elthayef
Partager
التحايف على كل الوان
سلام عليكم لحباب
علابلنا عندنا مدة مابناش و اليوم جينا بخدمة جديدة عند محل بيت بلادنا مختص في ماكولات فلسطنية و الي ننصحوكم تزوروه.
العمل يمثل في ملصق كبير و حبينا نديرو عمل يربط بين الجزاير و فلسطين و علا هدا خيرنا قصيدة من الشعر شعبي الملحون الجزائري "لا تقطع لياس يا الراجي رحمة الله" و تعني : يا من ترجُو رحمة الله، لا تفقد الأمل؛ فرحمة الله مفتوحة لمن يرجوه ويتوجه إليه.
و مثلنا مدينة يافا الفلسطنية المحتلة المعروفة بالتشينة على شكل يد تقطع في حبة تشينة بمعنى ماتقطعش حاجة تنبت عندك و ما تقطعش حاجة عندك امل فيها.
و الي حب يشري الملصق نعلمكم انه راح يكون عن قريب متوفر عند بيت بلدنا.
17/02/2026
سيدي محمد شريف من أقدم جامع في مدينة الجزاير و عندو مكانة خاصة لناس لمدينة و حتى الفنانين لكبار جسدوه في أعمالهم الفنية مثل منمنمات محمد راسم في لوحته "ليالي رمضان في الجزاير" و الرسام الفرنسي بول غيون.
للاسف غير ما في يوم 22 ديسمبر 2025 راب جزء من هدا المسجد التاريخي الذي قاوم كل العصور يعني تقريبا 5 قرون.
و مع لي قرب شهر رمضان حبينا نفكرو الناس بمسجد سيدي محمد شريف و نتمناو لهم "صحا رمضانكم" على طريقتنا الخاصة. بصح الوقت لي لحقنا ليه كيفاش تبلغ لشخص قريب ليك التهاني بدون رسائل إلكترونية. كيفاش كانو يديرو زمان ؟
خممنا في بطاقة بريدية على الطريقة القديمة باش نبقاو في الطابع لقديم و بتصميم غرافيك خاص بنا و بعد ما طبعناها حطينها في مختلف ديور الجزاير و بدون نية اشهار لان الاهم و المهم الرسالة تلحق : تصوموا بالصحة و الهناء، تعيش القصبة و البهجة لا يزول شانها.
قهوة، شعبي، ملاكوف و الجزاير
Catégorie
Contacter la personnalité publique
Site Web
Adresse
47 Rue Sidi Driss Hamidouche. Casbah
Algiers
Notifications
Soyez le premier à savoir et laissez-nous vous envoyer un courriel lorsque elthayef publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.