Rotary Shkoder

Rotary Club Shkodër pati kënaqësinë të marrë pjesë në aktivitetin tradicional të përvitshëm të organizuar nga Rotary Club Kotor, në një nga perlat e Adriatikut – qytetin e mrekullueshëm të Kotorrit.

Në bordin e anijes ikonike **"Katica"**, kaluam momente të veçanta në shoqërinë e miqve rotarianë, duke krijuar njohje të reja, forcuar miqësitë ekzistuese dhe hedhur themelet për bashkëpunime të ardhshme mes klubeve tona.

Rotary na kujton se miqësia, bashkëpunimi dhe mirëkuptimi ndërmjet komuniteteve janë ura që na afrojnë dhe na bëjnë më të fortë. Ndihemi me fat që jemi pjesë e kësaj familjeje të madhe rotariane dhe që vazhdojmë të forcojmë lidhjet me fqinjët tanë.

Një falënderim i veçantë për Rotary Club Kotor për mikpritjen e ngrohtë dhe organizimin e shkëlqyer. Me padurim presim takimet dhe projektet tona të ardhshme së bashku!

Ceremonia e Kalimit të Çekiçit
Viti Rotarian 2025–2026
Fjala e presidentit në largim Muhamet Kaçirani

Të nderuar miq Rotarianë, përfaqësues të institucioneve, partnerë, anëtarë të Rotary Club Shkodër, Rotaract Club Shkodër dhe
Interact Club Shkodër, të dashur miq,

Sot është një mbrëmje e veçantë. Një mbrëmje reflektimi, mirënjohjeje dhe vazhdimësie. Rotary na mëson se
lidershipi nuk është privilegj, por përgjegjësi; nuk është një destinacion, por një shërbim ndaj të tjerëve.
Kur mora përgjegjësinë për të drejtuar Rotary Club Shkodër për vitin Rotarian 2025–2026, vendosa një parim që do të udhëhiqte çdo vendim dhe çdo veprim: transparencën.
Besova se një klub i fortë ndërtohet mbi besimin, përgjegjshmërinë, bashkëpunimin dhe respektin reciprok.
Jam krenar që së bashku e kemi kthyer këtë vizion në realitet.
Ky vit ishte një vit pune intensive, por mbi të gjitha ishte një vit shërbimi. Realizuam aktivitete humanitare, sociale, kulturore dhe edukative, duke qenë pranë komunitetit dhe duke dëshmuar se Rotary është një forcë që krijon ndikim pozitiv.
Një nga momentet më domethënëse ishte përmbyllja me sukses e projektit ndërkombëtar "Ne kujdesemi për shëndetin e grave sot dhe në të ardhmen", një nismë me ndikim të drejtpërdrejtë në jetën e shumë grave, e realizuar falë bashkëpunimit me Rotary International, klubet partnere dhe institucionet vendore. Ky projekt tregoi se kur bashkojmë forcat, mund të sjellim ndryshime reale në
komunitet.
Në të njëjtën kohë, nuk u ndalëm te arritjet e së shkuarës.
Me të njëjtin përkushtim përgatitëm dhe paraqitëm një projekt të ri në mbështetje të Spitalit Rajonal të Shkodrës, me bindjen se shërbimi ndaj komunitetit kërkon vazhdimësi, vizion dhe përgjegjësi.
Gjatë këtij viti forcuam marrëdhëniet tona ndërkombëtare dhe zgjeruam familjen tonë Rotariane përmes binjakëzimeve dhe bashkëpunimeve me klube mike, duke krijuar ura të reja miqësie dhe partneriteti që do t'i shërbejnë projekteve të së ardhmes.
Gjithashtu, mbështetëm me përkushtim zhvillimin e Rotaract Club Shkodër dhe Interact Club Shkodër, sepse besojmë se investimi te brezi i ri është investimi më i mirë për të ardhmen e Rotary dhe të komunitetit tonë.
Asnjë President nuk arrin sukses i vetëm. Çdo arritje e këtij viti është rezultat i punës së përbashkët. Falënderoj nga zemra çdo anëtar të Rotary Club Shkodër për kohën,
energjinë, idetë dhe përkushtimin. Falënderoj partnerët tanë institucionalë, sponsorët, median dhe të gjithë ata që besuan dhe ecën krah nesh.
Një falënderim krejt të veçantë dua t'ia kushtoj Zëvendëspresidentes së klubit, Majlinda Laçaj
Përkushtimi i saj i jashtëzakonshëm, profesionalizmi, integriteti dhe përgjegjësia me të cilën udhëhoqi proceset organizative dhe administrative të klubit ishin një
mbështetje e çmuar gjatë gjithë këtij viti. Me punën e saj të palodhur, me kujdesin për çdo detaj dhe me besnikërinë ndaj idealeve Rotariane, ajo dha një kontribut të rëndësishëm në forcimin institucional të Rotary Club Shkodër dhe në realizimin me sukses të objektivave tona.
Për këtë, i shpreh mirënjohjen time më të sinqertë.
Sonte, ndërsa dorëzoj çekiçin presidencial, e bëj këtë me
qetësinë se Rotary Club Shkodër është më i fortë se dje dhe me besimin se e ardhmja e tij është në duar të sigurta.
Kam kënaqësinë t'ia besoj këtë përgjegjësi Presidentes së re, Valbona Quku Lisha. I uroj suksese në këtë mision fisnik dhe jam i bindur se, me mbështetjen e çdo anëtari,
ajo do ta udhëheqë klubin drejt arritjeve të reja, duke ruajtur frymën e shërbimit, miqësisë dhe integritetit që na bashkon.
Rotary nuk është thjesht një organizatë. Rotary është një mënyrë jetese. Është vendimi për të qenë të dobishëm, për të ndërtuar ura, për të dhënë shpresë dhe për ta lënë botën
pak më të mirë sesa e gjetëm.

Ju falënderoj të gjithëve për besimin, mbështetjen dhe miqësinë.

Zoti e bekoftë Rotary Club Shkodër, Distriktin tonë dhe çdo njeri që zgjedh të shërbejë mbi veten.

Faleminderit!

📸 Seda Çano

Në emër të Rotary Club Shkodër, i shprehim ngushëllimet tona më të sinqerta familjes Karaj, të afërmve, miqve dhe bashkërotarianëve të tij.

U prehtë në paqe.

On behalf of Rotary Club Shkodër, we extend our deepest condolences to the Karaj family, his relatives, friends, and fellow Rotarians.

May he rest in peace.

Rotary Club Shkodër

Me pikëllim morëm lajmin për ndarjen nga jeta të Elvis Karaj, Rotarian i përkushtuar në Tiranë dhe anëtar i çmuar i familjes tonë rotariane, Rotary Club Tirana West.

Përkushtimi i tij ndaj profesionit, komunitetit dhe vlerave të Rotary-t do të kujtohet me respekt nga të gjithë ata që patën mundësinë ta njihnin dhe të bashkëpunonin me të.

Në emër të Rotary District 2485, i shprehim ngushëllimet tona më të sinqerta familjes Karaj, të afërmve, miqve dhe bashkërotarianëve të tij.

U prehtë në paqe.

Rotary District 2485

-----

We were saddened to learn of the passing of Elvis Karaj, a dedicated Rotarian in Tirana and a valued member of our Rotary family, Rotary Club Tirana West.

His dedication to his profession, the community, and the values of Rotary will be remembered with respect by all those who had the opportunity to know and work with him.

On behalf of Rotary District 2485, we extend our deepest condolences to the Karaj family, his relatives, friends, and fellow Rotarians.

May he rest in peace.

Rotary District 2485

📍 Rotary Club Shkodër në Konferencën e Dytë të Distriktit 2485 Shqipëri–Kosovë
Rotary Club Shkodër pati kënaqësinë të marrë pjesë në Konferencën e Dytë të Distriktit 2485 Shqipëri–Kosovë, një ngjarje që mblodhi rotarianë nga të dy vendet për të reflektuar mbi arritjet e vitit rotarian, për të shkëmbyer përvoja dhe për të forcuar bashkëpunimin ndërmjet klubeve.
Konferenca ishte një mundësi e vyer për të ndarë praktikat më të mira, për të diskutuar sfidat dhe për të përcaktuar vizionin e përbashkët për vitin e ri rotarian.
Një nga momentet më frymëzuese ishte prezantimi i mesazhit presidencial të Rotary International për vitin 2026–2027: "Create Lasting Impact" – "Krijojmë një ndikim të qëndrueshëm". Ky mesazh na kujton se misioni ynë nuk matet vetëm me numrin e aktiviteteve që realizojmë, por me ndryshimin afatgjatë që arrijmë të krijojmë në jetën e njerëzve dhe në komunitetet që u shërbejmë. Çdo projekt, çdo iniciativë dhe çdo akt shërbimi duhet të lërë një gjurmë të qëndrueshme që vazhdon të japë vlerë edhe në të ardhmen.
Delegacioni i Rotary Club Shkodër mori pjesë aktivisht në punimet e konferencës, duke riafirmuar angazhimin e klubit tonë për të vijuar misionin e Rotary-t me përkushtim, integritet dhe frymë bashkëpunimi.
Së bashku, vazhdojmë të ndërtojmë ura miqësie, të shërbejmë me përkushtim dhe të krijojmë një ndikim të qëndrueshëm për komunitetet tona.
💙💛

Si pjesë e familjes globale të Rotary-t, me krenari nderojmë vendin ku ndodhet selia qendrore e Rotary International dhe vlerat e shërbimit, lidershipit dhe komunitetit që vazhdojnë të frymëzojnë ndryshime pozitive në mbarë botën.

I urojmë Shteteve të Bashkuara një Ditë gëzuar të Pavarësisë dhe një 250 vjetor të paharrueshëm.

Gëzuar Ditën e Pavarësisë! 🇺🇲 🤝 🇽🇰

-----

As part of the global Rotary family, we proudly recognize the nation where Rotary International is headquartered and honor the values of service, leadership, and community that continue to inspire positive change around the world.

Wishing the United States a joyful Independence Day and a meaningful 250th anniversary.

Happy Independence Day! 🇺🇲 🤝 🇽🇰

Ditën e sotme, Rotary Club Shkodër zhvilloi mbledhjen e fundit të vitit presidencial rotarian 2025–2026, duke shënuar një moment reflektimi mbi arritjet, projektet dhe angazhimin që kanë karakterizuar këtë vit të suksesshëm në shërbim të komunitetit.
Aktivitetin e sotëm e përshëndeti përmes një mesazhi të ngrohtë dhe shumë motivues As Guvernatori i Distriktit 2485, z Artur Beu dhe Rotary Club Shkodër e falenderon për fjalët inkurajuese, për mbështetjen e vazhdueshme që i ka dhënë Klubit tonë dhe për angazhimin e tij në forcimin e vlerave dhe misionit të Rotary-t në Distriktin tonë.

Patëm kënaqësinë dhe nderin të mirëprisnim Dr. Elsida Sina, lektore me kohë të plotë pranë Universitetit Mesdhetar të Shqipërisë, në Departamentin e Psikologjisë, si dhe psikoterapiste e licencuar në BWRT (BrainWorking Recursive Therapy), Londër, e cila mbajti një kumtesë me temë "Sfida e shëndetit mendor në shoqërinë moderne" kjo temë pati interes të veçantë për anëtarët e klubit, duke ndarë njohuri dhe këndvështrime që nxitën diskutime të vlefshme dhe frymëzuese. Të gjithë morëm mesazhe të rëndësishme për kujdesin ndaj vetes, për rëndësinë e mirëqenies emocionale dhe për nevojën që të flasim më hapur për shëndetin mendor, pa paragjykime dhe pa stigma.

Një nga momentet më të rëndësishme të mbrëmjes ishte ceremonia e pranimit dhe betimit të anëtarëve të rinj të Rotary Club Shkodër. Me shumë kënaqësi i mirëpritëm në familjen tonë rotariane, duke u uruar suksese në rrugëtimin e tyre të shërbimit, miqësisë dhe lidershipit, z.Aleksandër Marleci, znj.Emi Kalaja, z.Edis Kadija.
Anëtarësimi në Rotary është një privilegj, por njëkohësisht edhe një përgjegjësi. Ai kërkon angazhim, pjesëmarrje aktive, respekt për vlerat e organizatës dhe gatishmëri për t'i shërbyer të tjerëve."

Gjithashtu, gjatë takimit patëm mundësinë të vlerësonim punën e bërë gjatë këtij viti rotarian, të ndanim përvoja dhe të shprehnim mirënjohjen për kontributin e çdo anëtari që ka ndihmuar në realizimin e misionit tonë: Service Above Self – Shërbimi Mbi Vetveten.

Falënderojmë të gjithë anëtarët, miqtë dhe të ftuarit që kanë qenë pjesë e aktiviteteve tona gjatë këtij viti dhe që vazhdojnë të kontribuojnë në forcimin e ndikimit pozitiv të Rotary Club Shkodër në komunitetin tonë.





📸foto credits Seda Çano