Timor Rising

𝐐𝐮𝐚𝐫𝐭𝐨 𝐋𝐮𝐠𝐚𝐫 𝐛𝐚 𝐊𝐨𝐦𝐩𝐞𝐭𝐢𝐬𝐚𝐮𝐧 𝐕𝐢𝐝𝐞𝐨 𝐂𝐡𝐚𝐥𝐥𝐞𝐧𝐠𝐞 𝐡𝐮𝐬𝐢 𝐓𝐢𝐦𝐨𝐫-𝐑𝐢𝐬𝐢𝐧𝐠

𝐁𝐥𝐚𝐜𝐤 𝐇𝐚𝐜𝐤𝐞𝐫
“𝐸𝑡𝑖𝑘𝑎 𝐴𝑟𝑡𝑖𝑓𝑖𝑐𝑖𝑎𝑙 𝐼𝑛𝑡𝑒𝑙𝑙𝑖𝑔𝑒𝑛𝑐𝑒: 𝑅𝑒𝑠𝑝𝑒𝑖𝑡𝑎 𝑃𝑟𝑖𝑣𝑎𝑠𝑖𝑑𝑎𝑑𝑒 𝑛𝑜 𝐷𝑖𝑔𝑛𝑖𝑑𝑎𝑑𝑒 𝑈𝑚𝑎𝑛𝑎”

Iha era digital no dezenvolvimentu AI ohin loron, edita ema seluk nia foto no espalha iha media sosial sem autorizasaun sai problema ne’ebé akontese dalabarak ona. Maski hanesan “brincadeira”, buat ida ne’e bele estraga ema nia dignidade, reputasaun no saúde mental.

Video ida ne’e hatudu realidade ida ne’ebé importante atu ita hotu konsiente ba: AI tenke uza ho ética no responsabilidade, la’ós atu halo malu moe, difama ka prejudika ema seluk.

Konstituisaun Timor-Leste mos protege direitu ida ne’e liu husi:
- 𝐀𝐫𝐭𝐢𝐠𝐨 𝟑𝟔.º – 𝐃𝐢𝐫𝐞𝐢𝐭𝐮 𝐛𝐚 𝐨𝐧𝐫𝐚 𝐧𝐨 𝐩𝐫𝐢𝐯𝐚𝐬𝐢𝐝𝐚𝐝𝐞
“Ema ida-idak iha direitu ba onra, ba naran di’ak no ba reputasaun no direitu atu defende an rasik no la fó-sai ninia moris partikulár iha uma-kain laran.”

Antes atu edita, post ka share foto ema seluk, hanoin uluk ba ninia impaktu ne’ebé bele akontese. Teknolojia mak ferramenta ida atu ajuda humanidade, la’ós atu viola privasidade no dignidade umana.

Parabéns ba grupu Vensedora dahaat ne’ebé lori mensajen importante ida kona-ba ética digital no responsabilidade iha utilizasaun AI no media sosial.

Atividade ne'e finansia husi Plan International Timor-Leste

𝐐𝐮𝐚𝐫𝐭𝐨 𝐋𝐮𝐠𝐚𝐫 𝐛𝐚 𝐊𝐨𝐦𝐩𝐞𝐭𝐢𝐬𝐚𝐮𝐧 𝐕𝐢𝐝𝐞𝐨 𝐂𝐡𝐚𝐥𝐥𝐞𝐧𝐠𝐞 𝐡𝐮𝐬𝐢 𝐓𝐢𝐦𝐨𝐫-𝐑𝐢𝐬𝐢𝐧𝐠

𝐆𝐫𝐮𝐩𝐮 𝐁𝐥𝐚𝐜𝐤 𝐇𝐮𝐧𝐭𝐞𝐫
“𝑈𝑧𝑎 𝐼𝑛𝑡𝑒𝑟𝑛𝑒𝑡 ℎ𝑜 𝑆𝑎𝑢𝑑𝑎́𝑣𝑒𝑙 𝑏𝑎 𝐽𝑜𝑣𝑒𝑛 𝑆𝑖𝑟𝑎”

Internet no média sosiál bele sai ferramenta di’ak hodi aprende, buka oportunidade no dezenvolve an. Maibé bainhira uza fali ba buat sira ne’ebé la iha benefísiu, bele afeta tempu, estudu, saúde mental no relasaun sosial joven sira nian.

Tuir dadus ne’ebe Timor Rising asessu bazeia ba peskiza ne’ebe halao husi organizasaun hamutuk lima mak hanesan : Alumni Parlamentu Foin sa’e (APFTL), Hamutuk Ita Rezolve (HIR), Fight For Better Future (F3B), Assosiação dos Investigadores Juvenis (AIJ) no Star Fish Timor-Leste (SFTL) iha Cidade Dili hatudu katak foin sa’e ou adolexente iha kapital Dili ho 80%, mak utiliza internet ba deit nesessidade midia social. Fontes dadus Timor Rising asessu husi pajina notisia midia “Tatoli” ho nia link mak hanesan tuir mai ne’e: https://tatoli.tl/2022/09/03/foin-sae-80-iha-kapital-dili-utuliza-internet-ba-nesesidade-media-sosial/

Video ida ne’e lori mensajen importante ba joven sira atu uza internet ho maneira saudável no responsável. Teknolojia tenke ajuda ita sai kreativu, produtivu no aprende buat foun la’ós halo ita dependente ba kontéudu ne’ebé la fó benefísiu.

Uza internet atu:
• Aprende habilidade foun
• Halo peskiza no uza ba edukasaun
• Promove negósiu no criatividade
• Harii relasaun sosial ne’ebé positive

La’ós uza tempu barak ba kontéudu ne’ebé la útil no bele estraga ita nia futuru.

Joven sira mak futuru Timor-Leste. Tanba ne’e, importante atu iha konsiénsia uza dijital no uza teknolojia ho matenek no responsabilidade.

Parabéns ba grupu Black Hunter ne’ebé lori kampaña inspirativu ida kona-ba uza internet ho saudável no produtivu.

Atividade ne'e finansia husi Plan International Timor-Leste

𝗧𝗲𝗿𝗰𝗲𝗶𝗿𝗼 𝗟𝘂𝗴𝗮𝗿 𝗯𝗮 𝗞𝗼𝗺𝗽𝗲𝘁𝗶𝘀𝗮𝘂𝗻 𝗩𝗶𝗱𝗲𝗼 𝗖𝗵𝗮𝗹𝗹𝗲𝗻𝗴𝗲 𝗵𝘂𝘀𝗶 𝗧𝗶𝗺𝗼𝗿 𝗥𝗶𝘀𝗶𝗻𝗴

𝗚𝗿𝘂𝗽𝘂: 𝗦𝗼𝗽𝗵𝗶𝘀𝘁𝗶𝗰𝗮𝘁𝗲𝗱
“𝐴𝑏𝑖𝑙𝑖𝑑𝑎𝑑𝑒 𝐷𝑖𝑗𝑖𝑡𝑎𝑙 𝑏𝑎 𝑆𝑒𝑟𝑣𝑖𝑠𝑢 𝑛𝑜 𝐻𝑒𝑡𝑎𝑛 𝑂𝑝𝑜𝑟𝑡𝑢𝑛𝑖𝑑𝑎𝑑𝑒 𝑏𝑎 𝑅𝑒𝑛𝑑𝑖𝑚𝑒𝑛𝑡𝑢”

Iha Timor-Leste, ekonomia família barak mak depende ba agrikultura hodi sustenta sira nia moris. Maibé iha mundu digital ohin loron, faan deit iha merkadu tradisional la sufisiente ona se la iha adaptasaun ba teknolojia no promosaun dijital.

Video ida ne’e hatudu realidade ne’ebé agrikultór barak enfrenta: produtu di’ak, maibé lakon oportunidade iha merkadu tanba seidauk utiliza media sosial no plataforma dijital atu promove no faan sira nia produtu ba mercado boot liu.

Tuir dadus Sensus Agrikultura 2019 ne’ebe Timor Rising asesu husi pajina “Kadalak Sulimutuk Institute” hatudu katak: Kuaze 𝟔𝟔% 𝐩𝐨𝐯𝐮 𝐓𝐢𝐦𝐨𝐫-𝐋𝐞𝐬𝐭𝐞 𝐧𝐢𝐧𝐢𝐚 𝐦𝐨𝐫𝐢𝐬 𝐝𝐞𝐩𝐞𝐧𝐝𝐞 𝐛𝐚 𝐚𝐠𝐫𝐢𝐤𝐮𝐥𝐭𝐮𝐫𝐚, maibé produsaun fos no batar iha tinan 2024 estimadu hamutuk deit 𝟏𝟑𝟐,𝟎𝟎𝟎 𝐭𝐨𝐧𝐞𝐥𝐚𝐝𝐚, kuaze 𝟐𝟎% 𝐤𝐢’𝐢𝐤 𝐥𝐢𝐮 𝐤𝐨𝐦𝐩𝐚𝐫𝐚 𝐡𝐨 𝐭𝐢𝐧𝐚𝐧 𝐡𝐢𝐫𝐚𝐤 𝐥𝐢𝐮 𝐛𝐚. Nune’e mos, kuaze 𝟔𝟎% 𝐓𝐢𝐦𝐨𝐫-𝐋𝐞𝐬𝐭𝐞 𝐝𝐞𝐩𝐞𝐧𝐝𝐞 𝐛𝐚 𝐚𝐢-𝐡𝐚𝐧 𝐢𝐦𝐩𝐨𝐫𝐭𝐚𝐬𝐚𝐮𝐧, tanba produtividade agrikultura ki’ik no produsaun lokal la sufisiente.

Fontes Link pajina “Kadalak Sulimutuk Institute” ne’ebe deskreve estatistika Sensus Agrikultura 2019 mak hanesan tuir mai ne’e: https://www.kdadalak.org.tl/tl/opiniaun/117-problema-agrikultura-iha-timor-leste-durante-tinan-23-restaurasaun-independensia.

Tanba ne’e, abilidade dijital sai importante tebes atu ajuda agricultór sira:
• Promove produtu online
• Hetan sosa nain barak liu
• Aumenta rendimentu família
• Hasa’e ekonomia lokál

Teknolojia la’ós atu substitui agricultór sira, maibé atu fó oportunidade foun ba sira atu dezenvolve no kompete iha era dijital.

Parabéns ba grupu Sophisticated ne’ebé lori mensajen inspirativu ida kona-ba inovasaun, adaptasaun ba futuru agrikultura Timor-Leste nian.

Atividade ne'e finansia husi Plan International Timor-Leste

𝐒𝐞𝐠𝐮𝐧𝐝𝐨 𝐋𝐮𝐠𝐚𝐫 𝐛𝐚 𝐊𝐨𝐦𝐩𝐞𝐭𝐢𝐬𝐚𝐮𝐧 𝐕𝐢𝐝𝐞𝐨 𝐂𝐡𝐚𝐥𝐥𝐞𝐧𝐠𝐞 𝐡𝐮𝐬𝐢 𝐓𝐢𝐦𝐨𝐫-𝐑𝐢𝐬𝐢𝐧𝐠

𝐆𝐫𝐮𝐩𝐮: 𝐓𝐫𝐢𝐮𝐦𝐩𝐡
“Hanoin Molok Ita-bo’ot Fahe: Hatene Sira, Haree Sira, Hapara Sira”

Iha era digital no artifisial intelijénsia (AI) ohin loron, informasaun sira bele espalla lalais liu iha segundu no minute nia laran. Maibé tenki tau iha hanoin katak, buat hotu ne’ebé ita haree ka rona iha média sosiál sira ne’e la’ós loos no klaru hotu. Bainhira ema fahe informasaun ka akuzasaun ruma laiha prova/evidénsia no liu husi fontes ne’ebé la kredível sira, ne’e labele fiar lalais. Maibé presiza halo uluk verifikasaun ba fontes informasaun sira hodi hatene lai kredibilidade informasaun no ninia akuradu sira.

Produsaun video husi grupu Triumph nian ne’e fo hanoin ba ita hotu atu:
- Buka hatene molok fiar
- Haree no verifika faktu/evidénsia sira
- Hapara ka relata se informasaun ne’e falsu.

Se ita espalha informasaun sem verifika ninia faktus hodi hamonu ema ninia dignidade kontra mos 𝐀𝐫𝐭𝐢𝐠𝐨 𝟑𝟔.º – 𝐃𝐢𝐫𝐞𝐢𝐭𝐮 𝐛𝐚 𝐨𝐧𝐫𝐚 𝐧𝐨 𝐩𝐫𝐢𝐯𝐚𝐬𝐢𝐝𝐚𝐝𝐞.

Ne’ebé dehan katak:“Ema ida-idak iha direitu ba onra, ba naran di’ak no ba reputasaun no direitu atu defende an rasik no la fó-sai ninia moris partikulár iha uma-kain laran.”

Antes atu klik “share/fahe”, hanoin uluk, informasaun ne’e nia impaktu ba ema seluk. Média sosiál tenke sai fatin atu habelar buat loos, la’ós atu espalha boatu no julgamentu ne’ebé laiha faktu ruma.

Parabéns ba grupu Triumph ne’ebé lori informasaun importante kona-ba étika no responsabilidade konaba konsiénsia uza Plataforma media sosiál no AI nian.

Atividade ne'e finansia husi Plan International Timor-Leste

𝐏𝐫𝐢𝐦𝐞𝐢𝐫𝐨 𝐋𝐮𝐠𝐚𝐫 𝐛𝐚 𝐊𝐨𝐦𝐩𝐞𝐭𝐢𝐬𝐚𝐮𝐧 𝐕𝐢𝐝𝐞𝐨 𝐂𝐡𝐚𝐥𝐥𝐞𝐧𝐠𝐞 𝐡𝐮𝐬𝐢 𝐓𝐢𝐦𝐨𝐫-𝐑𝐢𝐬𝐢𝐧𝐠

𝐆𝐫𝐮𝐩𝐮: 𝐄𝐜𝐡𝐨-𝐂𝐫𝐞𝐚𝐭𝐨𝐫
“𝐸𝑡𝑖𝑘𝑎 𝐴𝑟𝑡𝑖𝑓𝑖𝑐𝑖𝑎𝑙 𝐼𝑛𝑡𝑒𝑙𝑙𝑖𝑔𝑒𝑛𝑐𝑒: 𝑅𝑒𝑠𝑝𝑒𝑖𝑡𝑎 𝑃𝑟𝑖𝑣𝑎𝑠𝑖𝑑𝑎𝑑𝑒 𝑛𝑜 𝐷𝑖𝑔𝑛𝑖𝑑𝑎𝑑𝑒 𝑈𝑚𝑎𝑛𝑎”

AI no teknolojia bele ajuda ita halo buat barak, maibé bainhira ita uza sala ka la tuir nia dalan, ida ne’e bele mós estraga ema nia moris no sira nia dignidade. Produsaun video husi manan nain da-huluk ne’e hatudu katak manipula ema nia foto/video sira ho AI la ho autorizasaun ka konsentimentu husi nain, depois espalha iha sosiál media, ne’e buat ne’ebé mak la di’ak tanba fó impaktu negativu boot ba vítima nia moris, inklui lakon privasidade, mental no emosional, reputasaun, lakon konfiansa, izola aan no seluk tan.

Konstituisaun Timor-Leste mos protege direitu ida ne’e:
𝐀𝐫𝐭𝐢𝐠𝐨 𝟑𝟔.º – 𝐃𝐢𝐫𝐞𝐢𝐭𝐮 𝐛𝐚 𝐨𝐧𝐫𝐚 𝐧𝐨 𝐩𝐫𝐢𝐯𝐚𝐬𝐢𝐝𝐚𝐝𝐞
“Ema ida-idak iha direitu ba onra, ba naran di’ak no ba reputasaun no direitu atu defende an rasik no la fo-sai ninia moris partikulár iha uma-kain laran.”

𝐀𝐫𝐭𝐢𝐠𝐨 𝟑𝟖.º – 𝐏𝐫𝐨𝐭𝐞𝐬𝐚𝐮𝐧 𝐛𝐚 𝐢𝐧𝐟𝐨𝐫𝐦𝐚𝐬𝐚𝐮𝐧 𝐞𝐦𝐚 𝐢𝐝𝐚𝐢𝐝𝐚𝐤 𝐧𝐢𝐧𝐢𝐚𝐧
“Bandu tebetebes halo tratamentu informatizadu kona-ba vida partikulár, konviksaun polítika no filozofia nian, relijiaun, no filiasaun iha partidu polítiku eh sindikatu no orijen étnika”

wainhira la iha lisensa husi dadus ne’e nia na’in.
Sidadaun hotu iha direitu atu proteje sira nia dadus no informasaun pessoal.

Antes atu públika, fahe ka edita konteúdu ema seluk nian, hanoin uluk kona-ba nia konsekuénsia ne’e saida? Favor respeita ema nia dignidade aas liu buat hotu. Uza teknolojia tenki ho seguru, responsável no étiku.

Parabéns ba grupu manan nain dahuluk ne’ebé lori mensajen importante ida ne’e mai ita hotu.

Atividade ne'e finansia husi Plan International Timor-Leste