Soha therapy

ممتنة جدا اني اكون من ضمن فريق كليه التربيه الفنيه لتنفيذ المبادره بالتعاون مع مجلس رئاسة الوزراء. شكرا جزيلا الاستاذه الدكتور فاطمة بدوي بكليه التربيه الفنيه و الدكتورة سهام شاكر بكلية التربية الفنية علي الدعوه للمشاركة في هذه الفعاليه المهمه .
سها العقباوي

امبارح كان اول درس للاطفال ان life is unfair!

و ان مش كل مره الخير و العدل بينتصر زي قصص قبل النوم !
و ان مش كل قدوه قدامنا هو يستحق التصفيق و الهتاف..

عادي تتعب و تعمل الي عليك فى شغل، رياضه ، حتجيب اخرك
وحد تانى ممكن يكسبك بظلم وبمؤامرات ومكائد هياخد حقك وتعبك 🥺

و مش كل كسبان ، كسب بشطارته و ذكاءه و حرفنته ..

عادى هى دى الحياة .. دار بلاء .. وليست دار جزاء ..
" إنما تُوفون أجوركم يوم القيامة " يعني مش لازم نستناه في الدنيا …

بس لازم تفضل تسعي و تقوم اقوي بعد ما تقع و تؤمن بنفسك

خسرنا ماتش في دور مكناش متوقعين نوصله .. لعبنا مانش تاريخي و الي حصل ده يدل اننا خوفنا و هزينا ثقه اهم لعيب و فرقه عالميه و فضحنا فساد منظومه كامله قدام العالم كله … خرجنا بعزتنا و بكرامتنا و فريق بيشهدله العالم 🌍

و ده دورنا في الحياه " السعي " و ليست " النتيجه " !

عايز تعرف يعني إيه طفل متربي؟ احكيلك اللي حصل امبارح...

امبارح كنت بتفرج على الماتش مع عيلتي، وأول ما الماتش خلص، الأطفال يا حبايبي جالهم انهيار وعياط... زعلانين أوي.

بس لفت نظري واحد فيهم قاعد، باين على وشه حزن... بس معاه هدوء شديد.

فافتكرته كابت مشاعره ومكسوف يعيط أو يزعل، فنكشته وبقوله:

"معلش إننا خسرنا."

قالي بمنتهى الهدوء:

"لا... إحنا كسبنا."

قلتله:
"إزاي؟"

قاللي:
"ما إنتِ شفتي بنفسك الحكم عمل إيه."

قلتله:
"بس الحكم كان متحيز."

قال:
"عادي... في ناس كتير زيه كده في العالم."

التقبل والنضج اللي عنده وهو مكملش 10 سنين... يُدرس بصراحة.

ودي مهارة اسمها Judgment Skills.

وهي قدرة الإنسان على الحكم على الأمور من منظور القيم والحق، ويستخدم القيمة المناسبة للموقف، وده يخلي الشخص يتصرف بحكمة حسب الموقف اللي بيتحط فيه.

فمنلاقيش واحد في موقف فيه ظلم يتعاطف مع اللي بيعيط أكتر.

ولا يسيب حد حرامي عشان غلبان.

ولا يبقى خايف على مشاعر شخص مؤذي، وخايف يحسسه بالإحراج وهو بيتجاوز معاه.

ولا يضغط على نفسه عشان يسامح في حقه وهو لسه بيتنتهك.

العيال دي مش بتتربى بالزعيق، و"اعمل كذا يا ما هنعمل ونسوي".

ولا بتتربى على المدح: "إنت أحسن منهم."

دي بتتربى بوعي.

لما أهاليهم بيشوفوهم اتصرفوا غلط، أو زعلانين عشان حكموا على حاجة بشكل مش متزن، بيعرفوا إن دي فرصة لازم يستغلوها، بدل ما يعدوها بشخطه أو أمر مع تبريقة.

بيسيبوهم يقولوا كل اللي مضايقهم، ويسمعوهم باهتمام وحب، حتى لو وجهة نظرهم مستفزة.

بيقولولهم إنهم متفهمين مشاعرهم، وفهموا ليه هما غضبانين أو زعلانين أوي كده.

وبعدين يقولولهم إن عندهم وجهة نظر تانية، ويشرحولهم ليه هما مختلفين معاهم.ويقولولهم مشاعرهم ناحيه اللي حصل هما كمان

وفي الآخر بياخدوا معاهم قرارًا مشتركًا.

لا بيسيبوهم يقرروا لوحدهم، ولا بيجبروهم على قرار.

قرار مشترك فيه احترام لوجهتي النظر.

فده اللي بيخلي الطفل وقت الخناق، والخلاف، والمشاعر القوية... ثابت انفعاليًا، ومتفهّم، وبيحكم عقله، مع كل الاحترام لمشاعره.

عنده حزن وإحباط... بس ما فقدش منظوره المتزن للأمور.

لأنه ببساطة... بيقلد أهله الناضجين.

اللي رغم إحباطهم من كلامه او تصرفاته بيتصرفوا بهدوء وتفهم، ويتكلموا، ويدوا وقت لمخه يستوعب ويفهم.

فيبقى مخه بيتصرف كده بشكل تلقائي...

من غير مجهود.

لأن ده بقى عادة.

الأهل دول مش ملايكة، ولا مثاليين.

بس هما قرروا يتعلموا إزاي يربوا طفل قوي الشخصية... مش طفل مطيع.

وخدوا وقت، ووقعوا، وقاموا كتير أوي لحد ما ظبطت معاهم.

لأنهم جايين من نفس الثقافة اللي ربت على الكبت، و"سمع الكلام من سكات".

بس هما اختاروا يغيروا... ويصلحوا في أسرتهم.

أعرف منهم آلاف الأسر.

وكل ما بقابل ولادهم، بشوف أثر التحول في شخصية ولادهم، والهدوء، والحب، والاحترام، والتقدير اللي رايح جاي بينهم.

فبجد... من قلبي شكرًا لكل أسرة اختارت تربي طفل عنده شخصية... مش طفل مطيع.

طفل مش ماشي مع القطيع.

طفل قائد.

فالأمة تحتاج إلى القادة.

إن الاكتئاب اضطراب طبي قابل للعلاج وليس خطأ المريض، يعزز لدي المريض الامل في التحسن. فاليأس، وهو عرض اكتئابي خطير قد يكون مهددًا للحياة، يؤدي إلى تشويه التوقعات الإيجابية لمسار المرض. وكثير من المرضى المكتئبين ينظرون إلى اعراضهم والصعوبات التي يواجهونها على أنها فشل شخصي أو عيب أو ضعف في
لشخصية.
لذا تعريف الاكتئاب كاضطراب طبي لا يستوجب اللوم مما يساعد علي مقاومة مشاعر الذنب والنقد الذاتي لدي المريض.

أهم قواعد CBT ..... التحرر النفسي

في العلاج المعرفي السلوكي (CBT)…
لا نتعامل مع الألم كعدو بل كرسالة تحتاج أن تُفهم.
وهنا تبدأ القواعد الحقيقية للتغيير:

1. غيّر الفكرة… يتغير كل شيء بعدها
ليست مشاعرك هي التي تقودك… بل أفكارك.
حين تغيّر طريقة تفكيرك، يتبدل شعورك تلقائيًا، ويتغير سلوكك دون إجبار.
القاعدة: اضبط الفكرة… يتظبط الإحساس… فيتعدل التصرف.

2. الحدث لا يؤلمك… تفسيرك له هو ما يفعل
نفس الموقف قد يمر على شخصين…
أحدهما ينهار، والآخر يتجاوزه بهدوء.
الفرق ليس في الحدث… بل في المعنى الذي أعطاه كل منهما له.
القاعدة: لا تصدق الانطباع الأول… راجع تفسيرك.

3. ليس كل ما يخيفك… حقيقي
العقل أحيانًا يبالغ في توقع الأسوأ،
فيحوّل احتمالًا ضعيفًا إلى كارثة مؤكدة.
وهنا يولد القلق من أفكار… لا من واقع.
القاعدة: اسأل نفسك: هل هذا احتمال… أم يقين؟

4. الفكرة السلبية لا تُكسر بالتجاهل… بل بالمواجهة
كلما هربت من الفكرة، زادت قوتها.
وكلما ناقشتها وواجهتها، بدأت تضعف.
القاعدة: ناقش أفكارك… لا تهرب منها.

5. عقلك قد يقول أي شيء… وليس مطلوبًا منك تصديقه
وجود الفكرة في رأسك… لا يعني أنها صحيحة.
أنت لست أفكارك… أنت من يختار أيها يصدق وأيها يتجاهل.
القاعدة: افصل بين “الفكرة” و“الحقيقة”.

في CBT…
التغيير لا يبدأ من الظروف… بل من الداخل.
من فكرة صغيرة… قد تغيّر شعورًا…
وشعور قد يغيّر حياة كاملة.

أتوجه بالشكر للفنان دكتور/ سامي ربيع
اشكر حضرتك علي هذه الرحلة الفنية المفيدة التي لم تبخل فيها علينا باي جهد او معلومة 🌹🌹💥

رحلة اكتشاف الذات عبر خيوط المكرمية.. أكثر من مجرد "فن" 🧶✨
هل جربت يوماً أن تفرغ ضغوط يومك في عقدة خيط؟
لطالما كان "العلاج بالفن" نافذة نطل منها على أعماقنا، ولكن حين يمتزج الفن بمهارة يدوية ملموسة مثل "المكرمية"، تتحول النتيجة من مجرد قطعة ديكور إلى "جلسة تفريغ نفسي" متكاملة.
لماذا المكرمية تحديداً؟
فن المكرمية يعتمد على التكرار والإيقاع، وهذا النوع من العمل اليدوي يمنحنا فوائد نفسية مذهلة:
حالة الـ Flow (التدفق): التركيز في حركات اليد المتكررة يجعلك تدخلين في حالة من الصفاء الذهني تشبه التأمل، مما يقلل بشكل ملحوظ من مستويات التوتر والقلق.
تنمية الصبر والمرونة: كل عقدة تعلمك أن الإنجاز يحتاج لوقت، وأن الخطأ قابل للفك والإصلاح، وهو درس قيم في التعامل مع ضغوط الحياة.
تعزيز الثقة بالإنجاز: لا شيء يضاهي شعور الفخر عند تحويل خيوط بسيطة إلى قطعة فنية متكاملة من صنع يديكِ.

https://www.facebook.com/share/1PmJ7oQH1J/?mibextid=wwXIfr

https://youtube.com/-?si=xdW6cOq89m2DBKGB