Hyzer Rizani

Sot, zemra u rëndua nga një lajm që është vështirë të besohet…

Miku im, Visar Sllamniku, sot u nda papritur nga jeta pas një sulmi në zemër. Nuk është e lehtë të shkruash për ikjen e një miku, sidomos kur lajmi vjen kaq papritur dhe të lë pa fjalë.

Visar, do të na mungojë buzëqeshja jote, fjala jote dhe prania jote. Do të mbetesh në kujtimet tona si një mik i mirë dhe njeri i dashur.

Pusho i qetë, miku im.
Edhe pse rruga jote e fundit do të jetë në Suedi, kujtimi yt do të mbetet mes nesh, këtu në vendin tënd dhe në zemrat e atyre që të deshën.

Familja, duke filluar nga nesër, do të presë të pamen për tri ditë në Topliqan.

Ngushëllime të sinqerta familjes, të afërmve dhe gjithë miqve.

Zoti e mëshiroftë Visarin dhe familjes i dhëntë forcë e durim në këto ditë kaq të rënda.

U prehsh në paqe, miku im. 🕊️

Mëngjesi në Strugë, me mikun tim, Eshref Kala. Momente të bukura, biseda të mira dhe miqësi që vlerësohet.

Kur fjalët e djeshme përballen me realitetin e sotëm…

Dikur Albin Kurti thoshte:

“Njeriu që e shkel ligjin është kriminel. Ai që e shkel Kushtetutën është super-kriminel.”

Nëse ky është standardi politik që ai vetë e ka vendosur, atëherë pyetja është e thjeshtë:

A vlen ky standard vetëm për kundërshtarët politik, apo edhe për pushtetin që sot e drejton Kosovën?

Kushtetuta nuk është pronë e asnjë partie.
Ligji nuk duhet të ketë dy standarde.

Në demokraci, pushteti gjykohet pikërisht nga respektimi i ligjit dhe Kushtetutës.

Edhe një lule e lirisë po shuhet… 🌹

Me pikëllim të thellë mora lajmin për ndarjen nga jeta të luftëtarit të UÇK-së, Fatmir Olluri.

Kontributi dhe sakrifica e tij do të mbeten pjesë e kujtesës sonë dhe e historisë së lirisë. Në këto momente të dhimbshme, shpreh ngushëllimet më të sinqerta familjes, të afërmve, bashkëluftëtarëve dhe të gjithë atyre që e njohën.

U prehtë në paqe dhe qoftë i përjetshëm kujtimi për të.

Lavdi jetës dhe veprës së tij! 🕊️

Me dhimbje të thellë mora lajmin për ndarjen nga jeta të Lulzim Konjufcës.

Lulzimi ishte një njeri i veçantë, që çdo herë më qëndroi pranë si mik e si mbështetje. Fjalët dhe këshillat e tij ishin gjithmonë motivuese, ndërsa respekti që tregonte ndaj të gjithëve e bënte të dashur për secilin që e njihte.

Ai ishte një atdhetar i përkushtuar, një njeri punëtor, i urtë, i mençur dhe me vlera të larta njerëzore. Largimi i tij është një humbje e madhe për familjen, miqtë dhe për të gjithë ata që patën fatin ta njohin.

Ngushëllimet e mia më të sinqerta familjes Konjufca, të afërmve dhe miqve. Zoti e mëshiroftë dhe e shpërbleftë me Xhenetin. Kujtimi dhe vepra e tij do të jetojnë gjithmonë në zemrat tona.

U prehsh në paqe, Lulzim.

Nuk ka vend më të ngrohtë se pranë babës dhe nanës.

Fundjava bëhet më e bukur kur e kalon me njerëzit që të kanë dhënë gjithçka pa kërkuar asgjë në këmbim. Mirënjohës për çdo këshillë, çdo sakrificë dhe çdo moment së bashku.

Zoti ju ruajt gjithmonë, babë e nanë!

Ishte kënaqësi të jem pjesë e Global UBT Fest 2026 – një platformë që bashkon dijen, inovacionin dhe bashkëpunimin.

Shkëmbimi i përvojave me akademikë, profesionistë dhe studentë ishte frymëzues dhe një mundësi e shkëlqyer për ide të reja dhe bashkëpunime të ardhshme.

Faleminderit UBT-së për organizimin e këtij eventi me ndikim akademik!

Me respekt,
Prof. Dr. Hyzer Rizani

Le të jetë kjo fundjavë një pushim për shpirtin, një frymëzim për mendjen dhe një bekim për zemrën.

Fundjavë të mbarë miq!

Prof. Dr. Hyzer Rizani

Një takim frytdhënës me Prof. Besnik Ukën, në funksion të avancimit të arsimit dhe inovacionit në edukim.

Shkëmbimi i ideve, përvojave dhe vizioneve për zhvillimin e arsimit cilësor, me fokus në qasjen STEAM (Science, Technology, Engineering, Arts & Mathematics), mbetet një hap i rëndësishëm drejt përgatitjes së gjeneratave për sfidat e së ardhmes.

Faleminderit profesor për vizitën, diskutimin profesional dhe gatishmërinë për të kontribuar në zhvillimin e arsimit.

Besoj se bashkëpunime të tilla krijojnë vlera të qëndrueshme për komunitetin akademik dhe shoqërinë.



Me respekt,
Prof. Dr. Hyzer Rizani

Mes angazhimeve të përditshme, çastet e së dielës mbrëma me vëllezërit dhe motrën janë ato që kanë më shumë vlerë!