Designy - Des.Sahar

سنه اولى لوجو
اللوجو ده من اقرب اللوجوهات لقلبي لانه كان في بداياتي ...حرفيا كنت لسه مخلصه الدبلومة بقالي سنه وكنت واخده كورس في فن صناعة اللوجو
طبعا أنا ببص له دلوقتي وشايفه كل عيوبه اللي من ست سنين بالضبط مكنتش شايفاها وهو ده فعلا التطور اللي بتقدمه أنفسنا في الشغل ...
اللوجو ده مكون من اول حرفين للعميله ولأن شغلها كان خدمات اجتماعية على مختلف الأصعدة وكمان لايف كوتش اختارنا رمز الايد مع اول حرفين عشان يعبروا عن الدعم وتقديم المساعده ولأنها كانت هتستعمله في السوشيال ميديا بس فاخترنا اننا نعمل تدريجات لونيه من لونين الاخضر اللي بيعير عن الخير وده في مجال الخدمات الإجتماعية والموف اللي بيعبر عن الفخامه في اللي هي بتقدمه ....
اللوجو. ده جيه ع بالي من يومين عشان معايا عميل جميل بعمله لوجو من حرفين وفيهم حرف G ...حقيقي التاريخ ببعيد نفسه لكن اكيد هيكون بمزيد من التطور
انتظروني
وحكاية لوجو جديدة
Des sahar
Designy - Des.Sahar

تتقدم لكم صفحة ديزايني Designy لأعمال الجرافيك بخالص الامنيات وارق التهاني
بمناسبة عيد الأضحى المبارك
اعادة الله عليكم بالخير واليمن والبركات

هو ينفع اشتغل بالموبايل تصميم واجيب منه فلوس ؟؟

سؤال مهم جداا وعلشان نجاوب عليه محتاجين نوضح بعض النقاط
الآن وفي ظل المواقع التي تقدم تصميمات جاهزه ومواقع الذكاء الاصطناعي اصبح كل فرد معه هاتفه يقوم بتنفيذ العديد من التصميمات بجودة ودقه ومهاره وابداع ..
ولكن
هل يصلح ذلك لعمل ؟
في الحقيقه انه يصلح في حالات معينه
اذا كان شغل العميل فقط على السوشيال ميديا بمعنى ادق على الشاشة ولا يخرج للطباعة .
هنا بلا شك فيه يصلح الموبايل لعمل تصميمات وتعديلها وعمل لوجوهات وفيديوهات واجراء مونتاج لها ببرامج المونتاج الجاهزه ويعتبر في هذ الحالة مصدر دخل ممتاز وايضا فرصة تدريب واخراج طاقات ابداعيه للشباب والمراهقين والأطفال اصحاب المواهب الفنية .
لكن
في حالة العمل مع عميل يحتاج مواد طباعية مثل المنيو والبرشورات والكروت وغيرها فهنا قد تصبح مشكله في تضبيط درجات الالوان بما يتناسب مع الطباعة .
لأن الالوان التي تظهر على الشاشة تختلف عن تلك في الطباعة
كذلك لايصلح بعض التأثيرات كعمل ظل او استخدام تدرجات الوان في الطباعة
هنا يمكن الاستعانه بهذه التطبيقات والمواقع لعمل تغذية بصرية
ثم اكمال هذا العمل على برنامج الاليستراتور على الحاسب الالي لضمان تصدير الملف بشكل يصلح للطباعة مع الحفاظ على درجاته اللونيه .
ام اذا لم تكن لديك تلك المهاره وجهاز الحاسب الالي فلا مانع من توضيح ذلك للعميل انك فقط تعمل على الهاتف وليس باستطاعتك انهاء هذه المهمة ويمكنك ان تعمل كوسيط في هذه الحالة لو لديك من الاصدقاء من ينجز هذه المهمه نظير نسبة 10-20% من قيمة الاتفاق بين العميل وبين صديقك وهو أمر غير محرج بالمره فانت لم تنفذ المهمه للامانة المهنية وفي الوقت نفسه لم تخسر العميل وقدمت لصديق لك فرصة للعمل .

اما انت ياصاحب الهاتف الذكي والمواقع الجاهزه فعليك عبء اخر وهو انك لاتحصل على التصميم من تلك المواقع فقط وتقدمه لعميلك فعليك ايضا الجمع والدمج بين اكثر من تطبيق فهذا يمنحك صوره وهذا يمنحك خطوط لتكتب على الصورة وهذا يمنحك انشاء الوجو فتستطيع من هنا انشاء تصميم متكامل يكون فيه مهارتك الابداعية بالتعاون مع تلك المواقع
ولا تنسى صيانة هاتفك باستمرار والتخلص من اي ملفات قديمة اول بأول او نقلها على وسيط محمول كالفلاشات وكذلك تجنب المواقع مجهوله المصدر حتى لاتصيب هاتفك بفيروس او تنتهك بياناتك الخصوصيه فانت الآن بين يديك مصدر رزق يجب ان تحافظ عليه

ونرجع نجاوب على التساؤلات اللي اثرناها في البوست السابق وده اللينك الخاص بيه

https://www.facebook.com/share/p/1BUPAKpwpB/

هل ممكن اشتغل بالديزاين وقت فراغي واربح منه ؟؟
الحقيقة أن دي من الأخطاء الشائعة واللي اوقات بتعتمد عليها بعض المؤسسات أو الأفراد علشان يعملوا دعايه لكورساتهم وكان حد من فترة كاتب ده ع بروفايله بشكل صريح وهو من غير المتخصصين فقط كان تسويق لكورس شامل هيعمله في اكاديميته ...
وعشان نتكلم بصراحه التصميم محتاج
تعليم لمن هو خارج التخصص من فنون تطبيقيه+وقت + خبره
يعني انت فعلا محتاج وقت عشان تدرس وتتعلم ومحتاج وقت تطبق فيه عشان تشتغل ولما تشتغل محتاج وقت عشان شغلك يرضي العميل وبالتالي تكتسب الخبره .
الديزاين مش شغلانه للي ملوش شغل ولا هي شغلانة وقت الفراغ انت ممكن فعلا تملئ وقت فراغك بالتعلم بس لما تنوي تشتغل في المجال هتحتاج وقت عشان تشتغل فيه لانك ممكن تقعد بالساعات عشان تطلع فكره مبتكره وساعات ثانيه علشان تطبق الفكرة دي حتى مع وجود ادوات يسرت الدنيا اكتر زي كانفا والذكاء الاصطناعي بس المصمم الشاطر مش بيعتمد اللي يطلع له منه وخلاص لانه محتاج يعدل عليه وأوقات يعيد الشغل بشكل يدوي بناء ع الفكرة اللي طلعت ليه .
يبقي عايز تشتغل بالديزاين أو التصميم متحطش في دماغك أنه شغل وقت الفراغ لانه فعلا هيسحب منك الوقت
دمتم مبدعين

هو فعلا مجال التصميم مربح مادياً؟؟
هو انا ممكن اشتغل بالتصميم وقت فراغي كده وازود دخلي ؟؟
هو انا ينفع اشتغل في تصميم الجرافيك ؟؟
هو ينفع اشتغل بالموبايل تصميم واجيب منه فلوس ؟؟
طيب ينفع اكون مصمم متخصص ع كانفا أو ذكاء اصطناعي بس ؟؟
أسئلة كتيرررر بتدور في ذهن اي حد عايز يدخل مجال التصميم ...هنتناول الاجابات عليها في مقالات قادمه وهنبدا النهارده بالسؤال الاول
هل فعلا مجال التصميم مربح ماديا وهل فعلا ممكن اقبض بالدولار ؟؟
خلينا متفقين أن المكسب والربح ده رزق وأنه نسبي ومتفاوت ...يعني انت لو شغال فريلانسر ممكن تكسب اكتر من اللي في شركة بس دخلك ده مش ثابت ولو انت في شركة ميزتك أتظليك دخل ثابت بس برضو ممكن تعاني من الثبات والملل نتيجة أن الشركة تكون بتشغل تصميمات خاصة بمجال أو مجالات محدودة فبيكون مجال ابداعه محدود ...
طيب يعني اعمل ايه ؟؟
انت تعمل اللي عليك وبس
بتدرس بتدرب كويس بتسوق لنفسك لو جالك شغل في شركة فهي ميزه انك بتاخد خيره وبتشتغل مع تيم أما لو جالك شغل فريلانسر فهي ميزة انك مدير نفسك وبتقدر تشتغل في الوقت المناسب معاك ..
طيب يعني هو بيكسب ؟؟
التصميم زيه زي اي مجال بيعتمد على شطارتك ووجود بورتفليو قويه ليك أو سابقة اعمال وكمان مهاره تسويقيه انك تسوق لنفسك
فبلاش تعتمد على فكرة انك مجرد ماتدخل المجال هتبقي مليونير
شطارتك وتسويقك لنفسك وسابقة اعمالك هما راس مالك

العميل والمصمم والتعديلات
الحقيقه دي من الحاجات المرهقه جدا والمحبطة اوقات للمصمم التعديلات

بس طبعا منقدرش ننكر حق العميل في التعديلات
وهنا حابه اتكلم عن حاجتين
الأول :- التعديلات المشروعه ودي بتكون تعديلات طبيعية وعادية جدااا لا تمس الفكرة او الالوان الا بحدود بسيطه
بمعنى مثلا ممكن العميل عايز يوسط العنوان بدل مايكون يمين اوشمال اللون مثلا عايزه درجة افتح او اغمق برضو نوع الخط عايز يغيره دي تعديلات طبيعية جداا خصوصا لو العميل ده اول مرة تتعامل معاه ومفيش طبعا بريف يوضح البراند والالوان المستخدمه فيه والخطوط هنا المصمم بيبدأ يتعرف على وجهة نظر العميل وسبب استخدامه للخطوط او الالوان دي وطبعا للمصمم حق ابداء الرأي الفني فيه وتوضيحه للعميل وفايدته من عدمه وبرضو للعميل الحق في القبول او الرفض وهنا لازم العميل يفهم ان التعديلات دي ليها حدود مش لاحدود لها خصوصا لو في الخطوط أو الالوان اما لو تخص اتجاه الكتابة او وجود بعض الاخطاء الاملائية فهي حق مشروع تماما .

نيجي بقى للتعديلات غير المشروعه ودي
ثانيا :- التعديلات دي بتشمل ايه نسف الفكره تماما بعد الاتفاق المبدئي عليها وعجبت العميل وبدأ الشغل مع المصمم ياخد مساره وهنا بقى يجي العميل يقوله طيب ممكن نغير الفكرة
هنا بقى ده مش تعديل ده اتفاق من اول وجديد ولازم العميل هنا يفهم النقطة دي
انا كصمم بقدم للعميل فكره او اثنين بالكثير ويختار بينهم ويعدل فيهم ويسأل اللي عايز يسأله عن رأيه ويعمل كل حاجه في المرحلة دي لو في المرحلة دي طلب تغيير الفكرة تمام من حق المصمم عليه عمل فكره اضافية وحسب الاتفاق بمعنى ممكن اتفق مع العميل اني هقدم فكرتين لو هنعمل فكرة ثالثه تكون بحساب مختلف وبرضو حسب رضا العميل على الإتفاق من عدمه وللاسف هنا أغلب المصممين بيهدروا وقتهم ومجهودهم ويقدموا للعميل عشرات الافكار لدرجة بتوصل العميل انه يقعد ياخد من كل فكرة نطفه وفي النهاية عمل مشوه تماما
هنا عزيزي المصمم قدم فكرة او اثنين بالكثير معجبوش العميل قدم فكرة ثالثه باضافة بسيطة على حسابك عشان تدي العميل فرصه يختار لأنك حاولت تقدم افكار بناء على طلبه هو واللي شايفه هو مش اللي انت شايفه
وبلاش تسمع للعميل اللي يقولك فكر انت او هات من افكارك انا مش هفهم اكثر منك انت هنا وقعت في فخ اللانهاية من الافكار وعدم الرضا من العميل لأن العميل ده مش عارف عايز ايه فالافضل تاخد منه اقرب حاجة يكون شايفه انه عايز من روحها .
اذاً
لما العميل يطلب تغيير الفكرة تماما يبقى هنا دخلنا في اتفاق جديد مش تعديل خالص وهنا على العميل دفع مستحقات المصمم عن الفكرة او الفكرتين كامله ثم اتفاق جديد للفكرة الجديدة .
للاسف قابلت احد العملاء اللي اتعاملت كده وكانت تقدم الفكرة اللي عايزه شبهها ولما اعملها ترجع تقولي عملت استفتاء طلعت مش مناسبة وحاولت اساعده كثيررررر في الاخر عملت تقريبا 3 افكار باتفاق جديد وكان العميل موافق جدا يدفع كل مره ثمن الفكرة الجديدة بس كأخلاقيات مهنه مع ثالث فكرة طلبت منه انه يعمل كل استفتائته ويشوف مدى مناسبتها والالوان والتعديل اللي هيتم عليها لأني استحرمت يدفع قصاد كل فكره ..
طبعا للاسف عميل زي ده ممكن يكون فرصه لاصحاب النفوس الضعيفه ولكن اخلاقيات المصمم كفنان وانسان بيشتغل باحساسه قبل مايشتغل بايده على الكمبيوتر تمنعه انه يستغل عميل مش فاهم او تايه
من هنا عزيزي العميل حدد فكرتك واعرف انك في حال تغيير الفكرة تماما هتدفع هتدفع
اما لو التعديلات بسيطة زي ماذكرتها اعلى البوست فدي مشروعه وبرضو محدوده
حدد اتفاقك وامورك مع عميلك كمصمم
وانت عزيزي العميل المصمم ليس آله تضغط زرها يقدم لك ايس كريم 😃😃😃😃

تناولنا في البوست السابق فكرة الحصول على ملفات العمل وهل هي تحق للعميل أم لا وكذلك حق المصمم في نشر العمل الذي قام بتصميمه ومايقابله برفض العميل
في الحقيقه فأن الأمر يعتمد كما ذكرت على الاتفاق المسبق ولكن في حالة اذا كان الاتفاق لايرضي الطرفين ؟؟؟!!
في رايي الشخصي فإن للعميل حقين :-
حق الحصول على ملفات العمل
حق عدم السماح للمصمم نشر اعماله اذا كان فيه ضرر يخصه
والمصمم له حقين :-
حق الحصول على مبلغ اضافي نظير تسليم ملفات العمل لأنها من الممكن ان تيسر العمل لشخص اخر لو استعمل التصميم
حق ان يطلب من العميل نشر مايراه صالحاً للنشر ولا يضره

ماذا لو كان ذلك غير مريح للطرفين
هنا يتم الاتفاق على عدم الأتفاق واحترام رغبة الطرفين والإنسحاب بكل هدوء دون انتقاد احدهم للآخر فالعميل له الحق أن يحافظ على ماقام بتصميمه من النشر فربما لديه منافسين قد يسرقوا افكاره

والمصمم له كل الحق ان يطالب بمبلغ اضافي نظير ملفات العمل الاصليه او كما نسميها التصميم المفتوح فربما يكون بملفاته منح الفرصه لغيره ليعمل على الملف دون مجهود .
وفي الحقيقه انه يمكن التعامل مع تلك الامور بمرونه وحسب الموقف فاذا كان العميل لديه سمعه طيبه وتعامله مع المصمم من البداية طيب وغير مرهق ثم فاجئك بطلبه للملفات الاصلية فيمكن للمصمم ان يقدمها له دون مقابل خاصة اذا كان يريد الملف لاجراء تعديلات مستقبليه عليه بسيطة وهذا الموقف قد حدث بالفعل مع احد عملائي طلب الملف فقط ليعدل عليه شهادات او خبرات سابقه لأن كان اشبه بسيرة ذاتيه واعطيته الملف دون تكلفة اضافية لأنه كان طيب المعامله واحسن التقدير المالي للمشروع

والمصمم يمكن ان يتجاوز عن نشر التصميمات اذا رفض العميل نشرها ويطلب منه فقط مايمكن نشره مثل لوجو او برشور او ماشابه اما اذا رفض تماما فاحترم رغبته ويمكنك العمل على مشروع افتراضي مشابه له خاصة لو اول مره تقوم بالعمل في تصميم كهذا فلو على سبيل المثال اول مره تتعامل على company profile فيمكنك عمل مشروع وهمي شبيه مع ازالة البيانات وكافة التفاصيل التي توحي انها لعميلك وكذلك تغيير بعض الالوان

وهكذا يمكن ادارة الامر وحله بين الطرفين فلا تنسى أن العلاقة بينك وبين عميلك قد تكون مستمره فلا تخسره وقد يرشحك لعملاء اخرين فيوفر عليك اعلان وتسويق لنفسك فكن حريص على عميلك
وانت عميلي العزيز المصمم ليس مجرد اداه بل هو روح وعقل ومجهود واسعد لحظة في حياته ان يعرض انجازاته في مشروع ما فكن واضح معه منذ البداية واشرح له الامر ببساطه واحرص على رضاه .

تسمح لي اخد ملفات العمل ؟؟
تسمح لي انشر الشغل اللي عملته لحضرتك على البيهانس /البروفايل الخاص بي؟؟
سؤالين مهمين جدااا في الاتفاق علي الشغل مع العميل علشان تكون الأمور واضحه من البداية
فيه مصممين بيرفضوا يدي العميل ملفات العمل الأصلية الا لو دغع مبلغ إضافي وفي ممكن يدي الملفات بكل سهوله وفي منهم بيرفض تماما ..
نفس الأمر في عملاء بتسمح انك تنشر شغلك معاها وعملاء تقولك اسف مش هينفع لأسباب خاصه بيه وبشغله ومنافسينه .
لو الامر مهم بالنسبة للطرفين فيجب أن يكون الاتفاق من البداية لو انت كعميل عايز ملفات العمل الأصلية وضح للمصمم من البداية مش تستنى لما يخلص الشغل وتقوله فتتفاجئ برفضه أو أنه بيطلب مبلغ إضافي ..
ولو انت مصمم ومسألة نشر الشغل مهمه عندك اسال العميل من الاول هل شغلنا ده متاح للنشر عشان متشتغلش وبعدين تتفاجئ برفض العميل لنشر الشغل .
لو عايزني اقول لك الحل انتظر البوست القادم

انا عايز مصمم يفهم دماغي 🙆🙆🙆🙆
حق العميل أنه يلاقي اللي يترجم أفكاره لتصميم
وحق المصمم برضو أنه ميتوهش جوه افكار العميل اللي المفروض تكون واضحه مش هقول مرتبه لأن اللي عنده افكار كتيررر ممكن متكونش مرتبه وده دور المصمم أنه يرتبهاله ويستخرج منها فكره تناسب البراند بتاعه ...لكن المشكلة الحقيقية اللي ممكن يقع فيها الاثنين أن العميل أفكاره متكونش واضحه ولا فيهم فكره مناسبه للبراند وان المصمم يصمم أنه يفهمه .. من هنا تيجي الفجوة ..
وطبعا بالنسبة لأي مصمم خاصة لو مبتدئ هياخد الموضوع تحدي عشان يثبت لنفسه أنه قادر يعمل شغل ويرضي العميل وهيجي كتير على نفسه والعميل مش هيكون راضي وممكن يوصل لمرحلة يقوله فيها تمام لأنه هو مش عارف هو عايز ايه والمصمم بيحاول يعمله اللي عايزه بس مش فاهمه وتخلص الحكاية على كده .
طيب ايه التصرف الصحيح هنا ؟؟
بالنسبة لحضرتك كعميل اعرف انت عايز ايه وجهز نماذج تشبه اللي انت عايزه
وبالنسبة لحضرتك كمصمم لو لقيت نفسك تايه مع العميل لأن العميل أفكاره مش واضحه اطلب منه النماذج اللي تقرب الفكرة واختار منها ما يناسب البراند بتاعه ولو ملقتش فيهم وضحله انت بنماذج عشان الأفكار تتقرب ولو ليك في الاسكتشات والرسم ارسم له علشان الأمور تكون سهله عليه وتسهل عليك شغلك
العلاقة بينك وبين العميل علاقة بصرية قائمه على الصور والتخيل وهي دي اللي هتقرب الأفكار بينكم علشان تقدر تفهم دماغه وتترجم افكاره لصور أو لوجو فخليك دائما حريص على وجود نماذج تقرب الأفكار ...

ديزايني
لتصميم الجرافيك
تهنئكم بعيد الفطر المبارك 2026 وتقدم بهذه المناسبة تخفيضات على اعمال تصميم (بوستات السوشيال ميديا - اللوجو - تنسيق الكتب - تصميم الأغلفه - الكروت الشخصيه )
مع خصم خاص على أعمال البراندنج الكامله
انتظرونا
العوده قريبا بأعمال جديدة وقويه ومواكبه لعصر الذكاء الاصطناعي