Biolla Blida

قررت ندير تخفيض لدورة صناعة الصابون الطبيعي
راهي 100ألف برك باش
لي حبت تبدا مشروع تنجم تبدا منها
العرض محدود المدة 🙏

البارح كنت في فاميلي شوپ تع البليدة لي يعرفوه فقسم السكين كير و كذا نسمع زوج يهدرو حتى نسمع بيولا فالموضوع قلت وقيل وحدوخرا مشي انا حتى قالت لصحبتها شفتها في لاباج تع بيولا بليدة هذيك لي تحط نصائح تع العناية وبداو يقلبو فالمكونات تع البرودويات ملور وانا حرفيا واقفة موراهم 🤣😭🤌 اذا قراو هذ البوسط نقلهم شكرا لمتابعتي ايتها الكيوتات محبيتش نزدم عليكم 🤣 مي برافو قدما فرحت لي البنات ولاو يعرفوني فرحت كثر كي وليتو تعرفو بلي اي منتج تشروه لازم تقلبو مكوناتو اولا و متنخدعوش بالاسعار الصح دايمن فالمكونات و ان شاء الله هذ العقلية تتعمم لانو وصلت نشوف نسا يشرو صوالح تهرد البشرة و الشعر بلا ميفيقو.
المهم كنت نشوف فيكم هكا 👇👇🤣
بيولا ☘️

الليزر المنزلي لازالة الشعر احسن استعمال ليه هو بعد ليزر العيادة باش تحافظو عالنتيجة اصرفو دراهمكم بذكاء 🤌
بيولا☘️

علاج توسع المسامات ✅
قلتلكم فالمنشور لي فات عندكم 2 منتجات تسحقوهم اللول النياسيناميد و الزاوج الهيالورونيك أسيد الماركات لي راهم فالصورة بالنسبة للنياسيناميد عندكم bionnex و لا numbuzin+5 ملاح في زوج خيرو واحد و اشروه من اي صيدلية (السعر تعهم بين 300و 400 لانو المواد لي داخلهم نوعية ممتازة متقوليش غالي هذا سعر معقول بالنسبة للجودة🤌وجهك يستاهل الافضل) بصح انا نفضل numbuzin لانو فيه مكونات شابين و الهيالورونيك راه متوفر عندي ب 200 ألف كاين توصيل لكامل الولايات ، هذ الزوج سيرومات يمشو مع بعض لاحسن نتيجة راح يصغرولك حجم المسامات + ينحولك التصبغات بالمداومة + وجهك يولي أفتح و تلاحظي فرق فالاشراقة و ليطاش يروحو + بشرتك تولي رطبة و الحاجز تع البشرة ينجبد بفضل الهيالورونيك لي راح يخلي البشرة مايهة و مرنة كيما المطاط و يمدلك الايفي تع ال glass skin كي ديريه مع النياسيناميد
يعني فبلاصة ديري مليون منتج بلا نتيجة استثمري في هذ الزوج داومي عليهم و ادعيلي بالخير 👌
بالنسبة للي سقساوني على طريقة الاستعمال
الهيالورونيك تستعمليه على بشرة مندية بالما يعني اغسلي وجهك متنشفيهش ديري السيروم و طبطبي بالاصابع حتى تمتصو البشرة بالكامل بعدو تقدري ديري بخمس دقايق ديري المرطب تعك
اما النياسيناميد استعمليه مرتين بالاسبوع مساءا فالبدية لانو مادة فعالة لازم بشرتك تتعرف عليه بالتدريج حطيه على بشرة جافة بعد الهيالورونيك هكذا البشرة تعك تكون ديجا محمية بالهيالورونيك باش متنخلعش بالنياسيناميد مباشرة .
كي توالفيه ديريه يوميا عادي و راح تشوفي الفرق بالمداومة عالاقل 3 اشهر ماشي ديرو سمانة و لا شهر وتحبسو 🤌
نصيحة اضافية للي عندهم مسامات ، واقي الشمس اهم حاجة فروتينكم تع الحماية تفاداو الشمس و الما السخون فالدوش و الهوا السخون تع السشوار و الفور
متستعملوش ثاني التقشير الحبيبي تع السكر القهوة الخ لانو يزيدو يتوسعو المسامات .
اذكر المصدر بحالة اعادة النشر
تابعيني للمزيد من نصائح بيولا☘️

لي عندها هذ المشكل تع المسامات عندك 2 منتجات برك تسحقيهم
1 سيروم نياسيناميد
2 سيروم هيالورونيك
ورديلي الخبر 🙂🤌

البنات لي متقدرش تستغنى على ليسور و السشوار 🤌🙂 عالاقل استعملوهم بالطريقة الصحيحة باش متخسروش شعركم
اولا قبل منستعملو ليسور و لا سيشوار نستعملو بخاخ مضاد للحرارة باش تحمي شعرك خاصة لي شعرهم ناشف (راني حطيتلكم تصاورهم )
ثانيا الشعرة تدمر كي تكون الحرارة 215 و طلع ، ريڨلي ليسور تعك على درجة 160 ° متتجاوزيهاش و قسمي شعرك لخصلات رقاق مشي خشان و مجوزيش على نفس الخصلة عدة مرات فنفس الوقت خليها تستوعب السخانة ديري خصلة وحدوخرا و ارجعي ليها حتى يتليسا شعرك
جامي تستعملي ليسور على شعر شامخ او مندي خليه ينشف لانو هذاك البخار لي يطلع معنتها الما تغلى داخل شعرك و تبخر يسما قبل ليسور نشفي شعرك بالعقل بمنشفة تع القطن اذا معندكش اشري تريكو تع قطن 100% و امسحي بيه بصك السرابت العاديين يكسرو الشعر كي تحكي شعرك بيهم بعدما تنشف زيدي استعملي السشوار بحرارة معتدلة ملفوق للتحت مع اتجاه نمو الشعر مشي لخبط خربط فكل الاتجاهات باش ميطلعش وبعديه على فروة راسك بحوالي 20سم قيس مسطرة و كي ينشف استعملي ليسور عادي و من الاحسن بعد ليسور تستعملي سيروم يوالم نوعية شعرك باش يبقى رطب وباش تتفاداي تستعملي الحرارة يوميا كيما قلتلكم مقبل ننصحكم بالقردون شعرك يقعد مسرح و محمي .
اذكر المصدر بحالة اعادة النشر
تابعيني للمزيد من نصائح بيولا☘️

كل مشكلة عندها حل مع بيولا☘️🙃
حابة تفتيح ؟ حطي سيروم فيتامين سي و واقي الشمس يوميا ✅
حابة تتهناي مالتصبغات و المسامات الواسعة ؟ حطي سيروم نياسيناميد وواقي الشمس ✅
حابة تتخلصي من جلد الوزة ؟حطي لوشن حمض اللاكتيك و لا اليوريا ✅
حابة تتهناي مالرؤوس السوداء ؟ حطي ساليسيليك اسيد ✅
حابة تتهناي مالحبوب لي تخرجلك فجأة : نقصي الستراس ، كولي صحي ، متمسيش وجهك بيدك ، متستعمليش منشفة، مديريش منتجات نوعية رديئة
حابة تولي تعرفي تشري منتجات سكين كير ؟ جامي تشوفي فلومبالاج تع المنتجات مالقدام اقراي المكونات ✅
حابة تحاربي التجاعيد ووجهك يولي معمر و فيه نضارة صحية ولمعة ؟ استعملي سيروم الهيالورونيك أسيد و كولي بزاف مضادات الاكسدة ( الفاكهة خاصة) و استعملي الريتينول (ممنوع للحامل و المرضعة) ✅
حابة شعرك يولي ميطيحش وحريري ؟ ديري ليزاناليز شوفي وش خصك فيتامينات واشربيهم و ديري ماسك مرطب مرتين بالاسبوع فيه هيالورونيك أسيد و استعمليه مع بديل الزيت بعد الدوش ✅
حابة تتهناي مالقشرة تع الشعر ؟ اغسلي بشامبو كيتوكونازول ،و شلي بماء + قطرات خل التفاح مرتين بالاسبوع ✅
حابة تفتحي المناطق الحساسة فالجسم؟ استعملي لوشن اللاكتيك اسيد و رطبي مليح متلبسيش لبس ضيق أو الوان ملابس داخلية داكنة ولا قماش نيلون او بوليستير خليها ديما قطنية ✅
اذكر المصدر بحالة اعادة النشر
تابعيني للمزيد من نصائح بيولا ☘️

تفتيح الابطين 🤔 لي سقساوني على طريقة التفتيح بالنسبة للي عندهم منطقة الابط داكنة على بقية الجسم أحسن حاجة تستعملوها ماهيش الجليكوليك اسيد كيما راهم يروجولكم فالتيكتوك الخ لانو المنطقة هذيك حساسة و الجليكوليك قاوي عليها الأحسن تستعملو حمض اللاكتيك تلقاوه فلوشن Amlactin فالصيدلية يقشر السطح تع الابط بلطف بلا ميديرلك حساسية و يزيد يهنيك من ريحة العرق لانو يقتل البكتيريا الضارة وتقدري تستعمليه عالركب ثاني و الاكواع ولجلد الوزة يعني يستاهل تشريه ،البديل الطبيعي تعو هو الزبادي بصح يطول بزاف باش يمدلك نتيجة 🙏👋
اذكر المصدر بحالة اعادة النشر
تابعيني للمزيد من نصائح بيولا☘️

شكون مزالها دير القردون؟🤔
كخبيرة تجميل نشوف هذ الطريقة أفضل طريقة للحفاظ على الشعر ، القردون هو هذا الخيط القماشي لي نلفوه على الشعر يحفظ الشعر من التقصف لكن اذا حابين تستفادو منو مليح لتنعيم الشعر لازم تبعو هذ الطريقة : بللي اطراف الشعر اولا بالماء حتى يولي مندي ، جيبي فازلين او زيت جوز الهند وادهني الاطراف كلها راح يخترق الشعرة و يرطبها من الداخل بعدها تلفو القردون حول الشعر كيما فالصورة حاولو فقط مديروهش مشدود مالفوق . طبعا القردون نوصي بيها نهارا لانو ليلا صعب نرقدو بيه راح يحمي و يساعد فنمو الشعر دون تكسر ويغنيك عن السشوار بالمداومة.
بيولا☘️

كيفاش يأثر الماء لي ندوشو بيه على صحة شعرنا 🤔
اخر حاجة ممكن تجي في بالك انو الما لي راكي تغسلي بيه هو السبب فتقصف الشعر تعك و الجفاف و القشرة ( هذي كي يكونو عندك هذ المشاكل و نتي صحيا لاباس ) الماء لي راه يجينا فالحنفيات كامل نعرفوه طيح شويا شتا يجي محجر و فايح و كي تحبس يجي معمر جافيل (الكلور) المشكل ماشي تع شرب برك المشكل انو نوعية الماء تأثر على شعرك ثاني ، محطات المياه في فترة معينة مالعام يطلعو نسبة الكلور والتعقيم هذا الكلور سيدتي يقتل الزيوت الطبيعية اللي تفرزها فروة الرأس باش تحمي روحها ويخلّي الفروة تحك و ديرلك القشرة و تنشف
هو الماء يخرج نقي من المحطة بصح كي يفوت على أنابيب قديمة ولا متآكلة فالحومة راه معاه جزيئات مجهرية تاع الصدأ والمعادن و هادوك الشوائب يلصقو في الشعرة،يطفو لمعانها ويخلو الشعر يولي باهت و يتقصف خاصة المصبوغ .لي يبدلو البلايص و يسافرو راهم كامل ينتبهو لهذ الشي و يفهمو واش نقصد .
نزيدو مشكل السخونة كي نغسلو شعرنا بما سخون الحرارة هذيك تفتح الشعرة هنا وين يدخل الكلور والمعادن الثقيلة للقلب تاع الشعرة ويهرسو الروابط البروتينية اللي مسؤولة على قوة شعرك ومرونتو سما شعرك مهما يكون ليس يتخبل ( هنا لي شعرهم يطلع كي يدوشو و يتنفخ هذا هو السبب الشعرة كي تفقد الوزن تعها تولي خفييفة و تطلع بالخف )
نزيدولها ​تبدال الأماكن، الما ماشي كيف كيف بين الحي والحي ولا بين ولاية و ولاية (الما تاع البير ماشي كيما تاع السدود ولا التحلية ). كي تبدلي البلاصة ولا تسافري شعرك يتصدم بهذاك التغير المفاجئ في نسبة الكالسيوم لي فالما وتلقاي روحك قدام صدمة تساقط مؤقتة وملمس حرش صعيب يتسڨم بالزيوت وحدها و نتي مجيش في بالك بلي الما هو السبب وديرو في بالكم نفس التأثير راه على البشرة تع الوجه.
ضك نجو للحل باينة مراحش نقوللكم اغسلو بالسعيدة🤣
الحل ساهل ماهل باينة منقدروش نبدلو الما مالا لازم نديرو حاجة تصفيه ، وهذ الحاجة هي الفلتر تع الماء اذا كنتو تبعو المشاهير العالميين اكثرية يرفدو الفلتر هذا فليباڨاج تعهم ميسافروش بلابيه باش ميتضررش شعرهم هذ الفيلتر تشروه عند الكانكيري و لا فليپاج تع واد كنيس يتباع فكل مكان اسمو filtre anti- calcaire يتركب فالعين و لا فالدوش تعك وتغسلي بكل أمان كاين حتى لي يتباعو بعدة رؤوس للدوش و المطبخ الخ🙏
اذكر المصدر بحالة اعادة النشر
تابعيني للمزيد من نصائح بيولا☘️