54

აცეტილ-CoA ერთდება და ქმნის ციტრატს, რომელიც გარდაიქმნება იზოციტრატად, შემდეგ იჟანგება და ქმნის α-კეტოგლუტარატს, რომელიც გარდაიქმნება სუქცინილ-CoA-დ, შემდეგ გარდაიქმნება სუქცინატად, რომელიც იჟანგება და ქმნის ფუმარატს, ჰიდრატირდება და ქმნის მალატს, რომელიც იჟანგება და აღადგენს ოქსალოაცეტატს. ეს თქვენთვის ჩინურია, მაგრამ ჩემთვის საინტერესო თემებია.

🎙️გიორგი ენგესლიანი

როცა სამედიცინოელი გოგო გეუბნება რომ მალე თეთრი ეცმება, არასდროს იცი ამ ოთხიდან რომელს გულისხმობს 😀

ჩემი კურსელების შვილიშვილებს ვულოცავ სკოლის დაწყებას.

80's

პირველი დღე თსსუ-ში:

ამოდიხარ მეტროდან და ლეგენდა, რომ მეტროს სადგურს ”სამედიცინო” უნივერსიტეტთან ახლოს(!) მდებარეობის გამო ჰქვია, მალევე იმსხვრევა შენს თვალში. გზაში მიმავალი რამდენჯერმე სიამაყით დახედავ პარკში ჩაკეცილ ხალათს და გზას განაგრძობ. უნივერსიტეტთან მისული წამიერად გაბნევენ დროშები, დიპსტეიტი ხომ არ დაეუფლა ჩემს მამულსო და ნატოს ანსამბლეაზე ხომ არ მოხვდიო-გაიფიქრებ, მაგრამ მალევე გამშვიდებს ეზოში ბილბორდიდან მომღიმარი ხალათიანი ინდოელი. შენც დიდი სიხარულით საბანკეტო კაბებში გამოწყობილ მომავალ კურსელებს უერთდები, შეიძლება წყალიც დალიო ფანტანიდან, იმიტომ რომ ჯერ კიდევ არ იცი რომ ამ ფანტანით ომარას ძაღლსა და მაჰათმა განდის მოსამსახურის შვილიშვილსაც უსარგებლიათ.(შეიძლება მის წმინდა ძროხასაც)
პირველივე ეფექტს ახდენს ბაგრატის ტაძრის ლიფტის უნიჭო ანალოგი მესამე კორპუსზე.
შემდეგ უკვე უსმენ ვიღაც მაღალკურსელ ინდოელს თუ როგორ ცოდვილობს ”გამარდჟობის” თქმას და სასწავლო წლის დაწყებას გილოცავს. აქ უკვე ხვდები თუ რომელ რასას უჭირავს ”პალაჟენია” უნიში. პირველი კორპუსის ფოიეს თავზე ნამდვილად არ არის ტონი სტარკის ბაითი, ეს ჩვენი ბუფეტია, რომელიც 2017 წელს უნდა აშენებულიყო და 2022-ში გაკეთდა (ჩემს უნივერსიტეტის დამთავრებას ელოდნენ). შუაში რაღაც პატარა ბილბორდებზე მიხეილ სააკაშვილს იპოვი და იფიქრებ, აქ ვინმე ნაცი ხომ არაა, ან გლობალური ომის პარტია არ მითრევდეს სადმეო, მაგრამ მერე უმალ
გაიგებ, რომ სამედიცინოს ერთ-ერთი რექტორი იყო და მოგეშვება.
უნივერსიტეტის ეზოში მოდერნისტული ხელოვნების ნიმუშებიც მიიქცევს შენს ყურადღებას, რომელთა სახელები არაფერ შუაშია სამედიცინოსთან : "ბედნიერების ძეგლი", "თავისუფალი მოქალაქე", " არ გაჩერდე ცხოვრება მშვენიერია".
შენც მაინც დიდი ენთუზიაზმით იცვამ ფაქიზად დაკეცილ ქათქათა ხალათს, რომელსაც სიცოცხლის ბოლომდე არ გაიხდი, და ეგუები იმ ფაქტს რომ ამ უნივერსიტეტში გაატარებ ახალგაზრდობას. (ნუ ზრდასრულობასა და სიბერესაც, პრინციპში)

რანაირი ზაფხული იყო, ერთი ადამიანიც კი არ დამწვარა ლეღვის ნახარშით.

ტომ ჰოლანდს 100 მილიონ დოლარს უხდიან, რომ ღარიბი, უბედური, მარტოსული, სევდიანი და ტრავმირებული ადამიანის როლი ითამაშოს, მე კი ამას უფასოდ ვაკეთებ🙄

დღესვე ინსტაგრამზე Dr-ს ნუ დაიწერთ.

😂😂