Kolegio Sur Herman Joseph RKCS

Djabièrnè 25-09-2026
Nos grupo di 'T-ball' tabata na turno pa bish*tá beisbol.

Nos muchanan a disfruta !

apertura di luna septèmbèr.
E biaha aki tabata na enkargó di Grupo Trinitaria. Maestronan i alumno a krea un presentashon ku nos tema di luna.
Mi kurpa- Mi kas- Mi skol.

Tambe nos a kanta pa selebra bida ku yùf Lizanne ku tabata di fiesta.
Hip hip hoera pa yùf Lizanne.

Proverbionan 22:6 "Eduká un mucha den e kaminda ku e mester bai, i mas despues, ora e bira bieu, e lo no kita afó."

Djárason 09 di septèmbèr KSHJ tabatin su promé anochi di informashon pa mayor.

KSHJ a duna mayornan informashon di nos mishon i vishon komo skol. Tambe riba nos reglanan i struktura di skol

I tambe nos a konsientisa mayornan. Pa nos ta unu.
Pa mayor i maestronan kana riba mesun liña pa huntu nos yuda kada alumno den nan desaroyo i tambe edukashon.

Mirando ku loke nan siña awe, lo keda kana ku nan pa semper.

Genesis 12:2 Lo mi hasi bu un nashon grandi i lo Mi bendishoná bo i hasi bo nòmber grandi; i lo bo ta un bendishon.

Ku hopi alegria i bendishon di Dios nos di Kolegio Sùr Herman Joseph a habri aña eskolar 2026-2027 ku un klas mas.
Nos grupo nobo tambe un nòmber di flor, kual ta Beyísima.
Nos ta agradesido na Dios pa e logro aki.
Asina ki nos skol tin un total di 5 klas di ZMLK pa brinda nos muchanan enseñansa na nan nivel i teniendo kuenta ku nan nesesidat i abilidatnan.
Pastor despues di sakrifisio di Misa, a bendishoná e lokal pa nos skol.
Huntu nos ta un famia. Kolegio Sùr Herman Joseph pabien ku e logro aki.

Proverbionan 3: 5-6
Konfia den Señor ku henter bo kurason, i no dependé riba bo mes komprondementu.
Den tur bo kamindanan rekonos'E, i E lo dirigí bo berehanan.
Ku un kurason yen di gratitut nos di Kolegio Sùr Herman Joseph a selebrá ku nos 3 alumnonan ku a finalisá nos skol.
Un trayekto satisfaktorio trahando huntu ku maestro, mayor i alumno.
Nos ta desea nos alumnonan tur klase di éksito den nan komienso nobo den nan bida.
Nos ta orguyoso di boso.

Marko 9:23 Hesus a bis'é " Si bo por! Tur kos ta posibel pa esun ku ta kere !

Ku hopi motivashon i perseveransia un grupito di alumno di Kolegio Sùr Herman Joseph a logra pasa nan diploma A di landamentu.
Nan a kere i nan a logra !
Pabien na nos alumnonan ku nan logro.

Awe nos a kanta pa selebrá bida huntu ku yùfrou Cihainy.
Yùfrou Cihainy tabata di fiesta den wikènt. I Awe nos a selebrá. Di parti KSHJ kompletu nos ta desea yùfrou Cihainy, hopi aña mas di bida, salú i bendishon.

Hip hip hura pa yùfrou Cihainy

Bos di hubentut a hasi nos un bish*tá pa konsientisá nos muchanan pa nan Respetá nan kurpa i siña otro hende tambe pa respetá.

Den formá di kantó i bail'é nos muchanan a siña. Pa bisa tur hende tene bo man na bo kurpa!

Un danki na henter e tim di bos di hubentut i SOAW ku a hasi e mainta aki posibel. Sigui ku e bon trabou!

Grupo Tuturutu tabata enkargá pa habri luna pa nos. Kual nos a pone atenshon na e palabra 'Pordon'.

I tambe nos a kanta pa yùfrou Sully kual tabata di fiesta den fakansi.
Di parti KSHJ kompletu nos ta desea yùf Sully hopi aña mas di bida i salú.