NUM TAMIL

இயக்கத்தில் இன்று வெளியாகும் திரைப்படத்தில் பணியாற்றியுள்ள நம்மவர் கபியுடன் ஒரு சந்திப்பு.

மெல்போர்னிலிருந்து தமிழ் சினிமா வரை – இயக்குநர் கனவுடன் கபி
மெல்போர்னில் தமிழ் திரைப்பட DVD-களை பார்த்து வளர்ந்த இளைஞர் இன்று தமிழ் சினிமாவின் படப்பிடிப்புத் தளத்தில். இயக்குநராக வேண்டும் என்ற கனவுடன் பயணித்து வரும் கபி, தனது சினிமா பயணம் குறித்து பகிர்ந்துள்ளார்.

மெல்போர்னில் பிறந்து வளர்ந்த கபிக்கு சினிமா மீதான ஆர்வம் சிறு வயதிலேயே தொடங்கியது. அவரது பெற்றோர் வாரந்தோறும் வீட்டிற்கு கொண்டு வந்த தமிழ் திரைப்பட DVD-களை குடும்பத்துடன் வெள்ளிக்கிழமை இரவுகளில் பார்ப்பது வழக்கம். அந்த திரைப்படங்களே தனது தமிழ் கலாசாரத்துடனும் அடையாளத்துடனும் தன்னை இணைத்ததாக அவர் கூறுகிறார்.

பள்ளிப் பருவத்திலேயே நாடகங்கள் மற்றும் Media Studies மூலம் திரைப்பட உருவாக்கத்தில் ஆர்வம் வளர்த்துக்கொண்ட கபி, தனது சகோதரர் மற்றும் சகோதரியுடன் இணைந்து வீட்டிலேயே குறுந்திரைப்படங்களை உருவாக்கத் தொடங்கினார்.

பின்னர் Monash University-யில் actuarial studies படித்தபோதும், சினிமா மீதான ஆர்வத்தை அவர் கைவிடவில்லை. பல்வேறு filmmaking workshops-ல் பங்கேற்றதுடன், நண்பர்கள் மற்றும் குடும்பத்தினருடன் இணைந்து தொடர்ந்து குறும்படங்கள் மற்றும் வீடியோக்களை உருவாக்கி வந்தார்.

‘நாயகன்’ ஏற்படுத்திய தாக்கம்

இயக்குநராக வேண்டும் என்ற எண்ணத்திற்கு மணிரத்னத்தின் நாயகன் திரைப்படம் மிகப்பெரிய தாக்கத்தை ஏற்படுத்தியதாக கபி தெரிவித்துள்ளார்.

குறிப்பாக திரைப்படத்தின் காட்சியமைப்பு, கமல்ஹாசனின் நடிப்பு மற்றும் இறுதியில் வரும் “நல்லவரா, கெட்டவரா?” என்ற கேள்விக்கு “தெரியலையே” என வரும் பதில், ஒரு இயக்குநர் பார்வையாளர்களை எவ்வாறு சிந்திக்க வைக்க முடியும் என்பதை தனக்கு உணர்த்தியதாக அவர் கூறுகிறார்.

அதன்பிறகு திரைப்படங்களை வெறுமனே ரசிப்பதைத் தாண்டி, ஒவ்வொரு காட்சியையும் ஆராய்ந்து பார்க்கத் தொடங்கியதாகவும், filmmaking தொடர்பான புத்தகங்கள் மற்றும் behind-the-scenes படைப்புகளைத் தொடர்ந்து தேடி கற்றுக்கொண்டதாகவும் அவர் தெரிவித்துள்ளார்.

ஒரு படப்பிடிப்புத் தளம் மாற்றிய வாழ்க்கை
கபியின் வாழ்க்கையில் முக்கிய திருப்புமுனையாக அமைந்தது ‘Sethupathi’ திரைப்படத்தின் படப்பிடிப்புத் தளத்திற்குச் சென்ற அனுபவம்.

அங்கு இயக்குநர் S.U. Arun Kumar, பெரிய கூட்டத்தையும் பரபரப்பான காட்சியையும் அமைதியாக நிர்வகித்து, தனது கற்பனையில் இருந்த காட்சியை திரையில் உருவாக்கிய விதம் கபியை வெகுவாகக் கவர்ந்தது.

“அப்போதுதான் திரைப்படங்களைப் பார்க்க மட்டும் விரும்பவில்லை; அவற்றை உருவாக்க வேண்டும், அதையே என் வாழ்க்கையாக மாற்ற வேண்டும் என்று முடிவு செய்தேன்” என்கிறார் அவர்.

பல ஆண்டுகளுக்குப் பிறகு அதே S.U. Arun Kumar இயக்கிய ‘Veera Dheera Sooran’ திரைப்படத்தின் direction team-ல் பணியாற்றும் வாய்ப்பு கபிக்கு கிடைத்தது குறிப்பிடத்தக்கது.

‘Sigma’ அனுபவம்
Jason Sanjay இயக்கிய ‘Sigma’ திரைப்படத்தில் பணியாற்றிய அனுபவமும் தனது பயணத்தில் முக்கியமானதாக இருந்ததாக கபி தெரிவித்துள்ளார்.

“முதல் படமாக இருந்தாலும், சஞ்சய் தனது creative vision-ல் மிகவும் தெளிவாக இருந்தார். அவருடன் பணியாற்றியதில் நிறைய கற்றுக்கொண்டேன். அது எனக்கு மிகச் சிறந்த அனுபவமாக இருந்தது” என அவர் கூறுகிறார்.

படப்பிடிப்பில் எதிர்பாராத பிரச்சினைகள் ஏற்படும்போது அமைதியாக இருப்பது, திட்டமிடப்படாத தருணங்களையும் படைப்பாற்றலுடன் பயன்படுத்துவது போன்ற பல விஷயங்களை இந்த அனுபவம் தனக்குக் கற்றுக்கொடுத்ததாகவும் அவர் தெரிவித்துள்ளார்.

“நான் அந்த திரைப்படத்தின் ஒரு பகுதியாக இருந்தேன்”
கபியின் நினைவில் என்றும் நிற்கும் தருணம், ‘Sigma’ படத்தின் முதல் நாள் படப்பிடிப்பு.

முதல் shot-க்கான clapboard-ஐ கையில் பிடித்து, scene number-ஐ அறிவித்து clapboard-ஐ மூடிய அந்த நொடியில், பல ஆண்டுகளுக்கு முன்பு ‘Sethupathi’ படப்பிடிப்புத் தளத்தில் பார்த்த அதே உற்சாகத்தை மீண்டும் உணர்ந்ததாக அவர் கூறுகிறார்.

“அப்போது நான் பார்த்துக்கொண்டிருந்தேன். இந்த முறை நான் அந்த திரைப்படத்தின் ஒரு பகுதியாக இருந்தேன்.”

மெல்போர்னிலிருந்து தமிழ் சினிமா வரை
Corporate career-ஐத் தொடர்ந்துகொண்டே சினிமாவிலும் பயணிப்பது, Melbourne-ல் இருந்து Chennai-க்கு தொடர்ந்து பயணம் செய்வது, குடும்பத்தை விட்டு நீண்ட நாட்கள் பிரிந்து இருப்பது என பல சவால்களை கடந்து வந்துள்ளார் கபி.

ஆனால் அவை அனைத்தும் தனது கனவின் ஒரு பகுதியாகவே இருப்பதாக அவர் கூறுகிறார்.

மெல்போர்ன் தமிழ் சமூகத்தைச் சேர்ந்தவராக தமிழ் சினிமாவில் பணியாற்றுவது குறித்து அவர் பெருமையும் நன்றியும் தெரிவிக்கிறார்.

“தமிழ் ஆஸ்திரேலியர்கள் எங்களுடைய கதைகளைத் திரையில் பார்க்கும்போது, தங்களைப் போன்ற ஒருவர் கேமராவுக்குப் பின்னால் இருப்பதைப் பார்த்து பெருமைப்பட வேண்டும். அது இன்னும் பலரை இந்தப் பாதையில் வரத் தூண்டும் என்று நம்புகிறேன்.”

தற்போதைய பயணம் ஒரு தொடக்கம் மட்டுமே எனக் கூறும் கபியின் அடுத்த கனவு, சொந்தமாக திரைப்படங்களை இயக்குவது.

மெல்போர்னில் தமிழ் திரைப்படங்களை பார்த்து வளர்ந்த கபி, ஒருநாள் மெல்போர்னையும் தனது தமிழ் பாரம்பரியத்தையும் இணைக்கும் கதைகளை திரையில் சொல்லும் இயக்குநராக வேண்டும் என்பதே அவரது கனவு.

நம் தமிழ் சார்பாக அவருக்கும் அவர் பணியாற்றியுள்ள திரைப்பட வெற்றிக்கும் வாழ்த்துச் சொல்வோம்.

மன்னித்திருக்கலாம்!!!

Jeeva Today | அனோஜனுக்காகா திரண்ட முசுலீம்கள் நபிகளை இழிவுபடுத்தலாமா ...