗢𝗥𝗠𝗔𝗡𝗗𝗨𝗦 𝗡𝗔'𝗜𝗡 (𝟮𝟭).

Dili, 31 Agostu 2026- Diretór Geral (DG), Instituto Nacional da Administração Pública (INAP), Sr. Policarpo Amilcar Boavida S.Pd, ofisiálmente abertura formasaun IT hodi oferese formasaun ba formandus na’in ruanulu resin ida (21) ne’ebé priénse ona rekezitu tuir kursu durante loron lima (5) iha salaun formasaun INAP Comoro Dili.

Objetivu atu hasa’e funsionáriu sira nia koñesimentu iha área IT hodi bele haforsa servisu iha instituisaun sira servisu ba, bele aumenta mós kapasidade iha área multimedia hodi bele koñese di’ak liu tan databace no seluk tan ne’ebé liga ho knár servisu kada funsionáriu ida-idak.

Iha abertura, Diretór Geral INAP, husu partisipante sira atu bele aprende ho di’ak, nune’e simu sertifikadu ho balansu, funsionáriu sira iha direitu kada tinan, nune’e partisipante ne’ebe la partisipa máximu labele simu sertifikadu. No husu funsionáriu sira aproveita tempu aprende, tanba iha Ministériu balun laiha formasaun hanesan ne’e.

“𝙃𝙪𝙨𝙪 𝙥𝙖𝙧𝙩𝙞𝙨𝙞𝙥𝙖𝙣𝙩𝙚 𝙨𝙞𝙧𝙖 𝙖𝙥𝙧𝙚𝙣𝙙𝙚 𝙝𝙤 𝙙𝙞'𝙖𝙠, 𝙣𝙪𝙣𝙚'𝙚 𝙞𝙩𝙖-𝙗𝙤𝙤𝙩 𝙨𝙞𝙧𝙖 𝙨𝙞𝙢𝙪 𝙨𝙚𝙧𝙩𝙞𝙛𝙞𝙠𝙖𝙙𝙪 𝙩𝙚𝙣𝙠𝙚 𝙞𝙝𝙖 𝙗𝙖𝙡𝙖𝙣𝙨𝙪, 𝙛𝙤𝙧𝙢𝙖𝙨𝙖𝙪𝙣 𝙣𝙚'𝙚 𝙢𝙤́𝙨 𝙞𝙩𝙖-𝙗𝙤𝙤𝙩 𝙨𝙞𝙧𝙖 𝙣𝙞𝙖 𝙙𝙞𝙧𝙚𝙞𝙩𝙪 𝙠𝙖𝙙𝙖 𝙩𝙞𝙣𝙖𝙣 𝙗𝙖 𝙛𝙪𝙣𝙨𝙞𝙤𝙣𝙖́𝙧𝙞𝙪 𝙨𝙞𝙧𝙖, 𝙩𝙖𝙣𝙗𝙖 𝙣𝙚'𝙚 𝙥𝙖𝙧𝙩𝙞𝙨𝙞𝙥𝙖𝙣𝙩𝙚 𝙣𝙚'𝙚𝙗𝙚́ 𝙡𝙖 𝙥𝙖𝙧𝙩𝙞𝙨𝙞𝙥𝙖 𝙢𝙖́𝙭𝙞𝙢𝙪 𝙙𝙪𝙧𝙖𝙣𝙩𝙚 5 𝙙𝙞𝙖𝙨, 𝙨𝙚𝙞 𝙡𝙖 𝙨𝙞𝙢𝙪 𝙨𝙚𝙧𝙩𝙞𝙛𝙞𝙠𝙖𝙙𝙪. 𝙃𝙖'𝙪 𝙝𝙖𝙣𝙤𝙞𝙣 𝙞𝙩𝙖-𝙗𝙤𝙤𝙩 𝙨𝙞𝙧𝙖 𝙖𝙥𝙧𝙤𝙫𝙚𝙞𝙩𝙖 𝙩𝙚𝙢𝙥𝙤, 𝙩𝙖𝙣𝙗𝙖 𝙞𝙝𝙖 𝙢𝙞𝙣𝙞𝙨𝙩𝙚́𝙧𝙞𝙪 𝙗𝙖𝙡𝙪𝙣 𝙛𝙤𝙧𝙢𝙖𝙨𝙖𝙪𝙣 𝙝𝙖𝙣𝙚𝙨𝙖𝙣 𝙣𝙚'𝙚 𝙡𝙖𝙞𝙝𝙖, 𝙖𝙥𝙧𝙚𝙣𝙙𝙚 𝙗𝙖 𝙚𝙨𝙥𝙚𝙧𝙖 𝙞𝙩𝙖-𝙗𝙤𝙤𝙩 𝙨𝙞𝙧𝙖 𝙝𝙖𝙩𝙚𝙣𝙚”. 𝐃𝐞𝐡𝐚𝐧 𝐃𝐢𝐫𝐞𝐭𝐨́𝐫 𝐆𝐞𝐫𝐚𝐥 𝐝𝐮𝐫𝐚𝐧𝐭𝐞 𝐚𝐛𝐞𝐫𝐭𝐮𝐫𝐚 (𝟑𝟏/𝟎𝟖).

Formandus na’in (21) ne’e mai husi instituisaun ATTL-IP. MTA, MI, SECOMS, DNSP, inklui INAP. No partisipa iha abertura ne’e Diretór Geral INAP, Formadór IT, inklui fasilitadór no formandus sira.

(𝐌𝐞́𝐝𝐢𝐚-𝐈𝐍𝐀𝐏).

𝐈𝐍𝐀𝐏 𝐄𝐍𝐒𝐄𝐑𝐀 𝐅𝐎𝐑𝐌𝐀𝐒𝐀𝐔𝐍 𝐋𝐈𝐀𝐍 𝐈𝐍𝐆𝐋𝐄́𝐒 𝐋𝐄𝐕𝐄𝐋 𝐄𝐋𝐄𝐌𝐄𝐍𝐓𝐀́𝐑𝐈𝐔 𝟏&𝟐 𝐁𝐀 𝐅𝐎𝐑𝐌𝐀𝐍𝐃𝐔𝐒 𝐍𝐀'𝐈𝐍 𝟖𝟐.

Dili, 29 Agostu 2026- Instituto Nacional da Administração Pública (INAP), nia diresaun formasaun ne’ebé lidera husi Diretór Formasaun Sr. Luis Amaral, M.si, hamutuk ho Xefe Departamentu ITC, Sr. Livio da Costa no Formadór lingua Inglés Sr. Francelino da Luz, ensera formasaun área lian inglés ho level elementáriu 1 no 2 ba formandus na’in walu nulu resin rua (82) ne’ebé tuir kursu durante fulan ida (1), ho total 40 horas iha salaun block-15 INAP, Comoro Dili.

INAP nia objetivu kumprimetidu hodi fasilita formasaun ba funsionáriu públiku sira, atu bele hadi’ak no kapasita di’ak liu tan funsionáriu sira nia koñesimentu, abilidade, kapasidade iha servisu liu-liu iha lian inglés, hodi dezenvolve di’ak liu tan iha instituisaun públiku sira no kontribui ba dezenvolvimentu nasionál inklui internasionál.

Formandus na’in (82) ne’e mai husi instituisaun MTC, MAE, MJDAC, SEAK, UNTL, MAPPF, MOP, MPI no MTA. No Partisipa serimónia enseramentu ne’e, Diretór Formasaun, Sr. Luis Amaral, Xefe Departamentu ITC, Sr. Livio da Costa, Formadór lian inglés Sr. Francelino da Luz no formandus sira.

(𝐌𝐞́𝐝𝐢𝐚-𝐈𝐍𝐀𝐏).

𝐄𝐒𝐓𝐑𝐔𝐓𝐔𝐑𝐀 𝐈𝐍𝐀𝐏 𝐏𝐀𝐑𝐓𝐈𝐒𝐈𝐏𝐀 𝐌𝐀𝐑𝐒𝐀 𝐒𝐀𝐔́𝐃𝐀𝐕𝐄𝐋 𝐇𝐎𝐃𝐈 𝐊𝐎𝐌𝐄𝐌𝐎𝐑𝐀 𝐋𝐎𝐑𝐎𝐍 𝐊𝐎𝐍𝐒𝐔𝐓𝐀 𝐏𝐎𝐏𝐔𝐋𝐀́𝐑.

Manatuto, 30 Agostu 2026-Diretór Geral (DG), Instituto Nacional da Administração Pública (INAP), Sr. Policarpo Amilcar Boavida S.Pd, ho funsionáriu INAP partisipa atividade marsa saúdavel husi ponte Manatuto vila no termina iha kampu obrato hodi komemora loron konsulta popular 30 de Agostu 1999 no 30 de Agostu 2026 kompleta tinan ruanulu resin hitu (27) ne’ebé governu Timor-Leste liu-husi komisaun organizadora Ministériu Administrasaun Estatál (MAE) deside realiza iha Munisípiu Manatuto.

Atividade marsa saúdavel ne’e atu relembra hikas povu timor-leste ne’ebé fo sira nia sakrafísiu luta ba ukun rasik’an liu-husi elisaun iha 30 de agostu 1999 hodi determina futuru nasaun ida ne’e nian, aliende sai hanesa símbolu unidade, esperítu patriotizmu no luta ne’ebé koletivu povu Timor-Leste.

Partisipa husi membru governu, autoridade lokál sira husi munisípiu Manatuto inklui Munisípiu seluk, autoridade seguránsa, instituisaun públiku, komunidade no estudante sira.

(𝐌𝐞́𝐝𝐢𝐚-𝐈𝐍𝐀𝐏).

𝗗𝗚 𝗛𝗢 𝗙𝗨𝗡𝗦𝗜𝗢𝗡𝗔́𝗥𝗜𝗨 𝗜𝗡𝗔𝗣 𝗣𝗔𝗥𝗧𝗜𝗦𝗜𝗣𝗔 𝗔𝗧𝗩𝗜𝗗𝗔𝗗𝗘 𝗥𝗘𝗙𝗟𝗘𝗦𝗔𝗨𝗡 𝗡𝗔𝗦𝗜𝗢𝗡𝗔́𝗟 𝗕𝗔 𝗟𝗢𝗥𝗢𝗡 𝗞𝗢𝗡𝗦𝗨𝗟𝗧𝗔 𝗣𝗢𝗣𝗨𝗟𝗔́𝗥 𝟯𝟬 𝗔𝗚𝗢𝗦𝗧𝗨 𝟮𝟬𝟮𝟲.

Manatuto, 29 Agostu 2026-Diretór Geral (DG), Instituto Nacional da Administração Pública (INAP), Sr. Policarpo Amilcar Boavida S.Pd, ho funsionáriu INAP partisipa atividade reflesaun no palestra nasionál ho tema “Lori Esperánsa Ba Mundu” hodi komemora loron konsulta populár ne’ebé akontese iha 30 de Agostu 1999 no 30 de Agostu 2026 ne’ebé kompleta ba dala ruanulu resin hitu (27), ne’ebé realiza iha salaun ULFA-ULKERU, parókia Santu António Manatuto.

Aividade reflesaun no palestra nasionál ne’e hanesan momentu importante ba povu Timor-Leste hodi refleta fila fali luta naruk ne’ebé aswain sira dedika’an inklui povu tomak hodi alkansa ona vitória 78.5% ba independésia liu-husi vota durante tinan-27 liu ba, no saida maka presiza halo iha futuru.

Oradór ba atividade reflesaun nasionál ne’e, Sua-Exelénsia Ministru Prezidénsia Konsellu Ministru, Sr. Agio Pereira, ho tema ko’alia kona-bá “Tinan Raunulu Resin Hitu (27), Dezenvolvimentu Konstrui Husi Kadesan”. Oradór husi Sua-Exelénsia Ministru Administrasaun Estatál (MAE), Sr. Tomás do Rosário Cabral, ho tema “Mandatu konstituisionál Distinu ba Munisípiu sira iha poder lokál”. No oradór Diretór Ezekutivu Sentru Nasionál Chega, Sr. Hugo Fernandes ho nia tema “Kontribuisaun istória no memória ba determinasaun futuru”.

(𝗠𝗲́𝗱𝗶𝗮-𝗜𝗡𝗔𝗣).

𝑬𝑺𝑻𝑹𝑼𝑻𝑼𝑹𝑨 𝑰𝑵𝑨𝑷 𝑷𝑨𝑹𝑻𝑰𝑺𝑰𝑷𝑨 𝑴𝑰𝑺𝑨 𝑨𝑮𝑹𝑨𝑫𝑬𝑺𝑰𝑴𝑬𝑵𝑻𝑼 𝑯𝑶𝑫𝑰 𝑺𝑬𝑳𝑬𝑩𝑹𝑨 𝑳𝑶𝑹𝑶𝑵 𝑲𝑶𝑵𝑺𝑼𝑳𝑻𝑨 𝑷𝑶𝑷𝑼𝑳𝑨́𝑹 𝑩𝑨 𝑫𝑨𝑳𝑨-27 𝑰𝑯𝑨 𝑴𝑨𝑵𝑨𝑻𝑼𝑻𝑶.

Manatuto, 29 Agostu 2026-Diretór Geral (DG), Instituto Nacional da Administração Pública (INAP), Sr. Policarpo Amilcar Boavida, S.Pd, ho funsionáriu INAP, partisipa misa agradesimentu ne’ebé preside husi Pe.Pároku, Mario Cabral iha igreija Santu António Manatuto ba selebrasaun loron konsulta populár kompleta tinan ruanulu resin hitu (27) ho tema “Lori Esperansa Ba Mundu” ne’ebé tinan ne’e governu Timor-Leste liu-husi komisaun organizadora Ministériu Administrasaun Estatál (MAE), deside hodi komemora iha Munisípiu Manatuto.

Selebrasaun loron konsulta popular ne’ebe akontese iha loron 30/08/1999-30/08/2026 hodi hanoin hikas no presta sgrsdesementu ba sakrifísiu povu Timor-Leste tomak ne’ebé ho matenek, aten brani, la tauk mate maske iha situasaun ameasa nia laran, maibé ho objetivu ne’ebé klaru iha povu nia hanoin hodi vota ba ukun rasik’an iha tinan 1999, ho total votus 78,5% ne’ebé hili Indepedénsia, hatudu ba mundu katak povu nia direitu ba ukun rasik’an folin tebes hodi hametin unidade no identidade nasionál.

Misa agradesimetu ne’e, partisipa husi Autoridade Militár, Membru Governu, estrutura INAP, Autoridade Munisípiu Manatuto inklui Munisípiu seluk, hamutuk ho komunidade sira hotu.

(𝐌𝐞́𝐝𝐢𝐚-𝐈𝐍𝐀𝐏).

𝗞𝗢𝗠𝗘𝗠𝗢𝗥𝗔𝗦𝗔𝗨𝗡 𝗔𝗡𝗜𝗩𝗘𝗥𝗦𝗔́𝗥𝗜𝗨 𝗞𝗢𝗡𝗦𝗨𝗟𝗧𝗔 𝗣𝗢𝗣𝗨𝗟𝗔́𝗥 𝗕𝗔 𝗗𝗔𝗟𝗔-𝟮𝟳.

Diretòr Geral Instituto Nacional da Administração Pública (INAP) Policarpo Amilcar Boavida S.Pd lori Dirijente no Funsionárius (INAP) hato’o felisitasaun no parabéns ba selebrasaun aniversáriu loron konsulta populár ne’ebé kompleta ba dala rua nulu resin hitu (27).

Viva Povu Timor-Leste

(𝐌𝐞́𝐝𝐢𝐚-𝐈𝐍𝐀𝐏)

𝐈𝐍𝐀𝐏 𝐎𝐅𝐄𝐑𝐄𝐒𝐄 𝐎𝐑𝐒𝐀𝐌𝐄𝐍𝐓𝐔 𝐁𝐀 𝐁𝐎𝐋𝐒𝐄́𝐈𝐑𝐔𝐒 𝐍𝐀'𝐈𝐍 𝐑𝐔𝐀 𝐇𝐔𝐒𝐈 𝐔𝐍𝐓𝐋 𝐁𝐀 𝐊𝐎𝐍𝐓𝐈𝐍𝐔𝐀 𝐄𝐒𝐓𝐔𝐃𝐔 𝐈𝐇𝐀 𝐍𝐀𝐒𝐀𝐔𝐍 𝐈𝐍𝐃𝐎𝐍𝐄𝐒𝐈𝐀.

Dili, 27 Agostu 2026- Diretór Geral (DG), Instituto Nacional da Administração Pública (INAP) Sr. Policarpo Amilcar Boavida, S.Pd, Diretór Finansas Sr. Belermino Amaral, MM, Xefe Departamentu Bolsa Estudu i Ensinu, Sr. Francisco Leto-Cau, M.Si, oferese orsamentu ba bolséirus na’in rua husi Universidade Nacional Timor-Lorosa'e (UNTL) Faculdade de Economia ho naran ‘Agostinho Colho no Zeferino M. do Carmo Tilaman’ ne’ebé sei dezloka ba nasaun Indonesia iha loron sexta 28/08 hodi kontinua estudu ba nivel Doutoramentu no Mestradu, área Kontabilidade iha Universidade Negeri Malang (UNM) Indonesia.

Objetivu ba programa Doutoramentu no Mestradu ne’e atu eleba di’ak liu tan funsionáriu na’in rua nia koñesimentu, abilidade no kualidade iha servisu hodi bele transforma iha iha futuru, liu-liu ba área ne’ebe sira hala’o estudu ba atu bele kontribui fila fali ba Universidade Nacional Timor-Leste (UNTL), inklui dezenvolvimentu nasionál.

Tuir orsamentu ne’ebé entrega ba bolséirus na’in rua (2) atu suporta nessesidade durante periódu estudu no item prinsipál sira hanesan halo pagamentu kustu de vida ba fulan Setembro – Novembru tinan fiskal 2026, koloka ba deskrisaun sira hanesan: subsídiu de instalasaun, subsídiu annual de material didatico, subsídiu de saude, subsídiu mensal e manutensaun, subsídiu anual de pesquisa e estagio no vistu e kitas, no apoiu ba prosesu dokumentasaun durante permanensia iha Indonesia.

Reprezentante bolséirus na’in rua, Agostinho Colho hateten, sente kontente tanba hetan oportunidade husi UNTL asesu ba bolsa estudo no mós hetan aprovasaun husi INAP ne’ebé mak durante ne’e iha kolaborasaun no servisu di’ak hodi kontinua estudu iha Indonesia. No sei esforsu atu bele finaliza estudu tuir acordu ne’ebe iha hodi kontribui ba UNTL no dezenevolvimentu Timor-Leste.

“𝘏𝘢'𝘶 𝘴𝘦𝘯𝘵𝘦 𝘬𝘰𝘯𝘵𝘦𝘯𝘵𝘦 𝘵𝘦𝘣𝘦𝘴, 𝘵𝘢𝘯𝘣𝘢 𝘪𝘩𝘢 𝘰𝘱𝘰𝘳𝘵𝘶𝘯𝘪𝘥𝘢𝘥𝘦 𝘣𝘢 𝘣𝘰𝘭𝘴𝘢 𝘦𝘴𝘵𝘶𝘥𝘰 𝘯𝘦'𝘦𝘣𝘦́ 𝘩𝘦𝘵𝘢𝘯 𝘧𝘪𝘢𝘳 𝘩𝘶𝘴𝘪 𝘜𝘕𝘛𝘓, 𝘯𝘰 𝘮𝘰́𝘴 𝘩𝘦𝘵𝘢𝘯 𝘢𝘱𝘳𝘰𝘷𝘢𝘴𝘢𝘶𝘯 𝘩𝘶𝘴𝘪 𝘐𝘯𝘴𝘵𝘪𝘵𝘶𝘵𝘰 𝘕𝘢𝘤𝘪𝘰𝘯𝘢𝘭 𝘥𝘢 𝘈𝘥𝘮𝘪𝘯𝘪𝘴𝘵𝘳𝘢𝘤̧𝘢̃𝘰 𝘗𝘶́𝘣𝘭𝘪𝘤𝘢 (𝘐𝘕𝘈𝘗) 𝘪𝘯𝘬𝘭𝘶𝘪 𝘍𝘶𝘯𝘥𝘶 𝘒𝘢𝘱𝘪𝘵𝘢́𝘭 𝘜𝘮𝘢𝘯𝘶 𝘣𝘦𝘭𝘦 𝘴𝘶𝘱𝘰𝘳𝘵𝘢 𝘩𝘢'𝘶 𝘬𝘰𝘯𝘵𝘪𝘯𝘶𝘢 𝘦𝘴𝘵𝘶𝘥𝘶 𝘣𝘢 𝘪𝘩𝘢 𝘯𝘪𝘷𝘦𝘭 𝘥𝘰𝘶𝘵𝘰𝘳𝘢𝘮𝘦𝘯𝘵𝘶 𝘯𝘦'𝘦𝘣𝘦 𝘴𝘦𝘪 𝘩𝘢𝘭𝘢'𝘰 𝘪𝘩𝘢 𝑁𝘢𝑠𝘢𝑢𝘯 𝘐𝑛𝘥𝑜𝘯𝑒𝘴𝑖𝘢. 𝘏𝘢'𝘶 𝘴𝘦𝘪 𝘦𝘴𝘧𝘰𝘳𝘴𝘶'𝘢𝘯 𝘢𝘵𝘶 𝘣𝘦𝘭𝘦 𝘧𝘪𝘯𝘢𝘭𝘪𝘻𝘢 𝘦𝘴𝘵𝘶𝘥𝘶 𝘵𝘶𝘪𝘳 𝘢𝘬𝘰𝘳𝘥𝘶 𝘯𝘦'𝘦𝘣𝘦́ 𝘮𝘢𝘬 𝘧𝘰 𝘰𝘯𝘢 𝘩𝘶𝘴𝘪 𝘜𝘕𝘛𝘓, 𝘐𝘕𝘈𝘗 𝘯𝘰 𝘍𝘶𝘯𝘥𝘶 𝘒𝑎𝘱𝑖𝘵𝑎́𝘭 𝘜𝘮𝘢𝘯𝘶, 𝘩𝘰𝘥𝘪 𝘣𝘦𝘭𝘦 𝘬𝘰𝘯𝘵𝘳𝘪𝘣𝘶𝘪 𝘣𝘢 𝘍𝘢𝘬𝘶𝘭𝘥𝘢𝘥𝘦 𝘌𝘬𝘰𝘯𝘰́𝘮𝘪𝘢 𝘜𝘕𝘛𝘓 𝘯𝘰 𝘥𝘦𝘻𝘦𝘯𝘷𝘰𝘭𝘷𝘪𝘮𝘦𝘯𝘵𝘶 𝘛𝘪𝘮𝘰𝘳-𝘓𝘦𝘴𝘵𝘦”. 𝑫𝙚𝒉𝙖𝒏 𝑩𝙤𝒍𝙨𝒆́𝙞𝒓𝙪 𝘾𝒐𝙡𝒉𝙤.

Iha biban ne’e, bolseirus na’in rua hato'o agradese ba INAP, tanba prosesu hotu la’o di’ak tebes no kolaborasaun husi UNTL, Funsaun Públiku inklui Fundu Kapitál Umanu hodi bele ba kontinua estudu nivel doutoramentu no mestradu ida ne'e iha Indonesia.

(𝐌𝐞́𝐝𝐢𝐚-𝐈𝐍𝐀𝐏).

𝐈𝐍𝐀𝐏 𝐄𝐍𝐓𝐑𝐄𝐆𝐀 𝐎𝐑𝐒𝐀𝐌𝐄𝐍𝐓𝐎 𝐁𝐀 𝐁𝐎𝐋𝐒𝐄́𝐈𝐑𝐔𝐒 𝐍𝐀'𝐈𝐍 𝐑𝐔𝐀 𝐇𝐔𝐒𝐈 𝐌𝐎𝐏, 𝐁𝐀 𝐊𝐎𝐍𝐓𝐈𝐍𝐔𝐀 𝐄𝐒𝐓𝐔𝐃𝐔 𝐌𝐄𝐒𝐓𝐑𝐀𝐃𝐔 𝐈𝐇𝐀 𝐈𝐍𝐃𝐎𝐍𝐄𝐒𝐈𝐀.

Dili, 21 Agostu 2026- Instituto Nacional da Administração Pública (INAP) nia Diretór Geral Sr. Policarpo Amilcar Boavida, S.Pd, Diretór Finansas Sr. Belermino Amaral, MM, Xefe Departamentu Bolsa Estudu i Ensinu, Sr. Francisco Leto-Cau, M.Si, no Xefe Gabinete Sr. Luis dos Anjos Soares, M.APM, Entrega orsamentu ba bolseiru na’in rua husi Ministériu Obras Públika (MOP) ho naran ‘Nazario de Jesus Freitas no Julius Luan Kehy’ ne’ebé dezloka ba nasaun Indonesia iha loron Sábado 22/08 hodi kontinua estudu ba nivel mestradu, área Rekayasa Infrastuktur iha Universidade Politeknik Negeri Bandung Indonesia.

Objetivu ba programa mestradu ne’e atu eleba di’ak liu tan funsionáriu na’in rua nia koñesimentu, abilidade no kualidade iha servisu hodi bele garántia iha futuru, liu-liu ba área ne’ebe sira hala’o estudu ba atu bele kontribui fila fali ba Ministériu Obras Públika (MOP) no dezenvolvimentu.

Tuir orsamentu ne’ebé entrega ba bolséirus na’in rua (2) destina atu suporta nessesidade durante periodu estudu ho item prinsipal sira hanesan hodi halo pagamentu kustu de vida, kustu subsídiu ba fulan Setembro – Dezembro tinan fiscal 2026, no koloka ba deskrisaun sira hanesan: subsídiu de instalasaun, subsídiu annual de material didatico, subsídiu de saude, subsídiu mensal e manutensaun, subsídiu anual de pesquisa e estagio no vistu e kitas, no apoiu ba prosesu dokumentasaun durante permanensia iha Indonesia.

Item orsamentu hirak-ne’e fornese atu fasilita bolséirus na’in rua bele kontinua sira-nia estudu ho di’ak no konsentra ba dezenvolvimentu koñesimentu, abilidade no kompeténsia iha área Rekayasa Infrastruktur, atu iha futuru bele kontribui ho efetivu ba Ministériu Obras Públika (MOP) no dezenvolvimentu infrastruktura iha Timor-Leste.

Bolséirus na’in rua sei hahú estudu husi loron 07 fulan setembru tinan 2026 no termina iha loron 31 fulan agostu tinan 2028, iha Universidade Politeknik Negeri Bandung Indonesia.

(𝗠𝗲́𝗱𝗶𝗮-𝗜𝗡𝗔𝗣).

𝐂𝐎𝐌𝐄𝐌𝐎𝐑𝐀𝐂̧𝐀̃𝐎 𝐃𝐎 𝟓𝟏.° 𝐀𝐍𝐈𝐕𝐄𝐑𝐒𝐀́𝐑𝐈𝐎 𝐃𝐀 𝐅𝐀𝐋𝐈𝐍𝐓𝐈𝐋

Todos os Dirigentes e Funcionários do Instituto Nacional da Administração Pública (INAP) felicitam as Forças Armadas da Libertação Nacional de Timor-Leste (FALINTIL) pelo seu 51.º aniversário, prestando uma justa e profunda homenagem a todos aqueles que, com coragem, determinação e espírito de sacrifício, lutaram pela liberdade, pela dignidade e pela soberania da nossa amada Pátria.

Que esta importante data histórica seja uma fonte de inspiração para todos nós, fortalecendo a unidade nacional, a paz, a solidariedade e o compromisso coletivo com a construção de um Timor-Leste cada vez mais justo, desenvolvido, soberano e próspero.

Viva a FALINTIL!
Viva Timor-Leste!
-----
𝐊𝐨𝐦𝐞𝐦𝐨𝐫𝐚𝐬𝐚𝐮𝐧 𝐀𝐧𝐢𝐯𝐞𝐫𝐬𝐚́𝐫𝐢𝐮 𝐅𝐀𝐋𝐈𝐍𝐓𝐈𝐋 𝐛𝐚 𝐝𝐚𝐥𝐚 𝟓𝟏

Dirijente no Funsionáriu sira hosi Institutu Nasionál Administrasaun Públika (INAP) hato’o felisitasaun no parabéns ba Forças Armadas Libertasaun Nasionál Timor-Leste (FALINTIL), ba komemorasaun aniversáriu ba dala 51, no fó omenajen ida ne’ebé justu no kle’an ba ema hotu ne’ebé, ho korajen, determinasaun no espíritu sakrifísiu, luta ba liberdade, dignidade no soberania Pátria doben ita nian.

Marka istóriku importante ida-ne’e sai fonte inspirasaun ba ita hotu atu hametin tan unidade nasionál, dame, solidariedade no kompromisu hamutuk hodi harii Timor-Leste ida ne’ebé justu liután, dezenvolve liután, soberanu no prósperu.

Viva FALINTIL!
Viva Timor-Leste!

(𝐌𝐞́𝐝𝐢𝐚-𝐈𝐍𝐀𝐏).

𝐊𝐎𝐌𝐏𝐀𝐍̃𝐀 𝐑𝐔𝐀 𝐅𝐈𝐍𝐀𝐋𝐈𝐙𝐀 𝐑𝐄𝐇𝐀𝐁𝐈𝐋𝐈𝐓𝐀𝐒𝐀𝐔𝐍 𝐒𝐀𝐋𝐀𝐔𝐍 𝐅𝐎𝐑𝐌𝐀𝐒𝐀𝐔𝐍, 𝐉𝐀𝐑𝐃𝐈𝐍 𝐀𝐑𝐌𝐀𝐆𝐄𝐍 𝐍𝐎 𝐏𝐀𝐑𝐀𝐆𝐄𝐍 𝐈𝐍𝐀𝐏.

Dili, 18 Agostu 2026-Instituto Nacional da Administração Pública (INAP) nia projetu rehabilitasaun manutensaun ba salaun formasaun, jardin armagén, hahan fatin no paragen ne’ebé rehabilita husi kompaña rua ho naran, ADEDEBIDIAL UNIP. LDA no ANGSA CORPORATION UNIP. LDA, atinje ona 100% no entrega direta xave ba Diretór Geral INAP, Sr. Policarpo Amilcar Boavida, S.Pd, ho estrutura no funsionáriu sira hodi bele utiliza ona fatin ne’ebe halo rehabilita iha areadores INAP, Comoro Dili.

Iha atividade entrega xave ne'e, Diretór Geral INAP Sr. Policarpo Amilcar Boavida, S.Pd, hato'o apresiasaun ba kompaña ADEDEBIDIAL UNIP.LDA NO ANGSA CORPORATION UNIP. LDA ne'ebe iha kolaborasaun di'ak hodi bele finaliza ona projetu rehabilitasaun ba salaun formasaun blok 15, jardin armagén, hahan fatin no paragen iha INAP.

Projetu rehabilitasaun refere, kompaña ADEDEBIDIAL UNIP.LDA, responsavel ba rehabilita ka halo manutensaun ba fatin paragen iha INAP, ho montante orsamnetu $8,727.31 USD ne’ebé ho durasaun fulan tolu (3). Kompañia ANGSA CORPORATION UNIP. LDA, responsavel ba rehabilita edifísiu block-15 salaun, jardin armagén no hahan fatin, ho montante dezenvolvimentu $35,793.57 USD, ho nia durasaun fulan tolu (3).

Ministériu Administrasaun Estatál (MAE) ho Institutu Nasional Administrasaun Públika (INAP) sai hanesan na'in ba projetu refere.

(𝐌𝐞́𝐝𝐢𝐚-𝐈𝐍𝐀𝐏).