Element

Element olaraq BE GROUP üçün yeni brend kimliyi hazırladıq. Layihə çərçivəsində loqo, vizual identiklik sistemi, korporativ vizual dil, brend qaydaları və qrupun bütün şirkət və məhsullarını əhatə edən korporativ kataloq dizaynı hazırlanaraq vahid brend sistemi formalaşdırıldı.

Yeni loqo müxtəlif inşaat istiqamətlərinin bir məqsəd ətrafında birləşməsini simvolizə edir. Ev və pəncərə elementləri ilə tamamlanan vizual həll BE GROUP-un fəaliyyət sahələrini sadə, müasir və yadda qalan formada ifadə edir.

https://www.behance.net/gallery/253425137/BE-GROUP-Brand-Identity

Element olaraq Qırğızıstanda fəaliyyətə başlayan Baku Resort & Spa üçün tam brend kimliyi hazırladıq. Layihə çərçivəsində loqo, korporativ üslub və brend qaydaları hazırlanaraq hotel üçün vahid vizual yanaşma formalaşdırıldı.

Loqonun əsas simvolu Azərbaycan memarlığı və milli ornamentlərindən ilhamlanaraq hazırlanıb. Şərq memarlığına xas tağ elementləri və naxış motivləri müasir qrafik yanaşma ilə birləşdirilərək həm Azərbaycan mədəniyyətini, həm də premium qonaqpərvərlik anlayışını əks etdirən vizual kimlik yaradılıb.

Baku Resort & Spa-nın rəsmi açılış mərasimində Azərbaycan Prezidenti cənab İlham Əliyev də iştirak edib. Hazırladığımız brend kimliyinin bu layihənin ayrılmaz hissəsinə çevrilməsi bizim üçün xüsusi dəyər daşıyır.

Türkiye Petrolleri Anonim Ortaklığı (TPAO) üçün həyata keçirdiyimiz stend layihəsini təqdim edirik.

31-ci Beynəlxalq Xəzər Neft və Qaz Sərgisi üçün ideya, kreativ konsept, dizayn, 3D vizuallaşdırma, istehsal və tətbiq mərhələlərini həyata keçirdiyimiz layihə, Fateh Sultan Mehmetin İstanbulun fəthi zamanı nümayiş etdirdiyi strateji baxışdan ilhamlanaraq hazırlanıb.

Müasir memarlıq dili və yaradıcı yanaşma ilə formalaşdırılan stend, TPAO-nun enerji vizyonunu vahid konsept çərçivəsində sərgi məkanına daşıyıb.

Layihəmizin sərgi çərçivəsində “Ən Yaradıcı Stend” mükafatına layiq görülməsi isə bu yanaşmanın ən dəyərli göstəricilərindən biri oldu.

Element olaraq Sirabın yeni meyvə ləzzətli mineral su məhsulları üçün qablaşdırma dizaynını hazırladıq.

Layihədə Sirabın vizual kimliyini qoruyaraq məhsulu daha cəlbedici və fərqləndirici şəkildə təqdim etməyə fokuslandıq. Meyvə təsvirləri, rəng həlləri və etiket dizaynı üzərində etdiyimiz yeniliklərlə məhsula daha təravətli və müasir görünüş qazandırdıq.

31-ci Beynəlxalq Xəzər Neft və Qaz Sərgisi çərçivəsində TPAO üçün dizayn və tətbiqini həyata keçirdiyimiz stend bu il də “Ən Yaradıcı Stend” mükafatına layiq görüldü.

Fateh Sultan Mehmetin strateji baxışından ilhamlanan stend, müasir memarlıq dili və yaradıcı yanaşma ilə TPAO-nun enerji vizyonunu sərgi məkanında təqdim etdi.

Sərgi çərçivəsində Azərbaycan Respublikasının Prezidenti cənab İlham Əliyev də stendi ziyarət etdi.

Bu uğurda əməyi olan bütün komandamıza və tərəfdaşlarımıza təşəkkür edirik.