Samarqandda bugun

📌 Зарафшон шаҳрида коммунал соҳа янада мустаҳкамланмоқда

Зарафшон шаҳар ҳокимлиги олд майдонида “Тоза ҳудуд” давлат муассасасига янги махсус техникаларни топшириш маросими бўлиб ўтди.

Тадбир доирасида шаҳар санитария ҳолатини янада яхшилаш мақсадида:

🚛 чиқиндиларни ташиш учун мўлжалланган 3 та замонавий махсус автотранспорт воситаси,

🗑 20 та чиқинди тўплаш контейнерлари
расман фойдаланишга топширилди.

Ушбу янги техникалар шаҳар ҳудудларида тозаликни таъминлаш, чиқиндиларни ўз вақтида олиб чиқиш ҳамда аҳолига кўрсатилаётган коммунал хизматлар сифатини янада оширишга хизмат қилади.

♻️ Тоза муҳит — соғлом ҳаёт пойдевори!
Зарафшон шаҳрида ободонлаштириш ва санитария соҳасида амалга оширилаётган ишлар изчил давом этмоқда.

Навоий шаҳар, ЦУМ яқинида радар ўрнатилибди эътиборли бўламиз.

KUCHLI SHAMOL OQIBATIDA AYRIM HUDUDLARNING GAZ TA’MINOTIDA NOSOZLIKLAR KUZATILDI

Noqulay ob-havo sharoiti tufayli gaz ta’minotida yuzaga kelgan vaqtinchalik nosozliklarni bartaraf etish ishlari gaz ta’minoti bo‘limlari avariya brigadalari tomonidan kuchaytirilgan tartibda olib borilmoqda.

Iste’molchilardan “104” va “1104” qisqa raqamiga kelgan har bir murojaat ishchi-xodimlar tomonidan joylarga chiqib o‘rganilyapti. Gaz quvurlari shikastlanishi va boshqa avariya holatlari aniqlanib, zudlik bilan bartaraf etish bo‘yicha barcha zaruriy choralar ko‘rilmoqda.

Shu o‘rinda, “Hududgaz Navoiy” gaz taʼminoti filiali barcha isteʼmolchilarga tabiiy gazdan xavfsiz va to‘g‘ri foydalanish zarurligini eslatib o‘tadi.

❤️‍🔥Hurmatli isteʼmolchilar, gaz jihozlarini qarovsiz qoldirmang. Nostandart qo‘lbola gaz pechlaridan o‘zboshimchalik bilan foydalanmang. Gaz plitalar ustida kir quritmang.

#Диққат #Тезкор

❗️100 гр қуйма деярли 190 млн сўмга чиқди

Кутилганидек, олтин қуймалари бугун рекордни янгилаб 1 гр учун 1,89 млн сўмдан ошди.

100 гр олтин қуйманинг нархи биринчи бор 189,5 млн сўмга чиқди. Роппа-роса бир йил аввал бу қуйма 116,6 млн сўм нархда сотувга чиқарилган.

Банкларда 100 гр қуймани қайтариб сотиб олиш нархи ҳам 180 млн сўмдан юқорига чиқди.

Жаҳон бўйича олтин нархи унцияда биринчи марта 4 800 доллардан ошиб, 4 875 долларгача чиқди.

Нарх кечагина илк марта 4 700 доллардан юқорига чиқиб, тарихий рекорд ўрнатганди.

Ijtimoiy tarmoqda “Navoiyda yana avtobus ag‘darilgani haqida ma’lumot tarqaldi” sarlavhasi ostida tarqalgan xabar yuzasidan
RASMIY MUNOSABAT

2026-yilning 17-yanvar kuni soat 07:00larda Tomdi tumani “Tomdibuloq” OFY hududidan o‘tgan A-379 “Navoiy-Uchquduq” xalqaro ahamiyatga molik avtomobil yo‘lining 189-190 kilometrlari oralig‘ida “ZHONG TONG BUS” rusumli avtobus “Navoiy-Zarafshon” yo‘nalishi bo‘ylab harakatlanib kelib boshqaruvni yo‘qotishi natijasida yo‘nalishi bo‘yicha yo‘lni qarama-qarshi tomoniga ag‘darilib, yo‘l-transport hodisasi sodir etgan.
Hodisa natijasida ikki nafar jabrlangan fuqaro Zarafshon shahar tibbiyot bo‘limiga yetkazilgan.

Hozirda holat yuzasidan O‘zbekiston Respublikasi JKning 266-moddasi 1-qismi bilan jinoyat ishi qo‘zg‘atilib, tergov harakatlari olib borilmoqda.

Бугун вилоят ҳокими Нормат Турсунов Навоий шаҳрида қурилиши давом этаётган янги Ахборот-кутубхона марказида амалга оширилаётган сўнгги қурилиш-пардозлаш ишлари ҳолатини кўздан кечирди.

Навоий шаҳрининг Маҳмуд Торобий кўчасида қад ростлаётган замонавий типдаги янги, креатив дизайндаги, китобсеварлар учун қулай шарт-шароитларга эга 3 қаватли кутубхона бир вақтнинг ўзида 230 нафар китобхонни қабул қилишга мўлжалланган. Ушбу марказнинг эътирофли жиҳатларидан бири шундаки, Марказда имконияти чекланган китобсевар фуқаролар учун ҳам барча қулайликлар яратилмоқда. Маскан умумий ҳисобда 171 000 та турли номдаги илмий, бадиий, тарихий адабиётларни ўз фондига жойлаштириш имконига эга.

Бундан ташқари электрон кутубхона ҳам китобхонларга хизмат кўрсатади. “Zarafshon Best Building” қурилиш ширкати томонидан қисқа муддатларда сифатли қилиб қуриб битказиш арафасида турган ушбу зиё маскани жорий йилда навоийлик китобхонлар учун фойдаланишга топширилади.

Навоий вилояти ҳокимлиги
Ахборот хизмати