PayWise

بريطانيا تلحق بأستراليا و الدانمارك و تركيا والعديد من الدول الاخرى .. وتستعد باه تمنع المراهقين أقل من 16 سنة من مواقع السوشيل ميديا!

رئيس الوزراء البريطاني، كير ستارمر، قال ان القرار تاريخي وسيكون مشابه للقانون الاسترالي للأطفال دون الـ 16 سنة والحظر سيشمل استخدام تطبيقات كيما TikTok، وInstagram، وSnapchat، وX.

القرار ما جاش من فراغ؛ الحكومة لقات ضغط كبيير من أولياء الأمور والجمعيات بسبّب الأضرار النفسية تع الـ Endless Scrolling وتأثيره على النوم وصحتهم العقلية.

من جهة اخرى، شركات كيما Meta راهي واجدة بأنظمة الـ AI تع تقدير السن وفيديو سيلفي، بصح التحدي الكبيير يبقى في حيل المراهقين لي قادرين يتجاوزوا النظام هذا نورمال.

أنتم واش رايكم؟ المنع تع الدولة هو الحل باش يحمي الصغار، ولا العيب في التربية والهواتف لي راهي في يدين الدراري؟

ميتا أعلنت رسميًا باللي تطبيقها الخاص بالفيديو Edits رايح يدخل فيه مساعد ذكاء اصطناعي (AI Assistant) قوي بزاف، وزيادة عليها رايحين يطلقوا نسخة تع كمبيوتر (Desktop Version).

العفسة المرعبة في هاد المساعد تع الـ AI الجديد، أنه ماشي برك يعدل الفيديو، هاد السيستام رايح يحلل الـ Views و الـ Retention تع إنستغرام ديريكت، وبناءً على هاد الداتا يولي يقترح على صانع المحتوى واش من الأفكار والمواضيع لي راهي تراند وحتا واش من الموسيقى لي تطلعلو الـ Reach!

ميتا حبت تغلق اللعبة قاع، وباش تنحي العقدة تع التعديل على التلفون لي صامط بزاف، رايحة تطلق نسخة الـ Desktop باش تخلي الـ Editors يخدموا براحتهم وباحترافية كبيرة كيما CapCut تع الـ PC.

وزادت فوق هاد الشي ميزات تع A/B testing باش تجرب شحال من فيديو وتشوف شكون يجيب غاشي كثر، مع إحصائيات دقيقة جداً للجمهور.

أنتم واش رايكم؟ تشوفوا باللي Edits تع ميتا رايح يقتل CapCut تع تيك توك، ولا صناع المحتوى والفو كاب كات وماراحش يبدلوه؟

جنسن هوانغ رئيس Nvidia أعلن اليوم على أكبر ثورة في الكمبيوتر الشخصي من 40 سنة، بالتعاون مع Microsoft بعد 3 سنين من العمل في مشروع سري.

الحكاية لي نعرفوها ووالفناها تاع افتح تطبيق وكليكي على قفلة انتهت رسميا. Nvidia اليوم أعادت اختراع الكمبيوتر من الصفر بشريحة مرعبة اسمها RTX Spark. الهدف هو أن جهازك يرجع هو الـ AI Agent ديالك، يخدم كلش محليا (Local) بلا أنترنت وبلا سحابة (Cloud)، يفهمك ويكلمك بلغتك وينفذ مهامك مباشرة.

هوانغ شبه هاد اللحظة بالانتقال من التيليفون العادي للهاتف الذكي. والمفاجأة أن هاد الشريحة هي نفسها فئة N1x لي شاركنا تسريباتها معاكم البارح، واليوم تأكدت رسميا بهاد المواصفات المرعبة:

✅ القلب النابض (Blackwell): معالج رسومي معمر بـ 6,144 نواة CUDA من معمارية الجيل الجديد لـ RTX 50، مع معالج مركزي بـ 20 نواة مخدوم بالتعاون مع MediaTek بدقة تصنيع 3 نانومتر تاع TSMC (الشريحة فيها 70 مليار ترانزيستور).

✅ رام خيالية: ذاكرة عشوائية مشتركة بسعة 128GB وبسرعة نقل بيانات توصل لـ 600GB/s، باش النماذج الضخمة تاع الذكاء الاصطناعي تدور في الجهاز بكل خفة.

✅ شاشة وألعاب: الأجهزة راح تجي بشاشة Tandem OLED الفخمة، وتقدر تشغل ألعاب ثقيلة مباشرة كيما Forza Horizon 6 ولعبة 007 First Light بدقة 1440p مع تتبع الأشعة (Ray Tracing) وتقنية DLSS.

هاد الأجهزة راح تخرجو شركات عملاقة كيما ASUS و MSI و Dell. باختصار بكري كنت تفتح برنامج وتكليكي، اليوم راح تهدر مع الكمبيوتر وهو يديرلك كلش.

واش رأيكم في هاد الفكرة؟ وهل تبانلكم بلي الـ PC لي نعرفوه راح يموت رسميا؟

🚀 تخيّل تطلق حملاتك الإعلانية و TikTok يرجّعلك دراهم لي صرفتهم 💸🔥

مع حسابات TikTok Agency تقدر تستفيد من نظام Cashback رهيب يوصل حتى لـ 6000$ Ads Credit 💰

💳 مثال بسيط:
✨ تصرف 200$ ➜ يرجعولك 200$
✨ تصرف 500$ ➜ يرجعولك 500$
✨ تصرف 1000$ ➜ يرجعولك 1000$

وش تستفيد معانا؟ 👇

✅ حسابات Agency قوية وثابتة
✅ تخدم بنظام المديونية كيما Facebook Ads
✅ ما تخافش على الرصيد تاعك إذا تسكر الحساب
✅ مناسبة للكوسميتيك والمكملات الغذائية 💊
✅ تبديل الحساب مجانا في حال الغلق 🔥
✅ دعم ومرافقة تقنية مستمرة
✅ Paywise للدفع بسهولة وأمان 💳

🎁 والمفاجأة؟
نعطوك مجانا موقع احترافي لإنشاء Landing Page لأي منتج من مجرد صورة 🤯🔥

📲 إذا حاب تبدأ وتستغل العرض قبل ما يكمل:
واتساب 👇
0797538730

💙 تقدر تشوف مصداقيتنا ومنشورات التوثيق فالصفحة.
👇👇👇
https://www.facebook.com/share/p/1Ducp7PeGu/

في وقت ولى فيه الإنترنت 🌐 عامر إشهارات 📢 وتتبّع 👁️، يجي Pi-hole 🚀 كحل ذكي 🧠 يعتمد على مفهوم DNS sinkhole .

ماشي غير يحبس الإعلانات ❌… بل يبدّل الطريقة لي تتواصل بيها أجهزتك 📱💻 مع النت 🌍!

بدل ما تثبّت تطبيق في كل جهاز 🔄، يخدم على مستوى الشبكة كامل 🏠، ويقطع الطريق على الإشهارات من الأصل ✂️.

النتيجة؟ تصفح نقي ✨، أسرع ⚡، وبلا إزعاج 😌

🚨 الجديد هذا العام بخصوص الأضاحي! 🐑

يبدو أن الرقمنة دخلت حتى في شراء الأضحية 👀
كاين موقع إلكتروني باسم Adhahi يسمحلك تحجز وتشري أضحيتك مباشرة من الانترنت، بدون تعب التنقل ولا الزحام.

💡 الفكرة في حد ذاتها خطوة ذكية: ✔️ تسهيل العملية على المواطنين
✔️ تنظيم السوق
✔️ تقليل الفوضى والمضاربة

لكن… 🤔
المثير للاهتمام أن الموقع راهو شغال، بصح لحد الآن ماكان حتى إعلان رسمي واضح من وزارة الفلاحة.

📌 السؤال هنا: هل هذا تمهيد لإطلاق رسمي قريب؟
ولا مجرد تجربة أولية (Test) قبل الإعلان؟

📊 في كل الحالات، باين باللي كاين توجه جدي نحو الرقمنة حتى في أمور تقليدية كيما الأضحية.

وش رايكم في الفكرة؟
تشوفوها حل عملي ولا مازال الناس تفضل تشوف الأضحية بعينيها؟

نهاية جيل 😓💔

في هاذ الفترة راهو كاين نقاش كبير عالمياً على موضوع تشفير الرسائل في WhatsApp ❌

🔴 بعد تصريحات إيلون ماسك، جا الدور على بافل دوروف اللي قال بلي كاين مشكل حقيقي في نظام التشفير تاع واتساب، خاصة فيما يتعلق بالـ backups (النسخ الاحتياطية).

🔴 الفكرة ببساطة:
حوالي 95% من محادثات واتساب في الأخير تتخزن في نسخ احتياطية على iCloud أو Google Drive، وغالباً هذي النسخ ما تكونش مشفرة بنفس قوة التشفير داخل التطبيق.

🔴 وهنا يبان المشكل الكبير:
حتى لو نتا مفعل النسخ الاحتياطي المشفر، الناس اللي تهدر معاهم في الغالب ما دايرينهاش.
يعني محادثاتك تقدر تكون محمية عندك، بصح تبقى مكشوفة من جهة الطرف الآخر 🙆🏽‍♂️

🔴 السؤال اللي يطرح روحو:
هل فعلاً تطبيقات كيما Telegram و X توفر حماية أفضل مقارنة بـ واتساب؟

💡 الخلاصة:
المشكل ماشي غير في التطبيق، بل حتى في طريقة استخدام الناس له. الأمان الرقمي ما يعتمدش على خيار واحد، بل على وعي كامل بالطريقة اللي راه يتم بها تخزين وحماية البيانات.

راكم كامل تشوفو هاد النوع من الـ
reels
لي فيه الفواكه، بصح في الحقيقة راهي تحمل رسائل خفية ومواضيع حساسة كيما:

❌ الخيانة
❌ الشذوذ
❌ أفكار غريبة كيما “راجل حامل”

هاد الشي ماشي عفوي، بل نوع من التأثير على العقل مع الوقت، وخاصة على الأطفال لي يتأثرو بسرعة 🙆🏽‍♂️

كاين عملية تطبيع (Normalization) راهي تصرا بطريقة غير مباشرة، ومع الأيام تولي الأمور هادي عادية في نظر البعض، وهذا هو الخطر الحقيقي.

واليوم يقولك غير محتوى بسيط أو للضحك، بصح بعد مدة يبان الأثر تاعو، وساعتها ممكن يكون فات الوقت.

خلوكم واعيين، راقبو وش تشوفو وش يشوفو أولادكم، وكونو ديما انتقائيين في المحتوى 👌