Fatema Designer

عروستنا الجميلة كانت بتدور على فستان هادي وسيمبل بس في نفس الوقت يكون مميز وشيك وليه حضور مختلف ✨
بعد تفكير سوا قررنا نروح لجمال الستان السادة بنفشة خفيفة ورقيقة وضفنا عليه كاب قصير من قدام وطويل من ورا بـ ديل هادي يلامس الأرض الكاب بالكامل من الجوبير المشغول ومطرز هاند ميد بالكامل 🤍
وفي البروفة الأولى عينينا لقطت لمسة زيادة قررنا ناخد جزء من قماش الكاب ونضيفه على الحزام وبداية الكم تفصيلة صغيرة وبسيطة جدًا بس بجد نقلت الفستان في حتة تانية خالص وخليته متناغم ومكتمل. 🥰
المغامرة هنا إننا بدأنا في الفستان قبل الفرح بـ ١٧ يوم بس! ⏳
مؤخراً وبسبب ظروفي بقيت برفض تماماً أقبل فساتين زفاف مستعجلة كده بس العروسة دي مش اي عروسة دي كلاينت مميزة وغالية عندي جداً ولينا سابق شغل في كذا فستان ليها ولاختها قبل كده ولما لقيتها مصممة ومتمسكة إن محدش يعمل فستان العمر غيري طبعاً مقدرتش أزعلها أو أرفض لها طلب. 🥹❤️
والحمد لله ربنا يسرها من عنده وطلع بالجمال والشياكة اللي شايفينها دي شوفوا الفستان كامل في الصور.
ألف مبروك لعروستنا القمر وربنا يسعدها يا رب. 🕊️✨

وحشتوني جدًا! ❤️
غبت عنكم كتير، بس غيابي عمري ما كان غياب للشغف، الشغف دايماً بيفضل موجود ومستني اللحظة اللي يرجع فيها ينور من تاني. ✨
الصورة دي مش مجرد رسمة دي رسالة حقيقية ليا وليكم: "أنتِ قادرة على أكثر مما تتخيلين" ✨💪
بعد العيد ومع طاقة البدايات الجديدة حابة أستمد طاقتي منكم ومن كلامكم الحلو ❤️
🔸 للبنات اللي عملوا فساتينهم معايا: شاركوني تجربتكم وصوركم في التعليقات كلامكم وتفاصيل فساتينكم هي اللي هترجع الشغف ده بأقوى شكل. 😌
🔸 ولكل المتابعين: مين متحمسة تشوف فساتين وتصاميم جديدة عملتها ولسه مانزلتش على الصفحة لحد دلوقتي؟ 👗🤔👇
يلا بينا نبدأ بداية جديدة كلها أمل ونجاح.. شاركوني حماسكم! 🥰👇

مضى النصف وبقي النصف الأجمل. اللهم بارك لنا فيما بقي من رمضان، وتقبل منا ما مضى، واجعلنا من عتقائك من النار. 🌙✨

في هذه الحياة، يكفيني أنني أملك أختاً تشاركني الضحكة، والدمعة، وأجمل اللحظات. ❤️🫂