Behgjet Pacolli

Ne New York,
Një takim pune produktiv në zyrat e Squire Patton Boggs në New York, së bashku me miqtë dhe kolegët e mi të nderuar, Michael Curto dhe Luka Mišetić.
Mirënjohje e sinqertë për ta dhe për të gjithë kolegët tanë, për profesionalizmin, përkushtimin dhe kontributin e tyre të çmuar. 👋

I nderuar të isha mysafir në shtëpinë e znj. Lisa McClain, një prej figurave kryesore te Partisë Republikane (Chair of the House Republican Conference) dhe Kryetare e Konferencës Republikane në Dhomën e Përfaqësuesve të SHBA-së.

Si gjithmonë, Kosova në fokus. 🇽🇰🇺🇸
Miqësia Kosovë–SHBA mbetet e fortë dhe e përhershme.
BP

Të dashur miq dhe lexues,

Ju kërkoj ndjesë për postimet e shpeshta dhe ndonjëherë të gjata. As unë dhe as MABCO nuk zotërojmë apo kontrollojmë ndonjë televizion ose medium në Shqipëri apo Kosovë. Prandaj, këtë platformë e përdor për t’ju informuar drejtpërdrejt. Shkruaj për ata që dëshirojnë të informohen dhe respektoj zgjedhjen e secilit për të më lexuar ose jo. Ju lutem, mos më gjykoni për këtë.

Çështja e Aeroportit të Vlorës, kundër dëshirës sime, po kalon në duart e drejtësisë ndërkombëtare.

Tani po shifet se problemi nuk ka qenë dhe nuk është mosmarveshja në mes dy ortakëve por një plan i qëllimshëm që kishte për qellim TJETERSIMIN e këtij kocesioni, që tani po realizohët.
Për më shumë se një vit kemi kërkuar dialog, zgjidhje dhe drejtësi. Sipas vlerësimit tonë, këto përpjekje nuk kanë marrë përgjigjen e merituar. Përkundrazi, kërkesat tona për drejtësi në Shqipëri, për identifikimin e shkaktarëve dhe për parandalimin e përkeqësimit të situatës, janë lënë në heshtje pa asnjë arsye ligjore.

Qëndroj pas shkrimeve të mia dhe mbaj përgjegjësi për korrektësinë e tyre. Ato mbështeten në faktet dhe dokumentet që disponojmë. Qëllimi im ka qenë dhe mbetet të bëj të njohur të vërtetën dhe të mbroj punën, djersën dhe investimin tonë, pa akuzuar padrejtësisht askënd.

Kur të jetë e nevojshme, dhe tani po ndodh kjo, do të jem i detyruar të paraqes në parashtresat tona para drejtësisë ndërkombëtare veprimet konkrete të secilit dhe rolin e tyre, duke ia lënë drejtësisë përcaktimin e përgjegjësive.

MABCO qëndron pas ligjshmërisë dhe transparencës së veprimeve të saj.

Jemi një kompani ndërkombëtare që respekton rregullat. Besimi te faktori njerëzor, por jo te paligjshmëria, si dhe respektimi i plotë i ligjit, veçanërisht në vendet ku veprojmë, përbëjnë shtyllat kryesore të veprimtarisë sonë.

Jemi të gatshëm t’ia nënshtrojmë çdo dokument dhe çdo veprim shqyrtimit të institucioneve kompetente. Ato nuk duhet të konsiderohen si akuza nga ana jonë, por vetëm si paraqitje reale e fakteve.

Kemi bërë çdo përpjekje për ta shmangur arbitrazhin.

Më dhemb mendimi se një kompensim i mundshëm për dëmet, të cilat janë të mëdha, do të rëndonte mbi buxhetin publik dhe, përfundimisht, mbi qytetarët shqiptarë, e fatkeqësisht jo mbi personat që e kanë shkaktuar këtë situatë dhe tani po përfitojnë prej saj.

Pas një jete pune në shumë vende, më dhemb veçanërisht që pikërisht kjo vepër, në vendin tim, me qeverinë time dhe në dëm të qytetarëve të mi, po përballet me atë që unë e konsideroj një padrejtësi të rëndë.

Kërkesa dhe vullneti i ynë mbetet e njëjtë: ta përfundojmë Aeroportin e Vlorës dhe ta vëmë në shërbim të qytetarëve. Për këtë kam investuar, për këtë kam punuar dhe për këtë do të vazhdoj të kërkoj drejtësi.

Behgjet Pacolli

APEL PUBLIK PËR QEVERINË E SHQIPËRISË

Pas vendimit të njëanshëm të Qeverisë për ndërprerjen e kontratës së koncesionit për Aeroportin e Vlorës, MABCO, investitori dhe financuesi i këtij projekti, si dhe zotëruesi i 98% të kuotave të VIA-s, u detyrua, në përputhje me kushtet kontraktuale, t’i drejtohej arbitrazhit ndërkombëtar për mbrojtjen e të drejtave dhe investimit të saj.

Më 16 shtator 2026, arbitra e emergjencës e ICC-së, në kuadër të procedurës me seli në Londër, nxori një urdhër paraprak që i kërkon Ministrisë së Infrastrukturës dhe Energjisë të përmbahet, gjatë procedurës së emergjencës, nga çdo veprim lidhur me ndërprerjen e koncesionit që mund të përkeqësojë mosmarrëveshjen ose të cenojë këtë procedurë. Ky urdhër duhet respektuar.

I bëj thirrje Qeverisë që të rishqyrtojë qëndrimin e saj dhe të krijojë kushtet për një dialog institucional dhe konstruktiv.

MABCO NUK KA SYNUAR zgjidhjen e kësaj çështjeje përmes ARBITRAZHIT. Përmes më shumë shkresave, tentativave për takim, thirrjeve për veprime konstruktive dhe shmanjen e pëngesave, kemi kërkuar vazhdimisht zhvillimin e bisedimeve dhe arritjen e një marrëveshjeje civilizuese që do të mundësonte vazhdimin e punimeve dhe përfundimin e aeroportit.

Propozimi ynë mbetet i qartë: të na mundësohet përfundimi i aeroportit dhe vënia e tij në funksion.

Në këtë fazë, kërkojmë që në VIA të këthehet legjitimiteti, puna dhe investimi ynë të respektohen dhe që procesi i përfundimit të aeroportit të vijojë.

I bëj thirrje Qeverisë edhe një herë të zgjedhë dialogun dhe një zgjidhje të dakordësuar. Përfundimi i kësaj vepre dhe vënia e saj në shërbim të qytetarëve, turizmit dhe ekonomisë shqiptare do të ishte në interes të publikut dhe do të shmangte shpenzime të konsiderueshme për procedura ligjore.

Behgjet Pacolli

GJYKIM POLITIK!
Zhgënjyese, e padrejtë e
papranueshme, e dhimëshme e trishtueshme!😡😡😡😡

Sot është një ditë e rëndë për Kosovën, për familjet e Hashim Thaçit, Kadri Veselit, Rexhep Selimit dhe Jakup Krasniqit, për miqtët e për gjithë ne.

Në këtë moment të vështirë, shpreh solidaritetin tim të sinqertë me familjet e tyre. Respektojmë procesin e drejtësisë dhe njëkohësisht besojmë në të drejtën e secilit për të kërkuar drejtësi deri në fund përmes ankimimit.

Qëndroni të fortë. Dhimbja juaj ndahet me ne dhe nga miljona njerëz. 🇽🇰

Përballë kësaj sfide, lufta për drejtësi duhet të përqendrohet tani në procesin e ankimimit dhe në kundërshtimin e vendosur të kësaj padrejtësie.

Nesër jepet verdikti për burrat që prej vitesh mbahen në Hagë: Hashim Thaçi, Kadri Veseli, Jakup Krasniqi, Rexhep Selimi dhe bashkëluftëtarët e tyre.

Këta emra, këto familje që presin, seicila prej tyre është një histori njerëzore në vete që sot mbajnë mbi supe peshën e një pritjeje të gjatë, të dhimbshme dhe të pasigurt.

Pas këtyre emrave qëndrojnë prindër, bashkëshorte, fëmijë, vëllezër e motra, miq që çdo ditë presin një lajm, një fjalë, një shpresë. Qëndrojnë familje që tani kanë mësuar të jetojnë me mungesën, me ankthin dhe me dhimbjen e ndarjes.

Nesër nuk është vetëm një ditë në kalendar. Është një ditë që do të rëndojë mbi zemrat e tyre, mbi familjet e tyre dhe mbi një popull të tërë që e ka përjetuar luftën, lirinë dhe sakrificën.

Ne nuk kërkojmë privilegje. Kërkojmë drejtësi.
Nuk kërkojmë që ligji të anashkalohet. Kërkojmë që ai të zbatohet me paanshmëri, dinjitet dhe standarde të barabarta.

Çdo i akuzuar ka të drejtën e një procesi të drejtë, të pavarur dhe të paanshëm. Drejtësia nuk duhet të jetë hakmarrje, as dënim përpara vendimit. Ajo duhet të jetë e pastër, e argumentuar dhe e barabartë për të gjithë.

Sot, zemrat tona janë me familjet e Hashim Thaçit, Kadri Veselit, Jakup Krasniqit, Rexhep Selimit dhe bashkëluftëtarëve të tyre. Me nënat, baballarët, gratë, fëmijët dhe të gjithë ata që kanë pritur me vite.

Urojmë që nesër të triumfojë drejtësia, e vërteta dhe dinjiteti njerëzor.

Kosova nuk harron.
Familjet nuk harrojnë.
Historia nuk harron.

Drejtësi për Hashim Thaçin, Kadri Veselin, Jakup Krasniqin, Rexhep Selimin dhe bashkëluftëtarët e tyre. 🇽🇰

I nderuar Zoti Ministër Enea Karakaçi,

Ju drejtohem publikisht dhe institucionalisht me një apel në emër të korrektësisë, ligjshmërisë dhe, mbi të gjitha, interesit të qytetarëve shqiptarë:

Na lejoni ta përfundojmë projektin e Aeroportit të Vlorës.

Zoti Ministër,

Prej më shumë se nëntë muajsh ju kemi drejtuar shkresa dhe kërkesa të përsëritura për një takim me ju. Kemi ardhur personalisht dhe kemi pritur për ditë me radhë në koridorët e ministri së juaj me shpresën se do të na jepej mundësia t’ju paraqisnim drejtpërdrejt problemet, pengesat dhe padrejtësitë që, sipas vlerësimit tonë, po i shkaktohen projektit nga veprimet dhe mosveprimet e institucionit që ju drejtoni.

Bëhet fjalë për një projekt koncesionar të lidhur me kompaninë tonë përmes një kontrate të nënshkruar me institucionet e shtetit shqiptar dhe për një investim me vlerë prej qindra milionë eurosh.

Në muajin mars, kompania jonë ishte e gatshme të hynte në fazën e certifikimit dhe të avanconte drejt përfundimit të projektit. Megjithatë, punimet u bllokuan në rrethana që ne i konsiderojmë të paligjshme dhe me përfshirjen e strukturave të Policisë së Shtetit. Në një moment të tillë, kur prisnim që institucioni përgjegjës të mbronte ligjshmërinë, kontratën dhe interesin publik, nuk pati ndërhyrjen institucionale që situata kërkonte.

Kompania jonë ka detyrimin ligjor dhe moral të mbrojë investimin e saj, kontratën dhe të drejtat që burojnë prej saj. Por qëllimi ynë nuk është të ndëshkojmë shtetin shqiptar dhe aq më pak qytetarët shqiptarë.

MABCO kërkon zgjidhje, jo konflikt, JO ARBITRAZH por nese nuk na leni rrugë tjetër, atëherë nuk është përgjegjësija e jonë.
Mabco kërkon vetëm ligjshmeri dhe legalitet. Mabco nuk kërkon privilegj.
Mabco kërkon vetëm që t’i lejohet të përmbushë detyrimet e saj dhe ta çojë deri në fund projektin e Aeroportit të Vlorës, por në menyrë legale.

Prandaj ju bëjmë edhe një herë thirrje që të ndërhyni institucionalisht, të garantoni respektimin e ligjit dhe të kontratës dhe të krijoni kushtet që ky projekt të përfundojë. Ju e dini se nuk ka pas dhe nuk ka snje urdhëresë e as ndonjë shkesë gjyqësore qe do të bllokonte për më tepër se 6 muaj hyrjen tonë në kantjer për ta kryer deri në fund këtë vepër. Kemi kërkuar ndihmën e juaj por asnjë shenjë nuk keni treguar në interes të kryerjës së kësaj vepre por mos e harroni se sot unë po perballem edhe me kredinë e BKT kredi të cilën mbi 60% e ka shfrytezuar pala konflituote për pagesat e faturave për punët qe ai pretendon se i ka kryer.

Ju e dini fare mirë këtë Zoti Ministër dhe ndoshta kjo është edhe arsyeja qe ju deri sot nuk keni dhëne miratimin e juaj për një auditim tekniko financiar të cilin e kërkojme qe nga tetori i vitit të kaluar.

Aeroporti i Vlorës ka potencialin të bëhet një margaritar i infrastrukturës shqiptare, një projekt strategjik për turizmin, ekonominë dhe zhvillimin e vendit, si edhe një shembull suksesi i bashkëpunimit ndërmjet shtetit shqiptar dhe një kompanie me eksperiencë ndërkombëtare.

Historia e kompanisë sonë flet vetë: projektet që kemi ndërmarrë janë të shumta dhe janë realizuar dhe përfunduar me sukses shëmbullor.
Ne dëshirojmë që edhe Aeroporti i Vlorës të jetë një histori suksesi për Shqipërinë dhe për ne të gjithë.

Zoti Ministër, koha për veprim është tani!
APELOJ tek ju të mundësohët vazhdimi i punës dhe të përkryhët ky projekt!

Andaj, ju bëjmë thirrje që, ju lutemi, në emër të ligjit, përgjegjësisë institucionale dhe interesit të qytetarëve shqiptarë, të na jepni mundësinë ta përfundojmë këtë projekt.
Ne nuk kemi kërkuar snjëher dhe nuk kërkojmë favore apo privilegje por drejtësi ligjore, pa ndërhyrje.

Me respekt,
MABCO

https://short.do/pth2v3

TikTok · albaniannews10

11 Shtatori!

Sot, 25 vjet pas tragjedisë së 11 Shtatorit, kujtojmë me dhimbje mijëra jetë të pafajshme që u shuan dhe nderojmë heroizmin e atyre që sakrifikuan veten për të shpëtuar të tjerët.

Për ne në Kosovë, dhimbja e popullit amerikan është edhe dhimbja jonë. Amerika ka qëndruar pranë Kosovës në momentet më të vështira të historisë sonë, ndaj edhe ne sot qëndrojmë me zemër pranë popullit amerikan.

Miqësia ndërmjet Kosovës dhe Shteteve të Bashkuara është një lidhje e ndërtuar mbi vlera, besim dhe mirënjohje që nuk harrohet.
B. Pacolli

Me vëllezërit e mi, para fillimit të një dite tjetër pune, në një nga kantieret tona, ku sot janë të angazhuar mijëra punëtorë, inxhinierë, arkitektë dhe drejtues shqiptarë.

Suksesi i Mabetex Group është ndërtuar mbi punën profesionale, por mbi të gjitha mbi njerëz të sinqertë, të besueshëm dhe dinjitozë. Njerëz që e mbajnë fjalën, respektojnë besimin që u është dhënë dhe e kuptojnë se përgjegjësia, ndershmëria dhe besnikëria vlejnë më shumë se çdo interes i përkohshëm.

Në biznes, ashtu si edhe në jetë, koha i ndan qartë njerëzit në dy kategori: ata që ndërtojnë mbi BESIMIN, NDERSHMËRINË dhe FJALËN E DHËNË, dhe ata që përpiqen të pasurohen duke keqpërdorur pikërisht besimin që u është dhënë.

Rasti i njohur, po e dini për kend po mendoj do të mbetet një shembull i shëmtuar i shpërdorimit të besimit dhe i përpjekjes për të përfituar nga puna, djersa dhe sakrifica e të tjerëve. Besoj se një ditë edhe ky rast do të dokumentohet e do të shkruhet, si mësim se deri ku mund ta çojë njeriun lakmia dhe mungesa e moralit.

Përvoja ime mbi 50-vjeçare në biznes më ka mësuar se reputacioni ndërtohet me dekada, por mund të shkatërrohet brenda një dite. Ata që punojnë me ndershmëri lënë pas vepra dhe respekt; ndërsa ata që ndërtojnë mbi mashtrimin dhe keqpërdorimin e besimit, herët apo vonë, përballen me të vërtetën dhe me pasojat e veprimeve të tyre.

Besimi është kapital. Ndershmëria është themel. Pa to, çdo sukses është vetëm i përkohshëm.

Krenar për njerëzit e mirë që na kanë qëndruar pranë dhe që, me punën e tyre të ndershme, vazhdojnë ta çojnë Mabetex-in përpara.